Carmakerlaf83的個人專頁

問員工製作時間，佢話10-15分鐘。之後等咗20分鐘。佢俾咗個唔熱都唔暖嘅卷我。員工時間預測上唔準確，唔緊要希望佢越做越好啦。味道唔錯雞肉多汁又滑，但如果要烤耐少少令外皮香脆，餡料熱辣辣冒煙就更好。明白要等，但唔明白點解，俾咗時間你即叫即做，你都可以出個中間得少少肉係暖嘅卷俾我。等唔緊要但要好食，唔好浪費食材啦。🥲好失望，但都希望廚師越做越好。雖然小紅書之前有好多好評，但唔希望因為多客就降低食物水準。🙏🏻…查看更多

服務態度和藹親切。收銀員第一句就會問有無食過，假如得知係新客就會一一介紹食材同點餐方法，相當有耐心。此外，我食唔晒啲野去拎外賣袋個時，個位店員好有活力同禮貌。當時佢係咁→「外賣袋一個？多謝晒你！」之後雙手遞出個袋。主觀而言客製化漢堡幾特別可以一試。Five guys 嘅客製化漢堡對一啲「偏食者」好親切，個漢堡餡料完全係自己決定（15款食物入邊隨便揀），大家可以揀出自己鍾意嘅食材黎整，個種感覺好似挽積木咁，唔知會冧低定係屹立不倒。（但係對於選擇困難嘅人就會好痛苦）另外，我覺得食物口味與香港常見嘅漢堡大不同，茄汁同BBQ 汁相對酸同稀、醃黃瓜相對淋同大片。 所以真係一試無妨因為你可能會鍾意。…查看更多

今日我朋友拉咗我上去食放題，內心巳經知道係俾錢買難受，因為呢間野都好出名。但係更難受嘅係不單係野食問題，連員工都有問題。我聽到有個嘅男職員係咁學個客人講野，好大聲咁講「生豪～生豪～個個女仔係到扮可愛！」之後個女同事係咁大聲笑。一次都算，叫咗兩三次，笑咗兩三次。我唔知佢地笑緊嘅客人聽唔聽到，但我聽得好清楚。可能因為我女朋友都有娃娃音所以比較激動，我內心覺得一啲都唔好笑。ps 好彩我無帶女朋友黎食講真佢地個樣都唔細仲做到咁真係... ...唔排除無生意令佢地需要自己揾野做，例如笑人。佢地係公開恥笑他人，好唔尊重，仲要嘈到爆。完全食唔落野，笑人氹女仔笑當然開心，但係被笑嘅人有咩感受。…查看更多