憂鬱余記的個人專頁

呢個係一間位於尖沙咀韓國街嘅Sakebar 清酒選擇大概有40-50款❗️價錢$68起，有90ml一杯！野食都有唔少選擇，串燒、煮物等都有！裝修一流！用酒樽砌嘅牆！十分美觀！仲有signature 既酒樽吊飾😍雖然喺個吧入面，但想打卡嘅唔好怕醜同店員講你想影，佢地好樂意比你影架！牛舌非常Juicy😍評分：5/5酒款齊全！有唔少潮流酒款農口尚彥！田酒！呢次仲揀咗呢款「田酒特別純米」店舖仲好細心咁，每支都寫晒酒評就算客人味蕾不好，都可以跟從指引感受到味道😂店員仲會介紹每款酒嘅資料，有時係有趣既酒廠故事，有時係個酒名嘅由來，氣氛十分好🥳…查看更多

一心想食好食既大醬湯去到大圍食呢間小火焰韓國菜午餐set 幾抵食！食完之後，Um..唔會負評既，普通啦。撞正午餐同下午茶時段，叫左一個lunch set 一個下午茶set ！首先大醬牛肉粉絲鍋：🌟🌟（2分/5分）筆者以前長年居留係首爾食得太多大醬湯，呢一個⋯只可以講係有大醬感覺既大醬湯，完全唔係果樣野。雖然都足料既，有翠玉瓜有菇有粉絲，當lunch食下，幾十蚊，ok啦。然後泡菜黑豚鍋飯 🌟🌟🌟（3分/5分）呢個又有驚喜，泡菜一般但紫菜拌飯係標準既。然後黑豚有一兩舊係五花腩！不錯！雖然其他都似豬扒。彩蛋係吉列蠔（1分）到底點解會成為熱門菜式？好厚粉⋯⋯有興趣自己試下啦埋單兩個人$132算啦呢個價錢冇要求。…查看更多

岩岩寫完華南冰室我決家寫埋我最喜愛既茶記「金園茶餐廳」位於青山道，保安道街市附近。其實唔係好顯眼，不過都好。星期六日已經要排隊，再紅既話我真係唔洗食！其實呢一間既蛋撻同西多士都係頂級，不過我冇圖所以直接介紹特餐算。特餐🌟🌟🌟🌟🌟（滿分）沙爹牛肉麵+餐包+火腿奄列基本上就算拆開每一樣野都係滿分。餐包，自家製的鬆軟，有包味，熱辣辣。火腿奄列呢個係我最迷惑既地方，因為佢有一種好獨特既味好似用火燒過既味咁（知咩味既麻煩講我知）外面係脆脆地，入面係流心到底點樣可以整到咁？真係冇得輸！沙爹牛肉麵一個好既沙爹牛面、湯底一定唔可以係普通雞粉湯。當然金園既都係有誠意既忌廉雞湯！沙爹牛肉就比較Creamy既感覺唔同一般茶記比較「水」，以前都食過一個加左花生醬既沙爹牛都有呢個口感、但金園既冇花生醬味，同時都有呢個口感。返食指數 100/10 （其實我都返食左好多次）冇記錯係星期四休息有一兩次撞正休息，心都噏埋。…查看更多

華南冰室食既原因係來自一篇「深水埗茶記」既精選。呢間出名既係「沙爹牛肉麵」。筆者其實都係常餐控☕️🤣門面十分隱蔽係北河街街市對面，但隱身於小販檔後面。完全係老街坊既感覺懷舊感一流就算拎黎拍戲都冇違和感🎞餐單大部分都係抗通漲之選睇落大部分都係街坊。午餐沙爹牛肉麵+火腿炒蛋+方包首先火腿炒蛋🌟🌟因為完全冇特別普通茶記水準。方包🌟🌟🌟幾軟熟，牛油夠多沙爹牛肉麵🌟🌟🌟🌟的確比出面好食既湯底係忌廉雞湯有誠意既。沙爹夠多，冇酸味，夠濃牛肉口感亦唔錯，比一般茶記出色的，但未係我食過最好既選擇！奶茶🌟🌟🌟茶膽好濃，茶味多過奶味好多不過都算滑身，我都成杯飲晒。有興趣懷舊冰室/經過可試特登試就唔洗啦👻…查看更多

以前去Singapore喺牛車水既Maxwell熟食中心食過。黎左香港之後，一直都想試一下。咁岩呢晚有時間就去試一下。門面、內部裝修點解變左高級餐廳風格！吊燈、雲石枱⋯不過感覺唔錯既。點左標準既天天海南雞中份加左一個雞油飯不得不說D碟真係好靚仔，成個presentation 完全變左另一回事當然價錢都係！$158+$38呢個雞飯成200蚊，哈哈。講番味道雞肉既口感好正，夠淋即使係平時好鞋既雞胸，都變得好好食。重點要提既係個Sauce除左三色汁之外，會淋上獨有既雞汁。就算單獨唔點汁食，都好夠味道，感受到雞既鮮味。唯一改善係斬雞斬得唔夠仔細，有一兩舊仲係連住。個飯就不過不失略乾，但加埋雞食又ok喎。Btw中份+飯已經係2人份。如果有單人份就不錯！…查看更多

幸福pancake基本上都係日本食過然後就係香港再食！地方裝修偏向簡約風可以睇到D員工整pancake 既過程！唔筍錯。叫左正常classic款式其實個味都相似日本食到既至少佢係一個好食、有質感既梳乎厘pancake ！…查看更多

是日黎到筲箕灣東大街食Lunch！揀左呢間八雲拉面試一下內部裝修都唔錯有日本居酒屋/拉面小屋既感覺如果我樓下有一間，我會經常幫襯。呢度得意既地方係有免費蛋任食全熟蛋，可以加入拉麵一齊食如果係糖心蛋就不得了！沙律仔，冇乜特別。叫左拉面set （$68）有前菜沙律仔，有汽水有主食，有小食。呢個係小食土佐豆腐。外脆內軟，滑既程度不得了。底下仲放左京蔥吸到味！好好食！香蔥拉麵！然後就有拉麵。有昆布，有筍，三塊叉燒！湯底唔錯，屬於北海道鹽味拉麵。好食，湯底飲完唔會口渴。而且濃味，叉燒就不過不失！網燒牛扒定食 （$96）呢個都好正性價比極強！牛扒大塊，入口鬆化，仲有燒肉汁，同埋沙律伴碟！碟邊仲有芥末，沙律醬。再揀瑋次我都會揀呢個。出面食呢個質素都要$130以上。下次黎開東大街都可以試一下呢間！…查看更多

對於酒鬼黎講搵飲酒地方係優先選擇。今次就黎到南洋酒店既wako！首先，清酒選擇加埋應該得40款左右不過都夠我飲。大部分相信係來自名譽唎酒師既選擇，廣島、四國既酒比較多特別係醉鯨，佔有大概6種。選擇比我想像中少，有一點點失望。之後由於男士之夜，所以得到$268任飲加兩個Token。Token換既有鈴鹿川+寫樂既うすにごり唔特別覺得算係premium 。如果飲開清酒/追求高質清酒既朋友可能會唔夠喉。BTW如果唔飲既，就收$98包兩杯non-alcohol drink。呢個設定都唔錯。同埋員工對清酒知識都幾好！食物質素值得一讚！…查看更多

作為一個燒肉迷有新開既燒肉一定會試。朋友生日每次都係食燒肉。呢次黎到大鴻輝既佐賀燒肉谷！地點，大鴻輝中心。幸好喺一樓，唔需要排大隊搭電梯。入場前就揀定食咩餐本住試一次既mindset，揀最貴既一個。包左SRF牛。仲有ASAHI啤酒、清酒放題。（當然清酒只係武藏男山既貨色）坐低就黎左一條牛肉樓梯Recommend 由下食到上面。即係平至貴，應該可以咁理解。最好食除左最貴既SRF牛之外就係「澳洲原塊板腱」入口有牛味，咬落都好林好味！呢個係SRF。漏左呢個呢個係呢度既名物封門柳！唔知咩set先有總之最少揀有呢個食既餐。最後埋單唔洗人頭五百。好過食牛角當然我仲有其他更好既選擇！如果之後呢個價錢入到唔同品種既和牛我會再黎既！…查看更多

經Openrice訂位，成功五點入場！安排一個二人位。呢度係夾蝦區自由、愉快、簡單直接！基本上唔洗爭。要幾多夾幾多，夾落個冰桶整暈佢地。其中見到有窗邊位置下次試下request！海鮮區，基本上都係任夾有蠔有帶子等。燒蝦，有分兩種！一種係自己夾既另一種係佢已經醃定。我覺得就自己夾既更多膏肉就更彈牙，唔知係咪心理作用基本上主打既蝦係不敗的！順手講一講隻帶子好食可以自助區加牛油加蒜！蠔就中規中舉啦！牛肉都係任食唔錯啦，當然同出面主打食牛既燒肉店冇得比啦！順帶一提呢間店既員工都好Nice特別係冬菇頭細粒既哥哥仔特別表揚！下次蝦癮起會再黎😎…查看更多

突然呢，又想去食個沾麵。其實香港都唔算多沾麵專門店。就揀左呢間周月，相傳係米豬連的。本Menu幾特別圖文並茂仲有教食沾面既技巧，不錯。去到戲肉，就係沾面叫左最普通最Classic既一款😄麵有得揀冷定熱，我揀左冷。佢話係元祖既味道。一試～首先，個湯底都幾特別醋味好勁，偏酸口，我就Ok的。（有別市面上既豬肉湯）雖然我另一半覺得一般般，我覺得都算開胃，但如果可以揀酸度都更加好！仲叫左呢個炸雞都係有酸酸汁係上面不過不失，勝在夠熱辣辣。最後埋單一人一碗面加小食每人$130左右😇…查看更多

放飯一個鐘去左食豬油撈飯！仲有花鵰醉雞！份量大，豬油要加就可以再講除左粗菜館之外都好似地方可以食到豬油飯！然後點埋個自家製既菊花茶。全單就係四十幾加幾蚊。總數五十幾。仲想點？…查看更多

第二次去呢度！女朋友想食川菜所以比佢試下！訂左位、安排左個二人枱唔滿意後調位，成功安排四人枱！（因為我都真係叫好幾個菜）總共叫左三個餸。本身想叫四個，比侍應哥哥溫馨提示會太多。最終叫左三個。酸菜魚（桂花魚）：桂花魚好食冇骨，個湯仲有魚味，有誠意！雖然冇酸蘿蔔爭少少、整體都唔錯！水煮牛肉：暫時呢隻味係試過幾間最好食相比「老X皇」「小甜X」份量仲要非常地多。辣子肥腸：由於冇乾鍋肥腸，所以點左呢個！都係脆身，都好好食！最後叫埋兩杯水果茶！埋單都係七百幾！（其實三四個人都夠食）Openrice有九折！…查看更多

朋友生日想搵個地方食得耐可以傾下計！搵到呢間！放題五小時！安排左卡位其實幾舒服，四個人坐都好闊落環境其實比市面上放題都好。一路食一路燒刺身，燒物都有放題中上既品質壽司賣相都靚仔。同埋當你知道個玩法係由5點去到10點「聊天型既放題」，就明白點解一間放題肯整細細粒既壽司😂（市面上好多放題餐廳都會整到大大件去整飽你）飲品方面都係任飲由於朋友們都唔好酒精類 （要加錢）所以就咁Regular就可以。特別讚一讚海膽之前為左任食特登去「極X大喜屋」我覺得呢個海膽仲好食！仲要任食！生日仲有優惠！下次生日都可以再黎呢間😝…查看更多

沙田友重拾陳根記係唔洗理由。四個人！總共叫左七個餸！Wasabi手撕雞：呢個係定番，基本上每次都食佢，比以前好似淡左少少，合格啦。蛋白扒時蔬：一般薑蔥蠔：隻味係唔錯，不過始終本地蠔係唔及桶蠔，仲成$120，下次唔叫。芥末沙拉骨：冇芥末味，如果要食wasabi味既朋友要失望，但當普通沙拉骨、送飯都ok！椒鹽賴尿蝦&椒鹽鮮魷：穩陣野，送啤酒唔會死。其實真心我覺得保留到一貫水準只係好多朋友愈年長，食既睇既愈多，我覺得以大排檔黎講，都已經算係不錯！…查看更多