Miloson的個人專頁

上年聽朋友講呢間嘅大閘蟹抵食又好味，可惜我收風太遲，完全爆滿，book唔到。足足等左一年，今年佢一出大閘蟹套餐我就即刻行動。終於俾我試到。點講呢⋯⋯折實價人頭$600一位，食物嘅質素同份量係ok嘅，如果隻蟹可以大返少少就更好（當日果隻我唸最多5両）畢竟主打都係食蟹。蟹黃翅、蟹斗、蟹粉炒飯都相當不俗。反而個鮑魚拼鵝掌有D格格不入。佢味道份量都無問題，而且好味㗎，不過我就覺得如果多一隻蟹而少呢味餸可能會更盡興。唯一令人感到可惜嘅係，佢只有一個半鐘嘅用餐時間。食大閘蟹，從來都係一件好需要耐性嘅事。由拆蟹到品嚐都需要時間，更何況整個套餐由頭盤到甜品總共7款，你叫食客點可以輕輕鬆鬆咁去享受呢一餐飯呢？我地當日呢，7 道菜一直係咁送上黎，侍應又好急咁收走用完嘅碗碟，基本上整餐飯都係係不停上碟，不停收碟嘅情況下進行。咁嘅價錢，如果食到咁急，我唸有好多其他餐廳可以考慮。撇開時間唔講，呢餐飯嘅質素係好嘅。希望負責人睇下可唔可以調整到個用餐時間，客人可以食得安樂之餘，餐廳同時又可以做到理想業績啦！…查看更多

係週末嘅早上經過呢間新餐廳，門口裝修好有日本feel，再睇睇放出黎嘅餐牌，覺得幾吸引，所以決定黎試下。鋪頭位置唔算明顯，不過如果口碑好，係邊都唔緊要嘅。早餐份量都幾足，食材新鮮，不過茶就得杯上，無得添飲。如果可以提供到茶壺就會好好多。餐廳裝修都算舒服，背景音樂選擇好適合三兩個朋友傾下計，慢慢坐。唯一美中不足係當日嘅女侍應，佢態度唔係差，不過口吻唔係太適合做服務性行業，比較粗聲粗氣，稍稍破壞左餐廳入面輕鬆恬靜嘅氣氛。…查看更多

訂座11:30，可惜門口要到差不多11:45至可以入。室內環境ok，因為位置係地庫，感覺唔夠開揚係一大短處，但勝在裝修算舒服，檯與檯之間有足夠空間。想試佢地嘅鵝，可惜話賣曬，我唸係因為太早未準備好。食物質素正常，最吸睛反而係個送餐機械人。服務上佳，雖然明顯唔熟手，不過態度搭夠。…查看更多

服務態度優良，每道菜式都有專門講解，擺盤精緻，食材新鮮。不過我個人比較不喜歡吃青菜，剛巧現在是‘花季’ 餐單，整個晚上覺得一口青草味😅😅超值的信用卡優惠，餐廳環境比想像中來得熱鬧 一個愉快的晚上⭐️…查看更多

星期日12:00準時到達亞參雞飯，係門口等左半個鐘頭，終於入到去。門面裝修舒服光猛，人手算足夠。order左海南雞飯轉油肶，另外一碗雞絲札肉湯河。海南雞飯算係食過咁多海南雞飯入面出色嘅一次，夠滑夠油香，肉質軟滑。油飯同湯就正常水平。可惜湯河追單追左5次，連侍應都話：仲未有？！ 最後話廚房張單跌左落地所以miss 左🙄 不過侍應態度尚算友善，無咁氣頂～…查看更多

24號10:45去到門口排隊，已經有7張檯嘅人數係到排緊。等左大約45分鐘，終於輪到我地。叫左兩款麵包各兩份，因為一份麵包要跟一份果醬order，所以我地order左兩份‘三種果醬‘，另外北海道牛油同埋法國牛油各一份。只可以講廚房應該仲未熟手，六種果醬上檯得一DD，只夠薄薄塗一層係麵包上。另外兩種牛油就可以剛剛好塗滿各一份麵包。所以當我塗滿一份麵包9格時(有一格係重覆左嘅)，另一份麵包只能夠就咁食，係無任何醬係上面😔但我見到隔離檯位哥哥嘅果醬份量就比我多好多🥺可能廚房仲未可以好好地統一份量卦😅麵包OK，唔見得有廣告講得咁厲害。果醬我地order左檸檬/橘子/煉奶/開心果/榛子同埋芝麻。檸檬同埋橘子有D驚喜，其他印象唔深。埋單有D訝異，畢竟只係4件包麵包同兩杯飲品。可能我地唔識欣賞。不過始終體驗過就ok。…查看更多

排了30分鐘的隊，終於可以試一試這餐廳的天婦羅。我們點選了上天丼和迷你天丼&稻亭烏冬。可能因為已經2:30，雖然天婦羅是新鮮炸起，口感香脆，可惜同時間亦聞到炸的油已經不算新鮮了，油味比較濃重，也稍稍影響了進餐的興致。附著的一個大盒子裡有海帶、蔥、木魚及天婦羅碎，可以隨意添加，感覺有趣。烏冬柔韌度相當不錯，就是湯有點鹹。餐桌上有仔細解說進食的次序，以便真正體驗到不同的味覺層次享受，而效果確實不錯。總體食物感覺不俗，服務就不要太在意好了，服務員其實也忙得不可開交，既要服務餐廳內顧客又要處理外賣餐單。但我反而對他們的黑豆茶念念不忘～～…查看更多

星期天準時11:30到達餐廳，服務員安排窗口位置，餐廳內一切都已經準備就緒，令人感覺舒服。食物保持水準，份量足夠。因為疫情關係取消了沙律吧，但不影響進餐感覺。員工服務殷勤，態度親切。讚！點選了午餐一份，有沙律，主食及餐飲。沙律有和風、千島及芝麻醬汁選擇。主菜是牛扒，內有雞蛋一隻，小份意大利粉另外附上蒜蓉包。牛扒是$177 ，另加$40 就可升級至Set。若想慢慢吃一個舒適的Sunday Branch，價錢又不會有太大壓力的話，這裏會是一個不錯的選擇。…查看更多

預約中午2:00的午餐，不知道是否服務人員已經非常疲累，由幫我們下單到送餐到收拾餐具到埋單，服務員都一直黑口黑面，所以我也沒有留下小費。食物水準中上，份量尚可，價錢也就是太古廣場的水平。…查看更多

星期天，我們是第一檯客。員工服務還算可以。食物樣式與之前‘飲茶’大同小異，比起以往少了一些選擇，但經典點心仍有提供。價錢、食物份量變化不大。用餐時間90分鐘，一家四口足夠時間了。除了場地小了一半，裝修有點變化，感覺與之前無異。…查看更多

經過好多次呢間餐廳，但每次都有事忙或者約左朋友係其他餐廳食飯，今日終於又機會黎試試。Menu嘅選擇唔多，都係一D平日會係日本餐廳見到嘅菜式。餐廳主打斧飯，但我掙扎左一輪決定試下個石頭燒美國牛扒定食。同其他定食差不多，有Miso soup，日式沙拉，茶蒸蛋，白飯一碗，仲連一份魚生。牛扒份量相當足夠，攞上黎時只得5成熟，佢係托盆到連一塊石頭燒，如果覺得牛肉太生，可以自己再煎煎佢，呢一部分好得意，原來所謂嘅石頭燒係自己燒而唔係佢係廚房同你燒埋。餐後仲有咖啡、果汁、柚子蜜或者雪糕做結尾。食完個餐後，感覺好滿足。侍應們服務非常有禮貌，座位都算寬敞。以後會多一個食晏嘅選擇。…查看更多

一個人嘅午餐，係灣仔真係有好多選擇。今日去試下位於廈門街嘅小店-- 一木小料理。12點半去到已經有5個人排緊隊，不過一位就立即有檯。唔駛等。入面裝修唔錯，坐得都幾舒服。試左佢地嘅lunch set，有豬扒、溫泉蛋蕃茄同鯖魚，跟白飯連熱八寶茶一杯。原來食物唔係熱食，全部都係溫溫地。碗飯比較硬身，都係溫溫地。豬扒好入味不過比較硬。蕃茄比想像中辣，不過味道ok，鯖魚係三樣嘢中最出色嘅，味道非常唔錯。但份量就比較細，適合女士們多D。餐廳人流算快，由我坐低到埋單只需20分鐘。…查看更多