clui1210的個人專頁

中秋節當然要買月餅啦，市面好多新潮月餅，不過今年吸引到我出手嘅就係南山農舍嘅手工流心系列月餅！一盒有兩個口味，包括有原椰拿鐵流心月餅同焦糖太妃流心月餅，一盒2個，兩個都係mini size，甜度適中，做飯後甜品一流！啱晒唔想增肥，但係又想應節嘅我。屋企人食完都話幾好食！最主要係貪佢救世，每個口味一粒，一家人切嚟食就剛剛好，但係雖然係咁，個包裝設計都好有心思，小男孩同小女孩兩個一齊望出窗外欣賞又大又圓嘅月亮，都幾應節。…查看更多

最近同朋友去澳門玩，朋友一早已經安排晒行程，我乜都唔使諗直接玩就得，結果覺得佢安排嘅一間餐廳特別好食，就係葡頌苑。呢間餐廳聽落開咗冇幾耐，但係食物質素超高，呢度嘅店員亦都好好禮貌，成個用餐過程都好開心。有幾樣嘢我覺得一定要叫嘅，就係馬介休球、葡式海鮮飯同埋葡式牛排。馬介休球炸得酥脆，入面餡料飽滿，點埋個醬汁真係超級無敵好食。葡式牛扒都好特別，啲肉會唔會太嚡，調味剛剛好。牛角海鮮腸粉都係超出色，勁多海鮮種類。…查看更多

前排同朋友講好想食龍蝦，朋友就反問對片皮鵝有冇興趣，一開始仲以為佢又九唔搭八，點知原來搵到一間酒店buffet都幾特別❤️位於六國酒店嘅le menu buffet有好多食物選擇，我最鍾意嘅就有鴨肝、片皮鵝，當然啦，超多人搶食嘅就係龍蝦、花膠同佛跳牆。講真每一樣嘢都好好食，就連甜品選擇都真係有驚喜。龍蝦海鮮茶碗蒸真係好出色，完完整整嘅一個龍蝦蟹鉗，裡面又多海鮮，好清甜。龍蝦海鮮馬莎曼咖喱好surprising，masala curry整得好有層次感，食得出用咗好多唔同嘅spice。薑蔥炒龍蝦鉗都係啖啖肉咁樣，食得超過癮！記住唔好錯過每日6:45準時開始嘅葡式燒乳豬表演，另外我地都有得睇火焰雪山，有得睇又有得食，真係勁開心！ ❤️…查看更多

最近香港呢邊真係有一股蛋撻熱潮，所有店舖都做出唔同嘅蛋撻，原來澳門呢邊都有好多新穎嘅葡撻選擇，係呢間就可以食到葡萄牙主廚手工製作嘅葡撻。佢用上咗日本生食級夢王蛋，蛋香超級濃郁，口感都滑順細膩，係街尾排隊已經聞到好香好香，真係超級邪惡！另外因為都用左法國頂級牛油，所以撻皮更加酥脆香醇，咬下去口感超正。今次要咗三隻味道，包括開心果、芋泥麻糬同埋黑糖珍珠，我最鍾意就係開心果味，好出色，唔會太甜，然後就係黑糖珍珠，呢個用來打卡好華麗！…查看更多

為左呢張炎夏椰樂祭活動貼紙，特登再訪牛大人要貼紙，當然都有口福，終於食到期間限定嘅木瓜椰皇嫩雞鍋，同喇沙椰爺仲夏鍋！今日食左120分鐘日本A4黑毛和牛火鍋放題，連啤酒都飲埋，正正正。今期有好多特別嘅椰子小食產品，例如椰酥跳跳豬、黃金椰絲蝦丸。我今日特登叫咗椰林火山脆薯條用嚟煎特色醬料嘅香椰火焰醬同椰汁美奶滋，夏日感滿滿。就連飲品都有好多期間限定嘅特色調製飲品，平時更加有得飲少爺啤，不過今日我哋去嘅時候已經賣晒，所以有得飲sopporo都已經覺得好幸福。呢度嘅牛更加唔使講啦，永遠都咁好食，高質日本和牛都可以任食。…查看更多

紅磡係平民美食地區，真係一條街都有好多間小食店，而我最近愛上咗蕪湖街，蕪湖居地下嘅呢間家之味美食，佢同個名一樣，食完真係覺得有家嘅味道，同細個喺媽咪屋企食開嘅家庭飯餸味道好累近。加埋係外賣店，買完之後即刻返屋企食，返到去都可以保持到啲餸熱辣辣咁樣，感覺新鮮又健康，加埋呢度每一樣嘢嘅調味都恰到好處，唔會太鹹唔會太味精，大家都可以食得安心！最重要就係呢度啲店員個個都好親切，好有禮貌，嚟咗幾次其實大家已經認得我，每次一嚟到就已經會問係唔係係要平時嘅嘢，同埋都會介紹吓今日有咩特別新嘅菜式，感覺真係好溫馨。今日叫咗個四季豆，顏色清脆，口感都有少少脆，食得出好新鮮，另外苦瓜炒蛋都做得好出色，條味一流，苦瓜唔會太苦，蛋亦都唔會煮得過老，正。…查看更多

最近睇中旺角呢一間豆公館，係香港荳品廠 ，優質加拿大大豆每日新鮮製造，特別好味。之前嚟過食已經勁鍾意佢個麻婆豆腐花，不過呢一樣要11:30打後先有售，今日就食其他嘅：肉鬆蛋餅，蛋餅呈現金黃色，配上肉鬆，蛋餅口感柔軟香滑，但外皮脆脆，入面更加有芽菜同蔥，咬落去口感好豐富，亦都好飽滿！魚肉煎豆腐好夠味，魚肉比我上次食到嘅更加出色，更加彈口，煎得香口，豆腐唔容易散開特盛黑松露炒米粉炒得一啲都唔油，亦有好香嘅黑松露味！柴魚花生粥夠軟綿糯口，清清地，同其他展嘅嘢一齊食可以balance下，好好味原味同無糖豆漿都好濃黃豆味，媽咪今次嘅杞子元肉紅棗黑糖豆漿都好出色，唔會太甜，滋潤又養生凍楊枝甘露豆腐花超級出色，係我地嘅最愛！…查看更多

今次老公同我食呢間茶餐廳，野食賣相精美，份量多，帶BB嚟食都唔怕因為BB車太大而冇位擺，因為呢度地方好闊落，坐得好舒服土魷蒸肉餅我老公好鍾意食土魷蒸肉餅㗎，所以通常如果見到茶餐廳有嘅話我都會叫，一上枱都覺得佢好大份，兩個人唔係好食得晒。第一啖食落口已經覺得佢唔係！好 Juicy 好嫩，魷魚份量都幾多，每一啖都食到咁滯。蒜蓉娃娃菜＄53通常我哋出去食飯都會叫碟菜嘅，呢度嘅時蔬有得揀娃娃菜，所以我毫不猶豫就揀咗娃娃菜。唔會覺得蒜蓉味太過鹹，反而清清地鮮菠蘿拔絲咕嚕肉＄98一定要叫佢哋嘅 Signature ！！好夠鑊氣嘅菠蘿拔絲咕嚕肉，甜到入心既菠蘿同埋咕嚕肉醬心，仲做埋拉絲效果，好夠鑊氣。成個擺盤都好精緻，旁邊仲有乾冰，拍得住高級中菜廳無骨海南雞 $98我最鍾意呢個海南雞係下面有啲雜菜墊底，酸蘿蔔好爽ロ又酸甜海南雞肉嫩。香燒豬頸肉 $68正喺度糾結到底食豬頸肉定係瑞士汁雞翼好嘅期間，隔籬嗰張枱好大聲咁講咗句豬頸肉好好味然後我就因為佢呢一句叫咗，果然冇令我失望 。唔會燒到柴晒反而仲有啲肉汁-利賓納半價-珍寶檸檬茶半價…查看更多

喺咁多香港地道小食之中，我最鍾意食，就係雞蛋仔，所以基本上香港所有雞蛋仔我都會去試，不過我最鍾意嘅，始終都係媽咪雞蛋仔，因為除咗佢本身口感好好之外，就算食新穎嘅味道其實都覺得超出色！今次去咗尖沙咀天星碼頭嘅呢間分店，呢度景觀好正，好多打卡位，當然遊客都唔少啦，睇完咗餐牌，考慮完有啲咩新嘅味道之後，最終就要咗紫薯雞蛋仔，紫薯味好濃，口感順滑，外皮超脆，外脆內軟嘅口感，真係淨係可以用幸福嚟形容！飲品方面，就叫咗凍奶茶豆花，奶茶好順滑，完全有香港風味，加埋舊花就好似食緊一個醒神嘅甜品咁樣，真係幾正！…查看更多

我最愛就係食omakase，今日來到我覺得CP值爆燈嘅花晨月夕食dinner omakase，因為預先bopk好，所以一進來就有位坐，師傅都係我熟悉嘅師傅，所以都有不聽咁交流，不過師傅當然都冇忽略其他食客啦，都有一齊傾計，今晚真係食得好開心。前菜我鍾意柑橘核桃小女子，味道好特別，酸酸甜甜，好有日式風格。三文魚子海膽杯好鮮甜，加埋魚子漬甜甜地，又有d柚子味，好清爽！黑陸魚本身油分比較多，燒過後食真係入口即溶，好正！壽司我鍾意金線鯛、帆立貝、白三文魚、赤身…查看更多

最近本來可以去日本，但臨時工作有事要postpone，所以今日特登選擇左呢間海之戀嘅日本過江龍餐廳食lunch。呢到裝修好舒服，十足日本餐廳應有嘅風格。我呢次帶左個未來過嘅朋友一齊食，好高興佢都認同話好好食！飲品方面我地要左焙茶拿鐵同日本麥茶，兩杯包裝都好美，打卡一流，瓶口更加有貼紙，確保新鮮。我要左barley tea，覺得凍飲味道更加突出，幾refreshing。朋友就話hojicha latte 都有驚喜，roast得剛剛好，好香，好濃郁。食物方面就要左個必點嘅原味東京撈麵同我最愛嘅柚子鹽味拉麵。原味東京撈麵d麵口感超好，超級chewy，最鍾意就係個生蛋，用來mix埋肉粒同紫菜真係好正。至於柚子鹽味拉麵就好清新，當然因為yuzu味夠濃，加埋鹽味就會有一個summery d嘅感覺，真係好好食！…查看更多

呢排返工真係好辛苦，日做夜做，好想獎勵吓自己，所以趁今日喺銅鑼灣開完會之後，都特登約埋朋友一齊喺呢度食個高質廚師發辦午餐，之前一次嚟好似已經有一年多嘅時間，今次嚟都覺得水準有保持到，魚生都真係又新鮮又好味，師傅亦都同我哋有講有笑，真係一個好愉快嘅體驗！鮟鱇魚肝螢光魷魚茶碗蒸做得勁出色，口感好滑之餘，因為有鮟鱇魚肝所以成個口感更加Creamy！壽司方面就有幾樣嘢，我覺得最出色，就係墨魚、中toro、北海道櫻鱒魚、慢煮半熟北寄、真蠔、池魚、甜蝦昆布漬、toro醬油漬同鯖魚卷。不過最令我意想不到嘅，就係個麵豉湯，個味道好濃，但係絕對唔會太鹹，有一種鮮甜嘅味道，加埋入邊有蒟蒻，口感都好豐富！…查看更多

今日有朋友約咗我喺尖沙咀食晚餐，早幾日都已經開始諗吓食乜好，於是上網一睇見到尖沙咀有一間都幾抵食嘅海鮮蒸鍋，就係我最鍾意食嘅嗰種清蒸海鮮，再食海鮮粥，而且呢度仲有第二位半價嘅優惠，於是就即刻上網訂位，食完之後都真係好滿意。今次要咗尊貴海鮮套餐，$449一位都好抵食！都要特別講吓呢度啲嘢真係好好人，會好細心咁樣逐樣逐樣幫你準備。呢度有好多款海鮮，最鍾意就係有韓國釜山嘅野生鰻魚同蠔。加埋就係有琵琶龍蝦，另外啲都刀貝同青口都好新鮮。奄仔蟹其實就係處女蟹，所以特別新鮮特別嫩口，同外面食到嘅真係有分別，有海水味，正啊！最後竟然有燉雪耳做甜品！！！…查看更多

週末想搵幾代同堂都啱嘅節目，最簡單就係食，帶埋老人家，當然就係要去飲茶啦，近近地，就埋老人家，最啱就係去尖東陶源酒家，近排發現佢哋做緊午市點心放題 $238/位 ，如果預咗喺kkday 買，更加做到獨家$188/位！陶源酒家點心係師傅每朝早親手做，絕對新鮮，好有保證，講到尾都係老牌子，屋企嘅老人家一定滿意！呢度真係有好多款選擇，除咗普通蒸點心，更加有煎炸品，連甜品同小食及粉麵飯都有得選擇！翠綠小梨子個樣勁吸睛，用嚟打卡一流，當然味道都好正啦，炸得酥脆，入面有滿滿嘅餡料！好耐都冇食過灌湯餃，呢間俾我記憶中嘅好食好多，個湯清甜，一人一個勁滿足！鮮蝦脆皮腸都好特別，紅色嘅腸粉包住酥炸咗嘅蝦，加埋豉油一啖咁食，雙重口感！牛油果鮮蝦春卷都好特別，完全唔會覺得太油膩。奶黃千層糕就係小朋友最鍾意嘅，鬆軟嘅蛋糕配埋甜甜嘅奶黃醬，個個都爭住食！…查看更多

最近要買生日蛋糕俾小朋友，而我知道呢間有好多可愛動物造型嘅蛋糕，更加有小朋友勁鍾意嘅恐龍！當然啦，比小女孩都有好多得意造型，例如兔兔同蜜蜂！尖沙咀港威商場city super原來開咗分店，即刻過去訂！成個蛋糕不含糖皮，完全無翻糖，減低咗成25%糖分，全部人手製造，所以一定要早七日訂！蛋糕外層有減甜版嘅朱古力忌廉包住，入面就有新鮮水果同埋鬆軟嘅戚風蛋糕，真係一食就即刻愛上！d cream好滑，食完之後都完全唔覺得滯。我哋今次揀咗入邊要士多啤梨，啲士多啤梨都好甜！…查看更多