lovelingling的個人專頁

同男朋友夜晚想食拉面，就search 下港島有邊間好野未去試過，最後就揀左幕多來試。去之前唔知道原來只有一款拉面，好彩我又鍾意食蝦，所以就照入去試。門口有少少隱蔽，我地兜左2次先見到佢個門口🤣好好彩，因為去到已經夜夜地，所以完全唔需要等位，但都係因為夜得制，好多小食都已經賣曬，所以只係單點左個面來試。一入到去餐廳，首先就已經比佢個陣勁香的蝦味吸引住，根本唔洗睇餐牌就知道佢一定係賣蝦湯拉麵。加埋牆上邊的塗鴉，即刻開啟全感官沉浸式蝦湯拉麵之旅，由視覺、嗅覺到味覺完全被蝦味攻陷，可以encore！全間鋪獨沽一味賣醬油蝦濃湯麵！我係第一次來食，侍應夠晒細心，遞點餐紙時會逐項同你講解，又會送上支裝水！等咗陣，碗招牌蝦湯拉麵一上枱，已經香到不得了！湯底橙橙紅紅又極其creamy，再附上櫻花蝦加葱花！最正係——侍應會即席喺你面前淋上熱辣辣嘅蝦頭油！真係香到無朋友，大家都知唔好食的蝦湯底係會好腥，但佢地係一啲腥氣都冇，飲第一啖湯鮮到個天靈蓋都震，口感濃到黐唇，我尼d 鍾意食濃味野的人係覺得very goooood.麵條我揀咗拉麵，個人並不喜歡刀削麵，拉麵咬落煙韌掛湯，每條都索滿蝦湯精華，同個湯底好夾！雖然碗麵只得三隻蝦，但全部用酒浸過！入口酒香回甘🍶，重點係已經剝好殼，連蝦尾都剝得好靚，手工非常好！溏心蛋都係用酒醃過，個黃篤開流曬心，岩曬我尼d 流心蛋控！✨成間店裝修都好有和風feel🎏，卡位鬆動唔會頂手頂腳，侍應哥哥仲好貼心💖，會主動問你要唔要加飯——重點係加櫻花蝦飯係免費！呢個著數唔執真係對唔住自己！可惜我個胃唔爭氣，一碗麵已經飽到頂上心口，唯有下次再挑戰加飯食法啦！…查看更多

身為一個港島人，我同男朋友一家係會特意揸車過去流浮山食海鮮🐟🦐🦀新鮮海鮮，只要白灼就已經非常美味。流浮山的海鮮可以經店家選購，或者在附近海鮮店購買再拿過去加工，今次我們無自己揀海鮮，直接餐廳落單，但都非常新鮮好吃～今次點左9大簋😍😍「白灼九蝦」只要有九蝦，我地一定會食，因為唔係每個地方都能吃到，九蝦本身就唔係很大隻那種蝦，細細隻但非常鮮美。剝開後蝦肉緊實彈牙，蘸上特調指天辣豉油，好好食！💥「白灼花螺」🐚螺肉飽滿爽脆，今次的螺好大隻，用竹籤輕輕一挑就能完整取出。入口的清脆彈牙讓人上癮，簡單蘸點辣椒醬加甜醬已經更能帶出花螺的原始味道！「白灼蟶子」✨肥美度超誇張！以往蟶子都一般都是用豉椒炒或蒜蓉蒸，但自從試過白灼蟶子後便念念不忘。每隻都好似手指咁大隻，火候掌握得恰到好處，肉質嫩滑無沙。蟶子簡單配上薑葱絲加蒸魚豉油，已經好食到不得了！🤤「蒜蓉粉絲蒸元貝」🌟 元貝大過一個五元銀，鋪滿金銀蒜和吸汁力超強的粉絲。元貝鮮嫩多汁，我最鍾意係索曬汁的粉絲，正！💫「薑葱炒蟹」🦀精選肉蟹斬件爆炒，薑葱香氣徹底滲入蟹肉。蟹鉗輕輕一敲就裂開，露出雪白飽滿的蟹肉，連蟹殼的醬汁都忍不住吮乾淨！👅「椒鹽鮑魚」將鮮鮑魚炸至外酥內嫩，椒鹽的辛香更突顯鮑魚的Q彈口感，趁熱食👍！「生炒骨」🍖 酸甜醬汁包裹著酥脆排骨，開胃解膩。另外，「海鮮豆腐湯」都幾足料，夠海鮮味。「清炒生菜」🥬，好有食大陸菜的感覺，新鮮。4人9個菜，埋單$2280，人均$500+。性價比高不高就因人而異💰 我們一家就吃得非常滿足。…查看更多

之前食過朋友外賣買的荔枝柴燒雞後，一直念念不忘，隻雞凍左都仲好食的話，熱辣辣食應該係不得了。尼2日放假就突然記起尼隻雞，所以決定山長水遠都揸車去會一會佢。2個人食，我就唔敢點太多野食，只係點左隻雞同埋個甜品薑汁撞奶。荔枝柴燒雞絕對是鎮店之寶，待應一來就講明要30分鐘即燒，佢真係唔遲唔早夠30分鐘就用送過來。傳統窯烤手法，雞皮燒得金黃薄脆，由於係原隻雞上枱，用手撕個陣d 雞汁唧曬出來，咬落去係皮脆肉嫩，真係好好食。另外點左個薑汁撞奶，勁香的薑汁味，加上撞奶的質感好似豆花咁嫩滑，薑辛味加與奶香，食完覺得好滿足。本身來之前，我個fd 唔止講左一次佢得隻雞好食，所以我係對個撞奶無乜期望，但出來效果又唔錯。可以Encore…查看更多