SamsamWoo的個人專頁

上次夜晚嚟過試完打邊爐之後，已經好想過嚟試埋個午餐，終於今日有空可以去試試，本身諗住食籠仔飯🤭喺掙扎過後我選咗個🍅🦐鮮茄海鮮烏冬，好彩真係冇令我失望！一上枱就被嗰碗橙紅色湯底吸引住，鮮茄味非常濃郁但又唔會過酸，湯底仲帶有海鮮嘅鮮甜，飲一口已經感受到湯底熬得好足。烏冬煙韌彈牙，吸晒湯汁簡直覺得係絕配，每一啖都好滿足🥰。加埋店內環境舒服乾淨，調味料都齊全，服務員姐姐都好殷勤，下次一定會再返嚟試埋個籠仔飯！…查看更多

上個禮拜收到風，荃灣開咗間新火鍋店，即刻約班為食朋友去試！結果...真係冇介紹錯，由湯底到配料都誠意十足👍🏻✨花膠菜膽魚湯豆腐鍋(廚師是日精選$218）湯底超足料！花膠同魚湯熬到奶白色，飲落超鮮甜，菜膽豆腐吸晒湯汁好正，傑嫂教飲咗個湯先，未打邊爐已經飲咗兩碗😆「好好味啊」小食：荔枝蝦丸 熱辣辣外脆內裡蝦膠彈牙，點埋個酸甜自家醬 ，好開胃蜜糖芥末午餐肉 估唔到咁夾！蜜糖芥末醬惹味，午餐肉煎到脆邊 蟹籽百花油炸鬼 油條釀蝦膠香脆可口海王燒賣有創意松露蟹肉餃🦀驚艶到我！咬開creamy爆餡料,松露+蟹肉鮮甜口感好似食緊西式濃湯好好味，一定要encore！ 手切原條🐟石斑（廚師是日精選 $168）魚片鮮甜爽滑！仲可以慢慢輪埋魚頭，平時打邊爐真係好少咁食😋（唔係成日都有㗎，不過可以同舖頭預訂海鮮）🦪生蠔 新鮮大大隻脹卜卜仲好大盤，淥完脹卜卜好有蠔味👍🏻豬潤🐽厚切爽口冇腥味 🌟💫手切雪花肥牛🐂 脂肪分布平均，食落好腍滑好有牛肉味，一睇就知道係好嘢，淥一淥已經好好食，好過食連鎖店好多免收加一，為返每人都係$300左右街坊價錢真心抵到爛！由湯底到手工菜都睇到心思同誠意，尤其肥牛海鮮新鮮好正！環境又乾淨企理良心小店支持支持💪🏻💪🏻💪🏻…查看更多

今日約咗朋友一齊喺屋企附近食啲嘢點知比我發現咗哩一間小店 飯人食堂環境乾淨整潔望落去已經覺得都好舒服我叫咗一個泡菜豬軟骨飯（唔記得影相）泡菜唔知係咪自己整嘅，比出邊食韓國嘢既地方仲要清甜，豬軟骨炆得好淋配白飯好好味😋推介🌟🌟🌟另外仲叫咗個北海道牛肉薯餅烏冬湯烏冬👌🏻牛肉薯餅又熱又脆好好食 推介🌟🌟🌟叫咗小食章魚小丸子 推介🌟🌟🌟🌟🌟又脆又熱又好食又抵食😍我覺得好好食呀即刻encore嗌多一碟😆食物份量足夠飽 係滿足嘅一餐價錢我覺得好實惠 味道好好係一間簡單有誠意嘅好食堂👍🏻已經好想再食喇P.s.小店好多街坊買外賣同好多人幫襯…查看更多