ppppppppppp的個人專頁

今日又再去買lunch外賣...招牌窩貼10隻+粟米濃湯...其實之前都已經忍佢地好多次...但無奈自己又真係幾鐘意食...又近公司方便...今日行埋去收銀機前買野食...要10隻招牌窩貼+粟米濃湯...個收銀亞姐對眼厲到好似我係佢殺父仇人咁...仲要加多句:『聽唔到你講乜呀...講多次啦...』好啦..到拎外賣...我排第3...前面仲有2個人...等左一陣見佢pack起一包跟住嗌number...我自己係衰聽住mp3...但真係無諗過呢包會係我囉...明明前面仲有2個人等緊...見前面2個睇完自己張飛無反應我就望下自己張飛啦...個亞姐聲都唔聲就一手搶左我手上張飛再飛埋包外賣比我...駛唔駛惡得咁緊要呀其實之前都試過幾次受氣野...嗌杯珍珠奶茶拎走飲....睇住杯茶擺左係度成3mins都無人肯拎出黎比我...又有一次食過凍ge窩貼....另外之前都試過佢地d麵線...老實講...唔算差...但係如果食過台灣ge亞宗...就會覺得佢係難食囉:(如果佢地可以改善d待客態度...一定可以好似mm開張時咁排晒長龍…查看更多

真係飲勻臺北站...貢茶同其他林林種種ge珍珠奶茶...我首選係台北101...茶味好香...唔似其他舖頭係奶味居多...然呢d係個人口味...而珍珠就同臺北站差不多...不過出奇可能呢間舖位置唔好...唔係太多人知...無乜人...但對我呢d客黎講都係好事...起碼唔駛排隊等......而服務態度都幾好...有禮貌...不過做野速度都係一般...:(…查看更多

台北站我幫襯過呢間...千色分店同上水分店...主要都係飲招牌珍珠奶茶...好味ge...雖然茶味唔及台北101...不過佢ge薯條都好好味...但係呢間分店ge店員服務真係差到不得了...我買左1杯珍珠奶茶...而前面只有2個客...每個都係1杯野飲...我都足足企左20mins(未計買ge時間等個收銀員吹完水先聽我講野)...真係離譜得好緊要囉...even d野飲擺左係佢...都係繼續佢地有佢地玩/吹水....我地有我地呢班客企係出面等...絕對感同身受前面果位c hing講ge野如果呢間分店可以改善呢個問題...一定唔會係小貓3..4隻囉...我係上水果間買過...做野快手好多...就算明知要等...我都寧願係佢多order等...而唔係企係度望住佢地玩...等佢地玩完先比杯奶茶我飲囉…查看更多

尋晚約左朋友係度食放題...係朋友A極力推介...初初都有d擔心:(...因為上openrice見食評寫到咁差...都有同朋友A建議改第2度...不過朋友A寫包單話會滿意...即管就下個朋友啦...7:00上到去...估唔到咁早都坐到8成滿...落單點食物之後都上得好快...環境舒適...坐位算寬敞...魚生新鮮...尤其是3文魚...夠肥美...天婦羅鬆化唔油...牛肉夠雪花而且品質真係唔似用佰幾蚊可以食到囉...超值...服務亦都非常好...一嗌就有人...而且態度慇勤...洗手間亦都乾淨...唔去過真係比呢度d post嚇親...當晚掛住食...都係求求其其咁影左d相...我一定會再去食...…查看更多