SungJason的個人專頁

看到評語都不差，首次決定買外賣！ 牛肉，豬肉，雞肉各叫一份！飯的份量尚算足夠，雖然未至於性價比很高！麵豉湯份量太少，而且鷄件和豬扒又真係細塊咗！所有盒打開，整個賣相都不吸引，感覺比幾間大集團的賣相還差。汁的味道正常，可惜所有肉類都很硬，要放在口內咀嚼很久才能吞嚥，而且雞件和豬扒充滿血腥味， 我個人不懂得烹調， 應該是來貨質素和烹調方法嚴重出現問題。 這種快餐類的日式便當餐廳，我真的以後不敢恭維了， 香港餐廳價錢反映一切！…查看更多

難得去到西環，當然要試有電視節目推介過的波記燒味，地方不大，下午三點之依然有些人坐低。五分鐘我點餐叫叉燒油雞飯要雞胸，但我真是第一次去燒味舖說沒有雞胸。我只會聽得多是沒有雞脾，很少聽到說沒有雞胸。在十分鐘內有其他顧客有不同要求，但我發覺大部分都是被reject的。食物味道和飯香是好味的， 但我自己覺得工作人員的態度令我不舒服所以我很快食完便走了。到我離開店外向內望，其實之前我及其他顧客想特定的食物都是有的，但真不知道工作人員為何不供應，這個留待其他食客去認證吧！…查看更多

看見門外海報的星洲炒米粉幾靚仔，還分大細碟，入到嚟問大的是比細差多少，他說大紡小三分一。最後我還是選擇了大。當服務員把星米放在我眼前，我第一時間發問：這是小的嗎？他說是大的我！本人當時情緒修為很高，沒說什麼吃完就走。話說米粉碎濕濕，冇味，料唔夠，又細碟，咁就$75，冇下次！…查看更多

其實我已轉去附近更美味的茶餐廳吃早餐了，但今天因為同事們邀請我去食早餐， 勉為其難試多一次；已經給他第三次機會， 再次試食他們的五香肉丁公仔麵， 來到的同樣是一堆未經溶解的肥豬油， 再次向店職員投訴，他們依然的答覆是我們入貨的罐頭是這樣的，你不如下次食其他東西吧！ 但本人真是五香肉丁痴， 我放下錢就轉去其他茶餐廳再食，今天付出多了錢，還要生氣，對它已經完全失望。其實我覺得只要廚房哥哥可用心啲，唔好亂倒出嚟畀客食，已經可以解決問題， 但樓面的嬸嬸回復亦是天下極品，算啦，轉埸…查看更多

端午節帶了女兒到鰂魚涌公司玩，之後想找個地方醫肚， 就記起朋友介紹這間米芝蓮粥鋪；下午二時左右沒見什麼人流，坐底叫了粥和撈麵，， 食品還未到的時間， 可能佢今天沒有管理層睇鋪， 員工們在鋪西大聲交談，又粗口，又馬仔， 真係食龍肉都冇味啦。最後，粥是靚的但真係要擇個良辰吉日先幫襯。…查看更多

今日終於試到呢間冰室，入到去見到食物各樣嘢都幾啱自己口味，我就點咗個五香肉丁米粉及熱奶茶少奶， 因為同時間隔離枱都叫咗熱奶茶，跟本兩杯熱奶茶都分唔到邊杯係少奶，佢就強行要話畀我聽其中一杯係，你話係咪係囉！ 我都唔明點解佢唔係攞番杯奶茶入去加多少少茶畀我。 總括嚟講食物係唔錯，但係就感覺到呢間嘢嘅員工比較亂，落單出產品及收錢都係亂 ，甚至乎聽到其他客人投訴都唔覺得佢哋有任何悔意，仲要企埋喺另外一邊話返個客唔啱，旺記老闆真係要在員工管理上檢討一下啦。…查看更多

第一次嚟呢度食夜晚自助餐，諗住有五星級酒店，應該都唔錯，見到海鮮檔都值得推介，但係其他嘢就真係完全落唔到手。燒味欠奉 ，點心得嗰幾樣，海南雞冇refill，蒸石斑 見到完全唔想食 ，甜品亦都唔算多，所以都係嚟一次就算啦。…查看更多

天氣凍凍地又肚餓，行過呢間海樂水餃店， 本身都坐滿嘅，等咗五分鐘就可以坐低， 睇完個菜牌，樣樣都想試雖然我得兩個人 但我哋叫咗三碗水餃， 分別係韮菜餃，白菜餃同羊肉餃。此舖頭賣點係用花膠豬骨做湯底， 三碗水餃一擺低，第一口就飲咗啖湯，天氣凍凍地飲呢啖湯的確合時， 水餃餡分量算大，算是皮薄餡靚， 羊肉餃是最特別，唔太鬚好好味。美中不足就係幾位婆婆記性實在太差啦，成日都唔記得野，不過佢哋殷勤嘅服務亦都算係補夠曬所有嘅不足，看起來也好好笑，也令我想起童年母親包水餃嘅回憶。傳聞中話冇味精，我唔太肯定，因為食完我有口乾嘅感覺，不過有機會係個鎮江醋裏面，未必係水餃裏面， 總括而言，可再一吃。…查看更多

食物質素非常一般， 食完生蠔之後已經唔再知自己想食乜嘢 ，人就更加不敢恭維完全冇笑容， 甜品西餅完全冇誠意， 讚的就只有雪糕了， 最好笑就係咖啡機都可以冇水， 海參仲有腥味， 一句講曬冇下次，返酒店。…查看更多