mmila的個人專頁

作為牛大人Fans 今次想介紹佢哋嘅超豪放題日本黑毛和牛A4+晚市 120分鐘吃到飽套餐❗️😚實現和牛自由嘅感覺好爽 每片雪花都好靚 夠柔軟又juicy😆油花好勁 每一轉上菜都係一樣品質🥹伊比利亞黑毛豬梅肉味道好濃郁 肥瘦適中～大讃期間限定湯底 聰明魷魚沙茶鍋🦑真心鹹香惹味 仲配有大蔥同木魚花增香🤩同埋食得耐都唔膩又唔會太咸太辣👍🏼仲有大量小食介紹唔曬 不過特別想講鮑魚三吃🤣有醉鮑魚、柚子汁燒鮑魚同美乃滋鮑魚酥有創意得嚟係好吃 最鍾意係美乃滋鮑魚酥🥹無諗過天婦羅嘅整法放落鮑魚度係咁香口惹味 仲完全唔硬❤️最後必提套餐仲要包海鮮拼盤同送澳洲M9和牛牛丸2粒❗️扇貝、蠔、鮑魚、鯇魚片都好大隻新鮮唔腥🌊新鮮鮑魚唔夠仲可以任叫～特飲有芒檸蜜西米爽🥭 甜品有蜜桃愛玉冰 仙草凍✨仲有大量高質雪糕雪條任食🍨🍧🍦推薦叫曬啲朋友過嚟食返夠本😂…查看更多

今次介紹九龍城呢間地道港式小炒🔥特別大推鮑魚滑雞煲，個醬汁惹味得嚟唔過鹹，配飯食好正🥹而且鮑魚好大隻厚肉，食落完全唔硬，味道新鮮滑雞肉質好嫩，份量好多。生炒骨保持到外層脆口，酸酸甜甜好正仲有個XO韭菜花爆肥牛，韭菜好鮮嫩，肥牛份量好足，呢度仲有好多菜式揀，好似豉椒炒蜆、椒鹽鮮魷、薯仔牛柳粒等等加$12可以升級做套餐 有白飯 湯同熱飲🍚消費滿$250仲送一隻南非醉鮑魚✨幾個人嚟簡簡單單叫幾個小菜就飽晒～ …查看更多

今次分享呢間超級高質嘅日式串燒店，餐廳雖然地方唔算大，但係迫爆晒人，人氣爆登，🔥而且氣氛好好，有吧枱可以望住師傅整串燒，師傅功架十足，睇得出佢哋做嘢好專注，而且處理每一種食材都好講究🥹特別推薦一定要叫特濃花膠雞白湯烏冬，花膠味真係好濃，而且上菜嘅時候就係滾住熱辣辣，湯底仲有啲豆香味，烏冬入口好順滑好正😭熱成特上鴿皇胸腿肉都係必叫，寫個胸腿肉好大件，燒到個皮脆之餘充滿油光，咬落去都係非常之多肉汁，完全保留到水份，肉質仲好嫩滑，再加埋鹹鹹地嘅調味好惹味❗️本地活豬玻璃肉都係極度出色，油脂分布好滿，食到豬肉嘅油香，但係又唔油膩👍🏼最後極度推薦是佢哋嘅酒，檸檬茶酒同海鹽柚子酒都係店員大推，總結成餐飯都好高質好滿意，下次都想再帶朋友過嚟食❤️…查看更多

今日介紹嘅係呢間元朗高質咖啡店店舖環境好優雅，好細心嘅位係無論係裝修定係用嘅碗碟都有藍色花紋✨呢度無論係鹹點定甜點都好出色，叫咗一個招牌煙肉All day Breakfast （BRAVA BRUNCHIN）配料非常豐富，有茄汁豆，大啡菇同好鮮甜嘅蕃茄，德國香腸，另外仲有得改要黑松露炒蛋同croffle超大推要試佢哋嘅黑松露炒蛋同croffle🥹黑松露炒蛋松露味真係好出，croffle好鬆脆，仲配有甜而唔膩嘅蜂蜜，其他配料例如沙律菜，大啡菇等都好新鮮，份量好夠另外甜食都好好味，Lotus Biscoff with cream croffle賣相好靚，而且仲食得好飽，Cream好順滑，表面配上大量Lotus Biscoff餅碎好夾❤️另外大推佢哋嘅開心果巴斯克蛋糕，口感真係好順滑，同平時嘅巴斯克蛋糕有啲唔同，唔會有油膩感，而且開心果味道好出最後Hand drip同Earl Grey Latte都好好飲，hand drip風味十足，好fruity，Earl Grey Latte就幾重奶香呢度仲有生日甜品，生日過嚟同朋友慶祝都好啱，附近仲有老鳳茶居同小巴去大棠，無論係行山散心定係體驗元朗特色都好適合🙌🏻…查看更多

今次介紹深水埗嘅糧尾恩物💕呢度主打乜都係大大份 仲要好平好抵食呢個價錢同呢個食物質素真係好良心味道都完全唔hea✨想講其實我中學時期已經有嚟幫襯到今時今日仲係收緊咁平價錢 咁有份量年少輕狂嘅我曾經以為自己食量好大 覺得實搞得掂親眼見到呢座山先知原來我真係太天真😂個意粉山有夠誇張🍝細食嘅 3-4個女仔嚟食一碟都夠分意粉蜆肉好多，有好濃蒜香味👍🏼同埋啱啱上菜出晒煙另外玫瑰雞翼都好好味，外層香脆但炸皮唔厚兩杯飲品味道好清新，飲落唔假甜其他小食同嘢飲都係賣得勁平 就算加勁多餸豪食都唔肉赤佢哋好似仲有到會food menu開party搵佢哋訂嘢食都諗得過😂食物選擇夠多 肯定滿載而歸自認係大胃王食極唔飽嘅可以去呢度挑戰下～🙊🤣…查看更多

又一正宗印度菜介紹💕呢度主打素食，素食者想有多啲新意又多個選擇🙌🏻餐廳好有異國風情，佈置得好靚，顏色好鮮艷，地方闊落入面好多印度人食～食物擺盤都好用心，份量好大份，一個飯同麵3-4人食都得😂特別大推蘑菇咖喱，好正🤤好好味之餘比平時食肉類嘅更加唔膩👍🏻👍🏻👍🏻炸薯餅都好特別，聽講係本地好受歡迎嘅小食嚟 值得一試😋呢度好多食物都唔辣/辣度唔高 所以都好適合一家大細＆唔同偏好嘅朋友～…查看更多

今次介紹位於旺角嘅咩記，佢哋嘅羊肉超好味😆入到去餐廳裏面已經覺得環境氣氛好正❤️，好有港式大排檔嘅感覺，牆上有好多好正嘅標語，同埋未食嘢店內已經傳出濃濃嘅麻香味！今次揀咗麻辣湯同埋卜卜蜆濃湯鍋，麻辣湯辣到其實唔算高，但係好惹味最有驚喜係卜卜蜆濃湯鍋，好少有清湯可以做到咁濃郁好正🤤羊肉今次揀咗羊上腦，招牌高鈣羊同埋白日羔羊肉，三款都好正各有特色🦙🐏🐑推薦百日羔羊肉，羊肉味道超新鮮，嫩滑得來冇臊味🙌🏻高鈣肉食落會有啲軟骨嘅咬口好有趣，羊上腦入口有奶香😆，仲試咗好多串燒同海鮮全部都好惹味，店內氣氛好好，好啱多人一齊過嚟食！🤤…查看更多

今次介紹嘅呢間印度菜好高質🥹堅係食過返尋味❤️‍🔥大部份食客同店員都係印度人 亦只有印度人廚師 食物全部由印度人整可想而知係非常正宗🙌🏻上網睇到Open rice好評仲好多餐廳入面好闊落 超多大枱坐同好多朋友嚟食都冇問題😋本Menu勁厚😂超多菜式揀佢哋餐牌上面大部份菜式都係有中文名而且好細心地加咗附注解釋到係用到咩材料尤其係雞嘅話都有好多款 亦有分有骨定冇骨呢啲嘅話問店員佢哋都會用英文解釋我個人嘅全場MVP會係羊肉咖喱配Garlic Naan🥹🥹🥹夠辣夠惹味 羊肉夠腍仲唔冇羊臊味同埋我不嬲都好鐘意印度嘅Naan呢塊Naan真係超正～😭好大塊 有調味到 充滿蒜香 大推💖所有食物都好有特色 好鍾意竹筒飯❤️‍🔥少少濕潤 但係本身用嘅米飯又好有口感啲肉好多又好大件 好似唔理成本咁🫣竹筒飯唔食羊肉亦都有得揀雞肉～除咗食嘢仲飲咗Mango Lassi同Chocolate Milk Shakes💖仲有超長嘅Butter Dosa✨都唔係所有印度菜餐廳都食到🫣所以大推過嚟呢間餐廳食正宗嘅印度菜❗️…查看更多

今次介紹呢間餐廳主打食雞煲同打邊爐😋，火鍋配料選擇好多，設置喺出面任拎❤️，有各款蔬菜、丸類、墨魚滑等等，另有飲品同甜品、雪糕，因為五周年和牛套餐減價所以好抵食，率先上菜嘅雞煲個汁味道好濃，配合紫洋蔥好惹味，雞肉大大件打邊爐肉類款式好多，有牛白肉、澳洲和牛、牛肩胛、頂級牛肉、豬肉特別推薦牛白肉，出面好少食到，入口爽口彈牙，澳洲和牛同頂級牛肉牛味都好夠🤤，雞煲嘅雞汁加咗湯之後用嚟打邊爐啱啱好，食咗幾轉都唔會太鹹或者冇味👍🏻打卡仲送免費蒸海鮮，只需要讚好專業 like and share 以及留言就拎到，啲海鮮都好新鮮，同埋係即刻蒸💖，但因為係送完即止，所以建議提早預約，咁就可以優先安排～…查看更多

今次嚟咗啟德食呢間好出名嘅THE CAPTAIN'S FISH & CHIP BAR✨尤其之後已經聽講過佢嘅雙皮奶雞蛋仔好正，今次終於嚟咗食～估唔到雙皮奶同雞蛋仔係咁夾，入面好滑溜又唔會好甜，配埋脆口嘅雞蛋仔好正❤️而且一定要趁熱即刻食，先至係最正最好味!😋另外一個令我覺得好驚艷嘅就係佢哋嘅巨大船長炸魚配明太子白汁意粉，條炸魚有4oz，好厚好大塊，同埋真心炸得好惹味，少少鹹鹹地調味好似恰當，魚肉好嫩，食曬成條落肚係好爽❗️然後明太子意粉個汁好creamy，基本上每條意粉都佈滿住汁，招牌單骨雞翼配北海道海膽汁意粉唔錯，雞翼好香口，海膽汁味道夠濃夠多汁，不過兩款比較嘅話我都係鐘意明太子意粉多啲💗小食嚟講炸燒賣幾惹味，佢有好多種口味，連醬汁都有8款揀，今次食咗花椒麻辣木耳豬肉燒賣有驚喜，豬肉好實在，尤其佢一口size，配埋或蛋黃沙律醬好頂癲，好快就唔小心食曬😂飲品叫咗玫瑰西柚原個檸檬果汁、士多啤梨原個檸檬果汁都唔錯，幾清新，水果味唔假☺️總括嚟講啲食物全部都大大份，性價比都幾高～…查看更多

今次嚟到鑽石山呢間木子烘焙度買麵包，🤤想講呢度嘅款式好齊全，應有盡有，而且麵包種類仲各有特色! ✨首先係抹茶烏龜公仔包，造型超級可愛，抹茶味好濃🥹 另外有好特別嘅芫荽系列，有芫荽鹹牛肉燒餅、芫荽芝士乳酪包、芫荽火炙芝士蛋包，啱晒鐘意「荽」到爆嘅朋友😆不得不提佢哋嘅開心果果仁乳酪包❤️‍🔥開心果奶油筒同開心果絲抹茶忌廉包，見到佢哋造型超靚已經忍唔住夾曬返屋企，同埋開心果味仲要好出，尤其忌亷包fill爆曬cream，咬落口好滿足，奶油筒外層就好脆，加上表面佈滿開心果碎有口感❤️最後臨走俾佢哋啲布丁包吸引住😂又忍唔住帶走咗開心果可可布丁包、紫薯芋泥法式布丁包同榛子朱古力布丁包～口感好順滑，好似食緊雪糕咁🥹三款都好有特色，大愛榛子朱古力布丁包，朱古力味好濃🍫🤤充滿超濃郁嘅朱古力忌廉～食完之後明白點解叫會「呼吸的麵包」，因為佢哋嘅麵包真係好有「呼吸感」，麵團輕盈鬆軟又有彈性😋✨…查看更多

今次介紹呢間位於太子嘅日式居酒屋「餓屋」好有驚喜❤️入面有勁大棵好打卡able嘅櫻花樹🌸，仲可以喺啲超靚嘅榻榻米區度食飯😳，成件事好溫馨好日系☺️，用呢個榻榻米格仔背景打卡仲可以影到超多高質相😆店內仲有大量充滿日式元素嘅小物👾，例如超多得意扭蛋同poster，佈置真心好有心機✨今次叫嘅定食性價比好高，仲可以用好平嘅價錢就追加到小食，飲品同甜品👍🏻夢王飛驒和牛漢堡扒定食🥚：塊漢堡扒肉質好Juicy好厚肉🥩，仲配埋超新鮮嘅刺身級夢王雞蛋，唔使任何調味，但係塊扒加埋流心蛋黃已經好餸飯❤️‍🔥，呢個set小食我就叫咗串串迷你大板燒，造型超得意，居然諗到將大阪燒整成四四方方嘅一口size😆，食落充滿咗沙律醬同大阪燒汁，味道好Rich，食到邊邊位仲有啲焦脆💗～熊本霜降一口牛定食🐮：呢款嗰一口牛食落肉質好嫩滑，仲要肥瘦均勻✨特別鍾意佢個醬汁，帶點照燒味😋，鹹鹹地好惹味，同樣係配飯無敵👍🏻而且我仲揀咗配DIY 雲朵夢王飯☁️，挑戰自己分離蛋黃同蛋白，自製雲朵飯，玩味十足‼️配埋小食日本蟹肉忌廉薯餅，食落去外脆內軟，忌廉好creamy💗店內有好多小食都好有特色，所以除咗配餐嘅小食，仲忍唔住叫多咗兩款🤤～蝦多士🦐同醬油炸年糕串🍢蝦多士炸得超脆，每啖咬落口都有聲✨醬油炸年糕串口感好軟糯糯，煙煙韌韌，外層仲帶點好似食燒餅會有嘅醬油味好特別!😋最後配餐仲叫咗兩款蛋糕🍰，大推系島橙子生芝士蛋糕，味道好清新🍊，散發淡淡橙香，芝士蛋糕都好順滑～另一款柚子芝士蛋糕，味道好濃烈，而且會帶少少酸✨最後飲品就配咗芒果汁同埋蜜桃蘋果汁，兩款味道都好fresh，唔會死甜，有漸變層打卡都好靚👍🏻…查看更多

今次介紹呢間超人氣嘅韓國餐廳! 有得任食醬油蟹好吸引～💗入到去已經覺得好有feel 好似去咗韓國旅行咁✨有用米酒砌成嘅心型牆，仲有好韓嘅佈景打卡「舖位」同韓星嘅poster‼️今次我坐嘅位仲可以同IU「一齊食嘢」🥹打卡打到2049🫣店內故意set到燈光又暗暗地又有閃閃波波燈，真係好適合同朋友飲酒傾計食好西～🥹今次揀咗醬油蟹蟹乸，多膏之餘食得出好新鮮冰冰涼涼咬落去果下啖啖都係精華好幸福😂當然唔少得要拎幾隻嚟撈飯，我同朋友食到唔停口 好快就叫下一盤😆醬油系列真係想encore，於是追加埋醬油鮑魚、蝦同埋扇貝，我好鍾意佢個醬油蝦🥹吸收晒醬汁精華好入味，同埋入口滑捋捋，鮑魚就好厚肉，扇貝肉都好大舊，所以好推薦大家追加埋，好yum😭想講除咗醬油蟹，仲有好多都係任食嘅嘢，包括烏冬炒年糕、炸雞、年糕香腸串、飯、罐裝飲品全部都好正，但特別大推炸雞❗️堅係喺韓國食到外脆內軟果種嚟，入面啲肉好juicy，同埋食炸雞又傾計傾到好開心，真係好難唔配支酒飲下囉❗️於是食食下又叫埋韓國米酒😂炸雞➕酒係絕配嚟🥹勁爽😆最後佢哋嘅新產品牛油蒜味蟹🦀係我覺得最有驚喜嘅item，個醬好食到傻🤯😂同埋上菜果下已經聞到好香，仲有同醬油蟹唔同，呢款蟹係煮熟咗，但係完全唔痴肉唔乾，真心大推，要試過先明我講咩😭個醬好味到我攞嚟點埋炸雞食❤️最後要提下店內真係由韓國人打理，有咩正宗得過呢樣‼️所以真係推薦去食爆🦀🦀🦀…查看更多

呢間係以課室為主題嘅cafe，裡面佈滿住各種懷舊嘅校園小細節，例如喺課室嘅舊式枱凳用餐、好嘈嘅塑膠雞掛飾、唔同嘅動漫人物擺設同玩具。佈置用心又打卡able～✨◎冬陰功龍蝦汁蜆肉意粉 （$148）用冬陰功嚟做意粉嘅基礎好特別，色澤豐富吸睛，有好多菇菌、車厘茄同菠蘿作配襯，帶出東南亞風情。冬陰功龍蝦汁嘅微酸令意粉食落清新同開胃，蜆肉為意粉添加咗鮮味。◎抹茶紅豆冰 （$118）抹茶味濃郁唔死甜，配合埋紅豆嘅甜香好夾。冰品質地細膩，冰涼消暑，建議配埋忌廉一齊食口感更順滑。一大球抹茶味雪糕份量十足，旁邊仲有抹茶味蕨餅，口感有彈性。◎荔枝玫瑰冰茶 （$20）點主食可以半價加配飲品，茶味清淡冰涼。Times Coffee 📍 觀塘興業街16-18號美興工業大廈A座1樓C1室🚇 港鐵觀塘站B2出口，步行約7分鐘…查看更多

今次探店係觀塘地道小店 好適合觀塘嘅返工族🥹佢哋主打性價比極高嘅牛舌定食❤️‍🔥今次介紹嘅大部份都係$58 定食仲包麥飯或蕎麥麵，溏心蛋同蔬菜😋認真飽肚之餘牛舌仲有好多花款👍🏻仙台風燒牛舌定食 （180g) $98 ✨用咗牛舌最軟嫩嘅芯部位置，食落爽口惹味，牛舌邊位烤到微焦，帶點焦香味特製醬汁同芝麻碎增加咗牛舌嘅鹹香呢個定食另有$68 120g可以選擇咖哩牛舌定食 $58🍛咖哩汁味道濃郁，帶少少甜味同香料味牛舌煮過後好柔軟，用汁配埋麥飯食幾滿足值得一讚有牛舌好多舊仲好厚肉，呢個價錢好抵吉列牛舌配牛舌薯餅定食 $58💗將牛舌整成吉列風味同薯餅幾創新，吉列牛舌炸粉唔厚，外脆內軟，炸到金黃色好吸引牛舌薯餅內餡好似薯蓉幾creamy今次仲食咗幾款小食🙌🏻包括蟹肉忌廉薯餅、雞皮餃子同唐揚魷魚圈，小食質素唔馬虎，我就特別鐘意雞皮餃子夠脆夠惹味✨叫套裝+$20就有得揀一款$25小食仲跟一款飲品飲品有得揀自家製無糖茶、自家製泰式奶茶、可樂同Zero 夠曬豐富～勝田。牛舌專門店 📍觀塘駿業街67號駿業熟食市場1樓42🚇港鐵觀塘站 A2出口，步行約6分鐘星期一至五：11:30- 20:30星期六：11:30-14:00…查看更多