深水埗區咖啡店林立，這間偏偏選擇遠離最多咖啡店的大南街，躲於民居的橫街。這間小店開業不久，但已有不少熟客、回頭客週五晚上和朋友來到這間小店點了兩個蟹肉忌廉意粉、一份蝦多士、一杯抹茶鮮奶同一杯夠薑白朱古力咖啡。我點了兩份一樣的意粉，店主明明可以兩份一齊整，但為求品質唔可以參差，店主一份一份分開製作，呢份心思好抵讚！然後因為我唔鍾意白朱古力，所以麻煩店主將我杯咖啡走白朱古力，謝謝你唔嫌我麻煩，要特製🙇🏻♀️薑味夠，但入口好溫和，唔會太搶味，好舒服！❤️由於小店不是在大街，晚上人流較小，但我和朋友同店主自然交談起來，後來有位大肚媽媽也加入我地嘅交談之中，完全無隔幕。大肚媽媽走後，斷斷續續都有一些街坊經過買咖啡，而買咖啡的人大多都跟店主會傾下計，完全唔覺這店是剛開了不久。後來有一位熟客（見佢同店主的對答而咁認為）點左一杯好特別嘅咖啡—青蘋果梳打咖啡，店主拎左一桶青蘋果椰果出黎，引起我嘅注意，亦打開了我地同個位熟客嘅傾談，旁人唔知會以為我地識左好耐。呢一種感覺好有台灣的小店個種人情味，呢份十感覺在香港的店鋪已消失很久了，呢份感覺令我過左放鬆的一晚。呢間店成了令我想放鬆就會想去的地方。後來我點多左杯柚子梳打咖啡，好特別，好好飲，既有柚子的甜甜澀澀，又有梳打的微酸，又有咖啡的甘醇，味道層次好豐富，係一杯唔錯嘅咖啡特飲。唯一缺點，店舖不大，位置不多，主要以外賣為主，有冇位坐要看看緣份了😂…查看更多
