大食3姊妹的個人專頁

三人小聚， 有雞煲又有燒烤， 好多選擇~ 今次送嘅餐前小食有枝豆同黑木耳， 好開胃， 好清新。小辣雞煲好惹味， 辣度剛剛好~火鍋嘅牛頸脊都好香， 配麻辣湯底連醬料都唔駛點~雞煲D雞件都好嫩滑， 即使煲左好耐都冇話好老~小試串燒， 燒白鱔又厚又juicy，皮脆肉嫩~一夜情都幾得意， 雞翼包芝士腸， 鹹左少少。呢度環境都唔錯， 對住維港夜景打邊爐都真係幾爽。…查看更多

約左朋友去Greyhound Cafe 食晚飯, 未夠鐘又唔齊人, 於是o係IFC逛逛~ 本身好鐘意食有特別味o既爆谷, 好早就聽過IFC o既Garrett Popcorn, 只係少去IFC, 一直都冇機會試~既然一埸黎到, 試下啦~ 本身應該有好幾重味, 不過可能七點幾都夜了,只剩下Buttery, CheeseCorn 同CaramelCrisp~鹹o既爆谷比較少機會食到, 而且芝士味相信一定唔會難食, 於是買左一包細o既CheeseCorn, 買完仲急不及待食左幾粒~ 唔係大庭廣眾我估我真係停唔到口~好彩佢個袋有個簡單鐵線裝置, 可以封返口, 唔駛開左就要即刻食晒同漏氣~芝士味好濃, 每一粒爆谷都俾厚厚o既芝士粉包住, 食落有D似芝士波~食完仲有好多芝士粉粘o係手~ 好滿足~ 店員好細心, 買完仲會俾埋紙巾客人, 唔係食起上黎就會好麻煩了~ 哈哈, 之後朋友見到我包CheeseCorn, 抱住人有我有o既心態又買多左一包medium o既CaramelCrisp~罪惡到呢... ... 又係濃厚o既焦糖包住原粒爆谷~ 甜中帶少少焦糖o既苦澀味, 但係又唔會話燒燶野咁, 恰到好處~ 雖然細包都要$35, 但係依家戲院入面D爆谷都唔見得平~ 而且仲冇咁好味, 亦冇咁多選擇, 咁俾多少少食好D都值得o既~…查看更多

0係附近返工一段日子，已經幫襯過一線軒好幾次，對我黎講呢間只係冇選擇0既選擇～三餸湯米線連飲品$40有點兒貴，個人認為同樣價錢實實在在食碟頭飯仲好～餸0既種類超過20款，總有0岩食0既揀得到，湯底方面不外乎清湯大中小辣～最近傾向食清湯，因為每次叫唔同辣度都失手，好唔穩定～比較欣賞佢地有heart 0既服務，唔講得話好有禮貌，起碼同事嗌走青，多酸菜，加呢樣， 減0個樣都做足～…查看更多

無論0係邊度工，公司附近都總有一兩間“諗唔到食乜就食0個間”0既飯堂，而新景記就係我0既飯堂～餐廳睇黎總係滿滿的，但係無論一兩位定係六七位入去， 阿姐都總會幫0你安排到吉位～呢度仲有ffree wifi, 只要問阿姐， 佢地都好樂意俾～今日ABCDE餐都唔0岩食，於是食左自選米線，肥牛雪丸魚腐米線～湯底咸左D , 不過都算多餸，同埋魚腐係星型， D 野靚D 食都食得開心D ~同事0既豬扒都幾抵食， 兩大塊，香辣汁又充足～…查看更多

呢餐係我地3個其中1個0既生日飯，好應該食好少少。兩星期前已預約，終於等到今日黎到Amigo見識下。 西餐點少得牛油同麵包～麵包鬆軟仲出緊煙～最重要就係0個個玫瑰花形牛油～ 細緻到差D唔捨得食～ 頭盤食左美國火腿蜜瓜沙律～好清新～佢地就食海鮮pancake，個汁好creamy～  我地三個都叫左個菠菜海蝦忌廉湯～滑得黎又唔會好漏， 至少飲完唔會飽到main course 都食唔落～ 唔知點解今日唔多想食牛，於是叫左個煎三文魚+ 白酒汁～外脆內嫩， 未食過三文魚熟左係唔“鞋”0既～ 跟住個甜品俾我預先改左做生日蛋糕～ 表面上佢係一個平平無奇0既蛋糕，但其實佢係拿破崙～雖然本人唔係特別鐘情拿破崙， 但係佢都算係一個好食0既拿破崙～ 仲有個chocolate dip～冰凍朱古力包住雪糕～精美～夏天0岩晒～呢度D 野好好食，咁高級0既餐廳D waiter又唔會好白鴿眼～服務好慇懃，好有禮貌～咁樣0既飯局先至生日快樂架嘛～…查看更多