DaWeiZ的個人專頁

 偶然係The One 見到東海薈呢間餐廳，餐牌照片上嘅小菜影得好靚好吸引。便預約左11月22日星期一晚上同我家人黎食晚飯。果陣係對呢間d 服務質素 及 味道 好期待 （尤其係燒鵝）。即點左個燒鵝半隻、豬手 及 廣島蠔。但係味道卻令人大失所望。廣島蠔一般還可接受。豬手味道唔錯但份量好小。最過分係隻燒鵝，燒鵝皮完全唔脆，d肉又唔新鮮，好似食緊隔夜菜咁。我同服務員反映，點知個服務員即刻黑面，仲話 "個皮唔脆你地食到一半先黎講？唔會換個俾你㗎!"。今時今日咁個服務態度真係少見，明明自己做得唔好，仲大聲惡過人。因爲其糟糕的用餐體驗，以致全家一致決定以後唔會再黎。…查看更多

當晚同媽咪一起到富臨食晚飯，一入去隨即看到有烏蠅。叫了個優惠價燒鵝、紅燒豆腐煲、菠蘿酸甜骨、一渣西瓜汁。好嘞，燒鵝皮不脆仲咬落去太多水分。紅燒豆腐煲同菜牌上個樣差好遠，賣相好差，打好多茨汁，豆腐硬而不脆，切得太大塊，菜牌是整齊四方磚。味道勁一般。菠蘿酸甜骨既菠蘿已變壞，要換碟菜，良久，服務員拿來一碟肉片炒西芹，味道OK。結賬時突然話西瓜汁已加價，要俾多10幾蚊。喂，菜牌仲寫舊價架，當時又冇人同我地講？後來收銀唔夠膽收貴我地，臨走時服務員突發難似的向我們講“西瓜汁已經加價，我咪同你地講佐囉！”態度勁嚣张。以後唔會再去光臨此店。…查看更多