ChiefMatt的個人專頁

又係一個唔想煮飯的晚上! 咁要醫肚點算好? 諗下諗下,都係去返我地樓下既"飯堂"-六樓后座!!今晚見唔到麥包老細,但人都唔少。例排我地兩個人叫左個兩餸飯set,$125包飯,送例湯,有野飲!呢個價錢係呢頭算係抵食! 起碼呢度有即叫即炒既餸,火喉幾夠!坐底後先黎兩碗例湯!呢度既例湯以冰室茶記黎講算高質啦!今晚呢個係霸王花煲湯唔會鹹,無落味精,簡簡單單就好!兩餸叫左味菜炒牛柳絲+鹹魚雞粒豆腐煲味菜炒牛柳絲 - 估唔到上碟果陣有咁多牙菜架! 雖則牙菜我一般,但係都炒得好爽脆,個汁幾惹味! 鹹酸菜唔會太鹹,都幾食!而牛柳絲唔會韌,算okay啦!鹹魚雞粒豆腐煲 - 一見到個煲有好多芫茜就覺得好香!我最like食芫茜啦! 整體黎講個煲普普通通啦,豆腐還ok,不過鹹魚唔夠鹹香,同唔係好食得出有鹹魚! so far so good啦!總之唔想煮,就會落去六樓后座開餐! 貪佢夠方便!…查看更多

今日天陰陰,根本唔想出去食飯! 不過同事話近近地落樓下library食,唔使行咁遠啦!話說呢間Library都開左好一段時間,初先試我都覺得一般,因為全韓式lunch唔係好適合我! 不過近幾個月,轉左menu, 多左好多日式set lunch,就覺得多野食左,就去多左!今日食左豬軟骨玉子蛋飯,配熱柚子+麵豉湯! 個飯味道幾好好既,汁唔太濃,飯都幾多! 豬軟骨好淋幾好食,不過真係太少啦,得果3-4細塊! 如果多d就very good啦! 另一方面隻玉子蛋超正,蛋汁配埋個飯食無得彈! 而且個飯仲有好多菜可以食,都幾fresh, 唔錯!…查看更多

川菜,係中菜當中我最愛既菜式之一,而且唔會想過學煮,因為無論用料/辣椒/油/河鮮等等,都唔會容易搜羅,何況廣東人煮辣根本就係事倍功半,所以我情願出去嚐辣!近來見CWB開左間川府宴,標榜傳統川菜,所以滿心歡喜約三五知己去開餐! 不過今次就有意外"驚"(無喜)!打開餐牌,我差d以為去左酒店川菜館! 酸辣土豆絲$88??其一呢款係愛最愛的湘菜,屬唔屬川菜都係一個問題。其二我用少于$10都可以煮到既菜,我唔會用$100去食唔肯定係正宗的菜式。好啦,再諗下叫條正宗水煮魚啦,但見到要差唔多$500食條桂林魚,我真係說服唔到我自己囉!唯有再選其他啦,叫d普通川菜啦! 點知再望仲驚…麻婆豆腐$128??莫非四川空運到港的山水豆腐,食完識飛?我再次說服唔到自己叫!結果我意興闌珊,交返個波比朋友點菜：1st 紙包牛肉：朋友見台台都叫,應該係招牌菜,所以點左呢道! 上台既時候,賣相就一流,用玉扣紙包住,要切開來食,唔講以為食緊鹽焗雞添啊! 店員介紹個牛係安格斯黎架,肉質嫩滑! Well,個牛既質地幾好既,不過真心食唔出同旁邊辣椒有幾大關係。牛肉係多少吸左辣椒既辣,但得辣椒味無辣香! 講真唔明點解要紙包,鹽焗就話鹽香經紙焗入雞,咁紙包牛肉又係咩原理?2nd 藤皇麻香雞：呢個菜好味既,起碼花椒味濃,麻而不辣! 係味道上係一個特別配搭! 相對$288既紙包牛肉,$168既麻香雞顯得性價比幾高!雞有好多塊,雞皮算滑,口感都okay,!咁當然呢度酒店級既價錢唔好預係食新鮮雞啦! 冰鮮有呢個質素算唔錯!叫左兩個主食,我地見埋單兩個都成$500,所以朋友仔話加個飯同擔擔面就算啦! 正當我以為可以食返正常四川擔擔面,但原來驚嚇未完…點解個擔擔面係干身既?個麻醬呢?辣辣口感呢?咁跳tone既擔擔面真係第一次,似涼伴多d! 食落其實味道都唔錯既,麵身好爽口…但真係好少下…似小食多過麵食!食完埋單見連埋茶位加一都成$600! 其實,兩個人食$600就圍都要,但係要視乎食乜,呢餐食完好似同無食過一樣! 真係幾失望,所謂雷聲大,雨點少,不外如是!…查看更多

星期二又係返工既日子,係九龍灣放lunch係一件辛苦事,尤其係近年冰室臨立的年代,每間都滿佈人!今次再去九龍冰室,其實已經有1個月無黎過既,無他既,位少人太多!3個人一點鐘去拿位,結果要等到1點半先有位! 入到去叫左我比較鐘意食既"撈家3號"-咖喱雞扒撈飯,配杯靚茶走! 個咖喱汁都算幾香濃,唔太杰,不過算撈飯好過撈麵,因為以往食過撈麵太漏啦! 雞扒煎得算okay啦,不過杯茶走就真算唔錯!係九龍灣茶記黎講,呢度既茶走夠滑夠香,每次來都會飲的!…查看更多

逢每個周五晚上,我哋倆口子都會出去拍拖浪漫下,揾下好野食! 今次再去返太子的Sky726,s因為上次食過覺得好食!Sky726的意菜或法菜質量係幾高,用pizza xxx黎比,係街頭街尾的距離! 貨真價實的用料,色香味俱佳的菜式,自然價錢合理地屬中上水位!1st Oyster soup - 西式蠔湯真係第一次,雖然望落青青地既色,但望落去好濃綢! 飲第一啖已經覺得滿口蠔味,好鮮好香!湯身充滿顆粒,應該用好多蠔同薯仔等好多配料打出來,所以個湯除左香,整體texture係really good!2nd - Miso Salmon: 今次點左味噌三文魚扒,聽過名都知係fusion做法,日式味噌+西式慢煮三文魚扒! 上碟果下發覺,三文魚扒好厚身,好大塊,望落似午餐肉…仲驚會好鞋口!不過諗黎都多餘,切開果下一落刀就feel到好淋,但切落又唔散!食落口感好鬆軟,無骨之餘,入口即溶!加上帶甜的味噌,令到個人更加開胃,既甜既味道中和左本身三文魚既酥美,真不錯!3rd - Penne Carbonara, 主食叫左個卡幫利長通粉! 當然一睇就知高質啦! 個汁要做到濃綢但又唔揭,係好難架! 以前見過人整Carbonara,蛋黃同芝士既比例要預得好準確! 否則一係個汁揭到無朋友,一係cheese味濃到想嘔,又或者淡到你無胃口! 不過呢度個汁prefect! 長通粉食落仲有d粉粉地,好有嚼頭,唔會太淋,係正宗意式煮法!高質!今晚雖然叫既野唔多,但每樣都高質! 真係兩個人歎左一晚食好野,下次一定再來…查看更多

上個星期三晚,又是一個OT的晚上! 係尖東個客度做完野野已經9點幾啦,得一支公,唔知可以食得d乜?行下行下去到厚福街,見到有間叫"琛夜食堂", 好似幾啱feel喎! 一于就試下啦!上到去見到,原來食串燒架喎! 可能夜左啦,無乜人食緊! 咁樣剛好比我靜靜地食下野!可能夜左唔太餓啦…我都係叫左3樣野食：1st 荔枝煙肉串 - 好好食,煙肉燒得好香脆,連帶裡面的荔枝都帶有餘溫,同吸左煙肉的油份!煙肉的香脆包住多汁清甜的荔枝! 食完真係好醒胃!2nd炸生蠔 - 基本串燒我必點的!因為太愛食蠔啦,今次都要試試! 呢度炸得唔錯，雖則細了一點,口感不夠滿足! 但一個"酥"字，確實拿捏得好好,口感覺炸得好酥!外脆內軟…3rd -花蜜菠蘿， 初先我以為係燒菠蘿! 但上台發覺係凍食! 咬落去好清甜,無左本來的酸味,但多左花蜜的清甜! 當為甜品都唔差!男人的浪漫,OT後之琛夜食堂,下次要再來…查看更多

朋友仔話西環有間正菜館,話一定要去試下! 究竟係乜東東? 朋友仔無講,只係同我講間野叫百味鮮, 係香港大學mtr站行過去10mins,叫我準時出現…究竟有咩正野先?其實果晚係平日,不過見唔少街方同HKU學生。朋友仔話呢度咕嚕肉同橋底辣蟹最出名,一定要食!冰鎮咕嚕肉 - 真係好amazing,好味到震! 每粒咕嚕肉都掛滿糖漿,充滿蜜糖香味!咕嚕肉極之脆口,外脆得來,裡面起左骨,啖啖肉之餘,食落去口感似拔絲做法,入口即溶! 講真咕嚕肉食得多,我自己亦整個,但每每炸得好硬,或者個汁唔夠掛! 但呢味咕嚕肉唔單止掛,而且可以做到拔絲效果,真係不得之了! 難怪佢要冰鎮住,否則就拉唔起絲,無左個效果! 一絕啊!避風塘炒辣蟹 - 確實係幾好食既,亦係呢度出名之作。不過可能我愛蒸蟹多于炒蟹,所以總覺避風塘既惹味雖然好食,但賞鮮就不及蒸啦。整體呢味橋底辣蟹,好香口,蟹肉爽甜!唔錯!不過果晚咕嚕肉真係俘虜左我把口…完全想再去食多次…查看更多

曾經的G點,一到中午食飯時間門口就企滿人等位,最出名的是燒味 (尤其燒鵝+半肥瘦叉),我都試過訂燒味返屋企做節,因為性價比高又好味。不過又唔知幾時開始,燒味水準下降左。唔可以話差,但就係無以前果種味道。上星期lunch去食左個半肥瘦叉+油雞飯叉燒水準仲幾好,本肥瘦得好分明,入口即溶,水準係九龍灣區屬上品；油雞就差少少啦,肉偏鞋,皮不夠爽,水準一般。不過講到底,水準差左既,主要係個汁! 現在的汁只得豉油味,無左以前既香味…唔知係咪換左做法?講到底,G點都係我lunch既膽,希望以後可以回復水準啦!…查看更多

每逢星期一,都是自己食飯既日子。通常一支公的時候,我都會去禮記食個快靚整的lunch.今日叫左個東瓜火腩飯,所謂既男人的浪漫,東瓜都幾淋,夠入味! 火腩的口感有點似扣肉,食落唔算肥膩! 配埋個中湯+熱飲, 男人的一個午餐就係咁簡單!重點係性價比高,$48有湯有野飲,係九龍灣返工既人都知,呢個價錢算平架啦!…查看更多