食晒份糧's Profile

十二點開門，十一點九已經有人排隊。好出色既拉麵店。湯飲得出用好多雞去淆個底。醬油食得出師傅心機同仔細。醬油湯底不會偏咸同死咸。好厲害的功力。肉方面，叉燒好嫩，雞好滑。完全無渣。蛋每一隻都做到流心效果，香濃有蛋味。拉麵味道也很好，蛋拉麵香滑。如果有得比我揀，我希望個麵爽d會更完美，少少笠口。最最最精彩既係，碗麵非常夠熱，全世界不同國家既湯麵，最緊要熱。 尼間拉麵做到了。食到尾都係焫咀的。好犀利… 我敢講香港無乜邊間拉麵店可以做到食到尾段湯還是那麼燙。湯的表面雞蔥油好香，下手也不輕，卡路里深信不會低。可能就是這樣湯頭才那麼夠熱。但絕對值得為這家麵店去做運動。…Read More

真心發表以下感想。小弟好少寫食評，覺得好食既會分享比朋友，但遇到中伏至比人呃既感覺，我就會寫出來讓各位美食家注意注意。拉麵既麵同肉，葱同筍，都無咩問題，雞肉嫩，豬肉香。 但無論沾麵還是湯拉麵，都咸到超乎食物既程度。茶記例湯小弟覺得已經好咸，尼度個醬油湯係例湯咸度既三倍。 食完我覺得飲左啖海水咁。醬油拉麵係濃味，講求咸香，日本既拉麵亦偏重口味小弟絕對明白，亦於日本食過味道好既醬油拉麵。但此地的湯底絕對是嚴重有問題。醬油湯底，想味道好，點都會落雞骨去淆個清湯，再配上出色既秘制醬油令湯底香濃可口。 此地的湯絕無加仼何動物的骨頭去煮。只是簡單的鏗魚湯加一個好咸又無乜味道的豉油。絕對令小弟非常失望。一碗醬油拉麵，一碗醬油沾麵。兩款都咸到不要不要。吃得好辛苦… 叫了一隻溏心蛋，都係咸得過份，係溏心咸蛋。湯底低成本，店舖地段亦不屬大街大巷，收食客大概一百幾十元。 實屬灣仔區性價比最低之拉麵。因稱自己是過江龍，店舖每天都會排隊。此情景應該好快不會出現。最後簡單一句，一碗好的拉麵係會令食客不停飲個湯，食完碗麵既湯就算不喝清，也至少會無左大半碗，而此地的湯係飲唔到，講完。…Read More

環境大，價錢合理，後一條街X島係超貴，質素大家五五波，我一定揀尼間，食過好多次都係下午茶，價錢比附近茶記平，較大碟，服務很好，食物熱辣辣，如果咁arm係灣仔，想平平地，選擇多，服務好，坐得ok舒服，可以一試，今日食咖喱牛腩撈公仔面，牛腩一d都唔hea, 有筋，有腩，有膜。面同汁都不錯。平野正。…Read More

吃拉麵本是一件幸福的事，有蔬菜有肉有湯，還可加其他配菜。久不久吃一碗是樂事。 好多年前來過一次，拉麵非常普通，價錢亦絕不便宜。 所以就沒再來過。九月某天經過，那天不想吃附近的茶餐廳，多給他們一次機會，希望過下拉麵癮。怎知道又做了後悔的事情。 我叫了醬油拉面麵。我先不評論那生硬的麵質同餸菜的味道了…看相片可知麵的質素….拉麵湯底的顏色非常恐怖。 可能小弟孤陋寡聞，正宗日本拉麵係咁😅。 亦聽過日本某些拉面相對鹽份會重。但小弟都去過日本，亦吃過拉麵。此拉麵是小弟人生吃過最鹹的拉麵…..我不知是否此店的style,還是師傅無心機整。 成碗豉油黎。 問職員拿了一杯熱水，俏俏一整杯倒下去，但仍然非常鹹。勉強吃到下去。我不喜歡浪費食物☹️ 這根本不應該叫醬油拉麵，應該改名為海水拉麵。做過功課，知道這裡的炸雞有食客大讚的，本想加一份試試，但吃過此拉麵後，已鹹到吃不下仼何東西了… 來幫襯的朋友，不要在此拉麵店叫拉麵😅都是那一句，請也看看其他食客的客觀評價。…Read More

五年前，本人到此一遊，是一生中吃過最好吃的牛扒之一，今年五月好朋友生日，再到此餐廳，是我一生吃過最難食的牛扒。諷刺。我不是打手，看我的舊post可知，我真係覺得比人呃先會出聲，好食我亦會讚。上餐速度超慢，服務員見客戶不是外籍人士服務亦不太好。全晚所有菜式無一款是正常的，講真，花園餐廳百零蚊一塊牛扒，你唔會寫食評因為你已經接受咗$100嘅牛扒程度去到邊, outback RubyTuesday,一塊牛扒二百幾至四百蚊，亦算係可以接受嘅範圍之內，雖然有時煮得唔好，但我食過好多次，總算吞得落肚。今餐飯，兩塊牛扒，一塊六百，一塊七百，可以讚美嘅地方，佢有一點兒碳香，但係完全咬唔到吞唔到食唔到。真係好差好差好差。一塊叫rum steak,一塊係佢哋既Signature dish,話尼隻牛係餵朱古力大另外前菜炸魷魚完全冇味，生牛肉完全冇味，牛骨髓無油香，意大利粉個牛肉鞋過鞋抽。薯條通心粉正常，埋單$3500，係我近尼10年食過最差嘅一餐西餐。花園餐廳可能比較可口，三個人食，三個人都呆左。對不起，我是好珍惜食物的人，但廚師，餐廳，根本不尊重食客，不尊重食物。我懇請想來呢度嘅人士，一定要看看我這個食評。衷心提醒，三思而後行。我們絕無兒戲, 每星期會出來吃好東西,omakase . Buffet,中西餐乜都吃，三個也是沒所謂的人，不需要非常好吃，正常可以了，但今次真的生氣。我哋叫咗兩支紅酒，兩塊牛扒，三個前菜，一個意粉，本着享受美食的態度前來，誰不知，服務差，食10個好評一個負評，可能是打手，如不止我一個寫負評，請相信小弟的食評是真的。…Read More

九龍城有好多好野食，但今天經過，卻反而記起以前食個一間台灣面店小台南，很想一止自己的麵癮。果然無令我失望，幼面依然爽口彈牙，小店很用心，今天吃了拌面，醬心方面做得好仔細，用牛筋牛肉切粒來做炸醬麵，味道不濃不淡剛剛好。雖然人手不足，但服務很好。 午餐份量不多不少，夠飽。 價錢合理，略嫌加了味精，吃後有點口乾，不過這是一般食肆做法，相當合理…Read More

飲早茶，叫了蝦餃兩粒，一碟蝦腸，兩款也是特點，蝦餃普通至極，街邊有些不設堂食的蒸點心外帶店舖也比它出色。蝦腸是我一生吃過最難食的特點。蝦腸的蝦用了劣質蝦，三條腸粉有八九隻，我有一半以上不是吐了就是掉了。完全是茶餐廳用來炒星洲炒米的透明蝦，好難食。 星米的蝦是用來點綴，但蝦腸的蝦是整點心的主角，至少用用來整蝦餃燒賣的蝦我會不寫此食評。簡直當食客係弱智，對顧客的一種侮辱。腸粉包皮一夾就散，員工看到有顧客卻不出來，站在門口久久沒人招待。如要說優點，只有蝦餃皮夠薄，裝修還算新，外觀還算整潔。…Read More

一直知有尼間餐廳，一直未有機會試，今日咁arm行到附近，就試下。服務好好，要加葱有加葱，價錢適中，日中無落場，幾點去都得。鹵面啫係幾種鹵水料加個面比你，滲滲要加兩蚊，啫係米粉油面各一半。D料好食，湯底夠濃，多不多味精名位食家自己自評， 我接受到😅連凍檸茶，六十埋單，如果個湯可以再熱d就好😃另外佢個雞飯，蝦面同蝴蝶腩都好吸引，有機會會再去多次。尼條街其實有好多野食，各位食家諗唔到食乜可以黎一黎，實有一間arm你。…Read More

真係得罪講句，做左三十幾年人都唔知茶餐廳原來可以咁難食。 完全無尊重過食物，無尊重過客人。今日係尖沙咀上堂，午飯時間匆匆忙忙，度度多人，真係諗住求其食d野就算。 點知完全中了伏。 午餐其他乜叉都無野飲跟都算，價錢貴到高級食府咁。仲要非常難食。我忙果時，求其食就可以，食飯真係當充飢就算。清水煮米粉，白面包都得。但今日尼碟梅菜扣肉飯，真係愈食愈嬲， 百忙都要抽空抒發我既怒氣。味道又酸又咸。d肉係千年肉黎。 已經完全無左肉既質感，癡線！我咬開左影左相，無花無假... 真係呃遊客都唔會呃到....香港仔其他分店也未差於此， 尼間真係好差好差好差。大家睇埋其他comment 就會明白。千萬不要去...…Read More

網上看到不少對此餐廳負面的評價。 等到店舖開了一段時間後，特意來試試。 對於餐廳的定價與質數，小弟的評價是正面的。可能是店舖運作已經適應，貨源亦非常充足，沒有沽清的食品。加上我是於星期四當日下午四時多來的，店裡人數很少，食物來的時間亦非常適當。一進入本店，味道跟在日本的壽司店很相似。壽司方面，十幾元有赤身，亦是非常高質的吞拿魚。是真的吞拿魚，有魚油香，有魚味，絕不是西瓜魚。。。本人強烈推介。此外壽司大少適中。有很多香港壽司店沒有的壽司種類。生八爪魚非常淋，不會像擦子膠。墨魚爽甜。 池魚，吞拿魚腩軍艦非常新鮮，重魚味。甜蛋不是交來的急凍貨。相信大家都吃過沒有味道的魚生。此店絕對有色香味。小弟覺得絕對值得一試。…Read More

十二時多叫了一份淨崩沙腩 HKD 180加一份牛什撈粗。 Total HKD 230崩沙腩跟其他客戶叫的一般牛腩完全同一塊，無分別，咁我叫HKD 130淨牛腩咪得，洗乜叫你崩沙腩， 肉好散，超肥，跟本不是崩沙腩， 成盒都是油， 好差。筋膜位完全不見。牛什每款只給一至兩件，每件都非常細小。粗面完全沒心機去煮，根本仲有一部份好硬，未煮好。 條菜接觸滾湯兩秒就起。今天星期日，師傅可能輸了馬無心機。還有，食物味道非常醎。食完不太舒服。銅鑼灣選擇很多，粉面可以有更好選擇。潮興有很多分店，別的完全沒問題...…Read More

此乃小弟人生第一篇食評，本想籍著生日，希望揀間出名少少既自助餐，怎料真的令人失望。很久前來過，刺身選擇多而且新鮮，職員幫你落單，然後送上。蟹腳幫你切開，不用自己勞力。可令人難忘。可是.....今天的Yamm..... 比二三線的酒店自助餐更差。小弟一向捨得食，二三千蚊一餐無咩所謂，令人滿足就行。但這樣的價錢食這樣的食物，真的令人沮喪....前菜熟食完全無特別，間間自助餐都做到此水準。蟹腳鵝肝普普通。不過⋯龍蝦似香口膠，燒牛肉似擦子膠，仲夠膽寫係和牛.....羊肉夠林，但吞不到...有渣....魚生不錯，但選擇奇少..... 即開生蠔尚算可以。即炒意粉中規中矩，味精很多...要喪飲水。全晚最好的，應該算是即煮冬陰公湯，但味精亦不少....真係陰公....甜品算很好，格仔窩夫夠脆身，蛋糕香濃。雪糕無特別。生果都係咁。咁既價錢，我洗乜食你......希望管理層快點行動改善，服務是很好，但食物質數........ 請力救Yamm....超級失望。…Read More