Kay-623的個人專頁

時間發生喺1月21日傍晚6:45左右， 話說牙肉腫，咁啱落車喺附近，見就腳就入去買清熱產品， 咁我問阿姐除左廿四味之外有咩係清熱， 因為牙肉腫， 咁佢就介紹左龜苓膏俾我，同我話要食2-3盅先見效。咁啱龜苓膏做緊特價，櫃上面貼左川貝龜苓膏，同埋靈芝龜苓膏，咁我問阿姐各有咩功效啦，阿姐就話功效一樣，只係川貝多咗化痰止咳嘅功效，咁我再問咁靈芝呢，佢話都話一樣囉，係川貝多咗化痰止咳唔功效，又叫我睇牆上面張紙寫晒功效，咁我開始黑人問號， 川貝就係川貝，靈芝就係靈芝，大家功效絕對唔會一樣， 咁我問多次，我話靈芝喎， 佢突然喝罵我，乜你聽唔到我講啲乜嘢咩， 嘩，我打左個突， 無啦啦俾人喝， 話晒我都係客，唔應該咁同客人講嘢， 我都係平心靜氣地講， 無挑釁之心，點知阿姐跳制， 咁我即刻話我自己睇張紙得喇😅 最後我都買左4盅龜苓膏走，但應該冇下次。龜苓膏比較淡，相信功效麻麻，淨係講服務態度都已經唔合格，該公司應該培訓吓員工， 總括嚟講有兩大個問題，第一員工服務態度好差，絕對冇可能喝罵客人，第二員工對產品認知欠缺， 除非佢係老闆， 咁我祝佢好運…查看更多

間店已經唔係大，又坐唔滿， 咁都溜單， 最後問返我食啲咩，重新落單，等我等左咁耐， 服務態度都係一般。我叫左船麵同無骨鳳爪， 湯底真係麻麻， 無佢講得咁好，無骨鳳爪有骨，已影相， 支裝龍眼冰ok, 但唔夠凍，完～ …查看更多