非比的個人專頁

本人近廿年都飲開咖啡走糖奶，當日經過想飲番杯，見到排長龍，所以就去左McCafe，叫杯凍咖啡走糖奶$19.00，因細$17.00，當然叫杯大啦，等左一陣，職員比左杯只得一半的咖啡，而且仲比較淺色，我就問佢點解得咁少，佢話你仲要加埋糖奶，所以係咁樣McCafe 個職員是有禮貌的），我話就算加埋糖奶都冇可能少到咁樣，跟住個經理走埋黎，我就同佢講，我係其他分店飲都唔咁，佢竟然話不嬲都係咁，可能係其他分店加左水比你，後來佢建議加$4多一pat，我就加左$4，加完之後就好似我以前飲既份量，但係都係淺色左，真係好想知$17究竟有咩分別？係隔黎買杯$12咖啡都好正常，估唔到$19得番半杯！！！…查看更多

小籠包 - 肉質鬆散，不夠味麻辣粉皮 - 冇麻辣味，只有麻醬，最後比左D辣椒油就當有辣味，真攪笑！鐵板京蔥炒羊肉（跟薄餅） - 一般，似屋企煮既味道韭王肉絲炒拉面 - 面質很好，味道唔錯總括黎謫都唔會再去，如果要食呢Ｄ野，我會去上x飯店，或者金x庭！！！…查看更多

去到太興，當然要食燒味啦！下午茶叫左個燒鵝紅腸湯米粉+凍啡，黎到原來係鵝脾，食落去層皮又香又脆，紅腸正常，而米粉又Ｄ似蒙粉，個湯亦夠味，佢地Ｄ辣椒好正，加埋落碗粉到仲好食。雖然價錢略高，但食物質素最緊要，況且四小龍呢頭冇淡好食，除左海麗邨祥景，呢度差不多係唯一選擇！…查看更多

新開張即刻去試下，兩個人叫左，日式炸蠔、大蝦蟹羔炒飯、軟殻蟹手卷、大蝦炒烏冬。日式炸蠔：蠔幾新鮮，但外層較油。軟殻蟹手卷：:軟殻蟹份量多，仲有幾片牛油果添。大蝦炒烏冬：烏冬彈牙，配料亦很多，份量較少。大蝦蟹羔炒飯：蟹羔係放係飯上面，唔係炒埋一齊，蟹羔味道很濃，將蟹羔撈埋Ｄ炒飯食，超好味，但份量較少。呢頭終於有間似樣食市，希望佢地增設晚市套餐就好喇！…查看更多

諗住下午茶平Ｄ，原來同午市差一兩蚊，食物質素麻麻，叫左八樣點心，（正價）：雞扎，um春旦燒賣，上湯鮮竹卷，（特價）炸雲吞，姜蔥牛柏頁，黑椒牛肚，罐湯飽，燒鴨湯米，上菜時間較長，短期內都唔會黎住。炸雲吞，黑椒牛肚比較好食，而罐湯飽，um春旦燒賣，上湯鮮竹卷既料係一樣架！…查看更多

叫左潤牛魚湯米線，超難食，根本唔係湯底，係盬水，諗住加Ｄ辣椒油可吊下味，點知仲差，豬潤每舊都有"up"味，牛肉又"un"，食左５啖就冇再食。其他野食都唔會再去試！！！…查看更多

已經食過四次，每次都有驚喜！第一次食下午茶既吉列魚柳薯條，吉列做得好好，魚柳亦很滑，冇雪味，薯條炸得剛剛好．第二次食茶餐，牛肉公仔面+火腿奄列+牛油方包，奄列內的火腿很多，很足料，正！第三次食涼瓜排骨飯+菜遠牛河，好夠鍋氣，牛肉唔"un"，河粉唔會一舊舊，GOOD！第四次食生炒牛肉飯，炒得幾乾身，好味，而且超大碟，我只食左一半，另一半帶走，都填滿一個飯盒呀！p.s.咖啡就爭左少少！…查看更多

去The Grand Cinema 睇早場食唔切早餐，散場後望到呢間餐廳就去睇下，食物同價錢都OK就入去啦，我地叫左明太子海鮮炒烏冬、和牛粒便當、帶子煎餅（唔記得個名），食物質素一般，勝在環境同地方舒適撘夠！P.S.杯咖啡好難飲，我朋友加埋糖奶都覺得唔掂，請快ｄ改善喇！…查看更多

本想黎食豬頸肉薄餅卷，但餐牌已改左，咁我就要左豬軟骨撈麵，豬軟骨好淋，麵亦很爽．因為隔離係溜冰場，所以呢度好嘈！P.S. 附多張之前黎食野既相…查看更多

三點鐘唔係好多人，點左炸雲吞&鳳爪排骨飯，不到一分鐘就送到我面前，真係好驚訝！炸雲吞會唔會淋晒架？一食落去好香脆，仲有小小熱添，ｄ飯一粒粒啱晒我，呢度係冇飲品供應（茶$2除外），但係可以帶黎店內飲，都幾好呀！P.S 雖然呢度係有點心食，但唔係酒樓，希望客人唔好咁大聲講野啦，唔該晒！…查看更多

以前會特登黎呢度買蛋散，自今年農曆新年前到今次，已經買過三次，但每次都係燶左ｄ同埋冇味道，如果蛋散顏色比較深就建議唔好買喇．好彩迷你合核酥就好好食同鬆化．…查看更多

本人好鍾意食撈麵，睇到食評擔擔麵係撈既，當然去食啦！叫左個擔擔麵走青，等左一陣，煮野個位先生手快落左蔥，佢諗住撩開ｄ蔥比我，點知唔得，佢即刻同我講唔好意思，然後煮過一碗比我．由於第一次食，所以叫左小辣，味道OK la，唔知係咪佢趕住整比我，所以碗麵多左少少水，淡左ｄ，唔緊要啦，服務態度搭夠！…查看更多

一路行一路睇下有咩好食，見到一張放大既相介紹呢碗肥佬炸醬麵，入去問下係撈麵黎架，就散叫左一碗（下午荼有一杯豆漿，同埋細碗ｄ），味道普通，我會繼續搵好食既撈麵架！…查看更多

酷熱警告下竟然想打邊爐，係openrice搵下料，見到呢間全部笑，就去試下啦！我地（2人）叫左：蝦滑、韓國粉絲、四寶丸（蝦，墨魚，豬肉，鯪魚）、本地肥牛、雲吞併水餃、墨魚滑、唐生菜、大啤一支．墨魚丸比墨魚滑好食，水餃冇咩料，其他好好食，首推韓國粉絲，最後仲送甜品／生果．除左每人要收十蚊醬料錢，全部免荼介，免加一，起碼慳成舊水架！…查看更多

突然好想飲茶，周圍都去過晒，想起未試過八喜的點心，就去左喇！佢地下午茶同正價差二蚊，但就冇咩選擇，所以店內唔多人，食物質素ok la，最好味係"上湯鮮竹卷"，下次再去會食正價，因為多ｄ野食囉！…查看更多