尋日係佐敦行完街，經過地鐵站，見到依間板燒郎，見又未食飯，甘就同女朋友上去試下。上到去門口已經人山人海甘，初頭見到都念要唔要下次先黎試下，點知個服務員勁好服務，拿埋野飲比我地，同我地講等10分鐘左右就有位，重同我地推介個北海道松葉蟹同磯燒鮑魚，甘見唔貴咪試下。坐到埋位，都未開始食野，隔離枱啲香味已經飄緊過嚟，講咩都唒氣，瘋狂叫嘢食。野食一上到枱，見到松葉蟹腳勁大隻，鰻魚元貝海鮮非常新鮮，食到一半，有位經理重問要唔試下蒸氣火鍋，蒸氣火鍋食海鮮更加鮮味。點知一試難忘，食左個幾鍾已經飽到上心口，臨走個時個經理仲俾咗張卡片我哋，話下次上嚟打定電話留台唔洗同人係出面等位，非常好服務。…さらに見る
