i get eat的個人專頁

聽朋友講長沙灣新開泰國人做主厨嘅泰國菜，由於個人最愛，立即扶老攜幼去試試🤤牛肉配黃咖喱微微辣，好香咖喱味，唔會得個鹹字，配飯或油酥餅一流油酥餅夠鬆軟，咬落去唔會成口油，點咖喱汁非常好味雞翼味道ok，無乜特別，只是老人家食落略嫌硬咗少少新鮮生蝦非常爽口彈牙，個泰式辣醬非常有驚喜，嗰種辣好野味，而且會慢慢喺個口度徘徊，越食越興奮，我一個人食咗一碟蝦蝦哈哈6串串燒肉本身都醃得幾好味，燒到有啲焦香，唔點沙嗲汁都可以，個沙嗲汁唔會太鹹，有少少花生香味，唔食得花生嘅朋友要注意哦泰式拼盤樣樣都幾好味，餸啤酒一流，不過啡色嗰個好似係魚餅，個人嫌太鹹，其他都ok呢個真係必食推介，一般喺其他店食嘅生菜包，多數都炒到好乾同好硬，佢呢個炒完都仲有好多肉汁，唔太油膩，加埋塊生菜，我又可以自己一個食一碟哈哈通菜有通菜味，馬拉盞略鹹，要配啖碗飯先得咖喱蟹炒得唔錯，最鍾意個汁，夠香夠濃同埋夠多蛋花，我至愛…查看更多

同一大班朋友聚會，九成都係打邊爐，長沙灣大家都就腳，所以長期都幫襯佢。多年不變，佢嘅牛頸脊係必須要食，淥一陣就得，軟綿綿又重牛味，用沙嗲湯就最夾。另外桂花蚌非常爽脆，雲吞水餃大大粒脹卜卜，新鮮鵝腸唔係度度有得食，呢個一定要嗌嚟試吓，豬粉腸都洗得好乾淨，完全冇臭味怪味，脆骨腩爽脆彈牙，呢度有個好，就係可以要求要長骨腩，如果怕哽骨就可以嗌老闆幫幫手😆，仲有墨魚滑拼蝦滑都走唔甩，另外嗌完會再嗌嘅仲有鱔片，最緊要冇泥味夠彈牙。另外佢哋有啲小食都好出色，涼拌魚皮、口水花甲同埋辣味魷魚，呢幾個做錢財都一流，大家不妨去試吓。…查看更多

話說兩條友喺呢條街盪咗半個鐘，揀嚟揀去，最後入去試吓☺️肉骨茶加配油炸鬼，大大煲，可惜唔係餐牌講嘅明爐肉骨茶，放低10分鐘已經凍晒，要同時間競賽，快快手飲晒啲湯先得，材料都多，味道夠濃，但冇藥材味嘅😟小食拼盤$150嚟講，好似有啲貴，雞翼同春卷冇乜特別，串燒豬肉燶燶哋有焦香味，最好味反而係咖喱角，個辣味喺個口度徘徊咗好耐，好味道😋最後個咖喱牛腩農夫包，真心推介，個包外脆內軟，啲牛腩有少少筋，軟淋淋唔柴唔痴牙，個咖喱汁夠濃郁，點包一流，好味道😋飲品嗌咗鹹檸碧，冇乜特別，青檸梳打就係溝出嚟嗰啲，冇青檸的，只能少甜，冇得走甜🥲…查看更多

話說我啲Friend唔多鍾意食魚，但又好鍾意食烤魚，都痴痴哋嘅😅呢間烤魚工房係一間可以迎合年輕人口味嘅烤魚店，霓虹燈嘅裝修格局，打卡影相都幾有氣氛☺️食嗰方面就除咗多料到爆嘅烤魚鍋，仲有勁野味嘅串燒，三五知己坐低一路吹水一路慢慢食，又可以歡度一個夜晚🥳服務方面都幾好，天口熱我坐低就想飲杯水先，侍應姐姐就即刻拎一樽埋嚟，順帶提我係室溫水，要飲凍就攞杯冰俾我，都細心嘅🥰但冷氣好似唔多夠，希望呢方面可以改善一下🥶提提大家記得訂位，唔係去到就有排等～😌芥末魚皮$52毛血旺配江團魚$35948串串燒組合$169烤鮮魷魚$59烤雞中翼$72金桔青檸特飲$33…查看更多