chipndale的個人專頁

路過一休，點了一客炒烏冬及一口牛可以睇住師傅即叫即炒，好似去咗日本咁炒烏冬好足料，好多牛柳，味道都好好。$38 好抵食！一口牛入口即溶，好好食。都只係$58，好抵食…查看更多

餐廳位於突破書室內，午餐有好多選擇我們點了一客肉丸意粉及雞扒漢堡雞扒指明是無激素及荷爾蒙飲品則點了一flat white 及熱檸水份量不少，雞扒大大塊肉丸也比想像多Flat white 稍為失色一點員工很細心，留意到我們是share，特意攞多把刀同濕紙巾俾我地整體感覺不錯…查看更多

餐廳喺逸東酒店地牢，food hall 入面，格局係food court 牛扒有三款，分別係牛扒，牛柳同西冷，款款不同價錢份量都可以自選，即榜同計錢加$18有套餐，白飯，湯，沙律同飲品四選三仲有蔥油，洋蔥油及蒜油可選擇我叫左一份牛扒, 300g, 加埋套餐就$101沙律好似冇醬，冇咩味，麻麻地份牛扒用鐵板上，訂餐時有講明塊扒得3成熟，塊鐵板係會整熟啲塊扒，大概會係5成熟除非要求煮熟啲。但唔知係咪塊鐵板唔夠熱，塊扒真係好生，好難食，好韌，仲有渣添，食完牙骹都軟埋…查看更多

中午喺呢度飲茶，環境非常舒適，食客唔多，冇預先訂枱，亦都唔使等位點心好精緻，燒賣好大粒，蘿蔔絲餅好足料。糖醋麵同其他炒粉麵都好好食！價錢算高，茶錢$20一位，點心都比出面貴…查看更多

平日午餐時間黎到，點了車仔麵及滷水鵝飯車仔麵有幾款湯，這次點了芫茜湯底，勁多芫茜！麵揀左手工麵，其實有啲似上海麵。餸就叫左麻辣鴨血、生菜及牛腩，都唔錯，不過數量唔算多。同埋碗湯唔夠熱，呢樣要扣分！另外叫左份滷水鵝午餐，味道都唔錯。$78，包杯熱飲，唔算平…查看更多

雖然開業已不段時間，但仍大排長龍。我們大概6點到餐廳，門口已出現長長人龍。我們前後大概都需要等待大概一小時。餐廳職員很友善，同行有一個bb，職員樂意協助我們安排座位及為我們安排合適的high chair。用膳時間為兩小時，但感覺上不會很趕。上菜速度頗快。食物質素也不錯，份量頗多。Fried shrimp platterShepherd’s pie好香，好濃芝士味Lemon raspberry cream cheesecake & chocolate mousse cheesecake都幾膩，不過好好食…查看更多

星期一晚誤打誤撞之下再次黎呢到晚餐人不太多，很適合和朋友食飯，可以同朋友安安靜靜傾下計，在尖沙咀實在難得餐廳位於亞士厘道，要上樓，地點很方便我們點了兩客小食，一客飯，飲品及甜品，食物質素不錯。炸水牛芝士條及芝士炸蝦上枱時熱辣辣，好好味！南瓜芝士燉飯好creamy不過兩杯飲品 - 白日夢及荔枝玫瑰乳酸爆珠味道較甜，失色了一點朱古力千層蛋糕都好好食價錢大概二百蚊一位，以尖沙咀黎講，係差唔多。整體感覺不錯，希望可以保持水準…查看更多

呢間麥當勞好唔掂野食又唔好食，樣樣野都唔得啲薯條淋既，凍哂新出杯紅豆特飲冇味，都唔知係咪擺得太耐啲冰融哂。跟餐明明要粟米，又俾錯左薯條之前已經食過一次，上次買麥琁風，杯雪糕融既，叫員工換過一杯先正常啲食物份量又細，加大左既薯條同中薯條係冇分別既成間野唔夠人手，得一個收銀冇人執枱同抺枱員工又奇奇怪怪，講野又細聲，又生手，做野好慢，排隊條龍好長，等好耐仲要好污糟，俾我見到有曱甴！真係未食過一間咁差既麥當勞…查看更多

同屋企人黎打邊爐慶祝生日，結果好失望我地散叫，冇嗌餐，好唔抵食，埋單一位要$350叫左所謂A4和牛，$398 但得嗰幾片，亦都唔算係好高質素就算prime 肥牛，$298一碟，都唔值呢個價烏冬半個要廿幾蚊，其實俾一個都唔會蝕好多啦所有野都收得好貴，但得好少，而食物質素都係好一般唯一算幾好既就係算坐得幾舒服，冷氣夠，就算星期日晚都唔滿坐，冇限時，算係幾靜啲員工都算幾好但係呢個價錢同質素真係唔會再黎食，好失望！…查看更多

已經食過呢間cafe幾次，每次都好滿意！芝士牛肉漢堡包跟餐都唔使$50！食物質素都幾好，味道唔錯有次試過賣哂薯條，店員就幫我upgrade 左做洋蔥圈😍每次黎都唔係太多人，好靜好舒服，不過地點就隔涉左啲…查看更多

之前經過呢度，見住店員燒烤，覺得好似幾正咁，今晚心血來潮就諗住黎試下喇，點知就失望而回。一黎到就已經知道個燒烤爐壞左，整緊，冇得叫燒野住。於是諗住叫個大阪燒食住先，點知最後等到個燒烤爐整好，差唔多食完啲燒野先話個大阪燒漏左單！叫左燒扇貝、茄子、一口和牛粒、燒菠蘿、五花腩、半條鰻魚同埋一碗蟹膏拉麵，但係都麻麻地。個菠蘿係冇味既，其他野都好普通。諗住碗蟹膏拉麵算係推介，但係$138呢個價錢黎講，碗拉麵真係好不外如是。我地坐吧台，好似冇冷氣咁，食得都幾辛苦。…查看更多

因為家人生日，特登訂枱在半島慶祝生日。訂了星期日傍晚六時，餐廳內大概有8成滿，但環境仍算安靜，非常舒適。酒店為我們安排了窗邊位置，可以看到維港的景色，由日頭坐到夜晚，非常美麗。我們分別點了一set early dinner menu 及一份以龍蝦為主題的menu。基本上所有菜式味道都好好，賣相一流，物有所值！其中一款甜品更用了龍蝦造形，好得意！訂位時已經講明early dinner 要8點交枱，不過可能因為其中一份dinner set 有5個course，侍應也沒有任何動作催逼我們交枱，讓我們可以從容不迫的完成整晚的晚餐。…查看更多

同家人黎食生日飯，諗住試下，點知中伏！啲海鮮唔新鮮，味道好一般!其中一隻花甲唔開，裡面好多泥，唔掂其他海鮮好似係貴妃蚌，龍蝦全部都冇味，一食就知唔新鮮收呢個價錢真係好唔值我地仲叫左蝦，原本話秤14隻，點知最後蒸好得13隻，我都唔知佢計錢計左幾多試左個黯然消魂魚，好大陣薰衣草味，自問真係唔識欣賞，接受唔到啲服務態度都好差，揀海鮮時就阿姐就不停催你落單，感覺唔係幾好。但係一落左單就好似唔理你咁唔會再食下一次！…查看更多

朋友生日食飯，之前見呢間好似唔錯就諗住去試下，點知令我有啲失望食物份量好少，六個人叫左6樣野加甜品，都唔夠飽，一人一小啖就清左碟野。本來有加單，點知又漏左單...餐廳外有人食煙，但啲煙味入返哂餐廳，好臭不過預先可以安排寫happy birthday 既字都幾好，同埋open rice book 有生日優惠都ok …查看更多