yuchiro的個人專頁

同一位好耐無見嘅朋友出黎食飯，訂左佐敦的Pizza Max Bistro，見網上好評如潮，相又吸引，就決定食呢間。晚上七點多來到，幾乎全店滿座，好彩訂左枱😝⭐卡門伯特芝士 Camembert Cheese先來份頭盤小食炸芝士，芝士奶味香濃，炸得酥脆，內邊軟綿嫩滑，口感好正😋配上香口蒜蓉包，仲有小紅莓點醬😋⭐薯仔辣羊肉 Lamb Vindaloo 再來是印式咖喱羊肉薯仔，用上多種香料入口味道相當有層次，挺辣的但配上原味烤餅就剛剛好，羊肉炆得軟腍，薯仔入味，好食到一啲醬汁都無淨😆⭐白烤餅 Plain Naan配咖喱的良伴，煙韌有口感，即烘的熱辣辣啊～⭐烤雞肉薄餅 Chicken Kebab Pizza最後就點左手工薄餅，即叫即烘製作需時。餅底很薄很脆，雞肉嫩滑，最正係多芝士同多醬汁，蒜香蛋黃醬、薄荷醬、辣醬都好好味😍餐廳好受歡迎，建議預先訂坐，是晚店內有港人、內地遊客、外國遊客等，同時間聽到多國語言真係幾有趣😎…

是晚食左間隱世台灣菜，點解咁講？因爲佢門面係咖啡店，望真啲發覺有珍珠奶茶，再睇睇餐牌，有滷肉飯、牛肉麵等，咁得意就試下佢。小店肉qr code落單，發覺好多野都賣晒🥲好彩想食嘅仲有啫。⭐手工雞絲滷肉香腸拌麵拌麵醬汁調得唔錯，麵條有咬口，雞絲滷肉都下得多，呢碗麵勁多肉😆⭐宜蘭紅燒牛展麵湯頭好濃鬱，鮮味微辣幾正，牛展炆得軟腍，好食👍⭐秘製炸豆腐老板送嘅😆我地點嘅係鴻禧菇，但佢炸錯豆腐，送比我地食喎。豆腐外脆內嫩，辣醬惹味，正。⭐酥炸鴻禧菇 & 溏心蛋菇菇炸得水嫩多汁，加左香料同鹽調味，作為小食真係唔錯。另外喺碗麵度加咗溏心蛋，但原來佢係分開上，好流心好正啊。⭐鹽酥雞呢個真係有少少失望，估唔到啲雞件咁大件，食落去味道比較淡唔太“鹽酥”，但至少炸得香口嘅，而且加咗蝦片好得意，當普通炸雞食合格有餘😝⭐百香果三響炮 & ⭐芝士奶蓋高山幽蘭食台灣野就飲杯台式飲品啦，雖然佢嘅咖啡都好吸引😆百香果叫左少少甜，口味啱啱好，好有果香，仲有蒟蒻同椰果增加口感。另一杯要左清茶加芝士奶蓋走甜，芝士奶蓋鹹香綿滑好正，茶底清香好好飲🤤小店原來收八點，下次要早啲嚟唔好阻人收工啦😝…

母親節前夕訂咗枱同家人慶祝一下，揀咗校長燒肉嘅校友會雞煲，佢新開嘅雞煲可以無限加雞，食完雞仲可以打邊爐，當然出面自助區嘅嘢都係任飲任食啦。母親節前夕$248一位，包雞煲、火鍋、刺身、點心、自助區、甜品任食，飲品區有花茶、啤酒、汽水、清酒、梅酒、水果茶等，真係應有盡有。入坐即送八小碟頭盤，個人覺得辣雞翼尖同酸青木瓜絲幾正，牛肉滑同鯪魚滑爽口彈牙，海蝦鮮甜，牛肉片嫩滑。之後返叫嘅任食肥牛都唔差，兼落單麻煩都可以去自助區夾😋雞煲入味，雞件肉多骨少，無限加雞真係好吸引。哈哈，隔離枱起碼加左四次雞😝食完雞就加湯打邊爐，雞煲汁加湯已經好濃味，嫌唔夠可去醬料區調醬。入坐送嘅1L水果茶，好大杯，甜甜酸酸好飲！如果四位以上送4L裝，成個水桶咁大杯😆最後梗係食埋甜品，雪糕、雪條、布甸、啫哩杯、仙草涼粉、芝麻糊，多到數唔晒，仲唔夠？可加$10 movenpick 任食添呀🤪埋單個陣真係飽到上心口😝嘩嘩，原來樓下好多人等位，好彩一早訂左枱啫。…

紅磡谷友介紹新開張台式小店，見順路今晚就過黎試下。店門口都幾黑唔太顯眼，好在有熟路街坊帶路😆小店約十幾個位，入到去有客食緊，餐點望落唔錯喎。⭐秘製豬頸肉飯朋友點左豬頸肉飯，即叫即煎，煎得外面焦香，肉質肥美香口，一碗份量都幾多👍⭐香醋菠蘿豬軟骨飯自己點左豬軟骨飲，用黑醋汁炆的，炆得相當軟腍，軟骨位都唔使點用力咬㗎，入口酸酸甜甜幾特別，仲有一圈菠蘿，即刻個賣相靚晒。⭐麻辣珍珠餃麻辣汁正！珍珠餃一口一隻，嬌小可愛😆⭐生煎鍋貼鍋貼煎得香脆，有附上辣醬的，但個人較喜愛上邊個麻辣汁，哈哈，一齊點唔好晒。⭐千層胡椒拉餅 & ⭐千層紅豆拉餅仲叫左拉餅，朋友想食鹹，自己就想食甜，咁叫晒兩塊啦😆前得香脆，油酥感十足。⭐薏米水 & ⭐夏枯草小店有健康飲品揀，薏米水好濃味仲勁多薏米。是日涼茶係夏枯草，微甜啱口味。叫左好多野食得好飽，味道唔錯價錢親民，小店加油💪…

放工又到左公司附近的米線芳華食野，鍾意佢個湯底啱口味，份量亦比另一連鎖品牌大碗😋坐低即刻用qr code落單，咦咦～多左新野鮮肉餃子喎😋⭐四川麻辣湯米線點左麻辣湯要小麻小辣，餸就點左麻辣餃、魚皮餃同牛丸🤤呢個湯底嘅麻度同辣度都啱我，大大啖連湯都飲埋。麻辣餃都幾好食，肉鮮帶麻辣感覺，大大隻夠飽滿，下次單點一碗餃子先🤤⭐麻辣蕃茄湯米線朋友就點左麻辣蕃茄湯，麻辣得黎又帶酸味，但呢隻酸味又同酸菜唔一樣，都幾好味喎，等我下次都試下呢個湯底先🤤佢係食肉獸，餸就揀左腩肉同肥牛，腩肉厚切肥瘦間隔，正🤤⭐口水雞仲叫左口水雞，雞件嫩滑口水汁香口，下層的青瓜爽脆，正！⭐炸墨魚棗炸物即叫即炸熱辣辣，墨魚滑彈牙，點下口水汁仲正😆⭐楊枝金露朋友不喜甜話唔試，我覺得飲嘅楊枝金露幾正喎，酸酸甜甜，西米同芒果肉有口感，飲一杯好飽㗎🤤呢間米線真係好啱口味，幾時先開分店呀？…

唔講唔知雞地開左間新麵店，是晚行過見到先知，新店叫夏記粉麵。除左麵食，仲有小食同飯食。有十幾二十款麵食，諗左好耐先落單，哈哈，選擇困難呀😂⭐腩肉米線先來碗腩肉米線，好大碗，勁多腩肉同冬菇，炆得好入味，勁好食喎。米線爽口彈牙，湯頭微辣幾惹味，正！⭐新鮮豬雜米線另外叫左豬雜米線，湯底本身唔辣，入口係濃濃的豬骨味。仲附上一碟蒜蓉辣椒，鹹鹹辣辣好正。豬雜有豬心、豬腰、豬潤、豬肉，爽口鮮味。好好味，湯都飲晒唔好晒🤤⭐蒜香雞翼併滷蛋飯仲叫左碗飯試試，有三隻雞翼同一隻滷蛋，雞翼煎得香口，入口重蒜香味。滷蛋滷得入味，滷水汁香口。⭐涼拌豬耳又叫左份小食豬耳，意外地大碟喎。有紅蘿蔔絲、青瓜絲等同拌，入口清爽有口感，好味😋⭐凍檸茶 & ⭐可樂食辣野就梗係要飲凍飲，呢間個凍檸茶茶底好特別，味道有啲涼茶feel，又幾得意喎😆好味好味，食飽飽好滿足。…

假期到了啟德新地標行下，啟德零售館有三期，食店確實唔少，轉了一圈決定食“茶東西”。店內幾濶落，環境不錯。兩點多來到，午餐還供應，亦快有下午茶了，心大心細唔知點咩好添。⭐雙色芝士咖哩牛腩煲仔焗飯朋友先點了一個咖哩飯，原個煲仔焗，上面嘅芝士香噴噴，而下面嘅飯亦有飯焦嘅焦香，咖哩汁唔辣的，牛腩軟腍，飯炒底，整體唔錯喎。⭐北海道男爵薯餅跟餐加配嘅薯餅，以為一份得一塊，原來一份係兩塊嘅😋即叫即炸外脆內軟，有薯仔香，好好食。⭐茶記鹹牛肉炒蛋熱狗配德國薯仔沙律再嚟叫咗個熱狗包，上面嘅炒蛋又嫩又滑勁正喎，條腸仔仲有芝士拉絲添🤤薯仔沙律個人覺得偏淡，可以落返少少黑胡椒調味。⭐芝士安格斯牛肉漢堡配美式炸薯角另外點咗漢堡包，入面夾住牛肉漢堡扒、蕃茄、生菜同芝士，醬汁係千島醬，咬落多汁又鮮味，好食喎🤤差唔多全場嘅人都係嗌漢堡包下午茶餐，睇下佢幾受歡迎就知好食啦。⭐雪糕西多士最後就係share食嘅雪糕西多士，西多士厚身，中間夾咗吉士醬，上面仲淋咗大量朱古力醬，加埋溶咗嘅雪糕又香又甜好好食。不過都真係幾甜，個人建議兩個人以上share食會好啲😆⭐凍檸樂 & ⭐即磨咖啡凍檸樂係原罐上加檸檬冰底，即磨咖啡啡香奶滑，好飲！食下野傾下偈，再去新場館打個卡先😎…

是晚又來到街坊價良心外賣店尋味買晚飯，一家四口子點左三份炒野加兩樣小食，由於外賣人數眾多，店家話要等等先有，可以到附近商場hea一hea先返黎拎。大概半個鐘左右就有啦，拎上手熱辣辣，啲雞翼香到現場就想啪一隻🤤⭐招牌炒米粉必食炒米粉，炒得又香又乾身，放漏左都唔會一盒油！大盒又足料，好多餸一齊炒㗎。⭐咸魚雞粒炒飯想食重口味就要點咸魚雞粒炒飯，同樣勁香，鹹魚落得多勁惹味，好正！⭐揚州炒飯因為鹹魚太香，最後先打開盒嘅揚州炒飯就無咁香🤣鹹鮮霸度嘛。揚州炒飯絕對唔差，甜叉燒小朋友勁鍾意食。⭐手打牛肉餅呢樣又係無得輸，真材實料牛肉餅，爽口彈牙好好食。浸住嘅豬骨湯重蒜重芫茜味好正，湯都唔晒飲哂呀。⭐炸雞中翼即叫即炸雞中翼，大隻又香脆，食落有啲似越式牛油雞翼，總知就係正啦🤤不得不提個辣椒醬，超辣！爽！四口子都食唔晒三盒炒野，留低帶飯聽日食唔好晒😆…

是晚來到形點的堅信號食晚飯，同朋友選了靠後的一張二人枱坐，店內客人唔少，幾乎全店滿坐。用qr code落完單就慢慢等食，意外地上菜快喎，一落完單就有得食😆⭐蟲草花花膠雞配白飯自己點左份暖心湯飯，雞件很多花膠數塊，味道還可以，撈飯食唔錯呀。⭐秘製豬扒菜飯再來有豬扒飯，個豬扒甜甜地，有啲似叉燒嘅感覺，菜飯香口，幾正。⭐鹵水溏心蛋 & ⭐涼拌小雲耳手拍青瓜溏心蛋綿綿滑滑好食，青瓜雲耳酸酸地夠開胃。⭐堅信號生煎包最期待的生煎包來了，熱辣辣咬落爆汁，小心食呀呢個又香又脆又鮮味，真係無得輸😋⭐灌湯小籠包小籠包又係正，皮薄餡鮮又多湯汁，好食。⭐蕉氣十足包仲叫左呢個造形好真實嘅香蕉包，個樣真係勁似bb蕉😆聞落好香蕉味，入面仲有甜甜嘅餡，得意又好食。⭐凍豆漿 & ⭐熱茉香綠茶飲品都幾多野揀，凍飲加三蚊都合理啦。食唔晒包走左，聽晚加餸啦。…

是日到淘大買野，順便食下野，見轉灣位間餃子爺爺勁多人等位，就試下佢先。全店滿座兼好多外賣員，熱鬧非凡😆餐牌選擇甚多，點左幾樣野，幾十蚊起，價位親民。⭐京醬雞絲拌麵點了份拌麵，京醬鹹鹹甜甜又幾好味，麵條彈牙。⭐四川擔擔麵仲有擔擔麵，好大碗，上枱時超熱。湯底重蒜同欠花生醬味，同平時食開的口味有點不同，微微辣都幾好味。⭐京蔥牛肉餃 & ⭐西洋菜鮮肉餃跟麵加餃子有優惠價，要了牛肉餃同西洋菜餃。前者京蔥香口，後者西洋菜爽脆，兩款都好食🤤而且餃子好大隻哦～本身想試下芫茜餃，但朋友不喜，留下次自私食先。⭐醬牛肉再加左兩拌小食醬牛肉，牛展切片炆得入味軟腍，口感唔錯又好食。⭐麻辣手撕雞仲有麻辣手撕雞，同朋友個雞絲拌麵差不多，但呢樣用麻辣醬，更香口惹味，正👍⭐山渣茶 & ⭐凍奶菜跟餐仲有飲品，要左山渣茶同凍奶茶。山渣酸酸甜甜好解膩，奶茶則要左少甜都好甜，哈哈，下次都係走甜啦。無加一，野食好味份量又大，抵食喎👍…

有冇人統計過西九個美食廣場有幾多間食店？8樓呢層真係百花齊放，幾乎咩菜式都有得食。是日去咗朋友推介嘅樂樂韓式豬手，朋友一向愛食韓國菜，佢話呢間啲嘢好食喎。⭐原味豬手豬手有幾款口味，個人本身想試個辣味嘅，不過朋友唔食辣，咁就叫半份原味。豬手而去骨，滿滿一兜都係豬手肉，炆得相當軟腍，入口好有膠質，個豬皮膠質重到有黏口嘅感覺，調味同口感都啱口味喎🤤⭐炸醬炒年糕公仔麵跟住有炸醬炒年糕跟公仔麵，入面有韓式魚糕同椰菜等配料，年糕煙煙韌韌有咬口，公仔麵淋淋地份量勁多，炸醬鹹鹹甜甜幾好味，不過食到底醬汁太多，有少少鹹。⭐芝士泡菜飯卷韓式飯卷又係朋友至愛，今次叫咗芝士泡菜口味，飯卷入面包住多款醃蔬菜鹹香爽脆，芝士帶奶香，泡菜小酸微辣，小小嘅飯卷同時帶有多款味道，正😋⭐醃椰菜除豬手附送嘅醃椰菜，食咗咁多重口味嘢，食返個酸酸哋嘅椰菜中和下😆⭐檸檬茶小店只有紙包飲品同罐裝飲品，揀咗好耐冇飲過嘅陽光檸檬茶😆好多肉同澱粉質嘅一餐，食飽飽好滿足～…

是晚到咗大角咀的粉紅越叫外賣，小店新開張已經好受歡迎，價錢貼地親民，選擇款式仲唔少添。落單後即叫即制，大概要十零分鐘先至有得拎，拎上手熱辣辣㗎。⭐蕃茄蟹肉湯檬先來一份店主推介嘅蟹肉湯檬，蟹肉真係唔少，蕃茄湯底酸酸甜甜微微辣，幾好味喎，配料有豆卜、扎肉、肉碎等，檬粉清爽又咬口，正😋⭐惹味咖哩豬頸肉太陽蛋飯自己要咗個豬頸肉飯配咖哩汁，豬頸肉煎得焦香，太陽蛋有蛋汁撈飯🤤仲有蔥油同甜豉油，白飯係粒粒米，有飯香軟硬適中。咖哩如同佢招牌所講真係幾惹味，微微辣帶香料香，仲有炆淋咗嘅薯仔，送飯一流🤤⭐辣無骨鳳爪加咗一份小食無骨鳳爪，酸酸辣辣咬落又爽又脆，無骨真係好方便食，一啖一件好正。⭐拉椰糕最後仲有甜品拉椰糕，煙煙靭靭有椰汁香，微甜啱口味喎。⭐白桃烏龍茶 & ⭐香茅茶跟餐有白桃烏龍茶同香茅茶，如果唔啱飲都可以加錢轉汽水，白土烏龍茶係無糖嘅，香茅茶就少少甜，兩樽都好飲喎。店家話佢哋社交平台會每日更新餐牌，想食咩可以預先上社交平台度睇定㗎。…

是日來到長沙灣的蘇山雞飯食晚飯，見到店名就梗係要試佢地嘅招牌雞飯啦，仲有出名嘅鮮油多士🤤坐低後即刻掃code落單，叫主食加配小食飲品等有優惠價，咁抵叫多啲野食先，呵呵🤭⭐獅城芽菜走地雞配油飯雞件嫩滑鮮味，芽菜吸了雞油好香甜，加上香噴噴嘅油飯真係食得好滿足🤤⭐雞雜冬瓜湯跟餐送的雞雜湯，冬瓜清甜雞雜鮮味，勁好飲！⭐海南豬扒喇沙摻摻另外仲叫了喇沙，豬扒香脆有香茅香，喇沙湯好濃好好味，微微辣又帶奶香，好味到湯都飲晒😆⭐鮮油咖央多士熱烘烘的多士配上冰凍鮮牛油，咬落爆漿，牛油鹹味同咖央嘅甜味同時湧現，好食到無野講。呢樣一定都出新鮮食，凍左就大打折扣了。⭐馬拉盞椰菜苗最後少食蔬菜便叫左一份，椰菜苗爽脆，馬拉盞炒都幾有辣勁，正。⭐凍椰奶 & ⭐仙草椰奶冰朋友同自己都不約而同揀了椰奶😆貪佢香甜嘛～⭐特濃薄荷朱古力雪糕 & ⭐馬六甲椰子雪糕最後就係甜品，跟餐有半價太抵了，兩款口味都要了，估唔到一客竟然有三球！正！好滿足的一餐，樣樣都好食，朋友無介紹錯。…

雞地食街成日嚟，但旁邊呢條小巷就比較少入去了，是日見谷友介紹有間麵店叫麵麵俱到，賣相唔錯，價錢又唔貴，一於嚟試下佢。店內只有一張長枱，約十個位左右，八點多來到都全店滿坐，等左陣先有位㗎。估唔到咁難搵嘅店舖位，都咁多人識嚟。⭐醬油慢煮豬軟骨配脆脆豬皮豚骨湯烏冬+溫泉蛋朋友點咗豚骨湯烏冬，見呢款烏冬冇溫泉蛋，於是就加咗一隻。上面有幾大件豬軟骨同埋唔少豬皮，十分豐富。豬軟骨炆得軟淋，豬皮又香又脆，豬骨湯底濃厚，烏冬煙韌，加上滑滑嘅溫泉蛋，真係好好食喎😋⭐溫泉蛋牛肩胛壽喜燒湯麵自己就揀咗壽喜燒湯麵，上面鋪滿牛肩胛肉片，有溫泉蛋，旁邊仲有唔少配菜，望落真係食香味俱全，顏色吸引。麵條爽口彈牙，壽喜燒湯底甜甜地同牛肩胛肉好配，好食到湯都飲曬👍⭐升級套餐兩碗麵都轉咗升級套餐一個要咗和風沙律，另一個就係唐揚炸雞，轉做餐有小食又有飲品，抵啲呀嘛。⭐椒鹽炸雞軟骨另外朋友仲叫咗款小食炸雞軟骨，炸得好香口，雞軟骨喔喔脆，好食喎🤤⭐津路烏龍茶 & ⭐波子汽水朋友戒甜就揀咗烏龍茶，自己就揀咗童年回憶嘅波子汽水，真係有好幾年冇飲過了。食咗咁多嘢都係人均消費100蚊左右，抵食啦😋…

西九真係好多野食，成日黎都試唔晒，是日又見到有新店開張，叫獨木橋麻辣燙，有幾款湯底都唔少餸揀，試下佢先。寫完單四圍望下先，發覺位與位之間檔主貼心地提供充電線，手機正好低電量，叉叉電先😆⭐招牌紅油麻辣湯先點碗麻辣湯試試，要了粿條、海帶結、紫菜、招牌春卷、美國特級肥牛，四餸粉😆粿條比想像中幼身，吸左辣湯都幾好味。春卷咁粗身嘅🤪仲以為會係南x個種。湯底要少辣都幾辣下，少少麻重辣都幾惹味。⭐農家酸菜蕃茄湯朋友試蕃茄湯，就要左湖南常德粉、潮汕墨魚餅、黃金海苔響鈴、順德魚腐、花枝丸，都係四餸😆常德粉即係米線？滑滑地又彈牙，都幾吸湯添。湯底少少酸，酸味中有酸菜味同蕃茄味，再要左小辣，酸酸辣辣都幾正同，我見朋友連湯都飲晒，即係好啱佢口味啦😋⭐凍葡萄烏龍茶飲品暫時只有葡萄烏龍茶，凍凍地又甜甜地，解辣一流。檔主一人又煮又洗又收銀好忙，支持下佢啦，加油💪…