tiklop的個人專頁

第一次嚟，本身諗住去街中個間，但個間條隊太長，所以Google搵到呢間試下啦，出乎意料地好，價錢尚可，食物好食😋，咕嚕肉同鵝腸好好食，花螺好新鮮，值得帶屋企人嚟試下，下次多啲人可以試多啲野食。…查看更多

今天到了這間店食午餐，覺得還可以。麵質還不錯，有彈性同滑，但係其他炸品就軟軟地，可能放太耐了，仲有一支自家製薏米水，唔太甜可以接受。整體嚟講未必會再去因為有其他更好食嘅餐廳。…查看更多

和友人11點前到了Brew Bros，等左一陣大概5分鐘就有枱了，我地經常去呢度食，最喜歡佢嘅Oat Milk Latte，厚身，咖啡適中，不會太苦也不帶酸，所以我每次都會叫，而友人最喜歡佢地嘅Brekkie Plate，食物質素一直保持的很好，從來沒有讓我們失望。…查看更多

今日天氣較熱，去左中環行陣，頂唔順太熱，就去左呢間店。叫左一個Matcha Cream Special with mochi 同一份 warabi mochi，等左大概5-10分鐘就有得食嚕。冰真係好靚，上面Cream厚身同滑，冰好綿密，由上面食落去會有唔同層次，中間有caramel suace同餅碎，而個warabi mochi就跟一個黑糖汁自己倒上面，都算唔錯。呢次唔係第一次去，會再去。…查看更多

第二次到sensory Zero，叫左一個oat milk latte(my all time favorite)，另外女朋友叫左一杯黑糖薑茶(好似係)，飲品質素一直有保證。叫左一個同埋出名嘅滑蛋鰻魚飯。呢兩個都好好食😋 用料新鮮，有心出品。…查看更多

店裡裝修乾淨，比一般茶餐廳好，比較衛生的感覺，不過食物一般，我叫左一碗碎牛豬紅粥同齋腸，粥好稀，冇乜味，料都足不過豬紅唔得結實，同埋碎牛冇味。腸粉可以，亦有齊所有醬料同芝麻任用，值得一提係門口收錢姐姐好有禮貌！…查看更多

情人節同女朋友去了這間餐廳，她一直想帶我去覺得我會鍾意。情人節晚餐470一位（佢地冇加一自己決定幾多小費)，到達後侍應話可以加200hkd for two Prosecco and two oysters，生蠔新鮮，酒就一般。然後有三個前菜，味道可以，但未係好有驚喜，接著有tuna sushi roll and rump steak，tuna sushi roll 細細舊岩岩好一啖過，rump steak燒得好好，好多肉汁。之後兩個main dishes，魚同coriander rice，魚係全晚最出色嘅再道菜。後有甜品，朱古力蛋糕，濃味但唔膩，整體來講就是很飽很飽，這個價錢性價比高。…查看更多

朋友介紹，第一感覺係裝修唔錯門口招牌幾好睇，不過有少少難揾，因為在巷內。叫了一杯iced oat milk latte, 一杯好似芝麻雪糕嘅飲品，仲有再個eel on bread，整體來講係好食嘅，不過咖啡帶酸，唔太適合我的口味，朋友升食左塊choc chip cookie，佢話幾好食，望落都足choc chips。可以試試呢間，個人認為市場上有更好食更好飲嘅cafe。…查看更多

這裏一直很出名，呢次係第一次來臨，抱著希望可以嚐到好食的粥。我叫了碎牛豬紅粥同齋腸，都係42元，粥好夠味，足料，粥唔會稀，上枱嘅時候仲有滾緊嘅泡泡，牛肉醃得好好味，豬紅唔腥。而腸粉亦夠嚼勁，唔會斷唔會(hai)口夠滑！仲有枱面有埋芝麻任用，好正！會再去食。…查看更多

呢間小型壽司店真係好細，得四個位，不過可以外賣，有啲係已經整好左放在雪櫃，還有些飲品，前菜，至於如果需要其他壽司可以即叫即整。壽司選擇幾多，材料都算唔錯，價格適宜，值得一試。呢間店材料比得足，小店而言係中上。…查看更多

平日午餐時段來到，店鋪較為細間，需要先訂位，每個午餐98蚊，包飲品，加錢可加小食，我地加了普洱雞翼，味道類似茶葉蛋，有加入八角各樣香料，味道不錯。另外叫了主菜包括carbonara炒腸粉，中西合璧，味道就冇乜特別，就係腸粉有香港特色，至於啤酒蜆肉意粉，就較普通，仲有手撕豬肉炒長通粉，香辣惹味，推薦。…查看更多

今晚吃了壽司定食和箱壓鰻魚壽司，兩個都好新鮮，壽司定食由師傅發板，20件先400蚊(未加一)，壽司一啖過岩岩好，魚新鮮舊舊都有自己嘅魚味油味，非常吸引抵食。至於箱壓壽司則有一個細碗叉燒烏冬跟餐，呢兩份都係餐，有沙律，麵豉湯，以及甜品，甜品為綠茶mochi。服務周到，令人覺得有處於高級餐廳的感覺。…查看更多