LoveMusicFoodie的個人專頁

如果有朋友到訪或者想慶祝大時大節，每次都會讓我想起三原。從將軍澳到銅鑼灣，質素依然不斷提升。坐在鐵板燒爐旁邊，看到日本廚師將每樣食材擺設得與藝術品一樣，都讓我能放下電話，好好觀賞大師的手藝。而且每樣食材旁邊的調味都十分匹配，都能做到色、香、味俱全，是一間能讓我每隔一段時間就想再重訪的餐廳。店員的服務也很專業，每種食材都會細心講解一遍。無論我光顧過不少日本的鐵板燒餐廳，甚至在日本當地的餐廳，相比之下，三原仍然是我的首選。…查看更多

今日經開黃埔吉之島，買完野見超市入面有間泰國餐廳，望一望個lunch set, 有我最鍾意食嘅船麵！二話不說就入咗去，個湯底唔錯、好香，同埋都好大碗，入面有牛肉仲有牛丸，加埋杯碟豆花椰汁冰，正！無得去泰國住，食返個船麵懷念下都好開心😃…查看更多

星期五食完晚餐，想同朋友一齊坐低食個甜品吹吓水，因為規定每人一定要叫一款食物，結果叫咗三個甜品加一杯咖啡。第一次食佢嘅多士，味道唔錯，特別上邊啲焦糖拉左絲，配上去又幾特別。反而一直食開佢嘅pancake，今次再食又有少少失望。感覺空氣咁唔夠，蛋糕入面亦唔夠鬆軟。如果相比起其他同類嘅餐廳，例如happy pancakes, 甚至最近食過一次嘅滿天星，味道同質感都比呢間出色。感覺同之前食過嘅質素有少少退步咗。…查看更多

七點入座，服務員告知要8:30交枱，進食時間只得一個半小時，又要燒又要剪肉，時間確實有點倉猝，想同朋友傾一陣計都難，而且餐廳入面的通風很差，咁多枱客人一齊燒，結果變成好大煙。食物品質方面，相比其他燒肉店，質素只是很一般，而且個爐亦都好細，要一次過燒多幾塊，就變得好困難。8:15服務員遞上收據要埋單，我們旁邊原本坐了兩個客人，他們走了之後，服務員將枱擴展為四人枱，在執拾的過程中，把我們這邊的東西也推跌了，也將我們這邊的位置也縮窄了，但是服務員連一句唔好意思都冇，我們匆匆買單之後，服務員九秒九就執晒枱上的食具，我哋亦都準時離開。幾個朋友都話，呢間餐廳下次唔會再幫襯。…查看更多

上一次幫襯王林記，係朋友介紹，嗰日原本想食安利，但係條龍長到😣，朋友話隔離間王林記其實都好好味，所以就轉移陣地。第一次食，叫咗個肥坑腩河粉，我本身鍾意食肥，佢啲牛腩切到半肥瘦，啱晒我口味，好香牛腩味。點知今次再訪，去到居然唔記得咗叫肥坑腩，淨係叫咗坑腩雲吞河粉😔坑腩咬上去d肉好似湯渣咁, 真係好失望。個香蔥魚蛋亦都冇想像中咁香蔥味，感覺好普通，唯一滿意係個辣椒油，下次唯有提醒自己一定要叫肥坑腩。…查看更多

網上睇到呢間餐廳，裝修環境都好靚，朋友話同我慶祝生日，所以就揀咗呢間餐廳食個lunch，一入餐廳個景觀確實好靚，但係枱面嘅擺設唔知點解有種大陸feel, 可能因為d食具好膠, 有種網紅feel。嗰日係星期四嘅下午，成間餐廳得五六張枱有客，估唔到尖沙咀嘅餐廳都咁冷清。但食物質素唔錯，嗰日叫咗一份豬鞍，一份牛柳，我本身鍾意食牛多啲，但係嗰日份豬鞍同樣好好味，有驚喜。最後朋友叫咗個甜品同我吹蠟燭，個雲呢拿雪糕睇得出有雲呢拿籽，唔係一般啲平價雪糕。一個lunch set大概二百幾，以咁嘅環境同質素，我覺得算係唔錯，如果啲食具可以冇咁膠，感覺會再好啲。…查看更多

酒店promote foodcation, 包了一晚酒店房、早餐仲加錢可以去天外天品嚐海鮮晚餐，原本訂枱的時候話窗邊的枱已經滿位了，幸好當天去到餐廳，經理也能安排了一張窗邊的枱給我們，好讓我們看到外面醉人的夜景。食物方面，特別喜歡前菜的三款小吃，龍蝦也不錯。這個package包了兩個餐，我們帶了女兒來，所以額外叫咗一個炒麵，經理細心同我哋講話唔需要叫一份，叫半分已經夠食，結果半份都好大碟，足夠三個人食。最後酒店另外送咗一個芒果布甸，幫我哋寫咗慶祝句子，食完飯又可以返酒店房休息，真係大滿足🤩…查看更多

想食勇記海南雞好耐，有一次專登去紅磡總店， 三點幾四點鐘已經話截咗龍😫聽聞上環開咗分店，趁星期六有時間就諗住過去排下隊，好在去到唔算多人，排咗半個鐘左右就入到去，不過想飲個碗椰子湯就已經沽清，嗰陣大概一點幾，咁快碗湯就已經賣晒，希望老闆下次可以煲多啲湯😉冇湯飲就會送花茶，花茶就冇乜特別，不過不失。講番碗海南雞飯，肉質嫩滑，油飯比較乾身，但份量都算多，喺上環用$66食到咁嘅飯，性價比高，可以一試。…查看更多

這年代越來越多連鎖店的餐廳，小規模的餐廳生意難做，變得越來越少。這天冒着黃雨的日子來排，幸運地排了20分鐘左右就可以入到餐廳，餐廳座位只有六個，我們坐了在廚房一旁的枱，可以看到老闆一手一腳炮製濃湯麵，老闆明顯不是快手快腳的人，但慢工出細貨，每碗湯麵都擺設得十分精緻，每碟都鋪滿蔥和櫻花蝦，我們選的是蝦湯麵，味道濃郁，我成碗湯飲晒。雖然店內用的是即棄筷子，但看得出老闆花了心思挑選這款有仿花瓷的圖案，把這碗湯麵襯出另一番風味。但要吃這碗麵，一定要很有耐性，若然時間趕迫的話，就另擇吉日再來嚐老闆的心思。…查看更多

要進入餐廳，首先要穿過一條長長的電梯，燈光有點昏暗，但上到餐廳，便一片明亮，沿路旁放上很多蠟燭，感覺很有格調。職員帶我們進入餐廳，成間餐廳都望到海景view，Sunday 可以悠閒在這裏享受一個brunch, 感覺很舒服。特別推介一個chicken salad, 一上枱見到成碟沙律菜，完全見唔到其他配料，原來下面鋪左鷄柳同薯仔，雞柳好juicy同滑，為成個salad加分！…查看更多

每隔一段時間就會掛住華嫂, 雖然位置唔算就腳，但為了美食，行一段路程也絕對值得。佢嘅叻沙湯底，味道濃郁，份量偏大，每次都可以當早午餐一齊食。豬扒半肥瘦，大大塊放係面，如果雞蛋可以變成糖心蛋，呢碗麵絶對值滿分💯…查看更多