healingbobo的個人專頁

六國酒店踏入90週年，最近去咗佢哋嘅Le Menu食「極緻細嚐･華麗自助晚餐」，今期主打龍蝦、花膠同佛跳牆，連埋平時自助餐常見嘅食物，整體水準好好，性價比高。龍蝦新鮮，肉質彈牙；花膠炆得夠腍，女士們至愛😍，佛跳牆入面瑤柱、鮑魚都有，湯底濃但唔會太鹹，飲落幾潤。除咗主打食物，平時鐘意嘅刺身都有供應；熱食區仲有鐵板燒，扒類，火候控制得唔錯，唔會過油。重點推介嘅幾款都有水準，鴨肝滑溜，配多士食唔會覺得膩；片皮鵝皮脆，包埋青瓜蔥絲好正；芝士蘑菇焗蟹蓋好香；炸生蠔外皮脆肉嫩，新鮮juicy冇腥味。依度仲有現場表演睇，6:45pm會切葡式燒乳豬，皮脆度夠，肉質鬆軟，仲有煙燻牛柳，牛柳切開有肉汁，唔會太乾；7:15pm就有甜品表演，雙數日會整橙酒班戟，橙味清香，單數日係火焰雪山。其餘仲有好多甜品，Häagen-Dazs雪糕，食到超飽😂依度環境都幾舒服，想歎下靚自助餐可以考慮。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@gloucesterlukkwokLe Menu灣仔告士打道72號六國酒店一樓📍灣仔港鐵站C出口5分鐘路程#healingbobo #foodie #hkfoodie #foodiehk #香港 #美食 #WanChai #灣仔 #留港消費 #Buffet #自助餐 #GloucesterLukKwok #六國酒店 #LeMenu…查看更多

喺銅鑼灣做完facial要食晚飯，走左去希慎B2嘅food court, 諗起依間之前因為牛肉唔夠秤而上晒新聞嘅餐廳，即管睇下好唔好食😂🐮慢煮熟成美國優質牛肉 $88依個價錢包埋cream, sauce同日本珍珠白米飯，另外加$6要左蘭王蛋🥚, sauce我揀左唔駛加錢最基本嘅紅酒照燒汁，加左燒汁同撈勻雞蛋後係比較好食，但紅酒汁果種完全未揮發酒精嘅味道，加埋比risotto更硬嘅白飯🍚，好明顯係生米未煮成熟飯，而且飯嘅份量少，男士們應該唔夠飽😂至於主角牛肉，雖然好薄但勝在份量幾多，有焦香，算係唔錯。評分：最高為5分治癒度：👩‍⚕️👩‍⚕️👩‍⚕️抵食度：💉💉💉翻兜指數：🩺🩺牛丼新造軒尼詩道500號希慎廣場B2樓B217號舖📍銅鑼灣港鐵站F2出口1分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #希慎廣場 #HysanPlace #SLOWCOW #牛丼新造…查看更多

之前經過海事博物館都一直想嚟依間cafe，今日終於有機會嚟食啦🥰 餐廳有唔同國籍嘅店員，因為係非牟利機構開嘅，佢哋仲支持不同能力同國籍嘅員工，所以依餐特別有意義🙂 🐮牛肉千層麵 $92起身未食嘢想食啲熱食，所以叫咗依個千層麵，份量都幾多，有大量芝士肉醬，舖滿一層層，夠晒飽肚。🥗Museum Cafe 西班牙火腿沙律 $105 超大堆頭嘅沙律，Serrano Ham, 芝士🧀，青瓜🥒，蕃茄🍅及雞蛋🥚，材料新鮮，食完感覺健康咗😂🥑🥐煙三文魚牛油果牛角包 $58煙三文魚牛油果舖滿晒，如果牛角包整返熱更加好食🤩Plant Based Smoothie $65依杯smoothie感覺似奶昔多啲，菠菜菠蘿椰漿，甜甜哋好易入口，冇草青味。🍎Apple Crumble + Mocha $97依個係下午茶餐，Apple Crumble好足料，有淡淡牛油香，蘋果粒仲有少少咬口，甜酸啱啱好，一啲都唔膩👍Mojito $75對住咁靚嘅風景仲有摩天輪🎡，當然要追加多一杯cocktail慢慢享受，依一餐我由下午茶食到黃昏，晚飯都唔使食啦😂餐廳食材有使用可持續食物，值得支持。另外仲有好多Alton Wong嘅主題佈置，粉絲記得去朝聖啦🙂@museum_cafe8Museum Cafe at Pier 8中環8號碼頭香港海事博物館天台觀景層📍港鐵香港站B2出口9分鐘路程#healingbobo #foodie #hkfoodie #foodiehk #香港 #美食 #香港美食 #Central #中環 #中環打卡 #中環好去處 #摩天輪 #cafehk #中環美食 #MuseumCafe #Pier8 #Museum CafeatPier8…查看更多

今晚朋友有揸車，佢話帶我去九龍塘一間隱世嘅餐廳，原來喺浸會大學裡面，真係唔講唔知原來依度隱藏住咁有質素嘅西餐廳🥰我哋叫左兩個單人餐share 食😋頭盤白酒蕃茄煮青口🦪青口份量好多，亦都好新鮮香煎法國鵝肝多士配埋焦糖無花果同埋無花果蓉，鵝肝份量都唔少而且好香口，如果可以多一塊多士，分緊啲鵝肝過去就更加perfect🥰是日餐湯牛尾湯微辣，加埋黑椒更加惹味，仲食到牛尾，一啲都唔馬虎👍主菜熔岩蟹肉南瓜意大利飯依個risotto上網睇已經知道好精彩，有半個南瓜一齊上碟，將南瓜肉撈埋三文魚子鹹蛋黃醬一齊食，味道好特別， risotto煮得有咬口，仲有好大隻嘅青口，亦都好鮮甜😍意式大蜆手工QQ意粉餐廳做緊Italian Night主題，當然要揀呢個意粉啦，新鮮嘅大蜆加埋形狀彎曲似公仔麵嘅意粉，意粉好有咬口，感覺好得意😋甜品朱古力三重奏呢個甜品好大堆頭， 係二人份量，包括Baileys芭菲，朱古力心太軟，73%軟心朱古力，加埋朱古力雪糕，仲可以點餐廳自己打嘅香蕉朱古力醬嚟食，真係好壯觀，滿足晒鍾意唔同朱古力形態同種類嘅人士。飲品凍青檸薄荷烏龍茶黑糖布甸鮮奶黑糖布甸鮮奶因為冇布甸所以用仙草代替，好有口感，好似食緊甜品咁樣😆值得一讚嘅係依間餐廳服務好好，好有heart, 好耐冇去過一間咁好服務嘅餐廳，真心值得多啲人去認識同嘗試咁有熱誠嘅廚師手藝❤️依度仲有間房可以提供包場服務，餐廳可因應你嘅budget提供食物，啱晒一家大細，或者一大班人聚會🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺Bistro NTT by Attic九龍塘聯福道32號吳多泰博士國際中心地舖📍九龍塘港鐵站A1出口12分鐘路程…查看更多

依間曲奇店一直好出名，點知到佢開埋cafe我先嚟食😅 除咗叫曲奇同甜品，仲叫咗啲鹹食，室內坐滿晒人，我哋坐室外吹住風扇都唔會太熱，感覺仲特別chill🙂 Creamy Kimchi Pasta $98雖然冇肉，但材料好豐富，有磨菇，巴馬臣芝士，加埋泡菜，食落幾鹹香夠特別！Kimchi嘅酸辣同creamy醬汁好夾，味道夠晒多元化，唔會覺得怪，亦唔會膩。French Toast $70海鹽焦糖加蘋果金寶🍎，不愧係依間餐廳嘅招牌菜，西多外層香脆，切開勁多餡，咬落軟熟得嚟仲有大量蘋果粒，口感好豐富，好好食，唔理佢有幾邪惡啦😈。Buttermilk Blueberry Pancakes $68Pancakes鬆軟有蛋香，係幾有水準，自己落糖漿，加埋新鮮藍莓嘅酸甜，食完超滿足，記得趁熱食！Egg Tart $30依個蛋撻超大個，店員仲好好會幫你加熱，蛋撻皮好酥脆，蛋漿滑溜，鍾意食甜嘢嘅啱晒😅Double Chocolate Cookie $42朱古力味好濃郁，口感扎實，朱古力控同勁鍾意甜嘅人必試。White Chocolate Macadamia Cookie $42白朱古力帶奶香，加埋夏威夷果仁嘅脆口，味道好清新。Chocolate Chip Cookie $42經典款唔會輸！曲奇鬆脆，朱古力粒夠多，咬落好香。Strawberry Cheesecake Latte $55依款飲品超驚喜！有士多啤梨嘅清甜，咖啡底順滑，飲落好有層次。Strawberry Matcha $55抹茶清香，加埋士多啤梨嘅甜味，味道好平衡，都幾夾。 悠悠閒咁就坐到黃昏，其他客人都走晒😂 下次要再食其他曲奇😋評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@cookie.dptCookie DPT (Soho)中環閣麟街48號地舖 (近蘭芳園附近)📍港鐵香港站C出口7分鐘路程#healingbobo #foodie #hkfoodie #foodiehk #香港 #美食 #香港美食 #Central #中環 #中環打卡 #中環好去處 #cafehk #中環美食 #講玩講食 #美國菜 ＃西餐 #食好西餐 #soho #cookiedpthk #cookiedpt…查看更多

🌕中秋就快到，梗係要搵返啲靚月餅🥮過節啦！今次去咗尖沙咀間Valérie，未入舖就聞到陣陣牛油香，原來係有蝴蝶酥同曲奇可以試食，即刻試咗塊蝴蝶酥，酥到入口即化，果然出名係有原因！ 入面環境好整潔，月餅display得好靚。我揀咗熱門嘅流心奶黃味，返屋企加熱之後個流心真係勁吸引，一咬落去有好濃郁嘅奶黃香，唔會太甜，食晒成個都唔會膩，啱晒怕甜怕膩嘅人😙。除咗流心奶黃，佢哋仲有流心宇治抹茶、流心伯爵茶、宇治焙茶同埋香芋蛋黄蓉依幾款月餅，口味夠晒多樣，無論鍾意茶味定係傳統口味都有得揀。聽講創辦人以前喺米芝蓮三星意大利餐廳Otto e Mezzo Bombana同置地文華酒店糕餅部做過，手藝夠晒正宗，仲堅持香港自設餅房製造，用料又唔落防腐劑同人造牛油，食得好放心。依個品牌好多香港人都鐘意買，做手信又得，自己食又得，而且每年都限量，遲咗可能就無啦！店舖同網站都可以訂，想試嘅朋友快手啦～ 評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺Valérie尖沙咀加連威老道43號地舖📍尖沙咀/尖東港鐵站B1出口6分鐘路程新蒲崗大有街2-4號旺景工業大廈7樓C室📍鑽石山港鐵站A2出口5分鐘路程#healingbobo #foodie #hkfoodie #foodiehk #香港 #美食 #Valérie蝴蝶酥 #Valérie月餅 #香港必買 #中秋節必買 #香港美食 #尖沙咀 #新蒲崗 #香港好去處 ＃香港探店 #香港必食 #香港手信 #香港特產 #香港本土品牌 #香港伴手禮 #ValeriePastry #Valérie…查看更多

去咗韓燒餐廳韓雅林，叫咗佢哋嘅雙人套餐，超豐富！拼盤有齊牛肉、豬肉、海鮮，啲肉油脂又多又嫩，燒到香噴噴🤩仲有超鮮甜多膏嘅招牌醬油蟹，撈埋牛油飯好正，但我只係食左個蟹蓋，其餘成隻比朋友食晒😆！ 另外叫咗個藥膳牛排骨湯，飲返杯Soju Rita Blue Lemon，又靚又Wing好爽🤩！見到有人慶祝生日好chill, 下次約埋朋友再嚟過生日🔥🍖我仲要報仇食返晒成隻蟹呀！🦀😆#healingbobo #foodie #hkfoodie #foodiehk #香港 #美食 #香港美食 #銅鑼灣 #CausewayBay #韓國菜 #醬油蟹 #HanAhRum #韓雅林…查看更多

終於到我嚟銅鑼灣利園依間「うなぎ四代目菊川」朝聖啦🤩餐廳由日本有超過90年歷史嘅鰻魚批發商直營，喺全球有近30幾間分店，佢哋用備長炭嘅炭火將鰻魚烤得香脆再塗上風味滿滿嘅秘製醬汁，係連米芝蓮都推介嘅老字號😋 Kabayaki Ippon Jyu Set 名物一本重 $385上枱時帶點神秘感，自己打開盒蓋就見到好大條蒲燒鰻魚，香噴噴！食到外皮脆卜卜嘅口感，肥美肉厚，完全係外脆內軟嘅極致！本身已經加咗醬汁，如果唔夠味，店員建議可因應自己口味加菊川鰻魚汁，有田川山椒粉或七味粉。我樣樣都有試，覺得山椒粉都幾夾，好凸出到鰻魚嘅味道，另外亦加咗鰻魚汁，配埋白飯真係一啖接一啖停唔到口，我冇諗過咁大份量我會全部食得晒😆 依個餐除咗鰻魚飯，仲有碗好特別嘅鰻肝養生湯，解咗鰻魚嘅油膩，裡面有好大嚿鰻魚肝，坊間好少機會食到！ 評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺うなぎ四代目菊川銅鑼灣希慎道33號利園一期4樓401A號舖📍銅鑼灣港鐵站F1出口3分鐘路程 #healingbobo #foodie #hkfoodie #foodiehk #香港 #美食 #銅鑼灣 #CWB #Eel #鰻魚 #鰻魚專門店 #日本菜 #銅鑼灣美食 #Michelin #米芝蓮 #米芝蓮推薦 #UnagiYondaimeKikukawa #うなぎ四代目菊川…查看更多

又係me time嘅快樂時刻🤩上星期自己去左沙田新城市廣場「有田牛」食晚餐，餐牌花多眼亂，最後叫咗個一人壽喜燒定食🤩一人壽喜燒定食 $188 Premium cut Arita Gyu Miyazaki 120g主角出場啦🤩 烹調嘅係頂級和牛品牌Miyazakigyu 宮崎牛，依種和牛一向都係以靚靚雪花油花同嫩滑而聞名，屬於A5日本黑毛和牛，西冷肉味濃郁，撈埋日本雞蛋同白飯一齊食，真係人間美味😍除咗和牛，仲有超甜嘅洋蔥，菇菌，豆腐。除左壽喜燒汁，餐廳仲提供昆布湯，怕太濃味嘅話，可以落啲昆布湯中和返。店員服務態度好好，烹調方法解釋得好清楚，仲主動幫我煮埋😂 平日嘅晚上餐廳都好好生意，好多人等位，等我下次帶埋朋友再嚟食其他菜式😍 食完漫步城門河行返屋企，睇下靚景，享受咗一個美好嘅晚上🥰評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺 有田牛沙田正街18-19號新城市廣場一期1樓128號舖📍港鐵沙田站 A4 出口5分鐘路程…查看更多

想食左人氣日式漢堡扒專門店肉肉大米好耐，沙田店永遠都超多人，早幾晚喺葵芳新都會行街，見到肉肉大米試業中唔駛排隊，即刻衝入去食啦🤩 入到去見到個開放式廚房，可以欣賞師傅即場煎漢堡扒🧑🏻‍🍳，聞住陣陣肉香，未食已經流哂口水，簡直係沉浸式用餐體驗👍🏻餐廳堅持用日本直送食材，九州黑毛和牛混美國牛肉手打漢堡扒🍳，即叫即烤🔥我揀咗3件漢堡扒套餐 $140，可以食晒佢所有口味嘅漢堡扒，有現烤原味漢堡，芝士漢堡，牛油果漢堡，套餐仲包括無限續添西蘭花，蜆湯，雞蛋一隻。第一件係原味漢堡，餐廳建議配搭燒肉醬同蒜香辣椒醬進食，好感受到肉汁同香味，餸埋白飯食好正。第二件芝士漢堡配黃芥末醬同奧羅拉醬，有啲似食緊漢堡包咁，係另一種嘅感覺😂。第三件係牛油果漢堡，牛油果好新鮮，感覺好清新，以此作結真係啱晒👍再配埋日本東北每日鮮磨嘅虹煌米同埋可以生食嘅日本新鮮雞蛋，一啖肉一啖飯，真係停唔到口啊🤤～「肉肉大米」8 月 15 日就會喺新都會廣場隆重開幕‼️用超親民價錢就可以品嚐到正宗日本風味啦😋！大家快啲去試下啦！開業優惠：8月15-21日，每日首100名到店用餐的客人、即送日本米一包 (1kg) ‼️評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@nikuniku_oh_kome .hk肉肉大米(葵芳新都會廣場)葵芳興芳路223號新都會廣場2樓272-274號舖📍港鐵葵芳站C出口5分鐘路程#healingbobo #foodie #hkfoodie #foodiehk #香港 #美食 #香港美食 #日本菜 #日本餐廳 #網紅餐廳 #打卡餐廳 #漢堡排 #lunch #dinner #葵芳新都會 #新都會廣場 #Metroplaza #KwaiFong #葵芳 #葵芳美食 #漢堡排 #九州黑毛和牛 #美國牛肉# 手打漢堡扒 #日本和牛 #nikunikuohkome #肉肉大米…查看更多

諗去邊度食飯係一件好難嘅事，難得有人諗埋，即刻上openrice訂枱，最早得返八點三，諗住照訂咗先，七點半去到博有得早啲入，但離遠已經見到門口超多人等位，結果都要夠鐘先入座😂虎蝦濃湯麵 $128依個果然係必點！虎蝦好大隻，上面堆滿櫻花蝦，一齊炸到金黃，外脆內彈，咬落卜卜聲超正！湯底好濃勁重蝦味，麵條吸晒濃濃嘅湯汁，好掛湯，有少少沾麵feel😅成碗橙色好過癮🤭雞肝多士 $48本身我以為好似鵝肝多士咁係一件件上，點知原來係雞肝醬😅有五塊多士可以自己慢慢搽，雞肝醬香濃幼滑，多士焦脆，入口鹹香，配茶或者酒都正。串燒🐮👅蔥卷牛舌 $26牛舌幾厚切有咬口同牛舌香，京蔥好香，如果份量可以多啲就好😂🍇🦆葡提鴨卷 $24鴨肉捲住提子，提子中和油膩，又咸又甜咁，都幾得意幾有驚喜😂串揚🍀海膽大葉卷 $28海膽鮮甜冇腥味，配埋紫蘇葉獨有香氣，炸脆咗一齊食好正😋蟹肉牡蠣 $26勁大堆頭嘅蟹肉舖滿喺炸蠔上面，好壯觀，蟹肉鮮甜，炸蠔新鮮，依個海鮮組合好正👍🍑🍹白桃冰串梳打 $32好特別嘅飲品，真係有成串冰震左嘅白桃肉，凍冰冰夏天飲啱晒，配埋梳打好清新，解晒肉食嘅膩！下次再嚟試其他串物先🤩但要早啲訂檯😂評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺火夫黃埔天地百寶坊(第3期)地下G29號舖📍黃埔港鐵站B出口5分鐘路程…查看更多

其中一位親友，就提議到觀塘［御膳］祝賀大壽，主廚度身訂宴。 由於今次係壽宴，餐廳有免費贈送滷水鵝肝鵝腎，雖然係免費贈送，但製作一啲都唔馬虎。餐廳講明免切餅費、免開瓶費以及免加一，所以今餐都比較有預算。菜式推介 ：避風塘大肉蟹肉蟹份量非常之大，表面鋪滿蒜蓉，蟹肉鮮甜可口。富貴金龍原條沙巴龍躉，起肉分作兩味，有「龍躍金淵」嘅意思• 流沙黃金，蛋黃裹炸酥香滿溢 • 椒鹽吉列，鹹鮮襯出魚肉真味臘味糯米飯蒸大肉蟹糯米飯煙靭可口，吸收晒蟹肉嘅精華。汕頭滷水鵝滷水鵝鵝肉非常肥美，入口充滿肉汁，鵝肉醃製得好入味。冬瓜果皮魚湯浸龍蝦依道菜式非常重本，陳皮引兩隻龍蝦熬湯，清而不簿，龍蝦肉質鮮嫩。香芒沙律大蝦球蝦球入口鮮甜，蝦肉彈牙。餐廳嘅服務好貼心，今次我哋自己帶有酒精飲品，嚟到嘅時候原來餐廳已經為我哋準備好冰桶。另外，餐廳亦都有提供免費蒸壽包。🍴御膳 ▪︎ 敬運12樓訂座電話：92228210…查看更多

最近喺網上成日都見人介紹依間人氣西班牙菜， 適逢朋友生日話想食西班牙菜，緊係即刻訂檯去食啦😍去到見到門口有室外座位，佈置好靚，估唔到佐敦會有咁chill嘅餐廳🤩，而且平日嘅晚上都座無虛席，果然冇嚟錯🤭鹽烤西班牙鬼椒 $68份量好大，一上台就覺得抵，個辣度好有層次，唔係果種死辣，帶少少鹹香，餸酒一流，食到停唔到口😋 香辣烤八爪魚 $108八爪魚烤得好夠火喉，外層微微焦香，咬落彈牙有嚼勁，香辣味滲晒入肉，正！白酒檸檬時令蜆 $148蜆肉鮮甜，個汁係靈魂，用嚟點麵包好正！白酒同檸檬嘅香氣好突出，帶少少酸咪咪，蜆肉吸晒啲汁，好正😋地中海煎烤智利海鱸魚 $288依個真係必點！魚皮煎到金黃香脆，魚肉好香好滑，仲好有魚味，完全冇腥味～ 伴碟有薯角、車厘茄、椰菜花，個組合好健康清新，食完冇負擔😌八點前有happy hour，我哋都叫咗好多杯邊飲邊傾計，坐到人哋打烊先捨得走😂 仲有好多嘢想食，好似個海鮮飯同蛋餅都好吸引，希望下次再嚟試下其他菜式😍評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺@hara.kitchenHARA佐敦官涌街3-5號煒亨大廈地舖📍港鐵柯士甸站F出口步行約2分鐘 港鐵佐敦站C2出口步行約7分鐘#healingbobo #foodie #hkfoodie #foodiehk #香港 #美食 #restaurant #chill #food #dessert #hk #hkfood #wine #winebar #HongKongFood #WesternRestaurant #Jordan #JordanFood #佐敦 #佐敦美食 #西餐廳 #紅酒 #香港美食 #harakitchen #佐敦美食 #食好西餐 #西班牙菜 #HARA…查看更多

網上成日都見人介紹依間人氣台式火鍋放題店「山見台式火鍋」，見佢最近搞緊「港式情懷」主題，台式火鍋溝埋港式味，好特別嘅組合，即刻訂檯去食啦🤩。 我哋揀左120分鐘 Lv 4 特選澳洲和牛海鮮餐 $388/位，有澳洲和牛肩胛肉眼、頂級無骨牛小扒、牛扑肉等， 連埋海鮮，台式小食等，總共有104款食物， 真係多到唔知點食得晒😂期間限定湯底：芫荽皮蛋豬骨鍋全新湯底：上素蟲草木耳鍋我哋叫咗鴛鴦鍋，可以一次過試晒上面兩個湯底，芫荽皮蛋豬骨鍋幾有驚喜，湯底夠濃，亦唔會蓋過啲餸嘅味道，涮澳洲和牛肩胛肉眼幾夾，好香嘅牛味，果然不愧為LV4嘅招牌菜。自助區選擇都幾多，有唔同種類嘅蔬菜，丸類，唔同嘅台式式飲品，仲有懷舊紅豆冰😍 晚市嘅瑞士汁雞翼同柱侯牛腩，味道幾正宗。白果腐竹鵪鶉蛋糖水好清潤，啱晒食完火鍋整返碗，幾舒服。最開心係 有代幣送可以夾公仔🐻，我用咗八個代幣就已經可以夾到一隻啤啤熊公仔啦，好開心🤩120分鐘任食，呢個價位有咁多嘢食，性價比都幾高，但實在食唔落啦，希望下次再嚟食過啦😂評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺山見台式火鍋將軍澳唐賢街9號PopCorn 1 1樓F10號舖📍將軍澳港鐵站C出口2分鐘路程#healingbobo #foodie #hkfoodie #foodiehk #香港 #美食 #Hotpot #火鍋 #TseungKwanO #TKO #將軍澳 #Sankinn #山見台式火鍋…查看更多

朋友帶我嚟依間由開張我已經想食嘅美式扒房🤩 餐廳環境好靚，好有格調，有種舊年代嘅氛圍😍 侍應首先擺低洋蔥酸種麵包，麵包好香好好食🍞🦀New Orleans Style Crab Cake $268新奧爾良蟹餅唔知點解好鍾意食蟹餅，好似係必叫嘅頭盤咁樣😅 蟹餅煎得夠乾身，珍寶蟹肉配埋他他汁，切開見到一梳梳嘅蟹肉，又香口又滿足😋🥩8oz Kagoshima A5 $828A5鹿兒島西冷和牛 8安士 呢個係餐牌冇嘅廚師推介，嚟到嘅時候已經好細心咁樣切開一件件，五成熟生熟度剛剛好，肉色好靚，邊位微燶，唔知點解感覺有少少似食緊叉燒咁香口😂，有好濃郁嘅牛肉香👍🍕Homemade 10" Pizza 2 gusti 50/50 $298話說Prohibition已經同亞洲第一薄餅餐廳CIAK聯手，以後如果想食CIAK嘅薄餅就要嚟依度先有得食🫠我哋揀左Prosciutto & Formaggi + Norcina雙併Pizza, 24個月風乾火腿加三款芝士🧀Gorgonzola, Taleggio, Mozzarella，咸香十足；Norcina配料有Homemade sausage, Mushroom, Mozzarella，好足料好味，中和返另一半嘅咸香。🔥🏔Flamed Alaska $248火焰雪山甜品係一定要有嘅，雖然依個甜品份量比較大，但為咗儀式感，一定要叫依個😂 睇住侍應點火再淋酒，藍色嘅火好靚，燒過嘅火焰雪山外面有啲焦脆，入面有朱古力，士多啤梨+雲呢拿雪糕，海綿蛋糕，干邑橙酒，超好味，之後再食伴碟嘅紅桑子可以清新味蕾。過咗好開心嘅一個晚上，另外餐廳有代客泊車，所以都算方便就腳，下次有機會再嚟食下其他嘢🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺Prohibition 扒房．酒吧黃竹坑道180號海洋公園香港海洋公園萬豪酒店C區地舖📍港鐵海洋公園站B出口2分鐘路程#healingbobo #foodie #hkfoodie #foodiehk #香港 #美食 #香港美食 #OceanPark #Marriott #萬豪酒店 #海洋公園 #扒房 #酒吧 #Prohibition…查看更多