levian2011的個人專頁

(自費，不是線稿）第一次幫襯就諗緊下次幾時再嚟食過😁自問都食過好多西餐，呢間嘅豬鞍有令我驚艷！兩面煎到少少香口，切落去已知道冧唔硬，切開有肉汁，中間嘅肉帶少少粉紅，肉質唔錯，價錢仲合理到笑😍😍叫個green salad，以為$28 得好少所以叫兩個，上台時見到份量覺得兩個人叫一個都可能夠食😂sweet potato 薯條正常發揮，至於佢$98 嘅牛就坦白講有少少失望，但呢個價錢其實唔差希望可以keep住呢個水準💪💪…查看更多

星期五的6:45pm 經過VWalk，見到粉紅色店即少女心爆發，諗住一個人等位都快，結果都等咗45分鐘先有得食。但都值得等嘅，叫咗藤椒燙，蓮藕，花菜，萵筍，牛柏葉，肥牛，魚片，Total 有6 個餸加個粗薯粉，份量夠，湯底夠濃，幾好味！小店得22 個位左右，人手都好似比較緊拙，所以俾啲耐性～門口攞飛，冇得訂枱…查看更多

先講返食物同埋飲品嘅質素先，叫咗個芝士三文魚沙律，都唔錯幾好食個芝士非常好食。兩杯嘢飲仲失望，伯爵朱古力latte，拉花係幾靚但拉花係幾靚，飲得出係用啲好平嘅朱古力粉沖。至於杯芝麻latte, 普通到極致。另外仲個初雪waffle，如果$100以上食啲咁嘅質素，我覺得可以直接放棄，非常之硬身，唔係鬆軟，硬度介口，嗰個伯爵朱古力醬似食緊分子料理，因為都唔知食緊乜。今日同朋友慶祝生日，餐廳打電話嚟嘅時候講咗甜品上寫生日快樂，見到訂枱嗰張紙亦都有寫咗個Remarks, 但就係甜品上枱嘅時候冇寫到生日祝福字句，覺得非常失望。打卡還可以，但如果想飲杯好啲嘅嘢就唔建議喇。…查看更多

好開心！上水終於開始有呢類型嘅cafe 小店。講到明係小店，店面係真係比較少，大概坐到12個人左右。今日叫咗杯手沖試下，可能由於人比較多，都等咗30分鐘先比到我。杯手沖可能自己揀嗰隻咖啡唔係好啱口味。到埋單時，咖啡師問我覺得點樣，我講咗啲comment 後，佢話想再沖多一次俾我飲，仲要 on-house。雖然最後今次冇飲多一杯，佢話下次嚟再請我飲。我覺得咖啡師非常認真，非常值得支持呢種係屬於小店的人情味今日冇緣食scone, 下次有機會再試！…查看更多

自認係scone 怪，見到大部份食評都話scone 好食，特登去打下卡。入店感覺都舒服，日系清新風，唔算文青風。$68 兩個scone 同$65 一杯咖啡價錢，價錢一啲都唔親民。Scone 嘅份量比較細，cream 同jam 嘅份量都好少，味道average喇，cream 好甜，jam 又好甜，scone 牛油味唔算太香，又唔香太外脆內軟，食一次唔會返轉頭咁囉。至於杯咖啡（honey cinnamon coffee)，唔好意思，連鎖店沖得好飲過佢...not my cup of tea...…查看更多

好難得上水開咗間cafe小店。小店得兩個位，應該主力做take away。裝修特別、簡約、有特色，IGable。食物方面以輕食為主，有bagel, cake, roll cake。今日試咗杯black coffee, barista 沖咖啡認真，味道唔錯，酸苦香都較balance，絕對好飲過連鎖店。自己一個靜靜hea 咗一陣，望住店內display 住唔同嘅問題，聽住音樂，反思下近況。短短20分鐘足夠recharge。希望小店繼續努力，撐下去👍💪…查看更多

今日想一個人去cafe hea 下，比我搵到呢間食物令我喜出望外嘅小店。叫咗一份牛油果toast 同埋凍嘅americano。講咗個牛油果roast 先，因為我唔識食牛油，店員好好幫我轉左竹炭麵包，一嚟到已經嘩咗一聲，牛油果份量好夠，感覺比咗成整整一個牛油果，沙律菜方面都份量好足夠，同埋食得出係新鮮嘅，多士個人覺得可以烘得脆少少，好食之餘賣相都唔錯。至於杯咖啡，我就覺得average。真心推介，希望小店keep 到水準！…查看更多

純粹因為係小王子fans來食下午茶，環境都坐得適服。食物方面，甜點全部都唔好食，得個樣；鹹點比甜點好少少，鹹點起碼有一件薯絲蝦好食。呢個價錢如果想食個好食嘅tea，建議可以去其他地方，好多選擇。…查看更多

上水有新店，梗係要排下隊先，大概等咗20 分鐘就有得食。環境都唔錯，坐得都算舒服。叫咗個常餐，蕃茄午餐肉通粉，黑松露炒蛋，加$5換叉燒餐包，熱奶茶。通粉唔錯，屬於彈牙，係我鍾意嗰個質地。至於黑松露炒蛋，就比較失望，黑松露唔好食，炒蛋都唔好食。加咗$5嘅叉燒餐包，個包係軟熟，但係叉燒好大陣雪味。最後我係杯奶茶，都係屬於一般，比較鞋口。見到鋪頭門口買麵包都長期排隊，就買咗個菠蘿包同埋荳子包返屋企，兩個包都係正常，偏甜，冇話好好食。下次唔排隊可以試下常餐以外嘅選擇…查看更多

咖啡叫咗杯cappincino, 唔好飲，完全冇特別。long black 都係好一般嘅long black.食物方面更加唔出色，朱古力pastry 中間嘅酥皮焗唔起，一切開我以為未焗熟。牛油果toast 味道正常，價錢唔值。Service 方面，兩個人跟本搞唔掂，比唔到任何service. 仲有last in first out, 有點唔like. 另外一題，等食物同野飲都20分鐘以上，趕時間唔好去。唔建議各位要專登去，經過hea 下都還ok...…查看更多

疫情底下，星期三的晚上基本上包場。Cafe 喺off-white 店裡面，店面唔大，但坐得算舒服唔逼。其實唔知有呢間店㗎，但因為買嘢送咗50% off discount 咪來試下～兩個人叫咗一個前菜，兩個main, 兩杯飲品，仲FB 打卡送咗個甜品。 前菜： Crab tartare, 調味濃咗d, 有d 蓋過咗d 蟹肉味main: Lasagna 同白鱈魚，Lasagna 不過不失，白鱈魚好食，滑又唔會太熟！我唔食飯，店員仲幫我換咗做蘆筍！加曬分！drink: 開心果milk shake- 係好好好好飲，但好邪惡，個雪糕好正，如果大球d 就好喇！另外一杯係香桃青檸smoothies, 不過不失。…查看更多

今個星期過咗好癲的一星期，好想搵個地方靜靜地飲返杯，傾下計。行過見到餐廳唔多人，就入咗去喇，有驚喜呀！ 氣氛唔錯，彷彿身處日本，因為有幾枱日本人，仲多過香港人。無得去旅行，正好可以解下單思日本之愁。 講返食物先，叫咗明太子玉子，什錦串燒，軟殼蟹沙律，生薑炒豬肉。食物全部都好食，明太子香，玉子熱熱地好食，串燒燒得香唔乾，軟殼蟹好香口，生薑豬肉就鹹咗d 啱送酒。 兩人埋單380左右（未計酒），難得可以有環境食物好食服務唔錯，會再嚟！ …查看更多

星期六專登去試下同支持下有色嘅餐廳。小店大概14個位，等咗20分鐘左右有得入。小店來講嘢食，小食同飲品選擇都算多。叫咗一個滷排骨便當，一個鹽穌雞便當；滷排骨幾好食呀，夠林又夠入味，鹽穌雞味道ok, 但炸得比較燶同乾。因為我唔食飯，見到佢有得揀沙律菜好開心，樓面話冇貨話轉椰菜比我，講明走飯，但上枱嘅時候仍然有飯，樓面唔記得同廚房講，樓面問返我咁點處理😅其實由排隊開始已經覺得樓面態度可以改善，例如比多d禮貌同埋落單準d 總結，廚房幾好，樓面有待改善…查看更多

第一次嚟呢度係食晚餐， 食咗碗肉骨茶，仲有一個喇沙粉。覺得味道唔錯，雖然唔知道正唔正宗，但好岩自己口味。 肉骨茶胡椒味重偏重，排骨唔淋但都唔係咬唔到，喇沙湯底濃，都算大碗，正呀。第二次嚟呢度食早餐，食咗kaya鮮油多，之前見到啲comment話嗰份螢光色嘅醬好難食，但我又覺得幾好食喎，有班蘭味，又有kaya 味，塊鮮油好厚，唯一美中不足係塊多士凍咗先上枱。飲咗拉茶，唔記得咗係甜嘅，怕甜嘅人記要叫少甜。總括來講，好食！會繼續支持！…查看更多

朋友生日，訂了小王子下午茶，滿心期待。一進餐廳覺得的裝潢是挺特別的，餐廳不大，沒有舒適的感覺。食物方面，和預期一樣，是很普通的下午茶，其實已經沒有抱着太大期望，是因為小王子而來，也知道一定是overprice. 服務方面，可能這餐廳是收酒店的價錢，是我想太多，以為會有酒店的服務。我可以告訴你，可能花園餐廳的服務比這裏還更好，這裏所有服務員的臉被朱古力還要黑。是否賣高格調就唔識笑？ 被招呼坐低後，可能是網上已經訂了tea set 嘅關係，服務員就沒有再招呼過我地，亦都冇講tea set 會幫我地上之類，總之全部人都係冷冰冰，唔會有warm嘅感覺。可能係明星效應？本身係有啲期待嘅，結果失望而出來。題外話，餐廳送嘅小王子同佢哋蛋糕上面隻小王子係唔同樣嘅，身為小王子嘅fans，覺得好失望。…查看更多