yum_food_cat的個人專頁

放工約咗友人去旺角行街，順便食個飯😀因為最近都唔係幾好胃口，所以傾向揀啲輕食！呢間HAND3AG就喺朗豪坊B2層，方便行街🛍️主打鐵板燒爆餡三文治，感覺類似快餐店形式～首先要喺櫃檯落order先，俾完錢就有個取餐器，之後就可以搵位坐低，不過要小心行咗去隔離鋪🫣攞餐都係要自己出去攞，即叫即整都要預等一陣～=====================🥪遊日懶人鐵板三文治 $73呢個三文治由吉列和牛、照燒北海道帆立貝組成，當中仲有熔岩芝士、脆生菜、他他醬、檸檬蛋黃醬，個人覺得吐司唔夠脆口，可能因為吉列和牛有啲油😮‍💨所以影響到整體口感，但肉質都算juicy，味道就一般，反而個帆立貝幾好食，大大粒幾彈牙🤤同埋如果三文治可以幫手切半會更加方便進食！🍛芝士燒豬扒蘋果醬焗飯 $78雖然呢度主打三文治，但見佢焗飯張相幾吸引，就叫咗個推薦嘅芝士燒豬扒蘋果醬焗飯嚟試吓！平時好少食到蘋果醬，食落有淡淡嘅酒味🤔不過就唔係好食到蘋果味，整體偏酸少少，燒豬扒味道就比較奇妙，因為食落唔似豬扒，口感比較腍，而且油脂感較重，個人唔太鍾意🙅🏻‍♀️🥔日本蛋沙律焗薯 $48呢個有意外驚喜，冇諗過會咁好食!!首先面頭嘅蛋沙律清新得嚟又唔會膩✨入面嘅焗薯唔知點解食落口感唔似薯仔，冇薯仔嘅粉感，質地偏順滑結實，但又幾特別喎，夾埋醬真係幾好食😋🍟H3自家手切薯條(M) $25見係快餐諗住配個薯條，今次叫咗最basic嘅手切薯條，粗薯條入面充滿薯泥，調味脆度都做得唔錯🤩個人覺得好食過好多快餐店嘅粗薯條！🍋蜂蜜檸檬特飲 $38🍋檸檬錫蘭紅茶 $28飲品就冇乜特別，不過以快餐店嚟講都算多選擇～=====================總體嚟講，主打嘅三文治算係中上普通，飯類真係一般，唔推薦，小食幾驚喜，可叫👍🏻餐廳環境偏向快餐形式，適合快速短聚嘅朋友！…查看更多

作為街坊，每次做gym都會經過個邊🏋️喺MM未介紹之前以為係普通嘅工廈飯堂，嗰時見外面有個「愛心雪櫃」對呢間印象幾好🫡喺條片出街之後明顯多咗好多人，當晚諗住去食，打去問點知已經full晒🥲唯有book第二晚食，除咗要book位之外，嘢食都要訂，因為好多功夫嘢要預先準備定，尤其係雞，諗住訂炸子雞，老細都話要早兩日😢當晚我哋被安排坐戶外，不過停車場個位唔通風，都幾熱下，同埋feel到有幾個員工唔係幾熟手🫣係咁倒瀉嘢同有甩漏，不過態度都幾nice，打返個和！=====================🍤蝦多士 $60/件 (4件起)蝦多士一定要預先訂，同要訂4件起！訂個時唔知幾錢，估唔到要成$60件咁貴😂不過都幾大件，同埋隻蝦食得出係原隻新鮮蝦，啖啖蝦肉，多士真係超級無敵脆，第一啖係幾驚豔，但整體都係偏油膩，食一舊已經好飽🤰建議大家唔好眼闊肚窄，一人一件過下口癮就算😤👑鴛鴦鳳皮甲 $420(?)同樣係喺餐牌上冇嘅菜式，一定要預先同餐廳訂，鳳皮甲可以話係呢到嘅招牌，而且真係好考功夫，雞皮包住墨魚滑，出面微脆，但入面就好彈牙🤤加埋雞絲、海蜇同青瓜，令整體更fresh，好食！🍚生炒糯米飯 $198有少少似煲仔飯，但呢個就比較乾爽，上枱翻炒咗一輪之後要焗多幾分鐘😙炒飯粒粒分明，每粒都食到臘味同蔥嘅香味，不過稍嫌個醬有少少甜，如果多返啲咸味會更好~🍆魚香茄子煲 $88呢個超級普通，唔夠咸魚味，味道差少少，茄子亦炆得唔夠腍，冇外焦內軟嘅效果🥲中間有啲硬，整體一般，但勝在份量多~🐖酥炸肥大腸 $88呢個就正常發揮，可惜炸得唔夠脆，咬落唔夠爽口，不過洗得幾乾淨🤔個人平時唔太食內臟，呢個都可接受～=====================整體嚟講，招牌個幾碟幾有水準！不過因為心機嘢，所以定價都偏貴，個人推薦鴛鴦鳳皮甲，夏天食一流😋不過記得記得要book枱訂食物！…查看更多

當日行街行到攰攰地，想搵個地方坐下，諗起百德新街個邊有啲露天餐廳⛱️所以就同朋友去咗high tea😌當日有少少雨，但我哋都堅持坐出面，結果超級撇雨，不過真係幾有feel嘅😂下午茶有甜有咸，價錢屬中高價，除咗甜品包一杯茶外，另一杯收正價都幾貴🫢=====================🥞𝑬𝒍 𝒑𝒂𝒏𝒄𝒂𝒌𝒆 $78呢個pancake好驚喜呀🤩一食落去已經覺得好鬆軟，麵粉味唔重！口感好厚好實在，雖然冇topping，但簡簡單單已經好好味～想再濃郁啲可以加埋旁邊嘅cream🤤🧀𝑵𝒂𝒄𝒉𝒐 $65可能我哋唔係好食得慣Nacho配乳酪，Nacho本身就唔夠味，得上面啲肉碎有味，其他淨係食到好原始嘅粟米片味🤐肉碎係幾正嘅，但個乳酪就麻麻了~🍵𝑬𝒂𝒓𝒍 𝑮𝒓𝒆𝒚 𝒕𝒆𝒂🍋𝑯𝒐𝒕 𝒍𝒆𝒎𝒐𝒏 𝒘𝒂𝒕𝒆𝒓 $40=====================整體嚟講，氣氛唔差，露天茶座適合吹水🗣不過坐出面店員經常睇我哋唔到🥲今次試嘅嘢唔多，推薦最簡單嘅pancake～偶爾嚟high個tea都幾chill嘅😎…查看更多

友人話呢間嘅Toast好好味😋所以星期六晏晝我哋去咗至愛嘅大坑，呢度就好似市區嘅一片淨土，好慢活～-12點幾去到嘅時候咁啱full咗，而走個台咁啱係門口個打卡位🩵但因為之後都有人等緊，所以我哋都冇坐好耐😂落order&俾錢要出去counter，冇加一，送餐就會由員工送上，整體服務都算ok～=====================🥖𝑅𝑖𝑐𝑜𝑡𝑡𝑎 𝑇𝑜𝑎𝑠𝑡 $85Ricotta係cheese嘅一種，質感軟滑，帶有少少奶香，就算成pat食都唔覺油膩，上面淋有蜜糖令整體更加香甜！再加上藍莓酸酸甜甜咁，超好味呀🤤唯一缺點係個包真係好硬，切都切唔開🥴🥖𝑈𝑙𝑡𝑖𝑚𝑜 𝐸𝑔𝑔𝑠 𝑇𝑜𝑎𝑠𝑡 $65呢個味道相對簡單啲，炒蛋好滑，不過上面啲蔥粒就唔太夾🤭生蔥味道好濃烈，搶晒炒蛋嘅味，成件事變到好中式，呢個就唔推薦🙅🏻‍♀️☕️𝐿𝑂𝑉𝐸𝐵𝐼𝑅𝐷 鴛鴦 $40第一次見到cafe有鴛鴦飲🤔一入口已經試到濃濃嘅柴茶味，幾特別，咖啡唔苦，唔飲咖啡嘅都接受到～不過柴茶嘅強烈味道就唔係個個接受到😂-☕️𝐿𝑎𝑡𝑡𝑒 𝑤𝑖𝑡ℎ 𝑜𝑎𝑡 𝑚𝑖𝑙𝑘 $40正常發揮～味道冇乜記憶點🤨呢度最平$25就飲到杯咖啡，算幾抵飲！=====================整體嚟講，個人推薦Ricotta Toast！香甜軟滑嘅Ricotta令人一試難忘🤤不過酸種麵包真係幾硬，唔係人人食得慣，環境亦唔錯，買杯咖啡食個Toast就可以hea成日✨…查看更多

Happy Friday夜晚book咗呢間餐廳🕺🏻之前lunch time食過一次，覺得普通，但見佢有Tiramisu又想試埋佢個晚市🤣每人最低消費一杯嘢飲，用餐時間90mins，店面唔大，座位比較少，建議book定位💁🏻‍♀️當晚8點幾，聽到隔離枱想叫好多嘢都冇，如果想食某一款菜式可能要再早啲嚟～=====================🧇自家製蟹餅配太陽蛋牛窩夫 $158之前都喺其他cafe食過類似，鹹甜配搭幾特別，個蟹餅炸得幾脆，內餡真係有蟹肉喺裏面🤩不過就有少少油膩，同埋食落有啲油饐味，Croffle其實即係牛角包壓成窩夫形狀🥐不過就冇牛角包嘅酥脆感，係偏軟身，加埋蛋汁同菠菜口感係幾豐富，唔錯～🍝煙三文魚番茄醬扁意粉 $158原本係跟長通粉，但冇晒我哋就轉咗扁意粉，上面嘅煙三文魚正常發揮，普通三文魚味🐠個番茄醬就麻麻地了，個汁偏水，味道偏酸，應該要咸啲中和返，加埋意粉真係唔夠濃郁🥲🥧Al Forno Tiramisu $68都試過幾間Tiramisu，呢度嘅Tiramisu可以話最伏，唔知係當日嘅Tiramisu係咁定呢度嘅特色😓睇個樣好似靚靚仔仔咁，點知食落超級苦，手指餅浸得太多咖啡，完全食唔到咖啡以外嘅味道，桔落去仲有咖啡流緊出嚟，從來未食過一間係咁...🥒青瓜青檸梳打 $48幾fresh，青瓜味道好清爽✨不過就冇乜青檸味，比較易入口。-🍹Fruit Punch $68味道正常發揮～=====================整體嚟講，今次真係有啲失望🥲除咗牛窩夫ok啲之外其他都fail，尤其係個Tiramisu，苦到臉容扭曲，份量少，價錢貴，應該唔會再嚟了🥴…查看更多

呢度嘅千層撻最近喺IG好hit🔥之前已經排過一次，但截咗龍，今次lunch time諗住再挑戰，但同樣係超級長龍，礙於食飯時間所限，所以最後放棄咗，決定買其他包算🥲買麵包係唔需要排隊，直接入去就得，麵包嘅選擇唔算多，只有10幾款揀，夾完麵包店員會幫你逐個入透明袋，外表係幾精緻，但就比一般麵包店貴少少=====================🥯芋泥麻糬包 $18個人對煙煙韌韌嘅麻糬真係0抵抗力！芋泥麻糬包面頭撒咗一層紫薯粉，中間有芋泥同麻糬，麻糬嘅質地偏軟，仲要可以拉絲，口感Q彈，個人好鍾意！加上芋泥好香，整體唔會太甜，幾好味🤤🥐黑糖卷 $16呢個就麻麻地啦，麵包偏硬偏乾🥲唔係好食到黑糖嘅香同甜，即係冇乜味😂加上冇餡賣呢個價錢都真係少貴...=====================整體嚟講，麵包嘅定價偏高，選擇亦較少，不過就幾大個，可以同朋友仔一齊share，會試埋佢個千層撻再決定值唔值得回頭🤣…查看更多

自從開關之後，真係多咗勁多遊客，以前唔使排隊嘅餐廳都變到超多人🥲今次同frd食大排檔，竟然要等40個位，等咗半個鐘淨係郁咗幾個，果斷去第二間食😤-呢間強記大排檔都好多人，好彩去到仲有一台，不過真係伸手不見五指，亦唔好expect環境好乾淨～始終都係街邊，不過服務算係咁，起碼唔串先！同埋因為太黑，完全唔知自己夾緊咩😂=====================🐓麻辣雞煲 $120定價係有少少高，不過啲雞都幾大舊，份量3個人share都夠，雞肉唔嚡嘅，但就試唔到麻辣味，同樣有味道唔夠嘅問題🥲🥔黑椒薯仔牛柳粒 $100薯仔似係冇煎過，所以冇外脆內軟嘅效果，牛柳粒亦有少少韌，而且食落唔太鮮味，重點係一碟有好多椒同洋蔥，味道麻麻，同埋唔好睇佢色水好深，但其實唔太夠味🥴🦑椒鹽鮮魷 $100呢個見有人推薦所以叫嚟試下，果然係咁多個入面最好食嘅😂口感酥軟，炸粉唔會太厚，幾爽口，椒鹽可以再重手啲會更好食🫢🥬粉絲雜菜煲 $70呢個真係勁清淡，可以話冇乜味😂入面有菜心、生菜、木耳、粉絲等，食到最底試到有少少南乳味(?)但都係救唔返整體嘅味道😮‍💨=====================整體嚟講，小炒最緊要有鑊氣，呢度就稍欠，味道亦偏淡，唔夠惹味，同埋偏油膩，勝在份量夠同埋服務ok，但就冇乜特別值得回頭🥹…查看更多

之前喺西貢食過，一直心心念念佢個多士🤤知呢間喺堅尼地城都有分店，放假即刻同frd去食，當日下晝兩點幾去到都要排隊，算幾大幾開揚，不過環境就冇西貢咁舒服，嘢食都有少少唔同~-店員喺臨入去之前會幫你點定餐，你可以排隊個時就諗定要食咩💁‍♀️服務稍微唔夠貼心，到開始食嘢先有水飲，明明其他枱一早已經有枝水放喺枱面😵‍💫=====================🍞𝐻𝑎𝑧𝑒𝑙𝑛𝑢𝑡 𝐹𝑟𝑒𝑛𝑐ℎ 𝑇𝑜𝑎𝑠𝑡 $112西貢嘅𝐹𝑟𝑒𝑛𝑐ℎ 𝑇𝑜𝑎𝑠𝑡屬於厚多士，外脆內軟，呢度就分咗4舊，冇咁厚，口感係煙煙韌韌咁，唔蘸蜜糖其實唔係好甜，加埋mascarpone會香啲，然後我仔細睇menu先發現😱😱原來西環同西貢嘅𝐹𝑟𝑒𝑛𝑐ℎ 𝑇𝑜𝑎𝑠𝑡材料唔同！西環係落咗Espresso，所以有濃濃嘅咖啡香☕🍅𝑆𝑐𝑟𝑎𝑚𝑏𝑙𝑒𝑑 𝑇𝑜𝑓𝑢 𝑜𝑛 𝑆𝑜𝑢𝑟𝑑𝑜𝑢𝑔ℎ 𝑅𝑦𝑒 $125基底係酸種麵包，口感煙韌帶酸，番茄加豆腐味道好似番茄炒蛋，賣相都好似😂反而唔係好試到豆腐味，整體不過不失～🍼𝐺𝑟𝑎𝑖𝑛 𝐹𝑟𝑒𝑒 𝐺𝑟𝑎𝑛𝑜𝑙𝑎 $88𝑌𝑜𝑔𝑢𝑟𝑡味道清爽開胃，酸甜度適中，配有唔同堅果，仲有香蕉同石榴粒，整體營養均衡，個人覺得幾好味💖=====================整體嚟講，個人比較鍾意西貢店，西環店食物質素都ok，不過唔係幾好坐🥲兩間𝐹𝑟𝑒𝑛𝑐ℎ 𝑇𝑜𝑎𝑠𝑡都好食，只係風味唔同，個人就比較鍾意𝐺𝑟𝑎𝑖𝑛 𝐹𝑟𝑒𝑒 𝐺𝑟𝑎𝑛𝑜𝑙𝑎嘅清爽口味~…查看更多

Happy Friday約咗班frd食飯😌汲取咗上次嘅教訓，今次醒目一早book定，不過好多都full咗，見呢間仲有位就揀咗呢度！店內空間唔大，當時都差唔多full，環境一般啦，係餐具有少少污糟🤏經OpenRice book位二人set有85折，我本身就係最想試個芝加哥pizza，所以我哋就叫咗個set同另外加咗炸雞🍗=====================🍕Mr.K 二人套餐 $499｜凱撒沙律、芝加哥pizza、意粉/炸雞、飲品2杯-🔻凱撒沙律跟餐嘅凱撒沙律個醬幾好食，沙律菜都算新鮮✨🔻芝加哥pizzaPizza我哋揀咗雙拼口味，分別係泡菜魷魚+肉食狂人，泡菜魷魚味道唔係好韓式，魷魚亦唔夠多🥲肉食狂人味道濃郁，有幾款肉，蕃茄醬幾惹味，呢個pizza用咗黑糖芝心批，可能食開傳統pizza，覺得又甜又咸嘅黑糖pizza同啲配料唔係太夾🫣不過佢發酵做得幾好，煙煙韌韌咁好有口感～加埋佢入面啲芝士可以拉絲真係好邪惡呀!!🔻芝士煙肉粗管意粉呢個醬有點怪怪的，食落好重芝士洋蔥味，主要係醬汁唔太好食，粗管意粉亦偏硬，唔推薦🙅‍♀️🍗BBQ香辣炸雞 $128/半份炸雞炸得好香脆，入面亦好juicy，半份有5件，一件都好大件下，BBQ香辣醬辣辣地幾惹味，食pizza食到膩個時轉換下口味都幾好😋=====================整體嚟講，雖然芝加哥pizza賣相好邪惡🧀但係食落又覺得還好，主要係同黑糖包唔太夾，炸雞反而幾好食，意粉就麻麻，整體都偏滯，2人餐兩個人應該都食唔晒，建議大家唔好眼闊肚窄🤣…查看更多

之前IG見到幾吸引，Bookmark咗一直未試，有日收工特登走去買點知賣晒🥹今次特登lunchtime過嚟，撞正啱啱出爐！我去個時2點左右，都幾靜，一個客都冇，而牛奶撻就放咗喺門口位，仲有好多🤤因為見兩個一盒，所以淨係買咗兩個，攞上手feel到都幾熱下，想要個袋放竟然要收錢😀價錢比一般蛋撻貴，當然佢高身好多，返到屋企仲見到有個中間裂開咗🥲食之前有焗返熱佢，焗4-5分鐘就食得啦~=====================🥛陽光牛奶撻 $18切開個時feel到好鬆軟，屬於曲奇皮，個皮偏軟身，似係小熊曲奇個隻口感，睇橫切面就知個皮唔會太厚，不過有啲易散，內餡好多，食落唔會太甜，淡淡奶香味，口感嫩滑，好似食緊布丁咁，個人覺得幾好食😋=====================整體嚟講，個人覺得牛奶撻味道唔錯，不過定價偏貴，講緊bakehouse都係$12個，服務一般啦，如果買得多建議大家帶定袋去🥴…查看更多

第二次回訪，趁個時天氣仲有少少涼，即刻嚟返個最後邊爐🤣（雖然夏天都會照食當日去食客都係唔多，播住八九十年代嘅廣東歌，裝修都好懷舊港式feel，重點係服務依然咁好🫶今次我哋試吓另一款湯底👉胡椒豬肚少爺雞湯 ($238)店員會幫客人先落湯底，湯底到咗建議可以飲咗湯先，呢個時候係最原汁原味，之後就可以加湯打邊爐🍲呢款湯飲落有少少辣喉，味道幾濃郁，打邊爐就中和返，只係唔太適合就咁飲~要讚下入面啲豬肚好腍好入味👍🏻=====================🐂極級封門柳 (小) $268上次叫至尊牛拼盤覺得封門柳最好食，所以今次就咁散叫咗個細嘅封門柳，細嘅有十幾塊左右，兩個人食差唔多，封門柳肉質較腍，牛味重，打邊爐一流😋🦑黑松露墨魚滑 $98呢個私心推薦🫶🏻黑松露味好香～仲有一粒粒墨魚粒，食落爽口彈牙😋🥠即炸響鈴 $58呢個係必叫！響鈴即炸脆卜卜🥳可以蘸甜酸醬就咁食，酸酸甜甜好開胃，又或者放落湯到一兩秒，保持脆度又掛湯👍🏻🥔紅薯粉 $38呢個又幾驚喜喎，冇諗過會咁好食🤣呢隻係幼身嘅紅薯粉，非常易煮腍，又好索湯！口感非常煙韌彈牙，而且份量十足，好抵食！建議放喺個篩到煮，咁就唔會散晒撈唔返😌🥬油麥菜 $38油麥菜味道都係咁，算新鮮✨份量合理，同湯底幾夾～=====================整體嚟講，呢度嘅湯底真係幾濃郁，不過今次呢款胡椒豬肚個人覺得唔太啱打邊爐🤔上次唔小心叫太多，今次呢個份量就啱啱好，食完仲有甜品送，但最後真係食唔落，淨係食咗啫喱🤰…查看更多

當日由梅窩行咗去愉景灣😂超飢渴嘅狀態下見到呢間定價唔貴嘅中菜，即刻入咗嚟，店內唔算多人，但坐嘅位就有啲kick，唔明點解咁多位都要坐走廊邊🥲-一入嚟就已經見到男經理黑口黑面🌚坐低又冇叫我哋用QR code落單，等我哋畫完紙先叫我哋自己用手機落🤷🏻‍♀️服務態度真係完全唔掂，咁嘅服務仲要收加一真係無語😅=====================🍜紅燒牛肉麵 $68賣相普普通通，但食落又唔錯喎🤔湯底好濃郁，濃濃牛肉味，牛肉都算軟腍，吸晒湯底嘅精華🤤麵底用咗上海麵，幾彈牙，但就唔係好索湯🥲🍜辣子雞丁湯麵 $68第一次見有人將辣子雞丁放落湯麵到😂食落麻多過辣，雞肉少少嚡，味道普通，湯底對比牛肉麵明顯失色不少，整體普通～🌶️紅油炒手 $55一碟有5粒，雖然都算大粒，不過真係少貴，成$11粒🙃入面係肉餡，酸酸辣辣，幾爽口，皮唔會太厚，整體味道唔錯嘅😬=====================整體嚟講，食物味道其實ok，喺愉景灣嚟講算係CP值高又飽肚，不過呢度嘅服務真係唔太掂😢…查看更多

話說呢間茶飲店行街經過無數次，但每次都係因為各種原因而錯過，最近知道佢就嚟唔做，即刻過嚟買返杯🥹其實當日已經爆晒quota，但真心想支持，超晒卡都要照飲🫶🏻仲要唔小心叫錯奶茶，後悔嘅係點解我咁遲先發現呢間良心店😭=====================🧋藍伯爵奶霜奶茶 $42聽聞佢個藍伯爵好好飲，一試果然好香茶味🤤叫咗微糖依然好夠味，加咗奶反而變得普通咗～但最令我驚喜嘅係，佢個奶蓋超級好味🤩綿密嘅口感唔會太稀或者太杰，口感好正！淡淡嘅桂花香味好特別，咸甜度適中，可以先飲奶蓋然後再慢慢啖茶，雙重享受😋-🍫奶霜法芙娜 $47同樣有出色嘅奶蓋，底下係朱古力😗友人一開始未試奶蓋，先飲咗朱古力先，覺得朱古力味幾濃，唔會太甜，唔錯，當我勁激動叫佢試吓個奶蓋佢先試第一啖，結果一飲個奶蓋就返唔到轉頭，即刻覺得底下個朱古力好普通😂=====================整體嚟講，個人非常推薦呢度嘅奶蓋！可以打入我飲過覺得好味嘅奶蓋頭三位😋好可惜佢哋將會喺4月28號光榮結業，淨返最後幾日咋，得閒就去支持下啦🫶🏻…查看更多

二刷賢記養顏糖水🤩去個時佢啱啱開鋪無耐，好多嘢都準備緊，店員同我哋講要等10-15分鐘左右，但其實得一個人嚟講算好快！今次我同友人都係叫咗美顏牛奶浴 ($44)加咗唔少價，但份量明顯少咗😵‍💫一碗入面全部都係養顏聖物，包括蛋白燉鮮奶、桃膠、雪燕，仲有芋圓同椰汁，真係超級豐富😋桃膠又稱為「平民燕窩」，飽腹感高，高纖維，低熱量，又養顏，啱晒女士💖食落好有彈性，不過稍微覺得唔夠甜，雪燕都係，可能因為今次椰汁少咗🤔芋圓亦有改善到，煙韌咗，冇上次咁粉狀，而蛋白燉鮮奶依然係最好食個樣！香濃嫩滑，奶味十足，甜度都啱啱好🤤—————————整體嚟講，糖水唔錯，不過份量明顯少咗，雖然知道生意難做，但一加加$7真係好多😵服務仍可改善，希望下次嚟食唔好又退步🥲…查看更多

Bookmark咗勁耐，但次次都因為各種原因冇食到😩今次專程去食，仲要等到佢1點半開門🤣冇諗過一開門就已經有人排隊！-原本開喺太安樓，個時已經好受歡迎，結業之後又喺筲箕灣東大街重開💁🏻‍♀️唔單止有凍戟，仲有熱戟，咸甜口味都有，仲有雪糕、豆腐花、飲品等，用嚟做飯後甜品一流～=====================👑焦糖燉蛋雪糕班戟 $35呢個可以話係呢度嘅招牌，等咗大約10分鐘左右，即叫即整，入面嘅雪糕可以自選口味，有成12種揀，我就揀咗最basic嘅雲呢拿雪糕🍦攞上手仲係熱嘅，不過個皮有啲軟，又或者係啲料太重，影影下佢就已經歪咗一邊😂最上面係一層厚焦糖，薄脆啲會更好味🤔然後就係燉蛋，燉蛋好香滑，唔會甜得滯，有蛋味，幾好食🤤再落一層係雪糕，雪糕就普普通通，冇乜特別，最後就係大量cream，呢part就有啲膩🫣=====================整體嚟講，成個班戟都好足料，每一啖都爆餡！個人就至like個燉蛋，好滑，甜而不膩，個皮薄得嚟又唔會穿，唔重麵粉味🫶🏻建議大家早少少嚟食，唔係真係有排等🤣 …查看更多