大行的個人專頁

冇希望就冇失望，飲咗珍珠奶茶比以前淡咗好多！冇以前好飲，要飲去樓下茶星人貴幾蚊至十蚊，係時候轉吓…差唔差嗰幾蚊，樓下茶星人要男仔睇舖先好飲～間中飲吓算啦…反正佢開咗咁多年都攰啦…可能想唔做 lu.…查看更多

接女朋友收工，本來諗住食酸辣粉，突然間想食壽司九點半好多壽司店都收工，企係朗豪坊就揾咗呢度，餐廳環境裝修靚日式風格，叫咗壽司同鮑魚刺身，嘢食味道可以，店員態度可以，晚餐價錢稍高…但嘢食好味！…查看更多

啱啱收工食正腩尾，變晒柴皮～！下次早啲要嚟食頭腩，冇理由咁差嘅，只係唔啱時候 ja. 都夜晚七點幾，我估計要 11 點排頭位就有好嘢食，坑腩、爽腩，正宗乜腩都有，牛沙瓜都有得食～！…查看更多

我就住樓上俊景閣，依家泰國婆成日係度肯定冇伏，之前 2022 年 10 月之前嗰個收銀哥哥 + 也也烏厨師，一時好一時壞，同肥仔收銀哥哥講想鬧返你轉頭。泰國婆係度…海南雞飯、肉碎、豬頸肉都推介！海南雞飯又滑又好味，有得食好食，泰國婆返歸就慘… 無好嘢食～豬手飯都好食間中好多味精超級口渴，唔怕口渴可以食！我都唔知食咗幾多次，以前未開我係華明後面雍盛食兩餸飯，華心兩餸飯超級難食，食麥當勞大家樂好過佢！又攪掂又寫夠二百字…查看更多

老細話我唔係成日飲，我就寫一個評價倒你米！我就住俊景閣，好飲！但要睇時辰吉日，老闆、男仔、同其中一個女仔，冲得比較好飲～其他店員我係唔會嘥錢買…嘥氣嘥錢嘥精神～:(你唔信咪試吓唔係老闆冲，包你飲兩啖掉得…揼春，浪費錢…不如益我…仲有聲多謝～！人多就要等吓…唔好棄單～型人哋𡃁妹～𡃁妹都係打份牛工 ja. 多人咪唔買唔飲乜事都冇，型人哋自己浪費咗 70 蚊，一肚氣又飲唔到，正宗捉蟲入屎忽，多人我建議各位千其唔好買，有排等㗎～ 等候時間 30 分鐘…因為我同𡃁妹吹水吹耐咗咋…查看更多