manbb90的個人專頁

君滬鍋貼大王....早5,6年前開過好多間，而家執執下得番幾間呢日路經深水埗，月底無乜銀兩，又咁耐無食，加上好懷念佢d鍋貼就走左入去食，價錢印像同5,6年前比都唔係加貴好多.....呢間深水埗店的呀姐同呀哥好鬼nice, 個哥仔仲好有心機推介個呀婆食乜好食乜好紅燒牛肉麵味好濃，大大碗，望落以為牛肉份量好多，原來有一半係紅蘿蔔....不過$31蚊...算係咁主角$13蚊5隻鍋貼，好味又抵食，仲想點?不過你如果係食家一名，無法，應該就真係好難達到你要求.....唯一覺得呢間個環境真係麻麻地.......…查看更多

由當年沙士$10碗大大粒雲吞麵.................到今日2015年 $19定$20蚊一碗大大粒雲吞麵.........味道無變.............點講都係平.................完…查看更多

元朗鳳攸南街好鬼多野食，外來人入到黎，是唔知點選擇，唯有等朋友介紹，就去左呢間越滿居試下，兩個人唔大食，叫左個生牛肉湯河同紅酒燴牛尾煲，個生牛肉湯河送到上檯比較失望....d牛都已經好熟下...生乜鬼? 邊度生?......湯味道就ok...至於紅酒燴牛尾煲就似d樣，牛尾份量算多，炆得好淋，不過味道可以濃d....個湯味道好似杰杰的蕃茹杰湯咁，隨牛尾煲送豬仔包點汁黎食，提議加錢換蒜容包，應該會好味d，呢個牛尾煲應該數量唔多，晚餐我見第5,6檯客已經想叫已經賣哂，係想食就早d去!!! 食店細細間，環境同地方都算企理，不過d檯好鬼細張，兩人檯擺兩樣野食都郁唔到，一旻小小都幾多人排隊..地方會比較逼.........不過招呼都ok~ 要加一, 價錢唔算太吸引，下次可以試埋個蝦多士及火煱就夠了，題外話...見隔離檯一家人叫左個乜鬼軟殼蟹，見到佢地o哂嘴，之後個媽媽狂呻隻蟹點解同相片差咁遠....可能無預期隻蟹咁的式，價錢唔平架 ...嘿嘿…查看更多

本身喜愛吃越式生牛肉湯河粉，聽友人介紹佐敦新開左間越南食店，店舖係越南家庭煮理，價錢唔貴，就走去試下，食店位置唔算就腳(其實果邊好多野食，去開果頭都知訂)，由佐敦站行去都要1x分鐘，不過係柯士甸站行去會快好多，位置易搵，係街口一望就見到，入邊坐得都算舒服，我要求唔多，冷氣夠企理唔逼就ok啦，加上新開無耐，地方乾淨，呢度應該主要都係做街坊生意，果日點半鐘去到唔算多人，兩個人叫左個生牛肉河粉,豬扒撈檬同一杯青檸冰，牛肉河粉湯清甜，牛肉份量大塊都算幾多，好味  豬扒撈檬d豬扒醃得好好味，我地細食，所以各食一碗粉都飽了，見到隔離台order d小食好似幾好味，下次可以再試，食完至見到間舖原來有下午茶時段，$40有湯粉加杯野飲，算好抵~ 下次可以去食完個tea再去狗公園玩狗～…查看更多

大角嘴好多好野食，小弟又喜愛食上海野，當我知道呢間又抵食又有老店氣味的上海飯店，開心死了，第一次是朋友介紹，佢住果頭，食開已有信心保證，一定唔會難食.....不過最好早小小去，果度地方唔大，一晏d就多人要搭檯，大部份食客望落都似街坊，價錢就真係抵到不得了!!!!! 佢地有幾set套餐，有上海粗炒+酸辣湯+飲品，價錢好抵，d客飯小菜都係好平，我就叫了我至愛的上海粗炒+酸辣湯套餐，再加10隻小籠包，兩個人食，埋單$100加多幾蚊.....呢個質素同價錢，真係無野好講，小籠包$38有10隻..豬肉塞得滿滿，肉夠鮮味~雖然同果d乜乜豐皮薄的式小籠包風格完全不同， 但係對我來講，質＋量＋價錢拉平均來講，真係無得彈...好味好味好味好味好味好味好味上海粗炒穩陣之選，一定實食無走雞，酸辣湯每次個酸辣感都有d唔同，可能我食得濃味，不過整體都係好味~加上傳統老店的氣味，係去果d大集團俾唔到我的....老板同伙記都係無乜表情，不過上網search過，老板同佢過左身的老婆，圍繞住呢間上海飯店，有一個感人的愛情故事..........每次見到黑面的老板，再想起個故事，都會覺得佢黑面都黑得感性過人.....同有d感動.....…查看更多

當日打算去伙食工業晚餐，不過太多人，最後就行番落大排檔食，巴士站對出有幾檔大排檔，我同朋友第一次黎食，正心大心細的時候，有個呀叔就企左出門口同我地招手.....半推半就我地就入左呢間叫泰源的大排檔......岩岩好有張細檯，岩哂~ 當日都算熱，不過入邊d冷氣都算幾充足~ 跟住執檯呀叔出場啦.......呀叔d態度呢......食呢d大排檔好似預左要俾佢X咁....早有心理準備，好彩其他伙記態度算正常~ 去大排檔重點係食物同價錢.....小菜平均$80個左右，比我食開果d貴一點，我地兩個人叫左椒鹽鮮魷鬚同蘿蔔牛腩煲，菜黎到時....發覺個煲仔同個碟唔算大，但係一check之後.....份量原來都幾多! 椒鹽鮮魷鬚好多條!!!!!! 堆到滿滿! 蘿蔔牛腩煲塞到成個煲都係! 牛腩份量都好多! 我地唔算大食，見到呢個情況....只叫了一個飯，好彩只叫一個飯，最後食到我地兩個反肚......味道呢?  椒鹽鮮魷鬚好惹味! 蘿蔔牛腩煲更加令我回味，蘿蔔入味，牛腩炆夠香又夠淋......無得頂~ 埋單$180左右，我就對呢兩道菜方面好滿意啦! …查看更多

朋友介紹，朋友又是從電視某飲食節目介紹，所以便陪朋友冒名到來一試，一經電視介紹過，都一定大排長龍，無錯，第一次去，6:30左右，因為無訂位，店內已逼滿人，要等到唔知幾耐，所以放棄了，第2次5:30就去到，入到去好多位，但係9成位都俾人訂左，所以同朋友坐係度等女侍應安排座位，本來想自己選擇坐座位，可惜係唔可以，無緊要啦，被安排係一張長檯最邊邊位置...6點過後陸續多人，好多都係一家大細，有老有細...所以都幾"熱鬧"....感覺似去左酒樓, 薩莉亞果d地方食晚飯，加上買野飲同買野食要好似大家樂咁排隊，之後再有人送到你個位，感覺怪怪的....賣票的囡囡木無表情，什至有點不耐煩樣子，所以當堂攪到我都無乜mood..... 至於裝修就兩睇啦，用一大堆舊野,2手野堆砌出來，檯同椅都真係2手舊的，有d木椅係以前政府醫院用果種款式的椅子，地板有點"立立地".....好聽就有味道有特色.....其實要裝懷舊都可以花多點心思同企理......同埋晚黑一多人，位與位之間都幾有壓逼感，除非你坐梳化位啦.....食物就一般啦，份量預左小，價錢唔算平，味道不差也不算好好，黎呢度都係食個環境，買左飛等成半個鐘有多，又漏單，不過個男人(老闆?)都親力親為，好落力幫我地追單，算係有點安慰.....原本以為呢度係好優閒舒服，傾到計果種feel......點知完全係相反，我諗日頭去tea，無咁嘈吵，可能感覺會好好多.......…查看更多

呢d大排檔，係香港都所剩無幾，環境衛生係無乜架啦，純粹都係想去食番細路仔果陣，去大排檔食麵果種感覺......同埋坦白講我對而家d潮式牛腩麵真係無乜好感，都係呢d大排檔果種柱侯牛腩至岩我~自問唔係食家，覺得味道是Ok的，好食過出邊d乜乜麵食好多倍啦~  我得閒會再去食! …查看更多