Remmah Wong的個人專頁

話說之前我係荃灣試過一檔椰子雞煲的火鍋好鬼正，從此就好鐘意椰子雞煲呢個配搭。早排有同事提過天后有檔火鍋有椰子雞，我搵左一日星期五放工同班 fd 一齊過去試下啦 !呢間唔係一間放題嘅火鍋，佢係逐碟叫。四個鍋底都好特別，但因為我好鍾意椰子雞煲所以我就決定叫佢啦!個鍋同埋餐牌張相真係一樣顏色好鮮。佢嘅雞肉同配料全部都係生放落去煲，保持最鮮既味道。個湯底好鮮甜，我飲左兩碗湯，再叫配料。值得一讚係，間店加湯都係加鮮椰子雞湯架，而唔係加水。配料上枱嘅同時我哋就開始食個雞煲。值得一讚係，店員加湯唔係加水，而係加椰子雞湯 ! 個湯真係好好味我哋要半隻雞咁就可以留返多啲位煮埋配料啦 雞肉同椰子呢個配搭真係無得輸，香鮮甜喺同一窩。配料我哋叫咗雜菜，雜菇，響鈴，炸魚皮，鮮脆鯇， 白魚蛋，墨魚滑等等嘅配料。當然仲有好美味嘅拼盤雙蚌。店長之後仲同我地介紹羽衣甘蘭，話同椰子雞好配 ! 我地就叫左一份，有菜濯味，又有種湯鮮味，正正正煮完之後個湯底吸收完上高配料食材嘅鮮味之後，我自己又再飲多兩碗，捧住個肚走好圓滿的一餐 !整體來講如果你鍾意飲湯底的話可以黎試吓呢間真心推介!…查看更多

有人話係香港食拉麵要食到高質，其實唔係好多間。喜歡食拉麵的朋友，有時為了唔去幫襯果 幾間連鎖店，會周圍去搵D小店。今日我和朋友路過黃埔，途經呢間店無心插柳之下撞左入 去。點解入去?店仔細細，有麵香，坐滿人，仲要排隊，我就知應該有D料到!入去啦!原來呢間係日本都有好幾間分店，不過係香港就只係得3 間。張 menu 紙好簡單，8 款湯底，我和朋友各點了辛柚子湯底同黑松露湯底，貪佢夠特別。食拉 麵我會堅持叫餃子，因為當一間拉麵店成功，佢既餃子都必定唔野小。朋友叫了果汁酒，而我 叫了綠茶。我地再追加了少少topping , 開心D ^o^上台啦!兩個湯麵都好有驚喜，黑松露湯唔單止個湯滲出陣陣黑松露味，而且麵裡仲有一匙黑松露醬。先飮一啖湯，好香好濃滑!麵身有咬囗，叉焼在湯中浸完，入囗鬆化半溶。至於朋友個辛柚子湯都好特別，咸中帶柚子撲鼻甘甜香味，湯底飲完會散番柚子甜味，煮得好出色。叉燒同我果碗一樣。餃子看似平平無奇，其實我睇到佢心機:佢只煎一面，而保留另一面餃子形態。餃子好鮮甜，菜同肉埋一齊沒有渣，只是食到肉味同菜味，但又唔會覺得粉，正!不得不提佢個果酒，濃濃甜甜的蘋果果香，完全唔覺飮緊酒，飲完之後覺得成餐飽而不「利」，難怪咁多人排隊。拉麵控可以一試，佢唔會令你失望!…查看更多

鬧市中的一間台式小店， 充滿台灣風味。 甫一進門，就是開放式廚房。地方不算大，但牆上掛滿了各種很有民國風情的畫作，甚具特色。我叫了一客台式小香腸肉燥便當，一杯鳯梨盧薈多多。便當的佈置很簡單，一碗飯、肉燥、和數條台式小香腸。 味道還不錯，小香腸烤得外皮脆脆的，肉汁也很鮮味；至於肉燥醬也是典型的台式風味，如果喜歡濃味的朋友，不妨可向店員要求加多些肉燥，他們也是樂意的。鳳梨盧薈多多，叫了加大版，如果不太喜歡甜的朋友，可以試試叫少甜，否則味道也不錯。 典型台式飲品風味，叫了便當，加飲品可減$4。總括來說， 一間小品台式飯店，有興趣咀嚼台灣風味的朋友，可以不妨一試…查看更多

如果鍾意食上海菜又想食的精緻的朋友一般都會揀主流嘅嗰幾間連鎖上海菜餐廳。最近有朋友話佢試咗一間上海餐廳一啲都唔會輸蝕，而且有過之而無不及，佢講到咁吸引當然我放工同女朋友過去試一試啦一坐低我就即刻知道個分別啦！個侍應姐姐佢問我地飲乜嘢茶，佢抱住一個盤，有各種唔同味道嘅原片茶葉！我即刻加左唔少分，因為真係第一次會有餐廳咁細心俾你揀你想飲嘅茶葉。我揀左出面比較少見既人參烏龍，而女朋友就揀左杭菊花。我同女朋友當然好開心各攞住自己嘅香茗慢慢沖。我哋唔係好肚餓，冇叫到啲好重型嘅晚餐。反而我想試小小清淡嘅上海菜式。於是我就叫左我最鍾意嘅清炒土豆絲、特色天使魔鬼小籠包、火腿上湯浸冬瓜、酸菜白肉鍋，同埋最後留返少少肚叫買個甜品我地點完菜之後，店員好細心放左一個掛牌係我地張台度，原來係提示你食完正餐先叫佢地上甜點 ! 又加左分!上菜啦上菜啦 ! 清炒土豆絲非常之爽脆，味道亦都好入味非常之正，佢帶少少美味嘅酸辣咁所以好開胃酸菜白肉鍋酸菜味道調校到啱啱好，微酸味但冇整損成煲湯底，配上黑木耳芽菜個湯都好鮮味好豐富。我鍾意到連湯都飲埋。個天使魔鬼小籠包，黑色小籠包佢係黑松露味，表面有蟹皇。個味道好鮮，有湯汁流出來。白色就用魚子做裝飾，肉質同湯汁都有少少唔同。可以一籠試到兩種，好開心。個火腿肉冬瓜如果食濃味嘅朋友就唔好叫佢啦。因為佢好淡，但係你食落就會到佢個湯會有淡淡的火腿香味。冬瓜都燜得剛剛好，好𣺉好清甜。最後大家食到差唔多就叫埋個榛子饅頭。饅頭炸完，再加上榛子醬、煉奶呢個配搭真係無得輸。饅頭炸到香脆，為呢餐畫上完滿句號。整體來講你一餐我好滿意，誠意推介鍾意食新派上海菜嘅朋友過來試一試!…查看更多

我向來超喜歡食海鮮，只要食材新鮮，蒸呢個係一種最簡單而直接方法將食材鮮味煮出來。最近有朋友介紹呢間蒸海鮮店，佢話呢間的蒸海鮮好鬼正。我和朋友去到已經排晒隊，無計，插針都插唔入。老闆很好佢話如果我肯等多大半個鐘，可以留一張俾我 ! 點解咁耐都等? 因為門口傳來陣陣超香海鮮味，而且一班班食客大讚野食冇得頂! 講到咁，我幾肚餓都頂啦 。等到好耐，開餐啦 ! 果然不枉等左咁耐，頭盤老闆已經介紹呢個炸魚皮上去俾我地頂下先。個炸魚皮沾上蛋黃去炸，上碟仲係又暖又脆的。我地揀左粥底，就上海鮮start up la 。識食蒸鍋的朋友會知，呢個粥到最後會吸晒食物湯汁，啖啖鮮味 ! 每樣海鮮都十分新鮮，龍蝦、蟹、蚌係剛剛砌上碟，老闆還會同你講每樣海鮮的最佳煮時間，確保唔會 overcook ! 老闆好好傾，同我地講點解可以咁新鮮。原來海鮮係佢家族生意，每日佢可以從進口的批發海鮮中，挑選最新鮮的，然後直送鋪頭。確保海鮮係最短時間內送到客人台上。比起再由其他批發二判三判上入貨，更快更靚 ! 呢個就係佢新鮮原因。奄仔蟹係呢度既招牌，即係處女蟹，未生過蛋的蟹。蟹羔有種份外的甘香 ! 而且肉質好鮮嫩 ~ 一試就知! 到最後，我和朋友都兼不多飽。食完海鮮個粥剛煮完。粥剛好唔太爛，鮮味十足，唔駛調味料已經好正 ! 食完有點晚，不過真係好滿足咁返去 XD ~ 呢度人情味好重，好多街坊客，抵你咁好生意 ! 記得要訂位呀 ! 下次喜慶日子一於再來!…查看更多

上次同 FD 食過一間伏伏既派對餐廳，今次佢話帶我去食間好野補償一下 XD 呢間叫蝦棧，一入門口已經有一個好大即蝦缸，晚飯時間好多人，好在有訂台。行入去已經聞到好香既奶油蝦味 ! 我地四個人，當然係叫完互 share la ~ 上菜果然冇令我失望特別好味有幾個: 奶油蝦，醉雞，冰菜，辣酒花螺。由醉雞開始講起， 雞有雞味，嗯... 實在太行 !哈，咁我講多  D 啦:型狀佢係雞肉同雞皮分開處理，花雕和醬油的味道較得剛剛好而入味，唔會太咸或太濃作為頭盤真係好開胃下，而且肉質嫩滑，鮮!辣酒煮花螺，一上台已經一陣陣酒香味撲埋來，好多餐廳呢味好易煮到好咸，但呢度唔會，一樣食得到螺的鮮味。汁唔會太濃，但又唔會水汪汪，剛剛掛到係螺肉上 跟住呢個叫奶油蝦，我可以用終極邪惡咁毒 來形容佢。佢個汁我分唔清係芝士定係 cream ，好 creamy ，好滑，好香，好甜 !!!!食過蝦之後，最最最邪惡係 D 汁同洋蔥會令你難捨難離，我叫多左個白飯去撈汁，正到暈 ! 一定要叫 !冰菜呢個好特別，唔知幾時興起冰菜呢樣野，因為佢表面有層似冰質地，加上佢雪凍左 ! 冰鮮清甜而爽口。佢個柚子汁好 fresh ! 最後，再加上一個水蜜桃雪芭作結，可以話係完滿的一餐 ! 帶住陣陣水蜜桃香離開呢度，再上朋友屋企玩喵  ，所有壓力都冇晒 ! 呢間蝦棧我高度推介 ! 睇相佬厄你十年八年，呢間唔去真係走寶 !  XDDD…查看更多

星期四興起和三個朋友收工飯聚，搵下搵下就去左呢度試下。上到去，環境好 colorful , 唔算迫。因為真係一間樓上 cafe ，放左好多 board games 俾大家係上面邊食邊玩。要讚的是，店員服務態度好好，同好細心，人客多佢都可以照顧我地每一個食客感受。我地好肚餓，一人叫左一個 main dish 之後，店員向我地強烈推介呢個Easter 特別拼盤，我地就叫左一客試下。我叫果個 Main 係 黑松露煎帶子意大利飯 ，味道真係好香，飯粒又有咬口，做到晒 risotto 既精髓 。汁又熟到剛好，好好味。個 Easter拼盤好多野食，份量有 D 的適，不過因為有 main dish ，呢個份量就剛剛好。有蝦，煙三文魚，蛋沙律，牛柳粒，帶子...... etc 基本上就係美食大晒冷 ! 份量四人來講唔算多，有  d 款唔夠分，不過整體來講樣樣都有 D 。個牛柳粒偏咸左少少，其他都好好。整體呢間水準都唔差，如果經過附近，可以考慮呢度 …查看更多

出了雙糧梗係同朋友一齊食好野啦，有一日我問 fd 邊野好食，一年一度豪一次呀麻，於是就去左呢度  !於是我地就問店員呢度最好味既菜式，我地二話不說就通通接受左推介。嘩嘩嘩  ! 呢一餐應該會係 我呢兩年食過最好食既餐廳之一 ! 超超超水準 ! 頭頭以為日式爐端燒就輕敵以為都係咁，點知 .... 錯錯錯 ! 超乎想像咁好味 ! 頭盤上左個刺身拼盤 ，軟殼蟹意大利油醋沙律 做開胃菜，刺身一食已經嘩左出來，高質刺身，海膽完全係鮮甜香齊晒 ! 加埋個沙律我地已經 ready 開動食燒物了 ! 明太子燒豆腐 ，白鱔，腐皮雞肉卷，牛舌厚切併牛肋骨 係我地第二 round 點既野，冇一件 fail ，尤其係個白鱔 !!!!!! 唔叫真係走寶 ，剛燒到脆一脆，皮香肉滑，而且魚皮彈牙中又有豐富魚油 ! 口感係上上乘 ! 接住就係 荔枝豬肉卷 , 豚之大腸, 燒西班牙黑毛豬, 免治雞肉棒，荔枝豬肉卷同豚大腸好正好特別 ! 荔枝甜味同豬肉好夾  ! 肉香中有清甜。而豚大腸就好甘香脆 ! 最後一組我地叫左 翠玉瓜，栗米，明太子飯團，燒羽翼，墨魚汁炒烏冬。其實食到後面飽飽，但 fd 極力推介呢個墨汁烏冬， OMG ，我話飽竟然成碟食晒 ! 可想而知幾好味。前面燒物都好精彩 ! 熜結係，呢間店將燒物發揮到極致，係我目前食過最好味的其中一間日式爐端燒，真心推介 !食物質素完全對得住個價錢 ! 去得過 !…查看更多

話說和女左行完家私店，行左一日，夜晚想放鬆下，於是就去左尖咀呢間 cafe 飲下野，傾下計。呢間之前有朋友仔介紹過係飲手工啤 ( Belgium Craft Beer ) ，幾正，可以點到 D 平時飲唔到的款式。佢主打唔係食野，不過餐牌上都有 D 小小食同正餐菜式。呢間個環境係一間有野食既 Band Room , 相信樓主得閒會係上面 jam 歌。有 Board Game 同埋氣氛暗暗地，仲有音樂播住，其實都幾 relax . 講番野食，佢味道都 OK , 不過份量真係用來送洒好了，食完我地都仲有空位再到樓下其他餐廳再直落第二場 XD ~ 俾個藉口轉下環境再食過!  overall , 其實各方面都唔差，如果食物再大份 D 就幾掂，份量細又可以叫多幾碟試下其他野食呢間大家如果有興趣都可以去下 :) …查看更多

和女朋友周年紀念，帶她來食泰國茶。這間店是用來自泰國廚師，店內雖然多人，但都企理整齊。我地點了個開心二人餐再加兩杯野飲，我地有個唔錯既晚餐體驗。$300 來講，真係交足貨俾你 ! …查看更多

早已聽講荃灣有間小熊主題餐廳，難得佢早收工，昨晚同女朋友仔一齊去試試。愉景新城 真係一個合家歡的主題商場，呢間餐廳當然亦係以精緻小熊裝橫的主題，當然係要預約啦，去到就知原來好多人。餐廳服務員好細心同你講解餐牌，而且會放多隻熊仔俾你做點綴。我地叫左二份餐，三杯餐飲，<<草子莓莓>> 同 <<清涼仲夏>> 係以橙汁底做基楚溝出來的果汁，甜甜地好開胃，好適合小朋友口味。<<莫加咖啡>> 味道有少少淡，如果朱古力味濃 D 就 Perfect la ， 我係 朱古力 的鐵粉來的!主菜係雞扒鐵板燒，鴨胸意粉，還有燒肋骨。先講雞扒鐵板燒: 識食鐵板燒的朋友就會知，薯條要是脆的，而呢間的真係俾到脆薯條我! 雞扒冇煮太久，剛剛熟，而且入味，黑椒汁份量亦好夠。鴨胸意粉看似普通野，但食落裡面係有奄好的酸洋蔥，出奇地夾，幾好味。我真係成碟食晒，連碎都食埋 ! BBQ 蜜糖芝士燒肋骨，蜜糖同芝士呢個配搭一向都好穩陣，亦係即叫即燒，上碟仲熱烘烘，賣相好精緻最後店員見我女朋友咁開心，仲 Upgrade 左甜品去朱古力心太軟，呢個心意上已經冇得輸 ! 佢話一般生日就會免費幫客人 Upgrade ~ 味道好好呀，個 Cake 同裡面既流心都好合乎一個好味的心太軟，蛋糕亦唔會大甜搶走朱古力漿。總而言之，呢間餐廳環境，服務都好好。食物配搭味道亦相當穩陣，整體經驗好愉快。有小朋友會更適合來，佢地一定會開心到 Crazy 左起碼我隻女朋友已經係 XD ~~ …查看更多

重慶大廈最著名的就係一入到入口就要打低十八銅人陣，一班印度朋高手會洗出混身解素拉你去佢果間餐廳，個個都話自己正宗，個個都話自己好好味 ! 今次我地一班 fd 四條友揀左呢間來試。聽講呢度求其執間都好吃，究竟係咪真!?食左D 乜?[印式烤餅]烤餅講真冇乜味，淡淡地，係用來送汁食的，味淡係應該，份量都幾多下，夠四位用。[ 印色咖喱鮮蝦] 個蝦係用左雪藏蝦，雖然個咖喱汁幾濃，但係佢個蝦肉真係冇乜味，我懷疑佢係煮好解凍就咁放落去浸一浸就上菜。唔好叫 X( [印式椰汁蝦]呢個蝦肉又係冇乜味，我估應該都係用同一種手法來煮。我講笑話，蝦肉點解可以咁 Pure 好似一張白紙咁冇味!?[牛油雞] [炭烤香燒雞] [炭烤雜錦][香辣燒雞塊]講真，以上四樣野我食 唔出有咩分別。唔可以用難食形容，不過冇食亦冇乜損失。如果真係要叫，就叫個炭烤雜錦樣樣試D [勁辣咖厘羊肉]個羊肉冇乜騷味，個汁幾好。算係中上既，同餅 一齊送幾正。[印式青豆磨茹]呢個好食。成晚反而我喜歡呢個，雖然係素，不過 一D 唔悶，磨菇同咖喱果然係好夾! 叫啦![印度黃飯]飯冇乜飯香，不過texture 幾得意，唔似我地食開的泰國絲苗，佢再幼身同乾身D。一定要沾咖喱汁。總結來講，呢間印度菜叫合格，但未達到預期咁好味。下次再係重慶度搵多間先。…查看更多

話說有朋友仔話呢間好食， 特意有請本座到來試食火鍋就食得多，但係烤魚鍋香港又唔係常見，而呢間係以烤魚煲最拿手! 於是趁星期一幾隻腳搭去大圍一趟!可能係星期一，冇乜人，所以一去到就有位，地方都算清潔。店員有禮，不過有漏單要提醒兩次先上，呢點要留意食左D乜?原條魽魚唔食等於冇來過! 一上已經有好香的花椒味，魚亦唔簡單，先炸至香脆七成熟，湯一滾煮熟埋剩下三成 !麻而不大辣，魚味好出! 先炸後魚腥味完美地去了，淡水魚最大問題都俾佢完美解決了，勁!食雪花肥牛，未食一睇已經知唔係一般貨色，色澤同花紋都好平均，入口當然係半溶並且有甘香感覺啦! 和麻辣湯底真係好鬼夾，仲要係同魚湯! 廣島蠔蠔來講味道佢算唔錯，有鮮味。不過大家有眼所見，佢係上左五舊冰，所以要食就要俾D 耐性等佢溶，唔係就咁放落去出面熟晒裡面仲係舊雪!手打墨魚滑可能係主菜太出色，呢舊變得普通DD ，不過 OK 既，鐘意墨魚滑的朋友就叫啦!都唔係伏來的水蜜桃沙冰呢杯野幾好飲，而且水蜜桃味亦出到來，配住D 麻辣湯一啖冰一啖辣其方都幾爽! 滷豬肚   魚皮餃   炸魚皮   響鈴呢堆係標準火鍋配料，你懂的 >:)  ~ 冇又唔得，我地都係叫左手打烏冬點解唔放埋落去標準火鍋配料群? 呢個你唔食以上配料群都冇乜所謂，但係最後一定要叫呢個 ! 佢同麻辣湯底夾到暈!唔駛諗，叫啦!…查看更多