Victorica Lau的個人專頁

由一開始食覺得都唔算好好食，到而家變得唔好食...先唔講佢出餐完全唔跟號碼，人多少少就混亂，最基本的食物質素同味道都有待改善。個味噌湯偏鹹但都叫正常，但竟然試過啲飯係仲未煮熟就拎出黎比客人。最近一次叫咗個生薑豚肉飯，唔知係咪唔好彩，啲豚肉好似掉咗落醬油浸咗兩三日咁，顏色已經接近啡黑色，鹹到難以下嚥...我食咗幾啖實在食唔落。於是朋友試咗一口，馬上吐咗出黎，話我竟然咁鹹都食到半碗。希望可以有改進，唔係既話都幾難有下次...…查看更多

上星期同朋友叫咗醉雞養生雞煲，雞湯湯底好清甜、醉雞味道清香又唔會太膩，就咁飲個湯底都好正、好養生。小菜出得好快，唔使等好耐。叫咗豬紅、蘿蔔、肉丸、牛肉等等。其中牛肉份量都ok，但可能係因為叫最平嗰款，好似切得碎咗啲，一夾就爛曬，係唯一美中不足既地方。特別覺得好食既係手工包既韮菜水餃，味道鮮甜多汁，一試難忘，後悔無叫其他款既水餃試下。至於野飲我非常推薦檸檬柑桔梳打水， 一杯既份量可以兩個人飲，唔會太甜又解渴。由於太好飲，所以我地飲完即刻又叫咗一杯，必定要試下。總括黎講，整體質素都好高，味道好真材實料，不過記得要先book定位，因為座位有限而且好多人食，Walk-in 幾乎每次都等唔到🥺一定會再去食～…查看更多

真係未試過食拉麵舖既拉麵湯底可以咁難食， 稀到好似溝咗好多水咁，完全無豚骨味，好似清湯咁， 食得好難受...麵底唔難食但都唔好食，似係超市買到既平價拉麵，至於啲荀係好食既但叉燒真係又薄又肥又無咩肉整體黎講成個麵無咩特色，湯底真係接受唔到，大概唔會再有下次…查看更多