mei meichan的個人專頁

好耐都冇食過呢間金寶，不過我都係覺得佢凈係做泰國野好啦。。唔應該做埋越南野....佢以前果醬爆蝦丸真係好好味，不過我地當晚冇叫到，只係叫左兩碗越南粉。。扎肉雞絲湯檬 ：d檬就一般，雞絲好少又好鞋，個扎肉唔好食，唔知落左咩香草，有d怪怪地嘅味生牛肉湯河 ：生牛肉冇咩特別不過d河真係好鞋口好難食。。埋單仲要成舊水，一定唔返轉頭…查看更多

朋友係官塘返工，因為佢成日都唔知幾點先收工，惟有就下佢約係官塘食飯。。聽佢講依家係官塘嘅工廈開左好多餐廳。。都好，唔駛去apm食ｄ 連鎖店d貴野，多ｄ 選擇。。朋友book左枱叫我係一間叫e-Kafe 餐廳等，佢話晏晝食過覺得好味想試下食晚餐。。朋友講得唔清唔楚果地址，話咩OK便利店對面，好彩有openrice, 噤一噤自己查仲方便。。上到去果環境唔錯，好有外國歐陸小餐廳feel, 好warm...坐得都幾舒服。。好彩佢門囗有d小冊子可以隨便拎黎睇下解下悶，唔駛等人果時咁冇聊。。朋友終於到。。我地點左2個sets+1個小食..個set包左湯，沙律，主菜&餐飲。。好少餐廳ｄ set 又包餐湯又有沙律，唔通好細份？！原來我嘅擔心係多餘。。主菜我地分別要左燒春雞同埋蟹肉露筍龍利柳卷。。餐湯：侍應話晚晚唔同，今晚呢個係法式洋蔥湯。。洋蔥夠淋，湯底味濃，湯面仲加左一層輕輕燒過嘅芝士，另外侍應好好咁俾左一小碗麵包粒我地放落湯食，呢個咁正宗嘅食法，估唔到係香港呢d小餐廳再次品嚐到。。沙律：油醋汁什菜沙律，果汁酸酸咁幾開胃，仲有一小片Parma ham點綴小食 - 法國田螺：好香牛油蒜蓉，一d都唔腈,上面仲有一粒磨菇仔，幾有𡁻口主菜 - 燒春雞 ：侍應一放落黎已經聞到好香燒烤味，d雞肉好嫩，一d都唔鞋         蟹肉盧荀龍利柳 ：朋友食，我試左一啖，都係好嫩配個紅椒奶油汁，幾匹配又唔辣餐飲 - 熱朱古力：朋友推介，我地一齊叫左。果然好濃郁香滑，唔似出面餐廳稀悠悠。。個杯係巴黎鐡塔杯，好別緻，好靚😍整體好滿意，我見佢出面本小冊子話遲ｄ 有低溫煮雞胸，咁特別又只係$108仲唔駛加一，我會再過黎試下。。…查看更多

朋友生日，決定左食呢間德國餐廳。其實呢間餐廳係尖沙咀嘅分店我都食過幾次，不過呢間銅鑼灣分店嘅就第一次食。。唔知會唔會有唔同呢？！我地一行6人，因為8點前到哂，仲有 happy hour,所以每人都叫左一杯野飲。不過唔記得影相😅另外order左：德國咸豬手 - 皮脆肉嫩，不過咸左少少，配麥啤食應該會好食d....佢side dish d薯仔都係外脆內軟，好好吃。。Ceasar Salad - 唔知點解呢碟好唔似平時食開正宗果ｄ ceasar salad..我地同waitress reconfirm, 佢話係Ceasar salad...ok...咁照食.佢有幾粒炸芝士，呢個唔錯，不過Romaine 同bacon 稍大，果汁又麻麻，唔建議嗌農夫包拼盤 - 呢個不嬲我最愛，最鐘意佢果herb cream cheese sauce...😋雜腸拼盤 （大）- 其實條條腸果味都差晤多，唔係好食得出每條腸嘅分別蒜香茄乾天使麵 - 果麵好重蒜香，好香不過果味有d淡，同埋ｄ 茄乾都唔係正宗意大利茄乾，只不過係車厘茄炒乾，價錢同正宗茄乾差一大截，有點被騙了。。😩食完呢五碟已經好滯，果味同尖沙咀差唔多，不過唔知係咪錯覺，果portion 好似比之前細左1/4。。😦…查看更多

好耐冇行旺角，行到差唔多又係時候搵下野食。。都知道旺角D野食又貴又未必好食，不過餓起上黎都唔理得咁多。。經過生龍，朋友話呢間d牛腩唔錯，佢想食。。咁就呢間。。朋友叫左清湯腩麵，我就叫左個云呑蝦子撈面。。朋友俾左舊牛腩我食，係幾淋唔係好多肥膏，不過佢個碗真係少得可憐，碗又細腩&麵又少。。我食果個云呑蝦子撈面，云吞入面蝦雖然細不過都幾爽，但係果麵就比想像中乾又咸, 我要加返好多湯先吞到。。最大問題係杯紅豆冰，d紅豆好似未熟，好鬼硬。。仲要跟餐加$13。。絕對不值。。仲有服務唔好，尤其坐收銀果個亞姑，冇禮貌，問多佢一句都好呼喝好唔耐煩咁回答。。雖然食粉麵啫不過我地都要俾錢㗎，都係客。。 …查看更多

約左朋友食飯，佢話呢度好full, 所以一早book左坐仲叫我唔好遲到。。準時7點到，可能係星期一，所以又唔係好full之喎，因為朋友要食煙所以我地擇左出面坐。。最後嗌左：- 車打芝士煙肉牛肉漢堡 ：幾cheesy, 不過晤知係咪擺左陣，果漢堡有少少乾乾地- 燒美國肉眼扒 ：好有肉汁而且仲食到d炭燒味，好味。。- 我跟左餐湯 - 今晩係南瓜湯 ：有d杰又冇咩南瓜味～ :( 食完先發覺我唔記得同果湯，漢堡影相 …查看更多

一直都好想試下一邊坐艇仔一邊食海鮮嘅感覺。。終於機會黎啦。。一班好耐冇見朋友，相約食飯，其中一位朋友提議食銅鑼灣避風塘，梗係lur 飯應，當晚有少少微微雨，仲擔心緊行程會中斷，好彩如常進行。。我地一行五人好準時到左碼頭，架船好快就到，聽船家講如果有人遲到，果個人要另外俾10蚊先可以載佢。。不過D船家話好麻煩佢地根本唔想賺，所以如果晤想俾人黑面就準時到啦。。好。。入正題。。友人一早預訂左4人套餐，另外我地再加左碟東風螺同埋一碗燒鴨瀨。。其實唔駛加單都已經好飽。。真係食唔唒。。…查看更多

約左朋友係九龍灣傾野，傾完野見餓餓地，諗住係附近揾野食，不過唔係太多野擇，朋友話九展有間新開嘅759茶餐廳，759零食就買得多啦，不過茶餐廳就未試過，好奇心驅使下，一於試一試，點知。。 :( …查看更多