國慶假日想到西貢嘆個悠閒早茶,點知食到咩放假mood 都冇晒添......本想坐出面睇海景, 未坐低就有個職員「行過」咁講: 「幾位呀? 出面d 檯最低消費450呀!」(其實又唔係帶位又唔係招呼, 純粹好似叫你唔好坐咁) 2個人點飲450蚊早茶......所以死死氣坐入面啦~食物同一般酒樓差唔多, 2個人叫左8碟, 食晒等左好耐都冇魚雲, 問之下職員先話:「今日冇魚雲呀。」咁落單嗰時又唔講......基本上全程冇招呼, 亦唔敢勞煩佢地招呼, 因為全程聽到職員同d 食客嘈, 又話唔俾轉位、又話d客揀位麻煩......食物黎到成棟放低就走左, 零招呼~外面環境係靚, 食物正常, 冇招呼都唔係問題, 但職員成日同食客嘈, 態度唔憂做, 講來講去都係:「假日多人, 叫你咁就咁, 唔好咁多要求, 一係唔好食。」好似俾左錢去睇人面色咁, 2個人埋單$270, 入去到埋單45分鐘, 唔想逗留~呢間冇下次。…查看更多
