紮鐵威的個人專頁

啲嘢食好有心思好出色個老細又好好招呼同埋好有心做好間餐廳！預訂甜品仲可以喺個碟上邊幫你畫畫！食咗個煲仔飯，非常特別又好好味！小食叫咗雞翼同魔鬼魚和牛舌都非常出色附近有停車場同街位方便揸車人士！地鐵站5分鐘左右巴士站亦都非常近！我覺得最開心應該會係包場同親友過一個愉快嘅晚上。公司做Annual dinner亦得。好耐冇去過一間咁有心機嘅餐廳！一個非常愉快嘅晚餐經驗！自問自己非常揀擇，唔會隨便寫食評！不過今次真係值得推介。…查看更多

見到有介紹所以入去試吓，先叫咗洋蔥圈同埋炸雞柳！味道好好份量又好好，之後叫咗杯朱古力奶昔嘩不得了！跟住嚟咗個重點裙子漢堡！個size當然好巨大仲有炸芝士圍邊漢堡本身又好好食。如果返工返到好頹，想搵嘢食沖喜下！依間絕對可以滿足到你。…查看更多

見到好多人話好食，自己親身去試吓！個湯底非常之好！雲吞同水餃都非常出色！非常似幾十年前嗰種味道。鍾意雲吞麵嘅朋友，值得一試！最神奇見到細個食嘅酸蘿蔔，個味道非常之開胃！所有回憶返晒嚟👍…查看更多

放假超Hea所以遲起身，諗住飲杯咖啡！見到呢度外表唔錯所以走入去試吓！叫完嘢食之後可以坐另一邊self Service.個Panini 幾好食不過個意粉就有啲失望!🤔個咖啡都普通！總括嚟講覺得食物可以更加好，依家有啲曬咗個環境！我就係紮鐵威，唔鍾意唔好睇！😏…查看更多

放咗工攰到九彩，諗住是但搵啲嘢食吓！點知裡面唔止係茶餐廳咁簡單。仲有串燒同泰國湯麵！試咗一口牛同雞翼真係好鬼得！牛肉好鬆化、雞翼個味非常好！之後再試全隻燒魷魚，好入味好好食！燒菠蘿個菠蘿仲好多汁，燒茄子個辣味唔錯，我可以再要辣啲。最後試咗個麻辣雞煲！味道幾好不過我鍾意食辣所以可以再辣啲！本身諗住茶餐廳做咁多範邊度得㗎,但係佢哋又做到喎！服務態度就等於我細個嗰時嘅香港,好有人情味好有回憶！其實依家我食嘢，除咗食味道就係食回憶！我就係紮鐵威，唔鍾意唔好睇！😏…查看更多