今日約左女朋友食lunch，搵到呢間餐廳諗住試下。原來搭地鐵到荔枝角再行去好方便👍🏻 餐廳環境好chill好日系🫣感覺自己好似身處喺日本一樣💙我同我女朋友嗌咗泰式冬陰功大蝦燴飯同埋鹽燒雞扒櫻花蝦炒飯便當泰式冬陰功大蝦🍤燴飯幾好食⭐️，味道同之前食到既唔同，好creamy，個冬陰功味好出。口感偏港式，少咗椰子味，反而更加惹味豐富。鮮香爽辣🌶️🌶️🌶️🥵🥵 燴飯上面既鮮蝦好大隻，好爽口彈牙😋😋🌸🍤炒飯落左好多櫻花蝦，個味好出，炒得非常香口。雞扒同台灣腸個味道都ok，正正常常。想講嘅係便當入邊嗰一份蓮藕金平幾好食，味道酸酸甜甜，係一個幾好食嘅開胃小食🤩最後我嗌咗一杯期間限定嘅山茶花鴛鴦latte，估唔到山茶花再加埋烏龍茶會有一種咁獨特嘅味道，再溝埋咖啡加鮮奶完全唔會有衝撞，係近期飲過一杯幾特別嘅飲品😻…查看更多
