ka_yummy的個人專頁

復活節假期第一日, 留港消費, 男友一直講話要食蟹膏撈飯, 呢個季節, 係香港都唔係好多餐廳做蟹膏撈飯都係靠之前睇社交媒體網站有介紹都有呢間野, 所以決定去呢間。首先,我地都有睇GOOGLE 同OPENRICE既負評， 加上就算社交媒體網站介紹底下既COMMENT都不太好所以我都同男友打打底先 : 拿, D  人話好咸架下, 好似茶餐廳既格局黎架咋.我地都決定去試少少,就算唔好食, 都可以食下場餐廳唔難搵, 眼望裡面有3檯客人, O係復活節假期既食飯時間真係有少少卻步,哈哈.最後我地都叫左蟹膏撈飯 , 同埋 五花肉/ 牛舌串燒 , 佢地推介既炒米粉 .先黎 五花肉/ 牛舌串燒, 熱度同味道都足夠, 牛舌 仲要好味, 薄片, 對得住30幾蚊呢個價.就係因為呢兩樣串燒都唔差, 我地都加左單, 嗌多左 提燈/鵝腸/豬頸肉味道都正常, 可以.提燈第一次食, 28蚊, 神奇, 不過冇咩味XD黎到蟹膏撈飯 ,冇其他人講到好咸, 可能佢地真係有睇到COMMENT 作出左改善真係唔係講到咁差架WO. 個飯又有好紫菜同芝麻, 唔頹架WO.但蟹膏就硬左少少, 男友話冇咩蟹味, 但以98蚊黎講, 都已經算OK。炒米粉 48蚊份量都好多,可以一試, 不過建議想食多D串燒就唔好食佢, 一係唔好嗌 蟹膏撈飯因為蟹膏撈飯 + 炒米粉 兩個人已經好飽總結係. 可能對佢既期待不太高, 反而食到呢個質素, 我地覺得已經合格。眼見所有侍應服務態度都好好, 會開門招呼客人, 呢個時勢係做得好岩, 希望可以保持到.儘管負評太多, 但餐廳如果有改善到但冇人發現, 守唔住就真係有D可惜希望大家多多幫襯小店。…查看更多

今日晚上好想食星星朱古力雞蛋仔，但係佢竟然話今晚冇星星，所以係餐牌上就點左其他味道，就係流心蜂蜜雞蛋仔，第一次試呢隻味道，但係不似預期，原來裏面只係一啲蜂蜜嘅爆珠，即係擺喺台灣飲品入邊嗰啲粒粒爆珠，蜂蜜味好人工，味道同雞蛋仔都唔夾，所以好後悔試咗呢隻味。星星朱古力好味好多。下次都係唔好亂咁試其他味…查看更多

喺九龍灣呢頭返工都返左幾年都未試過呢一間餐廳，睇食評見到評價唔錯而且價錢唔貴，晚餐就嚟試一次。試咗佢哋最出名嘅脆脆沙律，拉麵，炒烏冬，同埋幾款壽司。好神奇嘅係佢哋通知我哋冇三文魚壽司，順便問一問佢咁即係火炙三文魚壽司都冇啦，咦，佢又話有喎，摸不着頭腦。總括來講，食物都不算太特別，拉麵嘅質素麻麻，真係如其他會員所講屬於港式拉麵。而炒烏冬亦都算普通，可能個晚都算幾肚餓，覺得份量同價錢唔成正比，如果50幾蚊嘅價錢，係其他餐廳可以有更好嘅選擇。唯一特別嘅係佢嘅脆脆沙律，佢嘅脆脆的確好大份好高，但係唔會食得晒，因為實在太多同埋太脆，脆到有時會刮損上顎啲肉，食得多，好乾，食唔完。另外我哋仲叫咗幾款壽司，有火炙三文魚，玉子，龍蝦沙律，蟹棒壽司。都幾大跌眼鏡，除咗飯都比較林之外，好似爛飯咁，我未見過舊飯可以咁細粒，佢好似像一件壽司嘅用料了，分開咗做兩件咁樣。就連飯都分兩件咁細粒。蟹棒亦都係，出面食到可能每件有兩條蟹棒疊住，佢就會只得一條， 可能驚舊飯太細粒"朗"唔起兩條XD，試過就算。可能餐廳出名食串燒，而我哋冇品嚐到，今次就試到一啲比較平平無奇嘅食物。價錢好似好平，但係分量唔會話好多，好肚餓嘅話可能要帶好多嘢食先會夠飽，每人只係食一個拉麵或者炒烏冬都唔會夠飽，所以應該下次有得揀，會選擇其他餐廳。…查看更多

入到去有個女侍應同我地講歡迎光臨， 我哋自己搵位坐低左，等左一陣冇餐牌，又冇人招呼，過多一陣，同一個女侍應走埋嚟同我地講，佢哋已經截左單，即時o左咀，截左單但會同你講歡迎光臨，分明係唔想再煮野，嗰時距離佢哋收工時間仲有半個鐘，真係截咗單就佢應該一早就同我地講，而唔係等我哋坐低先講， 不知所謂…查看更多

喺食雞煲火鍋同川菜選擇之下，揀左又新街嘅川菜餐廳食飯。點了水煮魚，皮蛋，麻辣伴麵，醉豬手。所有菜都分量足夠，醉豬手不過不失，冇咪酒味。皮蛋同尖椒公開，可因個人喜好調味，辣麵亦辣得過癮。主角水煮魚份量超大，今次選中辣，下次可以揀大辣。個魚開頭有辣味，但食到最尾會越食越鹹。不過都唔錯。有大量嘅芽菜在底，多到食唔晒。仲有一啲海帶，可以索哂湯汁。埋單＄280 ,仲有一大支豆漿，價錢合理，可以一試。…查看更多

因為想食芋圓，所以搵到呢一間涼茶舖，如果呢一間涼茶舖已經做咗好多年由原本賣涼茶做到而家轉型糖水，咁佢就真係轉型得好成功。因為佢真係超多人排隊，凌晨12點閂門到11點半都仲有人等緊架。喺香港越來越多地方可以食芋圓，但係有啲地方嘅芋圓超級大粒，好似魚蛋咁大粒，仲有餡嘅，我自己鍾情於台灣嗰隻細細粒裏面乜嘢都冇嘅芋圓，呢間正正就係做到我想要嘅，細細粒，配上簡單嘅糖水。25蚊，抵食到喊。佢嘅糖水有熱有凍，但係嗌嘅話，啲糖水都唔係好冰凍，依家咁嘅天氣食都尚算接受，如果夏天食嘅話，啲人可能會覺得唔夠凍。我記得台灣傳統嘅芋圓店佢哋會係啲糖水入面加少少刨冰，令到碗糖水冰凍啲之餘仲有少少咬感，佢哋可以試一試。…查看更多

住喺荃灣嘅人真係好又復，有好隱世嘅餐廳可以選擇，呢間係其中一間，佢位置係工業區嘅地下，如果放假嘅時候應該會好少人流，今日星期六而且長假期，餐廳裏面冇乜人，竟都幾舒服，呢度係自助式點餐，要去counter點餐，店員佢哋就會將食物送。除咗每日嘅喊定午餐之外，其實佢餐牌上面都有好多選擇，有佢哋出名嘅全日早餐啦，意粉同飯亦都有好多嘅選擇，有選擇困難症嘅我都揀咗好耐，佢哋仲有下午茶餐都係30-＄40，都算抵食架。就算我哋單嗌主食都只係＄50到唔過60。點左個卡邦尼意粉同埋凍檸檬茶＄55加＄3動人，份量適中，味道還可以，而呢一個價錢嘅話算係唔差嘅。男朋友點左個吉列豬扒咖喱蛋包飯，但係可惜佢唔係真係蛋包住d飯，只係炒？煎？左隻蛋然之後鋪係白飯上面，份量都算適中，夠飽，都算幾抵食。…查看更多

夜晚駕車喺港島揾食有難度，黎到中環豚王可以泊車喺門口。坐低左店員就好細心咁樣介紹佢哋嘅限定王係啲乜嘢，我地點左個翠玉同黑王。枱上面仲有辣芽菜又任夾，中意食辣嘅人，一定會放好多落個面度。我食嘅係翠玉嘅粗麵，有大量嘅芝士粉灑上面，超級香，個湯仲要係綠色嘅，麵好入味又掛到湯，湯味濃郁。而且每碗都大概有三塊肉份量都足夠， 不過個麵唔會有雞蛋，如果想食就要另外加配。男朋友試嘅黑王，佢冇一路食一路彈，個味道應該唔差嘅。環境舒適又唔會趕你走，原來佢出名係有原因嘅，因為真係幾好食，係會回頭嘅一間拉麵店…查看更多

同男友喺荃灣搵食，搵到呢間食評都幾多就諗住試試。大概等左15分鐘就可以入去。但係我哋被安排坐嘅唔係吧枱位， 而係被安排坐左去再入啲近廚房門口嗰個位，未坐低已經聞到有一陣怪味，好似洗咗條毛巾好耐都唔乾個陣up味，比較難聞。當時食慾已經大減至七成，想調位，但已經落左單。 麵來到，材料豐富，但係所有味道都唔係幾夾，全部味分開左，湯有湯味，面身較粗，但唔入味，冇味道。辣芽菜都無味。只有蛋好食。同埋佢份量係足夠嘅，唔使加面底都夠食。因為環境真係唔太好，而且不斷聞怪味嘅時候，成個麵嘅味道唔知係唔係因為咁而有影響，所以唔係覺得個麵太好食，因為我男朋友嗰個位係正正望住入去廚房洗野嘅位置，所以真係會影響食慾，嗰兩個位真係出事位，真係建議唔好再安排比客人坐嗰兩個位，一係就搵一啲屏風遮住佢。…查看更多

唔知係咪復活節假期，下午嘅選擇好少，三點幾去已冇左lunch set ,brunch set,唔知係咪公眾假期冇定點只有afternoon 三層Tea Set ，同埋一個下午茶餐牌，係惠顧正價野，就可以半價點下午茶餐牌嘅野食，問佢拎主食menu 佢話冇。因應未食晏，驚份量唔夠所以都嗌左個菠菜意大利飯同鴨胸意粉(@20$)。配凍咖啡，凍檸茶(@25)飲料，西餐廳份量。食物，意大利飯份量可接受，食左一啖，味道濃郁。鴨胸意粉一般，冇乜味道，得啖油，份量少，食幾咪就冇左，我食完都唔覺有飽嘅感覺。雖然食物就咁睇廿蚊好平，埋單都要103$杯食品都貴過個食物，有點取巧。…查看更多

絕對唔會，我和我的朋友成餐飯都處於好緊張嘅狀態，我朋友一坐低侍應就已經提醒我哋要八點半交枱，我哋不嬲都唔鍾意一啲餐廳有限時，90分鐘。但因為我哋見呢間餐廳有咁多好評，所以就想試一試係唔係真係咁好。總括而言，佢啲嘢食不過不失，唔算話好難食，我哋帶咗一個四人嘅套餐再加三個小食包括有冬蔭公大蜆，藍青口，焗大蘑菇，份量適中，但係有一個蔬菜意粉完全無味，唔算話好好食。而佢嘅飲品都有好多選擇，佢嘅特飲有好多隻顏色，我哋分別嗌咗四種顏色試，佢嘅特飲通常都係生果梳打為主要嘅成份，但佢哋一上到枱，都只係一杯顏色水，一粒生果都冇，似係一啲濃縮嘅果汁開出來，有啲失望。一到八點，侍應又再走過來提我地last order問我地有冇野要再點，冇野再點嘅話就落甜品，我哋見佢嘅食物都冇乜特色所以就唔再點了，更何況有冇時間俾我哋食。之後餐廳裏面嘅侍應又再次走過來問我地枱上面嘅食物係咪已經完成，但係我哋枱上面嘅食物每一碟上面都有野未食完嘅，一睇就知未完成啦，但係佢好想收咗我哋啲嘢食，我哋係仲有人食緊，再過多5分鐘都冇又有多一個侍應走埋嚟，又問我哋食完未可唔可以收咗啲枱上面嘅食物，呢個時候我朋友就火滾話未食完架，大家都因為侍應吹三催四而大感不滿，大佬呀嗰陣時8點10分都未有，就已經好想清走我哋枱上面嘅嘢食甚至乎未食完嘅食物。餐廳係唔係真係為咗要做多啲生意，而唔能夠體諒客人食得慢呢，而要客人成餐飯都處於好緊張嘅狀態，要限時完成，仲要係咁俾啲侍應催，其他食評嘅評語都話呢度係可以令人放鬆嘅地方，請問你地吹三催四嘅氣氛，如何令到客人放鬆呢？而我哋唔係專登想食咁慢，我哋都已經盡量配合你地要求我地完成嘅時間啦，都未夠鐘，催乜嘢？最後埋單仲好笑， 埋單食咗＄818，我哋喺度夾緊錢嘅時候個侍應問都冇問就一手拎走左啲錢，嗰度有＄1007 ,佢返轉頭來問我地點解比1007，我朋友都好不滿咁同佢講其實我哋未夾完錢，叫佢放低俾我哋處理左先，其實使唔使趕到咁樣？成餐飯食物就算幾OK都好，員工態度問題都令到成餐飯食到好唔安樂，意猶未盡，落下場再飲過仲好。順帶一提，間餐廳叫Bar and Restaurant，但係冇酒飲嘅。黎呢度食野，最緊要快，黎得快，食得快，走得快…查看更多

喜愛食egg benedict 嘅我好鍾意周圍揾egg benedict 食，今次黎到新蒲崗呢間餐廳食，佢係一間雪糕店，但係有不少窩夫，全日早餐供應，今次揀咗個煙三文魚班尼迪蛋同埋卡邦尼意粉。唔錯，個鬆餅做得幾好，因為佢會喺面查一查牛油，呢個係我去過咁多間餐廳來講，佢係第一間餐廳會咁做嘅。仲可以配薯角，焗蕃茄，或者焗薯，佢有小小沙律，份量都足夠嘅， ＄78一份，加＄10可以配一杯＄25以下都飲品。卡邦尼意粉味道都濃郁，算穩陣。…查看更多

十二點幾差唔多一點都未食晚餐，所以近近地嚟咗呢一間通宵糖水鋪食點心，點知中伏。呢度嘅點心價錢可以媲美一啲連鎖嘅點心店，同添好運,一點心嘅價錢有得揮，但係質素就真係差好遠，一籠燒賣要＄24 ,一籠蝦餃要＄26 ,一碟叉燒腸要＄26等等。另外仲嗌左鳳爪，同埋山竹牛肉。點心係一次過就送到來，除咗叉燒腸。一送上枱就覺得佢哋好冇精神，一望到蝦餃同燒賣個皮，未食就覺得好厚皮，睇落去仲乾爭爭，燒賣嘅質素真係做好差，講真隨街搵間小食店買串魚肉燒賣，都好食過佢好多倍，唔好講笑，真係好厚皮，蝦餃亦都係，唔使講鳳爪同牛肉都唔好食，牛肉裏面啲肉仲係紅卜卜，嚇親我，問佢哋佢哋又話係正常，唯有勉強食咗佢，好似食緊一個熱辣辣嘅生牛肉球咁。最後即叫即正嘅叉燒腸亦都唔想評論，啲被正到好似粉果咁樣，裏面叉燒肉激少，而且好肥，講真係超級市場買淘大點心或者公仔點心都好味過呢度嘅點心好多，真係幾難食，但係唔想浪費食物，所以先被迫食晒所有嘅點心。講真嘅，如果唔係太夜同近，都唔會搵到呢間，下次好肚餓嘅時候都唔會再嚟呢度食點心。冇影相，真心試左，真心難食，唔信嘅可以試吓。…查看更多

今晚點左芝士脆脆餅，皮蛋，牛舌，稻庭冷烏冬，芝士金菇，芝士翠玉瓜脆脆餅燒得燶左少少，有少少苦，乾得制令到我哋食唔出芝士嘅味道。翠玉瓜兩件但係兩件的大細實在太唔一致，唔係太抵食。稻庭冷烏冬反而是所有菜色之中最好食。皮蛋唔錯，會有白砂糖同酸薑，＄22有一粒，雖然都偏貴但可以一試。芝士金菇又係唔係好夾，都係鍾意返傳統用普通牛油蒜蓉粒去焗金菇會比較好食，金菇會入味啲，芝士同金菇味道都分開咗。所有食物味道都一般，中規中矩，不是太大特別。而且價錢都偏貴。…查看更多

試過有一晚想黎食晚飯，點知摸門釘，全晚滿座，所以今晚來之前特登打咗個電話問walkin有冇位，佢好友善咁回覆我話大概八點三，應該會有位叫我去等，所以就那那林揸車去等位了。去到等左一陣，大概八點度就已經有位啦，試咗佢哋全店最出名嘅蟹肉蟹膏意粉，之前睇過食評/面書啲人嘅食後感都話呢一個意粉好食但係食得多會有啲漏，我個人反而覺得佢好似唔夠味，可能自己重口味。男朋友一食就話好有蟹膏味。另外我哋仲帶咗個羊架，不太好肉嘅我哋都覺得佢煮得唔錯，調味幾好，我鍾意食呢個多嗎個意粉，大概＄140仲有三件羊架配意粉飯或者薯菜重連埋湯同埋飲品呢個價錢非常合理。如果可以，想lunch time 再黎多一次。…查看更多