HoJohn5514的個人專頁

今次同⼤家介紹下⼀間⽇式串燒店—黑⽊。單單看⾨門⼝口的裝修， 就已經充滿了了濃濃的⽇本風情，保留了⽇式傳統的⽊門設計， 在尖沙咀鬧市內，簡簡單單的設計卻⼜又帶來來⼀一番別具風味。同⽇本既串燒店⼀樣 入⾯面的風格都係以和式簡單既⽇日式設計為主， 櫃檯上都放滿林林總總既⽇日式酒類類，入到去後都彷如⾃自⼰己離開繁囂， 置⾝身於日本⼩小店內的優雅⽽而寧靜的氛圍，享受與朋友之間的⼩小聚會。 首先，頭盤係先來來海燒類串燒。 全部都係新鮮製 作，食落落有鮮味，味道都唔會太腥。不過果螺如果要拎舊⾁肉出黎黎可能就需要費少力了😂 😂 至於 燒帶⼦子味道剛剛好 配上檸檬汁 都係⼀一道唔錯既開 胃菜。然後接腫⽽而來來的 就是一味⼜一味可⼝口既串串燒了了， 有素菜類類 亦有⾁肉類類 每款都即叫即整，美味可⼝ 主食部分 因為每樣食物都係為了了保持熱度同新鮮度 所以會需要等得耐少少 等候期間可以同朋友⼩小酌下 傾下計不失為樂樂樂樂😉 🥰 主食有飯團、豬⼿手同好多好多燒⿂魚🙈 🙈 最後⽤用蜆湯做結尾 …查看更多

果然係『火鍋撚』嘩，甘又十二月啦！以往天氣都冇甘早凍成甘，今年總係覺得早凍左！天寒地凍，一定要食香港人最鍾意既打邊爐啦～所以今晚就同朋友去試一試火鍋撚！ 其實一直都好想黎試，直至依家係西環開左，先唔洗山長水遠去食。入正題～一入到去見到裝修好特別，好有中國氣色。什至茶壺都特別Ｄ，唔同平時食火鍋既地方用酒樓既茶具。 湯底：招牌白湯　拼　麻辣湯底我地諗左好耐，因為兩款都心郁郁想試，最後加三十蚊雙拼估唔到個湯底十分出色，湯底濃，多料。入面仲有最近大家都最上既鴨血！入口滑，爽口，加埋個湯底。正！如果多人可以加十七蚊要多一份。推薦！ 我地叫左個例牌安格斯牛，黑牛牌葉，特大蠔同羊肉。每一款食物既擺設都好有心思。 最後仲加左個烏冬。因為個湯底太好食啦！唔食真係對唔住自己！ 最後最後，居然送上甜品呀！！！！一打開係凍黑糖芋圓！食完之後真係覺得冇甘上火～抵讚！（不過我太開心，食左唔記得影哈哈） 下次一定要再去食！！！！…查看更多

果然係『火鍋撚』嘩，甘又十二月啦！以往天氣都冇甘早凍成甘，今年總係覺得早凍左！天寒地凍，一定要食香港人最鍾意既打邊爐啦～所以今晚就同朋友去試一試火鍋撚！ 其實一直都好想黎試，直至依家係西環開左，先唔洗山長水遠去食。入正題～一入到去見到裝修好特別，好有中國氣色。什至茶壺都特別Ｄ，唔同平時食火鍋既地方用酒樓既茶具。 湯底：招牌白湯　拼　麻辣湯底我地諗左好耐，因為兩款都心郁郁想試，最後加三十蚊雙拼估唔到個湯底十分出色，湯底濃，多料。入面仲有最近大家都最上既鴨血！入口滑，爽口，加埋個湯底。正！如果多人可以加十七蚊要多一份。推薦！ 我地叫左個例牌安格斯牛，黑牛牌葉，特大蠔同羊肉。每一款食物既擺設都好有心思。 最後仲加左個烏冬。因為個湯底太好食啦！唔食真係對唔住自己！ 最後最後，居然送上甜品呀！！！！一打開係凍黑糖芋圓！食完之後真係覺得冇甘上火～抵讚！（不過我太開心，食左唔記得影哈哈） 下次一定要再去食！！！！…查看更多

市區平價大排擋之選每次月尾無錢，朋友約食飯嘅選擇之一事關妹記嘅分店都位於旺區內，係各方好友嘅聚腳地。價錢比同區餐廳便宜，無最低消費而食物質素，以呢個價錢都可接受但要留意嘅係環境比較嘈雜，想靜靜傾心事嘅朋友們就要注意一下！…查看更多

朋友遠道而來，三個老朋友就聚餐，順便行下街。朋友揀左呢間位於尖沙咀厚福街嘅地舖食西班牙菜。地點就十分易搵，係cotton on正後面。環境都舒服，人流不多，無限制用餐時間。三人點左一個海鮮火鍋，一個西班牙海鮮飯。兩個菜好快就一齊上左枱。海鮮飯份量適中，海鮮有概有蝦，蜆，青口。但就應該係一早整定，事關飯完全唔夠熱，海鮮有少少凍左。海鮮火鍋。其實佢係用一個茶壺入面加左湯底(我地揀左蕃茄湯)。另外有一盤共五款海鮮。有蝦，蜆，螺，蟹kim，帶子。海鮮拎上枱時，就聞到陣陣嘅()味。可能我對呢種味道太敏感。但我事後係無肚痛嘅！食落啲海鮮都真係好唔新鮮，如果對海鮮有要求嘅朋友仔就最好唔好點。但最特別嘅就係當食曬啲海鮮，佢會準備定啲小杯比你，倒啲湯落去飲用。湯帶點啤酒嘅味道，加上濃厚嘅蕃茄湯底。我朋友就好喜歡，但就唔係我杯茶。整體我覺得店內服務，環境都不錯。但我叫嘅食物質素都一般。三人叫左兩款食物，每人大約270。價錢都不便宜。可能如果再有機會嚟，叫返啲意粉同小食會比較穩陣。…查看更多

今日收工同女朋友去試下依間川味私房菜，我地兩個都好鍾意食辣野，所以就揀咗依間試吓。佢個location 都相當方便，喺觀塘地鐵站B出口，步行5分鐘就到。雖然係工廠大廈，但大堂裝修得非常靚，餐廳喺14樓，需要搭lift去到13樓再行一層樓梯。一去到老闆同老闆娘都非常熱情招待我哋，因為係星期六21:30 所以唔算太迫。不過如果平時可能會比較多人，所以打去訂枱會比較好。冷盤我哋叫咗個醉雞，除咗酒之外仲用咗一啲藥材，所以食起上嚟帶點藥膳嘅感覺。用料都非常新鮮，雞都非常滑。然後老闆娘仲推介左個生蠔，叫我地試吓。一開始都有少少猶豫，因為好少喺中餐館食生蠔，都會怕擔心唔新鮮。但生蠔唔單止新鮮仲非常大隻，完全唔需要用任何醬料，因為非常鮮味。主菜我哋叫咗個海參雞煲，都覺得幾特別。記得海參要煮來小小先好食，除咗用料新鮮之外，係佢將個雞煲醬汁調校得非常好，唔會好似出面嗰啲一味得個咸字。唔太鹹重辣味仲有少少麻味，我哋今次叫咗個中辣，不過如果下次食嘅話可以叫佢加重少少麻味會比較好。之後我哋仲叫咗兩個金豪土司，簡直好似中式嘅鵝肝土司。依個金豪非常肥美，同土司非常爽脆，一定要趁熱食。除咗肉之外當然蔬仲有菜啦，呢個辣椒炒椰菜花真係非常嘢味，就算唔鍾意食蔬菜，用嚟送飯都一流。最後老闆仲叫我地試吓個新菜式，辣椒爆蝦真係非常好食，因為本身已經剪開左，所以食起嚟都好方便，隻蝦本身又好新鮮同好大隻，真係不得不試。…查看更多

朗屏站📍培茶布丁 $28 朋友們話呢頭有間網紅店，就咁啱嚟左元朗BBQ，就去左幫襯一下！佢地熱門嘅味道都賣光光，以為無機會試。點知佢地有啲準備新鮮岀爐嘅布丁燒！就立即買一個一齊試試！(店員話要立即食。不能外帶) 好新鮮好熱辣辣嘅布丁燒，但比我想像得普通。其實就好似上層似輕芝士蛋糕，下層係布甸一樣。$38 確實不太便宜。但呢款甜品都幾特別，可以試試。另外重買左一個布丁外賣返家。味道其實普通，茶味無特別重，但質地幾幼滑。但點解無咩特別都照放圖呢🤨就係見到當日在舖嘅人，知道我地回家路程要一個多小時。就立即為我地準備每人一包冰，同冰袋。(我只係買一個布丁外賣喔)。重好有禮貌咁招待我地。好有心有禮。值得加許👍🏻…查看更多

今日收工同朋友一齊去左間叫一樂食放題，地點尖沙咀寶勒巷，都近地鐵站同好多巴士站，因為我由觀塘去坐215x 唔洗20 分鐘就到了。我地一枱四個人訂左食20:45，好彩有訂位因為都幾多人。佢哋落單都非常新穎，係用wechat 落單，唔洗好似其他放題等咁耐，落單後都好快送到。佢哋既刺身都好新鮮，特別係吞拿魚非常鮮甜同肥美。佢哋刺身都仲有好多選擇，三文魚，吞拿魚，油金魚，赤背等等 係壽司方面芝士火焰三文魚燒得啱啱好同唔會太大件，令你食唔到其他野。手卷方面海膽手卷最為出眾，好新鮮完全沒有苦澀味除咗刺身同壽司之外，佢哋都仲有其他熟食，呢個豬頸肉就真係食到停唔到口。另外佢哋呢個牛柳粒都非常特別，加入左少少辣椒令到牛柳粒非常嘢味。另外佢地仲有串燒，燒菠蘿都非常好食同牛舌同好軟好野味。另外每一位客人都可以叫一刻燒帆立貝，同有三個味可以選擇我就選擇咗香蒜焗帆立貝，蒜油完全深入帆立貝更帶出帆立貝嘅鮮味最後佢地甜品仲有movenpick 雪糕，有朱古力味同士多啤梨味。午市 *逢星期六、日及公眾假期12pm - 3:30pm 成人 $268／小童 $168／長者 $188 晚市成人價 （6pm - 8:30pm 及 8:45pm - 11:30pm）*劃一價小童 $168／長者 $188星期一至四 $588 星期五、六、公眾假期及其前夕 $588…查看更多

在附近工作，終於有機會試到！我之前在內地光顧過喜茶，後期知道香港有抄襲店，好奇想試試就係午飯時間，大約一點，少啲人排隊時買左！無論由店面裝潢，餐牌都同喜茶好似。敢當二點我今次就叫左幾場嘅招牌芝士奶蓋試一試芝士金鳳茶王佢建議係唔用飲管直接飲面層嘅芝士奶蓋飲落佢嘅芝士都幾綿滑，芝士味相比香港某幾間都為突出但茶味就相對地淡口，加上芝士，完全把茶味掩蓋。價錢相比其他同類型店舖高，但芝士味道喺香港嚟講都不錯。如果喜歡芝士嘅朋友仔就可以一試！…查看更多

星期五收工同成班朋友一齊去打邊爐，佢個火鍋有雞同羊腩選擇。因為天氣有點涷，所以我地選了羊腩暖下身，一開始要食晒啲羊腩，然後佢先會加水，再食火鍋。佢除咗有火鍋之外，佢另外都會送點心，味道都相當唔錯同幾大分。嘢食同飲品都係任食，所以冬天成班人去打邊爐呢度就啱晒，價錢每位都係＄190…查看更多

呢間Cafe係連住太古城入面的Log-on，要自己搵位同座位不多。提供選擇嘅食物款式不太多。它們的甜品是與旁邊的雪糕店一齊賣。所以套餐可以加錢食佢地嘅雪糕，或者散叫。我地三個人嚟食下午茶，叫左兩個主菜。卡邦尼意粉：食物賣相不錯，意粉上舖滿菜 同煙肉，白汁好綿滑，cream味濃。調味剛好。意粉軟硬度適中。海鮮炒飯: 飯有幾款海鮮切粒加蛋炒成，有少量蟹肉，蟹子，蝦等等。味道比較淡口。海鮮新鮮度不夠。豆奶，係無糖。我個人喜歡！但友人覺得甜度不足，難以入口。就視乎你個人口味以定。這店食物味道還可，口味偏向清淡，價錢係中上。行街行到攰想搵地方坐坐，就可以揀呢間。…查看更多

去完中大嘅畢業典禮，就揀左去沙田呢間岀名嘅大排檔食晚飯: 一行四人，總共叫左四個餸！Wasabi手撕雞：有雞絲蟹子海蜇伴wasabiWasabi味都幾重，後勁頗辣加左啲蟹子撈埋，口感👍🏿煎蠔餠: 上枱時炸得香脆可口，加左芫茜一齊炸。唔食芫茜人士要小心芝士粟米斑塊:芝士嘅味道不突出，但斑塊粉厚度可接受，新鮮炸上枱。送飯一流😽椒鹽魷魚:魷魚都不錯，新鮮炸完上枱。但椒鹽味道不太突出。菊花羅漢果茶:淡淡清涼，消熱氣不錯。提一提: 晚餐時間(約7:00) 好多人等位，暫時未有完善嘅座位安排，要企係人地枱旁搶枱！呢方面比較不方便！同坐位比較迫。不好慢慢聊天。但勝在每碟菜都大份夾抵食，平民之選。食物質素保持在中上。…查看更多

今日同一大班朋友去食蒸氣火鍋，因為之前未試過都覺得幾新奇，蒸氣火鍋較為健康。因為係用蒸氣去蒸熟啲食物，但味道就要靠漿料去搭救。仲蒸氣火鍋個仔係有粥，當你食到最後嘅時候就可以食啲粥，啲粥就會吸晒之前所有食物嘅鮮味。食物嘅種類都有好多種，仲係自助任食所以唔會怕唔夠飽。佢除咗蒸氣火鍋之外，佢仲有一般嘅火鍋同鐵板燒，但鐵板燒就要排隊輪候。每人都係131蚊，佢嘢食都算新鮮，飲品任飲，所以真係幾低。…查看更多

今日返新女朋友就同我去咗旺角食放題慶祝，好彩女朋友有一早打電話去訂枱，因為就算平日都好多人去食，我哋就係唔夜晚 20:45 至 23:15.佢嘅卡位都坐得好舒服，張枱都唔會太細，夠放好多好多食物。食放題刺身當然唔少得，旺角有無數的日本放題餐廳，但質量絕對冇得同依間比。佢每一件刺身都好大件好厚，同好鮮甜。所以個刺身係已經值回票價。然後依兩個手卷都係絕對未食，仲會食完一個再即刻想食多一個。（左）係軟蟹手卷，（右）係海膽手卷，依兩個手卷都係即叫即做，所以先咁新鮮咁好食，但為咗控制人流所以每次只可以攞兩件。仲有注意番手卷供應時間 （晚市），係由第一埸18:00-20:00，同第二場 21:15-22:45。千其唔好錯過，一定要去試。除左新鮮的食物，仲有熱清酒🍶。甜品當然唔少得最受歡迎的haggen Dazs 雪糕。Overall 係絕對值回票價同好適合情侶去食的日本放題，因為可以選擇食物很多絕對有一樣女朋友一定會鍾意食，質素都相當高，價錢都唔貴。…查看更多

今日同女朋友收工去，食咗一間朋友介紹嘅燒牛肉。佢位置都相當方便，佢喺尖沙咀海防道中達大廈11樓，離地鐵站都好近。好彩女朋友醒目有打電話去訂枱，如果唔係都應該要等一段時間。坐低之後，經理就行埋你介紹餐單，價錢由$198 美國安格斯牛>$398 和牛肩胛肉》$498 日本A5和牛肩胛芯佢係一個套餐，會跟一個同埋紅豆飯，沙律麵豉湯，流心蛋，同一D醬汁。佢嗰醬油有分別係有柚子汁，Wasabi, 岩鹽，蜜糖芥辣，燒汁。我個人就比較鍾意將Wasabi放入流心蛋，然後用來拌飯。然後岩鹽同燒汁都好帶出肉嘅鮮味。仲有記得牛肉唔好燒太耐，大約八至10秒就OK啦，如果唔係就會太老。佢依間餐廳裝修都好特別，個火爐都好精緻，特別係員工服務態度非常好，會好清楚介紹每一種醬料，同燒烤方法。overall 係值得一試。…查看更多