一部佛經的個人專頁

公眾假期同朋友冇咩Planning，又冇Book餐廳，喺彌敦道搵餐廳嘅時候，咁啱上咗一間隱世西餐廳食晚飯。是日餐湯係椰菜花湯，加$48可以轉海鮮龍蝦湯，所以我地一次過試曬兩種湯。龍蝦湯鮮味好濃，材料幾有誠意，有青口又有鮮蝦。除咗湯之外，每人都可以從六款頭盤沙律甜品揀一款。我地揀咗黃金薄脆海鮮酥同煙三文魚凱撒沙律。海鮮酥上嘅沙律醬非常開胃，魚子醬帶出蝦嘅鮮甜味。煙三文魚凱撒沙律冇咩特別，煙三文魚大份啲會食得更滿足。上主菜之前，我地點咗一份芝士焗西蘭花。上碟時仲係熱辣辣，菜式用上兩款芝士，拉絲非常好食，西蘭花新鮮、焗得唔太老。主菜之一嘅意大利飯嘅配料簡單，帶子調味適宜，肉汁保留咗喺裏面；龍蝦汁就係頭先龍蝦餐湯溝淡咗嘅版本。另外一款主菜就係燒牛肋排，燒得好淋，唔駛用刀都食到肉，調味非常出色。甜品需要另外加錢追加，絕對冇令人失望。日式蘋果芝士餅非常好食同Creamy；水蜜桃雪葩用雪凍咗嘅水蜜桃裝起，雪葩水蜜桃味好強。餐廳會定期更新Menu，有興趣嘅朋友就快啲去試下啦。黃金薄脆海鮮酥煙三文魚凱撒沙律 $68香煎北海道帶子配龍蝦汁意大利飯 $208自家醬燒美國牛肋排 $218日式蘋果芝士餅 $38…查看更多

趁餐廳轉秋冬Menu之前，分享下我喺上環食Fine Dining嘅經歷啦！今餐係慶祝朋友生日而食，朋友推介咗呢間位置上環永吉街嘅餐廳食Fine Dining。雖然餐廳堂食座位比較少，如果提早預約嘅話星期五夜晚都唔會冇枱嘅。餐廳推出5 Course Set，每人港幣500蚊，Book完枱之後店員會請我地預早兩日決定兩款主菜同甜品。我地都充分利用咗人數嘅優勢，試到幾多就幾多。每道菜都有大廚嘅講解，仲推介我地應該點樣食。咁多Fusion菜式裏面，我最喜歡嘅係臘腸卡邦尼手工意粉。佢地嘅手工意粉外型好似刀削麵，而且用火槍烤過，食落口口感好特別。大廚特別推介我地將溫泉蛋嘅蛋漿撈埋落卡邦尼醬裏面，令醬汁更加Creamy同惹味。用臘腸取代煙肉亦都係一個別出心裁嘅選擇。醋漬西瓜 配 酸梅粉、馬斯卡邦芝士、合桃、羅勒油蟲草花忌廉湯臘腸卡邦尼手工意粉 配 溫泉蛋香煎昆士蘭石斑魚 配 奶油酸菜汁慢煮五花肉 配 四川花椒燒烤醬、香茅薯蓉自家制酸種菠蘿包 配 花生小紅莓牛油香橙西多士 配 意式蛋黃醬…查看更多

自助山喺灣仔合和中心嘅頂樓，要搭2-3次電梯，兜來兜去先搵到。我地今日去咗食佢嘅午市自助餐，網上面唔難Book。我覺得食旋轉餐廳，日頭食嘅景色靚過夜晚。餐廳唔係一直都旋轉，而係隔一段時間先郁少少，食1-2個鐘都望得曬七成至八成港島嘅景色。午市自助餐黎講，食物種類比我想像多。我地咁啱坐咗喺甜品位置，選擇一樣係琳琅滿目，而且夠曬細份，可以試幾多，最靚嘅係自助餐嘅朱古力噴泉。#灣仔 #WanChai #buffet #自助餐…查看更多

今日去咗牧羊少年咖啡館喺尖沙咀K11 Art Mall嘅分店，店鋪就喺地鐵尖沙咀站出口隔離，非常方便。之前食過牧羊少年，所以我知道佢地嘅餐飲有一定水準。今次點咗一個Lunch Set，主菜係龍蝦汁鳳尾蝦意大利粉。佢嘅龍蝦汁非常惹味，意粉口感好正，而且鳳尾蝦新鮮多汁。佢嘅前菜南瓜湯反而可以濃少少，呢個係個人喜好黎嘅。跟餐嘅飲品係藍莓奶酪，飲落真係食到碎咗嘅藍莓果肉。龍蝦汁鳳尾蝦意大利粉 $118藍莓奶酪#尖沙咀 #TsimShaTsui…查看更多

豆乳狂人嘅黃豆類產品出晒名真材實料，豆味濃郁；我另外鍾意嘅就係佢地嘅桃膠，每次經過都會買返支凍嘅桃膠豆乳飲，佢地嘅十勝紅豆豆乳都一樣咁好味。今次我就試咗佢地嘅奶蓋桃膠豆乳茶，拉環設計嘅樽蓋好新鮮，不過唔係話好方便就飲到啲奶蓋。佢地嘅奶蓋鹹鹹地，有好香嘅芝士味；桃膠豆乳茶好甜好甜。我另外點咗份黑糖桃膠豆花，一打開個蓋就見到橙黃色嘅桃膠表面，可惜食落去，豆花嘅黑糖味唔重，搞到我好想倒糖漿落去🤣黑糖桃膠豆花 $32奶蓋桃膠豆乳茶 $42…查看更多

今晚去咗一間連鎖咖啡店食晚飯，店鋪就喺銅鑼灣希慎廣場誠品書店隔離，鋪頭燈光昏暗好有格調。夜晚飲咖啡怕訓唔著，所以我點咗冇咖啡因嘅水果茶。蜜桃味好濃烈，不過飲落口水果味唔強。主菜點咗卡邦尼意粉，面頭加咗番茜，令成碟意粉好香。加咗蛋漿嘅忌廉汁好濃稠，意粉掛汁掛得好勁。哈密瓜、蜜瓜、果茶 $54煙肉忌廉蛋汁意粉 $148#銅鑼灣 #CausewayBay #cafehopping #hkcafe #cafehk #hkcoffee…查看更多

Sensory Zero同馬會合作，喺觀塘馬會入面開咗間分店叫Turfland。未夠十八歲嘅，可以喺觀塘站B出口旁邊嘅觀塘廣場入，餐廳就喺二樓。喺餐廳食飯賽馬日要預約，今晚冇馬跑，所以晚市行入去都幾多位。餐牌食物都係sensory ZERO嘅菜式，不過唔緊要，佢地嘅菜式都好好食。譬如我點返之前食過嘅和牛溫泉蛋飯，用上澳洲M5+和牛真係好正。飯上面嘅和牛調味好過藜麥沙律裏面嘅和牛。飲品方面我地點咗冇咖啡因嘅南非國寶茶。佢有好似伯爵茶嘅香味，加咗奶之後個Texture好完美。痴__線朱古力表面嘅朱古力泡好邪惡，裏面嘅朱古力可以再濃啲。牛奶南非國寶茶 $50痴__線朱古力 $50澳洲M5+和牛溫泉蛋飯 $168澳洲M5+和牛藜麥沙律 $168…查看更多

喺觀塘工業區開業嘅啡奴Coffee Slave今年年中落戶荃灣，我記得舖位原本係Beans嘅分店。老闆應該係軒公Fans，現場播好多佢嘅歌。打開菜單即刻眼前一亮，佢地竟賣乾炒牛河。見到實物之後發現佢地嘅烹調方法同茶餐廳嗰啲有唔同，牛肉用咗肥牛同牛柳粒，河粉比茶餐廳用嘅厚咗少少，食起上黎我都懷疑係咪食緊扁意粉😂我點咗一份手沖咖啡，用哥倫比亞嘅藝伎豆。上碟時咖啡師畀咗三款瓷杯我，話倒入去有唔同味道同口感。譬如其中一隻杯會感覺咖啡Body比較厚，用另一隻杯甜感會強啲。手沖咖啡：Columbia Geisha Tatambo $100啡奴。乾炒牛河 $90…查看更多

平日睇願榮光嘅Instagram，都知道佢地成日好受政府部門關注。我一年前黎過食嘢，今日第二次黎，食物水準仍然都係咁高。朋友點咗精緻日式家庭料理，主食四選一，揀咗柚子素梅麵，朋友話好清新開胃。配菜五選一揀咗吉列豬扒，豬扒炸得好鬆脆。是日手沖茶係玄米茶，我試咗一口，玄米香味好濃烈。輪到我發辦，我點咗一件開心果千層蛋糕。佢嘅抹茶醬超濃，蛋糕入口即溶，而且真係有「千層」嘅效果。我最鍾意嘅係願榮光嘅完熟白桃乳酸，佢地將完熟白桃擺喺杯面畀人打卡，然後會幫我切開。白桃好甜，又多汁。飲品甘甜，飲到底乳酸味明顯。精緻日式家庭料理 $140開心果千層蛋糕 $80完熟白桃乳酸 $100…查看更多

自港鐵顯徑站A出口行出黎（呢個地鐵站得一個出口），經過一排村屋之後，就會見到間隱世咖啡店Four x Four。我點咗一份黑松露炒蛋配水泡麵包，加咗12蚊點埋個是日沙律，所以沙律上先。咖啡店嘅沙律放咗啲吉同番茄仔，兩樣嘢都幾甜。炒蛋嘅黑松露非常濃烈，而且水泡麵包（個樣好似漢堡包）夠曬鬆軟。第一次見到有玫瑰口味嘅泡沫咖啡，所以我都點咗試一試。整體感覺都唔錯，咖啡味蓋過玫瑰甜味。玫瑰泡沫咖啡 $38黑松露炒蛋配水泡麵包 $40是日沙律 $12…查看更多

BYOB Coffee Roaster算係紮根屯門嘅咖啡店，喺呢度有兩間分店，今日去咗珀御嘅分店食午餐。我前菜嗌咗一份挪威煙三文魚沙律，煙三文魚好新鮮，唔太鹹，同啲沙律好夾。主菜係北海道帆立貝明太子意粉，主角帆立貝係可食用級刺身，所以廚師只係煎熟表面，裏面肉質鮮甜。明太子用上辛味明太子，份量非常滿足，加埋忌廉好好食。玫瑰花鮮奶咖啡嘅玫瑰味好突出，奶味同咖啡味都得到平衡，好好飲。玫瑰花鮮奶咖啡 $38挪威煙三文魚沙律 $80北海道帆立貝明太子意粉 $100…查看更多

Corner Cafe喺迪士尼美國小鎮大街街尾嘅一間轉角餐廳，佢地最出名嘅應該係下午茶套餐。Walk in應該冇咩機會食到，因為餐廳開園嘅時候派籌，通常一早就派曬。今日專登10點入園攞籌，餐廳可以畀食客揀三個時段：12:00、15:00同17:00，想食下午茶嘅話就要約下午三點後，我攞到全日第二張籌。依家迪士尼宣傳緊佢嘅新卡通人物LinaBell，所以下午茶套餐都係以LinaBell做主題。不過整體黎講，個套餐冇咩驚艷嘅甜點/鹹點，有啲仲覺得伏。鮑魚酥盒：我唔明點解酥皮裏面竟然擺番茄肉醬意粉嘅肉醬，成個食物配搭唔係好match龍蝦牛油果沙律籃：沙律籃嘅味道奇奇怪怪迷你朱古力冬甩：包住冬甩嘅糖霜我接受到，但係唔知點解裏面嘅冬甩係鹹嘅植物肉薯餅都有啲失望，我唔係好食到植物肉。唯一可以讚下嘅係佢嘅LinaBell蜜桃士多啤梨乳酪特飲真係好好飲，蜜桃味蓋過草莓味。LinaBell下午茶…查看更多

今日喺觀塘做嘢，午餐時間喺工業區搵嘢食，呢間室內裝修風格好有格調嘅咖啡店吸引到我。呢間咖啡店主打Fusion菜，我點咗一份封門柳食，深啡色嘅醬汁酸酸地，佢嘅配菜係黑色糯米飯。唔知係咪因為封門柳嘅關係，佢嘅肉質偏乾同「鞋」。考慮到佢喺觀塘工業區開業，呢碟主菜賣到接近180蚊嘅價位，我心理有少少唔平衡。不過，佢嘅鮮奶咖啡拉花幾精緻，而且奶味好香濃。US Hanger Steak $178Latte#觀塘 #KwunTong #cafehopping #Latte…查看更多

Sonia Coffee係一間喺日本京都成立嘅咖啡店，1970年開業，中環同旺角都有佢嘅分店。旺角分店喺新世紀廣場(MOKO)，中環嗰間比較隱世，喺冇咩人留意到嘅橫巷裏面。咖啡店主打虹吸咖啡，店員會了解食客嘅喜好，再推介咖啡豆。佢地有四款單一產地咖啡豆(Single origin)，我最後揀咗巴西嘅咖啡豆。店員帶我去近收銀台嘅木櫃揀杯，原來佢地會喺世界各地搜羅各具特色嘅咖啡杯，畀食客決定用咩杯裝自己嘅飲品。煮出黎嘅咖啡好濃烈，酸感唔強。我仲點咗一件梳乎厘芝士蛋糕，佢嘅芝士味好香，而且奶油旁邊嘅草莓醬味道好濃烈。梳乎厘芝士蛋糕 $42虹吸咖啡 $70…查看更多

今日喺半山嘆啡。見到一間新開嘅咖啡店，我記得原本舖位都係一間咖啡店，不過依家呢間有埋虹吸咖啡飲。我揀咗一款哥倫比亞嘅咖啡豆做虹吸咖啡，咖啡熱飲嘅時候有香茅嘅味道，凍飲時薑味慢慢滲出來。我又叫咗一份紫菜捲飯(Kimbap)，裏面包咗啲玉子、青瓜同五花腩。捲飯暖暖地唔會太熱，而且食落有少少酸，好開胃。咖啡店係寵物Friendly嘅，所以時不時見到有狗仔走入黎涼冷氣，真係好可愛。Pork Kimbap $55Syphon | Single Origin (Colombia Cacao Finca El Paraiso) $95…查看更多