RheaChim的個人專頁

❀ 九龍香格里拉大酒店 Café Kool #尖沙咀 ❀❗懷舊香港風味自助餐 仲有多國菜式勁豐富❗——————————————————九龍香格里拉Cafe Kool 咖啡廳最近推出以融合懷舊香港風味與環球佳餚嘅自助餐—「流金珍味」經典盛宴😍餐廳佈置充滿懷舊味道，用霓虹燈作牌面，以及用上復古木窗框，有種回到80年代嘅感覺😆.是次自助餐以懷舊港式美食為核心，提供多款香港地道美食😋如蒜蓉粉絲蒸龍蝦、燒乳鴿、小炒皇、白糖糕、紅豆沙及涼粉等。另外更有大量不同國家嘅菜式，除咗基本嘅海鮮區，提供龍蝦、鱈場蟹腳、麵包蟹、翡翠螺，還有日料區、中餐區、泰菜區、西餐區。Café Kool更獲「清真友善餐廳」認證，推出正宗清真佳餚，如燒羊腿配布里亞尼飯、土耳其旋轉雞烤肉等，甚至提供多款中東沾醬，如鷹嘴豆蓉、茄子蓉。結合國際風味，琳瑯滿目🤩。.甜品區係另一重要賣點，以Lego為主題非常吸引🥰提供多款精緻甜點，不論係芝士蛋糕、朱古力慕絲蛋糕、焦糖燉蛋、麵包布甸、可麗路、Häagen-Dazs雪糕，甚至係中式嘅白糖糕、合桃酥等都有齊！基本上諗得出嘅都會有😝私心最推薦有開心果醬嘅提拉米蘇。.作為頂尖五星級嘅酒店，餐廳更設有夢幻童趣天地，為小朋友提供娛樂空間，每位小朋友仲可以免費獲得一個金幣夾公仔！.✷𝑀𝑒𝓃𝓊✷☞ 自助晚餐星期一至四 $768星期五至日及公眾假期每位 $818——————————————————✨整體味道: 4.1/5 ✨環境裝修: 4.1/5✨服務態度: 4.2/5✨性價比: 3.8/5✨再訪興趣: 4/5 .💞整體來講真係第一次見有齊咁多國菜嘅自助餐！而家仲要玩懷舊港式風情，一次過食晒港式及西式甜品，更加滿足🥰…查看更多

❀ 1111 ONES Restaurant and Lounge #中環 ❀❗國際級設計餐廳 $428六道菜午餐回贈$428晚市現金券❗——————————————————一開業已經掀起熱話嘅1111 ONES Restaurant & Lounge，喺香港唯一一間榮獲Restaurant & Bar Design Awards 金獎榮🏆用高貴脫俗嘅橙黃色為主調，當中包含唔少天使數字11111️⃣花盡心思嘅設計非常適合打卡📸最近仲推出破天荒原價回贈優惠六道菜午市套餐，只需$428，更會回贈$428嘅現金券，優惠直至7月14號，真係要及早把握機會🔥.由米芝蓮二星餐廳The Principal 前主廚Chris主理，主打意法創意料理。今次超值道出午市套餐，包括開胃小食、新鮮麵包、前菜、湯品、主菜及自家製Tiramisu💕.開胃小食先有炸意大利飯波波Arancini 。特別大讚自家製Multigrain及無花果麵包，口感煙煙韌韌，配上Ricotta cheese、12年橄欖油及黑醋，真係超級好食，仲可以無限添加👍🏻.前菜選擇和牛他他及醃製三文魚。和牛他他添加 Osetra Caviar魚子醬點綴，再配搭甘筍及菠菜脆片一流；醃三文魚來源自北歐，配牛油果醬及脆米口感好豐富😆.是日湯品配搭返夏日炎炎嘅天氣☺️精心預備咗番茄凍湯，非常清涼開胃，酸甜度剛好，當中更加入薏米增添口感。.主菜唔少得餐廳招牌紅蝦扁意粉🍝雖然要額外加$288，但係主廚專誠到意大利餐廳學習嘅拿手菜，紅蝦鮮味十足，扁意粉都頗有咬口，值得一試。另外和牛唔需要加錢就品嚐到，採用SRF頂級和牛，口感軟腍同時帶有肉味🐮.最後更有無限添加嘅意大利傳統 Tiramisu，不能口感定味道都係非常經典，覺得比grissini更好食🤣.✷𝑀𝑒𝓃𝓊✷☞ 1111 LUNCH MENU $428♥ House-made RICOTTA♥ Truffle ARANCINI.♥ Appetiser ✦ House-cured SALMON✦ SRF Wagyu TARTARE.♥ Main ✦ Linguine Gamberoni +$288✦ Wagyu.♥ Tiramisu…查看更多

❀ Casa Lisboa Gastronomia Portuguesa #中環 ❀❗心目中喺香港最佳嘅葡國菜 秋季晚市優惠$398六道菜❗——————————————————已經數唔到嚟過呢間餐廳幾多次，每次一想食正宗嘅葡國菜就會諗起呢一間😆創業於2009年，16年來一直以「真正葡萄牙人味道」為烹調原則，總廚更係來自葡萄牙Chef Rodolfo Vicente 🇵🇹。.最近推出全新「Taste of Portugal」秋季版晚市菜單，由而家起至11月27日，6道菜dinner好似係$398😍仲可以無限追加品嚐葡萄牙國民甜品 Bolo de Bolacha，香港只此一家 !❣️.四款前菜非常香口惹味😚尤其喜歡佢哋嘅炸馬介休球，外皮加上軟綿綿馬介休薯蓉餡，配埋蛋黃醬惹味！.主菜必點佢哋嘅烤乳豬🐷每次食都依然保持高水準，外皮超級香脆，肉嫩又多汁！仲會配上獨特嘅葡式飯。另外八爪魚口感亦彈牙唔錯🐙.第一次試佢哋嘅傳統餅乾蛋糕，原本以為係木糠布甸般，但餅乾部份係好似提拉米蘇嘅感覺，不過就無酒味，改為有朱古力皮🍫.✷𝑀𝑒𝓃𝓊✷☞ TASTE Of PORTUGAL 葡萄牙的味道 $398（周一至周四，晚上6點起供應，最少兩位起，用餐時間限2小時）.♥ Welcome Couvert（前菜）✦ 自家製肉醬、醃製橄欖、鄉村麵包.♥ Starters to share（共享小食）✦ 烤霹靂醬椰菜✦ 蒜香欖油蝦✦ 炸馬介休球✦ 香烤鵪鶉伴蕃茄蒜蓉醬.♥ Main to choose ✦ 葡式烤乳豬✦ 香烤八爪魚伴菠菜蓉 +$38.♥ Dessert✦ 傳統葡萄牙餅乾蛋糕（無限量供應）——————————————————✨整體味道: 4.1/5 ✨環境裝修: 4/5✨服務態度: 4.4/5✨性價比: 4.1/5✨再訪興趣: 4/5. 💞整體來講係一個超級豐富嘅葡國菜晚宴！香港較少地方，而且價錢合理，服務仲要超級好！係我大愛嘅餐廳💖…查看更多

❀ LE COLVERT #西環 ❀❗超推薦嘅全鴨宴 近期最喜歡❗——————————————————召喚鍾意食鴨嘅人🦆位於西營盤嘅全新法式餐廳「Le Colvert」主打鴨肉料理，無論前菜、主菜、等都用上鴨嘅元素🫶🏻就連餐廳裝修都滲透住鴨嘅蹤跡！餐廳氣氛舒適，而且每道都非常好食☺️週未brunch $488就可以食齊餐包、湯、前菜、主菜、甜品😽.前菜已經有非常邪惡香口嘅煎鴨肝及脆皮鴨肝凍👍🏻鴨肝嘅香油真係非常出色💖連餐包都係伴有鴨肉絲~另外仲有個用鴨肉熬製嘅羅宋湯添！.主菜亦冇令人失望🥰十分推薦香煎鴨胸，肉嫩程度絕對媲美米芝蓮級數！另外油封鴨脾亦唔錯，香口唔會太乾柴，表面仲有滿滿嘅黑松露片😍.甜品揀咗心太軟及自家製嘅蛋白餅。以為蛋白餅會好膩，點知鬆化又唔太甜，配上雪糕忌廉同紅莓醬反而仲refreshing，真心有驚喜😝最後最後仲小鴨蛋糕造型嘅有杏仁金磚蛋糕，又得意又好食。.✷𝑀𝑒𝓃𝓊✷☞ WEEKEND BRUNCH 488HKDFree-flow soft drinks, tea and coffee included♥ AMUSE BOUCHES✦ Potted duck meat with sourdough bread toasts✦ Duck broth flavoured with a vegetable brunoise♥ STARTER✦ Richelieu pâté in a crust. foie gras, pork meat & pistachio✦ Pan-fried foie gras with roasted fruits♥ MAIN✦ Slow cooked caramelized duck leg from South-West of France with truffle sauce, gratin dauphinois & seasonal roasted vegetables✦ Whole female duck (hen) pan-fried filletwith Le Colvert sauce, duck fat fries & green beans with garlic butter♥ DESSERT✦ Meringue with whipped cream, chocolate sauce or red fruits coulis✦ Salted caramel chocolate cake Baulois with Chantilly——————————————————✨整體味道: 4.1/5 ✨環境裝修: 4.1/5✨服務態度: 4/5✨性價比: 4.1/5✨再訪興趣: 4/5 .💞整體來講喜歡呢間餐廳！causal得嚟又做到少少fine dining嘅配套👍🏻每一款鴨料理都好食☺️…查看更多

❀ Hyatt Centric Cruise空中餐廳及酒吧 #北角 ❀❗人均少於$600可以嘆到七道菜嘅全蟹宴❗——————————————————北角Hyatt centric 推出咗期間限定大閘蟹宴🦀人均$600蚊都唔洗，就食到原隻大閘蟹等7道菜！有滿滿嘅新鮮蟹肉，更糅合了泰式、中式等唔同風味，道道都幾美味🤤餐廳仲可以望到維港景色呢🤩.餐廳本以泰國、馬來西亞菜式為主題，所以先會送上一個冬陰功味嘅餐包，獨特又香口😋然後有滿滿蟹肉嘅炸芋角以及藍蟹肉沙律作前菜🥗兩款都非常惹味，仲可以點Kaffir Lime Toast！個toast仲可以點埋接住落嚟嘅黃咖哩蟹湯😆濃郁嘅椰奶咖哩連埋一梳梳蟹肉好正呀！.重頭戲當然唔少得一人一隻鎮江薑醋蒸大閘蟹！滿滿既蟹膏蟹膏鮮味無比，好幸福☺️主菜居然仲有原隻燴花蟹伊麵，成隻手掌咁大！呢個價錢可以食到兩大隻蟹真係勁滿意！另有一道非蟹肉炒和牛里脊🐮有少少中式炒牛柳嘅感覺，用特製甜酸醬爆炒，肉質份外嫩滑！.甜品有紅糖薑汁燕窩豆腐布甸，布甸超級滑溜，入口即溶，加上紅糖薑汁好特別，中和返食蟹嘅寒👍🏻.✷𝑀𝑒𝓃𝓊✷☞ HAIRY CRAB FEED ME! $598 ♥ CRAB WU GOK♥ BLUE SWIMMING CRAB SALAD♥ YELLOW CURRY AND CRAB SOUP♥ STEAMED HAIRY CRAB♥ FLOWER CRAB E-FU♥ WOK-FRIED WAGYU TENDERLOIN♥ BIRD'S NEST TOFU PUDDING——————————————————✨整體味道: 4.1/5 ✨環境裝修: 4.2/5✨服務態度: 4/5✨性價比: 3.9/5✨再訪興趣: 3.9/5. 💞整體來講整個menu有齊原隻蟹及蟹肉菜式，仲有得望住靚靚維港景都唔需要$600，係幾唔錯嘅蟹宴呢🫶🏻…查看更多

❀ 香港嘉里酒店大灣咖啡廳 #紅磡 ❀❗前米芝蓮指南推薦餐廳客席主理全新韓國傳統料理自助餐❗——————————————————嘉里酒店全新主題自助餐邀請由前米芝蓮指南推薦餐廳「Kelly's Cape Bop」嘅創辦人Una Yoo，創作超過25款正宗韓式料理，採用百分百韓國食材匠心烹調，重點推薦包括燉人參雞湯、烤韓牛、韓式五花腩、秘製韓式牛肉飯卷、韓式部隊鍋及新鮮自家製韓式泡菜等🤩尤其烤肉真係非常高質，媲美正宗烤肉店！餐枱仲會預先擺上六款韓式前菜，幾有心思🥰星期五至日及公眾假期更特別呈獻日式磯煮鮑魚及拖羅壽司，及無限暢飲指定韓國米酒、日本清酒及啤酒🍻.除咗多款韓式料理，當然亦有冰鎮海鮮，如龍蝦🦞、麵包蟹、青口、蜆及大蝦🍤; 刺身壽司，包括三文魚、油甘魚及八爪魚等；各式冷盤、即切西冷牛扒、印度咖哩及其他多國熱葷菜式亦一應俱全！.如果你係香格里拉會會員經香格里拉精品店購買6張或以上自助晚餐券，仲可免費獲贈成人及兒童烹飪課程名額，由主廚 Una 親自主理！購買兩位或以上自助晚餐券，就可以優惠價（淨價港幣220元及110元）參與，親手製作獨一無二的韓式飯卷😛.✷𝑀𝑒𝓃𝓊✷☞ 「大師之味：韓日饗宴巡禮」自助晚餐
供應日期：2025年10月1日至11月30日
供應時間：晚上6時至9時30分
逢星期一至四：每位HKD 738
逢星期五至日及公眾假期：每位HKD 838——————————————————✨整體味道: 4.1/5 ✨環境裝修: 4/5✨服務態度: 4.5/5✨性價比: 4/5✨再訪興趣: 3.8/5 .💞整體來講好少有以韓國菜為主題嘅自助餐，而且當中嘅烤肉真係媲美韓式烤肉店！喜歡韓國菜嘅不容錯過😝…查看更多

❀ 聚星居 #銅鑼灣 ❀❗登龍街坐望維港高級中菜廳 超正花螺及松板肉❗——————————————————銅鑼灣登龍街原來有間樓上頗高級嘅中菜😍坐落V Point 28樓樓層，可以睇到維港景色，亦設有包廂，仲可以在內唱K🎵餐廳有多款手工菜可以選擇，主廚楊師傅更曾獲廚神獎項🏆每款小菜都擺盤精美。.今次同朋友一同試咗幾款熱門菜式。喜歡涼菜撈汁雙弄（花甲＋花螺），吸滿花椒汁微辣入味，勁開胃😋鳳梨黑醋松板肉脂肪分佈均勻，有少許油脂，所以外皮份外香脆，肉質甚軟腍，掛滿香甜微酸嘅黑醋汁，忍唔住係咁食😆另外亦有紅酒和牛面頰，不過當日就煮得偏靭。.餐廳每日都會精選新鮮海鮮，當日有黑胡椒海中蝦🦐大大隻且肉質彈牙，黑胡椒汁入味香口！.蔬菜揀咗豆漿翡翠銀杏百合杞子浸菜苗，以豆漿做湯底，健康清甜，不過定價較高。.最後以澱粉脆米和牛鬆炒飯及經典中式糖水椰汁雪燕桃膠作結😚.✷𝑀𝑒𝓃𝓊✷☞ 鳳梨黑醋松板肉紅酒和牛面頰 $148☞ 紅酒和牛面頰 $328☞ 豆漿翡翠銀杏百合杞子浸菜苗 $248☞ 黑胡椒海中蝦 $288☞ 撈汁雙弄（花甲+花螺） $328☞ 脆米和牛鬆炒飯 $268☞ 桃膠燉奶 $120☞ 椰汁雪燕桃膠（位） $60——————————————————✨整體味道: 4.1/5 ✨環境裝修: 4.2/5✨服務態度: 4.2/5✨性價比: 3.5/5✨再訪興趣: 3.7/5. 💞整體來講係一間較為中高價路線嘅中菜廳，食物有保證，如果budget較高不妨試吓！…查看更多

❀ Racines #上環 ❀❗可能係最親民嘅米芝蓮餐廳❗——————————————————Racines榮獲一星米芝蓮🌟以米芝蓮餐廳嚟講，餐廳走親民路線，係間法式精緻小酒館，以南法及地中海料理為主，侍應甚至主廚都非常主動地同客人互動，甚至會一齊同客人講拜拜😆.名字「Racines」係法語中解「根源」，象徵廚師對家鄉傳統的致敬與回歸，整個餐牌都係反映主廚一生嘅故事☺️而且每道菜用上唔同植物嘅根部，侍應亦會喺開始之前先介紹所用嘅食物根部。主菜部份更可以讓客人自選刀，每把刀都刻上與主廚有關嘅字詞😍.Racines 強調季節性食材，結合南法經典家傳食譜與現代詮釋，盡量使用法國進口及本地新鮮產品。每道菜都冇令人失望，雖然記憶點唔算特別強，整體都係走保守但美味路線😆而且特別欣賞每道菜背後嘅故事。喜歡同一台嘅客人可以選擇唔同courses嘅菜單，不過認為較平嘅七道菜比起九道菜更佳，多出嘅兩道菜式反而冇乜驚喜，而且價錢亦較貴一截。.✷𝑀𝑒𝓃𝓊✷☞ 'Genèse' $1488/7 courses ♥ Racines Cereal Sourdough Smoked Butter, Espelette, Plum Jam♥ Genèse Amuse BoucheBlack Pudding, Onion Jam, Tuna Confit♥ GamberoConfit, Beetroot, WasabiSuggestions of Kaviari Ocietra Caviar $88/3gram♥ SeabassBinchotan, Jerusalem Artichoke, Clementine♥ BeefPan-Seared, Parsnip, Koshihikari Rice♥ HazelnutIce Cream, Celeriac, Lime♥ MignardisesMadeleine, Chocolate.☞ 'Plénitude' $1988♥ EscargotTart, Chevril Root, Fig*♥ PigeonRoasted, Turnip, Ginger♥ St NicolasDumpling, Taro, Kumquat——————————————————✨整體味道: 4.1/5 ✨環境裝修: 4/5✨服務態度: 4.5/5✨性價比: 4/5✨再訪興趣: 3.8/5 .💞整體來講味道上係間不過不失嘅米芝蓮餐廳，但係勝在餐廳環境氣氛非常親民舒適，難得一見鏡米芝蓮法式小餐館。…查看更多

❀ Red Sugar 香港嘉里酒店 #紅磡 ❀❗紅磡超靚270度維港景色酒吧❗——————————————————最近發現原來紅磡嘉里酒店內嘅酒吧Red Sugar係咁靚😍超寬敞嘅室外位置，可以望到270度維多利亞港海景，室內裝修時尚現代，仲享有「全港最美露台酒吧」之譽，尤其適合浪漫約會或黃昏小酌🥂.前排10月頭佢哋更聯手六位頂尖調酒師，呈現獻為期一週嘅流動雞尾酒盛宴🤩Guest Shift 陣容包括榮登亞洲50最佳酒吧第54名的Soko、2020年第45名的 The Back Room，以及本地調酒冠軍郭嘉駿（Peter Kwok）、劉偉業（Wallace Lau）與何浩雲(Jackie Ho)！每杯都只係$148，仲可以喺五星級酒店內嘆！當中專誠用上帶有杏仁味道嘅DISARONNO✨.雖然而家聯成嘅Menu已經完結，但酒吧嘅環境氣氛真係一流，絕對會想再去試吓classic menu啊！.✷𝑀𝑒𝓃𝓊✷☞ DISARONNO GODFATHER $148Disaronno, The Busker Blended Irish Whiskey and Coffee Foam☞ TIA ESPRESSO MARTINI $148Tia Maria, Vodka and Freshly Brewed Coffee☞ SARDINIAN DISARONNO SOUR $148Disaronno Originale, The Busker Blended Trish WhiskeyLemon Juice and Giftard Elderflower Syrup☞ VELVET BATIDA CAFÉ $148Disaronno Velvet, Gillard Batida de Coco,Coconut Water and Coffee Foam——————————————————✨整體味道: 3.9/5 ✨環境裝修: 4.3/5✨服務態度: 4/5✨性價比: 4/5✨再訪興趣: 4/5. 💞整體來講原來紅磡都有間望到靚靚海景嘅酒吧😍超級適合約會呢😝…查看更多

❀ Honjo #上環 ❀❗再推出讓人狂歡嘅黑白大廚聯成菜單❗——————————————————Pirata group 其下嘅Honjo又有新搞作！韓裔主廚 Chef Kyle Lee 聯乘Netflix人氣烹飪節目《黑白大廚》中嘅「料理狂人」尹南魯主廚推出為期一個月的獨家四手菜單🥰非常有幸可以喺10月17號一睹兩位主持嘅風采😍.菜單由 10 月 17 日至 11 月 23 日期間提供，四道菜都只係需要$580，唔使特登飛去韓國都可以食到黑白大廚佳餚🥹兩人聯盛嘅菜式美味又滿足。.先會送上兩款前菜，包括枝豆及非常爽彈嘅甜蝦刺身🍤.然後可以選擇兩款頭盤，分別為辣味吞拿魚他他、鮟鱇魚肝細卷、牛油香草鮑魚及熱情果帆立貝。特別喜歡牛油香草鮑魚彈牙又香口👍🏻.主菜方面真係要試吓藍龍蝦尾石頭鍋飯🦞以 Chef Kyle 嘅招牌石頭鍋飯為基底，選材藍龍蝦尾、大蒜牛油飯、三文魚籽、黑飛魚籽及照燒蘑菇烹製，鮮甜美味 ☺️喜歡海鮮嘅，不妨試吓油甘魚鲛煮物或牛油咖哩銀鱈魚，兩款都係非常嫩滑嘅魚類~當中嘅牛油咖喱醬更係曾經參選嘅醬汁呢😝另外唔少得牛肉、羊肉及雞肉！推薦哈里薩辣醬慢煮羊架 ，慢煮羊架肉質嫩滑，淋上辣味哈里薩醬，夠晒惹味。另外仲有頂級三黃雞味噌燒及栗子燉牛肋條。.甜品仲有茶味嘅最中餅及焦糖燉蛋😚.✷𝑀𝑒𝓃𝓊✷☞ 4 Hands Menu $580.♥ AMUSE BOUCHE ✦ 烤日本校豆✦ 盛油甜蝦刺身.♥ SMALL BITES A (choose 1)✦ 辣味吞章魚他他✦ 鮟鱇魚肝細卷.♥ SMALL BITES B (choose 1)✦ 帆立貝熱情果✦ 牛油香草鮑魚.♥ MAIN (choose 1)✦ 油甘魚鲛煮物✦ 三黄雞味噌燒✦ 熱石龍蝦尾+$78✦ 牛油咖哩銀鱈魚✦ 票子燉牛肋條✦ 哈里薩辣醬慢煮羊架+$78.♥ DESSERT (choose 1)✦ 黃豆粉最中餅✦ 抹茶焦糖燉蛋——————————————————✨整體味道: 4.1/5 ✨環境裝修: 4/5✨服務態度: 4/5✨性價比: 4.1/5✨再訪興趣: 4/5 .💞整體來講偷偷話你知今次嘅四手聯成比起上一次更加出色😋Honjo嘅日式fusion菜一向深得我心，今次聯同黑白大廚尹南魯創造出更美好嘅佳餚，供應至 11 月 23 日，唔好錯過啦😆…查看更多

❀ 川燒 串燒·酒埸 #灣仔 ❀❗整煲壓力鍋乳生蠔🦪 仲有多款抵食惹味串燒❗——————————————————銅鑼灣有間開到凌晨一點嘅酒場😆餐廳環境好似居酒屋咁，不過有齊晒日、韓、川串燒🍖最近新主打壓力鍋乳山蠔，用蒸焗嘅方式烹調生蠔特別鮮甜，而且每隻都超大粒🦪喜歡香口嘅亦可以選擇香蒜焗蠔。.另外唔少特色手工串燒系列都勁吸引，最平嗰串只需$15😍不能錯過邪惡黑松露鵝肝，配上蘋果蓉及多士勁滋味！另外仲有罕見牛骨髓串燒~居然仲諗到用桂花蜜燒原條香蕉🍌.一眾經典嘅串燒都唔錯，火候精準，調味夠惹味如泡菜黑豚五花腩、燒豬頸肉、牛仔骨、魷魚仔等等！最重要係價錢合理，食到反曬肚人均都只係$400！.✷𝑀𝑒𝓃𝓊✷☞ 燒金菇肥牛卷2件 $15☞ 燒多春魚 2條 $15☞ 燒豬肉串 $15☞ 燒豬頸肉/串 $20☞ 鹽燒鮮魷魚仔 $48☞ 野椒汁燒牛小排 $58☞ 燒麻辣牛骨髓串 $16☞ 麻辣燒牛筋串 $16☞ 燒大蔥雞柳 $26☞ 燒泡菜黑豚五花腩 $28☞ 麻辣酒煮鴨血韭菜 $48☞ 法式黑松露鵝肝蘋果多士 $78☞ 溫泉玉子蟹杅燒蠔 $78☞ 京燒醬烤煙鴨胸肉 $38☞ 高壓鍋蒸乳山蠔6隻 $178☞ 桂花蜜燒香蕉 $22☞ Special-Suntory Premium Draft Yuzu Beer $78——————————————————✨整體味道: 4/5 ✨環境裝修: 3.8/5✨服務態度: 3.9/5✨性價比: 4/5✨再訪興趣: 4/5 .💞整體來講係價錢實惠，味道又唔錯嘅串燒店！調味香濃惹味😆特別要試吓獨有嘅壓力鍋乳山蠔，仲有鵝肝都好好食！…查看更多

❀ 九龍香格里拉大酒店大堂酒廊 #尖沙咀 ❀❗全新韓式風味下午茶 嘆住最高質嘅甜點欣賞畫展❗——————————————————九龍香格里拉酒店推出全新「藝遊香城」限定下午茶，設計咗一系列韓國傳統風味嘅鹹點及甜點😍更可欣賞傳奇漫畫及插畫金政基大師嘅19件作品💕仲邀請咗徒弟朴在光先生為酒店即食席繪畫🎨！.是次嘅下午茶點完美將韓國傳統風味與創意巧思結合😆尤其甜品充滿驚喜，除咗加咗漫畫元素裝飾，每一款甜點嘅味道亦甚為出色，如有黑芝麻芝士蛋糕、白咖啡泥蛋糕、黑松露朱古力等，款款口感及味道都非常豐富😋.鹹點亦幾有創意，包括人蔘雞慕斯配香蒜松露醬、韓式伊比利亞五花肉手卷，以及韓式泡菜和和牛飯球😝.下午茶當然唔少得英式鬆餅，香格里拉酒店嘅英式鬆餅的確值得讚，口感鬆軟不黏口。除咗原味之外，仲有果仁味添🤤.是次展覽嘅畫家金政基有「人肉打印機」之稱，從來不作草稿，憑驚人記憶力及繪畫功底憑空繪畫，創造出一幅幅複雜精密嘅黑白作品😮今次徒弟徒弟朴在光先生亦即席喺酒店創作以酒店為靈感的畫作，於酒店永久展示。嘆完下午茶更可以同三五知己一齊欣賞畫作呢💖.✷𝑀𝑒𝓃𝓊✷☞ 「藝遊香城」聯乘限定下午茶 $388日期：2025年10月8日至11月16日.♥ 鹹點✦ 韓式人蔘雞慕斯配黑松露蒜蓉醬✦ 海鮮涼麵配章魚仔、櫻花蝦同烏梅湯✦ 泡菜和牛飯球✦ 伊比利亞五花肉手卷✦ 白色方塊 (用番茄啫喱、番茄粉同乾車厘茄整成).♥ 甜點✦ 黑芝麻芝士蛋糕✦ 白咖啡泥蛋糕✦ 黑松露朱古力✦ 四季橘泡芙✦ 白朱古力芝麻馬卡龍.♥ 英式鬆餅配黑莓果醬同雲呢嗱濃縮忌廉——————————————————✨整體味道: 4.2/5 ✨環境裝修: 4.2/5✨服務態度: 4.2/5✨性價比: 4.1/5✨再訪興趣: 4/5 .💞整體來講好耐冇食過咁美味嘅酒店下午茶，尤其每一款嘅甜品都花盡心思特別製作，鹹點亦混合韓式元素，與是次主題掛鉤👍🏻…查看更多

❀ 香港港麗酒店酒店樂聚廊 #金鐘 ❀❗五星級酒店下午茶 聯同法國美容品牌Sisley ❗——————————————————香港港麗酒店樂聚廊聯同法國美容品牌Sisley 推出「金萃亮采」下午茶🫖！食下午茶仲可以獲贈經典活膚再生系列體驗裝，價值$1,145 ，內有活膚再生駐顏霜、活膚再生提肌精華、活膚再生眼唇霜，以及 30 分鐘 SISLEŸA 舒緩手部護理服務😍.鹹甜甜同品牌嘅關鍵性成份作呼應，例如用上活性成份較高嘅豆乳、銀杏等。鹹點有鴨肝慕絲配薰衣草砵酒啫喱泡芙、龍蝦魚子醬法式薄餅、茄子銀杏沙律撻及薰衣草忌廉芝士凍。用上薰衣草讓鹹點帶有少女紫色，同時間味道較為清新😚.甜點美艷😍有透著珍珠般盈亮光澤嘅豆乳銀杏慕絲，以豆奶及銀杏巧製而成，口感滑順，豆香濃郁。蜂蜜乳酪慕絲小巧別緻，包裹著蜂蜜乳酪慕絲，輕盈柔滑。仲有淡粉紅色嘅馬鞭草蘋果泡芙及玫瑰薰衣草朱古力慕絲。.最後當然唔少得經典英式鬆餅😆有原味鬆餅及提子鬆餅，由酒店糕餅師每日新鮮烘製。可搽上豆乳德文郡忌廉及自家製士多啤梨果醬！.最後仲可享用特色飲品 Lavender French「紫魅檸香薰衣草」，即磨意大利咖啡或 TWG 茗茶。.✷𝑀𝑒𝓃𝓊✷☞ 樂聚廊「金萃亮采」下午茶2025 年 9 月 15 日至 11 月 16日 1500-1730星期一至五:港幣$688 (兩位用) 港幣$358 (一位用)星期六、日及公眾假期: 港幣$698 (兩位用) 港幣$368 (一位用)——————————————————✨整體味道: 3.8/5 ✨環境裝修: 4.2/5✨服務態度: 4/5✨性價比: 4/5✨再訪興趣: 3.8/5 .💞整體來講享用下午茶嘅地方環境優美，是次下午茶更同法國美容品牌合作，睇得、食得，仲可以扮靚靚！…查看更多

❀ TOKYOLIMA #中環 ❀❗罕見日式秘魯餐廳 推出超值$198半自助午餐❗——————————————————Toykolima推出星期一至六超值半自助午餐，$198起即可任食逾10款前菜及一款主菜，另加$28更可享甜品，瘋狂品嚐多款地道日式秘魯美饌😆！餐廳環境充滿異國風情，店員熱情好客，適合一大班朋友慶祝！今次超抵嘅午餐亦切合中環上班一族呢🤟🏻.自助bar提供多款精緻開胃頭盤😍包括日式秘魯天婦羅炸蝦卷、鰻魚卷。仲有ceviche，如芒果檸汁煙三文魚及油甘魚。以及多款沙律，如車厘茄沙律、蕎麥麵沙律、南瓜沙律、薯仔沙律等。.主菜亦有超過10款選擇🤩今次試咗Tokyolima Steak，薄切牛扒肉質軟腍，加上wacatai牛油更香🧈。另外每次都必點Salmon Fillet，皆因肉質嫩滑，外皮香脆，永不失望。另外揀咗兩款麵食，一款為日式元素較重嘅Udon De Pollo，用上咗雞胸肉、日本醬油、紅酒醋幾開胃。仲有我最愛嘅Gnocchi De Chorizo，薯糰軟糯，加上香辣蕃茄醬及辣肉腸好惹味，好食😋！.最後貪心地加錢要埋甜品😚品嚐咗清新嘅柚子sorbet及特別自家製嘅香橙蛋糕，質地濕潤鬆軟，鋪有糖漬橙皮絲，伴以焦糖雪糕，互相中和酸甜度🍦。.✷𝑀𝑒𝓃𝓊✷☞ Set Lunch $198♥ APPETISER BUFFET✦ MAKI SELECTION✦ CEVICHE BAR✦ SALADS & DIPS.♥ MAIN✦ UDON DE POLLO✦ GNOCCHI DE CHORIZO +$38✦ SALMON +$48✦ TOKYOLIMA STEAK +$128.♥ DESSERT✦ YUZU SORBET $28✦ ORANGE ALMOND CAKE $28——————————————————✨整體味道: 4/5 ✨環境裝修: 4/5✨服務態度: 4/5✨性價比: 4.2/5✨再訪興趣: 4/5 .💞整體來講日式秘魯菜式獨特，今次超值嘅半自助午餐能夠一嚐多種特色菜式，值得一試，亦係我encore多次嘅餐廳🥰…查看更多

❀ Salon Lanson #銅鑼灣 ❀❗高貴酒店餐廳 $1300/2七道菜超抵 任選菜單配搭❗——————————————————再次到訪靚靚湖水藍逸蘭銅鑼灣酒店餐廳嘆晚餐😽由巴黎世界級酒店設計大師Pierre-Yves Rochon設計，裝修簡約優雅，絕對係慶祝之選👏🏻仲可以$1300就嘆到兩道頭盤/湯、三道主菜及兩道甜品，共七道菜，仲可以自由喺餐牌選擇，真係滿足又豐富🫶🏻.頭盤揀咗一個較為清新開胃嘅風乾法國鴨胸配暖菠菜沙律🥗加點琥珀核桃脆脆地。另外重點咗喺餅，滿滿嘅蟹肉非常滋味🦀.主菜可以選擇三款，而且份量十足🙀烤厚切白鱈魚皮脆肉嫩，加上少許彩椒提升鮮味。蘑菇意粉濃郁有咬口🍝再試埋新菜單嘅燒伊比利亞橡果黑毛豬肩肉，肉質粉嫩，配搭青醬濃郁美味。.甜品居然中西合璧，既有香脆焦糖燉蛋，仲有港式楊枝甘露🥰.✷𝑀𝑒𝓃𝓊✷☞ Dinner Menu $1300/2 (兩道頭盤或湯、三道主菜、兩道甜品)♥ WARM BABY SPINACH SALAD WITH AIR-DRIED DUCK BREAST ♥ CRAB CROQUETTE♥ TAGLIATELLE MUSHROOM ALFREDO ♥ OVEN ROASTED TOOTHFISH FILLET♥ ROASTED BELLOTA GRADE IBERICO PORK PRESA♥ CRÈME BRÛLÉE♥ MANGO AND POMELO SAGO——————————————————✨整體味道: 4/5 ✨環境裝修: 4.3/5✨服務態度: 3.9/5✨性價比: 4/5✨再訪興趣: 3.9/5 .💞整體來講食物質素唔錯，嘗試模仿高級餐廳菜式，但價錢更便宜🥰而且環境非常高貴又舒適，適合約會或者同閨蜜聚會！…查看更多