Winnie 002的個人專頁

見麥當勞出咗新口味，於是一朝就落去試吓McGriddle 脆雞味，誰知一打開就發現它十分細，比一般大人的手掌心還少，然後看上去就是兩塊熱香餅夾着脆雞一件和芝士一片，脆雞很扁，而且看上去很乾的。味道上，熱香餅的楓糖甜味和脆雞完全不夾，脆雞很鹹，而且很乾，還有一陣像黑椒一般的怪味。我是吃套餐的，連同薯餅，薯餅也是重味的，吃完感覺很熱氣，可一不可再。還好，我點的餐飲是熱檸水，所以吃一口薯餅，一口漢堡，也可學點熱檸水消滯。不推薦。…查看更多

正當人人都說這家是葵芳有名的魚湯米線，店內也有不少人吃麵時，我還以為這家很好味，豈料一吃就很失望，一邊吃一邊後悔。食物味道方面我們一行二人，一個叫了鮮鯇魚腩魚湯米線，一個叫了胡椒豬肚三寶米線。鮮鯇魚腩魚湯米線隻碗就唔算好大，以佢價錢嚟講，份量比一般葵芳荃灣的米線都比較少，魚湯上除了米線就只剩三件看上去結實實的魚腩條，還有少於5條的木耳絲，一條生菜，兩絲（不是「舊」）豆卜。「好啦，可能好食呢！」這是我想像過多。先飲一口魚湯，顏色偏灰黃，omg，魚湯淡，冇魚味鮮味，這餐廳標榜魚湯是沒味精鮮魚造的，但我只飲到鹹味，一點魚湯應有的鮮、甜、香味都沒有，一般用鮮魚造的湯都是偏奶白色，但這個偏黃灰，似是混了很多其他配料。再吃魚腩，過熟，偏硬，沒有魚腩的嫩滑質感，還有最致命的一點：魚皮上還有零星的鱗片，讓整體魚都加添了猩味，也使我食慾不振，剩餘我寧願不吃魚皮，也不想再連魚鱗吃。連魚都處理不好，唉😮‍💨胡椒豬肚三寶米線由於魚湯太難食的關係，我已沒心機拍這碗麵的照片。這碗麵份量也是偏少，但比起魚湯好多。不過其中一寶豬肝，一件薄的是熟，但另一件厚的是中間還有血，我們也不敢吃，這店廚師真的很不專業。而且胡椒香欠奉，只有少許胡椒味。服務方面今晚7:40入場，場內大多是兩張小長方形枱泊在一起成四人枱，不少二人單位都被要求要打橫坐，我們兩人都是打橫坐，心想要吃米線也很快，沒關係。但店員安排座位上和服務上確實很不顧及食客著想，我們也看到眼突突：1. 有兩對情侶能否打對面坐，即自己用一張細枱，但店員則面露難色，表示打直坐會阻礙食客自己離開，但轉頭店員放一個籮阻礙唯一道路；2. 一張細二人枱，一邊靠梳化，兩邊都已經坐滿人，但店員仍安排三個人坐這張細二人枱，結果旁邊的被這三人擠得很不舒服；3. 有人想用餐廳廁所，店員制止表示廁所用不了，結果食客前腳走了，店員自己去廁所總括來說，這間真的不回頭，冇下次！ 食物不如意，店員態度也一般。…查看更多

食完早餐路過donki，買了一盒雞扒，微温，上色和味道都唔錯，醬汁入味，濃稠度適中，雞扒肉挺嫩滑，不覺得「鞋口」，也沒有雪味。份量$20內算很多了，而且還預先把雞扒切開一塊塊，方便用叉/筷子食，推薦！付款後外面可以拿食具，不用擔心沒法吃。 …查看更多

當晚七點左右來到餐廳，餐廳已經超過九成滿座，只剩下最近門口的相連的兩張檯，用來放他的外賣，我們兩個人坐了相連的另一張枱。招待的哥哥姐姐也不太有耐性，因為我們坐下後等了一會也沒有餐牌，我們問他們攞餐牌，他們也展出不耐煩的神情。因為之前已經吃了小食，而且這間舖的招待態度有點令人卻步，但想着已經來到，所以我們只點了三個菜，分別是泰式鹹魚炒通菜、泰式鮮蝦冬蔭功（小）以及一個泰式香芒蟹肉炒飯。第一次來未知份量如何，如果味道好/份量不夠的話，可以再加菜。🤔 泰式鹹魚炒通菜（$78）不清楚是否旺角舖位租金太貴，一碟炒通菜的size只有平時碟頭飯飯的大小份量；至於味道方面，通菜還通菜的味道，旁邊散落的鹹魚完全和通菜，好像是兩個材料混合一起而已；炒菜用的油也很多，某程度上也說明了火候不足才會用這麼多油，但通菜的溫度只是一般熱。通菜咬落都脆身，只是一邊吃一邊要用紙巾擦嘴上的油，減肥的女士慎吃。推薦指點：3/10😐泰式鮮蝦冬蔭功（小）（$78）湯底有少許椰漿、香茅枝、䓤，溫度也正常，湯味道微辣、鹹味適中。而湯料有頗足份的秀珍菇、兩三塊番茄，以及圖中看不到的三隻中型蝦。說實在，蝦的質地尚算有彈性，蝦殼仍然黐住蝦肉，但鮮味真的欠奉，蝦味也很薄弱，和「鮮蝦」兩字真的有一段距離。但如果只當作普通一個冬蔭功湯，是還可以一試。推薦指數：5/10😑 泰式香芒蟹肉炒飯（$73）這個真的不得了，一上碟只看到一粒芒果在飯上，也沒有看到任何一「舊」蟹肉，吃落整個飯是總共三「舊」芒果，芒果質地是快爛的那種芒果質感，偶爾有一「絲」蟹肉，蟹肉是沒有任何味道，又或者說飯的鹹味已蓋過蟹肉味。哪裡是圖中這樣啊，都知道圖片只供參考，但有沒有這樣大分別。老實講雞蛋絲/塊比蟹肉多，應該要叫做泰式雞蛋炒飯比較恰當。飯炒出來挺香，應該有加很重的調味，偏鹹，而顏色偏白。但如果計飽肚，是可以的。推薦指數：2/10食後感：Bookmark了這間餐廳一段時間，也看到很多人都好評，說這家好味，但吃過後發現名氣大於實力，而且價錢比一般泰國餐廳貴，一心以為他既然這樣好吃，多付一點錢也沒所謂，但是最後卻是失望而回，我們應該不會再來，因為旺角有其他更加好吃、服務態度好的泰國菜。…查看更多

星期六下午兩點諗住食lunch ，menu 單一，清一色藥膳湯底，碗都係幾粒杞子同十零粒切半紅棗，估佢應該係雞湯溝出嚟，唔緊要啦，試下醉雞米線。🥢養生藥膳醉雞米線 $69冇其他圖咁靚架，實圖係咁。木耳幾件，雞胸兩件、小雞脾一件、上雞脾一件，米線，加一汁芫茜，冇啦。問侍應有冇清水一杯，佢話冇架，礦泉水$8枝，原來其他飲品都大致係紙包，咁我就算啦。米線正常，醉雞冇乜酒味，雞胸肉厚肉但好鞋，雞脾位都麻麻地嫩滑，雞皮有陣怪味冇食。雞湯飲得嘅，唔算油，但冇乜藥膳味。呢個價錢我去譚仔餐廳，可以嗌幾個小食仲有嘢飲又食得飽，完全係伏。建議去其他地方食雞，水都冇杯，就得呢碗嘢。…查看更多

平日星期三早上10點多來到米線陣，看到餐牌上的王牌蕃茄通粉早餐套餐樣子挺吸引，肚上的牛肉又厚蕃茄又濃厚，於是便點了，但是他送到來這一刻徹底失望。首先餐飲和餐包火腿雞蛋是一齊送到，但是只有檸檬水是夠熱的，餐包微溫，而且質感硬骨骨，雞蛋是暖，火腿也是微溫，而且整塊火腿上面都是油淋淋。侍應還忘了遞上牛油，要後備。食到一半，煮食王牌蕃茄牛肉通粉終於來到。樣子和餐牌上所顯示的濃稠度有很大分別，和一般大家樂大快活沒有分別，飲下去和一般外面很稀的蕃茄湯沒有分別，牛肉有些有筋，比較難咬開。溫度也是微暖。老實講，和餐牌上有出入是必然，可是既然說得上是是王牌，麻煩這集團做得像樣一點，我應該下次不會再來這邊，寧願吃普通連鎖快餐店，不但平一點，最緊要的是，食物溫度比較掌握得好。…查看更多

平日星期二長沙灣好似冇乜好嘢食，但呢間都多like同埋都好多人幫襯，我一個人佢哋俾咗個靠窗嘅位，冇話對面仲要坐個三唔識七嘅人，呢點已經加左好多分。🍜海南雞配喇沙摻摻+熱咖啡喇沙摻摻幾多料，白魚蛋、魚餅條、豆卜，上面淋咗特製醬，少少辣幾好食，麵條係米粉同油麵嘅兩溝版，加埋湯底幾好味。 海南雞我唔食皮嘅，佢冇乜好勁嘅肥膏，都啱我食，雞都滑嘅。咖啡熱辣辣，入口舒服，無乜澀味。整體合格有餘，唔算太平，都80蚊，但坐得舒服，服務態度良好，有機會會再嚟。…查看更多

話說之前去過元朗嘅同一間嘢度食，個窩夫做得好好，所以今日特登搭車去佐敦呢間分店諗住食返個窩夫。我哋兩個人已經食咗午餐，所以淨係嗌咗一個香蕉海鹽焦糖窩夫同埋叫咗兩杯果汁。🥤西柚汁同橙汁😖😖西柚汁同橙汁嚟到，果汁好多地方都係用玻璃樽，而呢度係用一隻裝咖啡嘅紙杯仔，細過平時咖啡杯Short嘅size，係連飲品都唔識得用啱嘅器皿裝。記得影入邊，入面一半係冰，西柚汁調味好奇怪，超級酸，我飲咗一半就放棄咗，橙汁都係一半。🍰香蕉海鹽焦糖窩夫😓😨😡呢個窩夫可以用唔合格去形容，佢賣緊$138 ，由我地點窩夫到窩夫送來，只係用咗6分鐘時間，可能你會問點解我哋會知，因為係點完餐嘅時候我就已經影緊佢間鋪嘅大紙燈，我都係望返相影嘅時間先知。佢嘅窩夫唔係即整，係整定嘅，送上嚟嘅時候完全唔熱，凍嘅，咁咪微脆，但中間已經淋晒，連香蕉都係唔係好新鮮，核桃好一般。味道有啲過甜，唔會再有下次。😩氣氛體驗唔好仲有一樣好致命嘅，就係間鋪裏便有一個男員工，佢個樣40歲左近，全程我哋食緊嘢嘅時候佢響度成個阿伯咁樣咳返啲痰上喉嚨度，仲要喺啲客面前綁完鞋底又唔洗手就已經繼續serve啲客。其實一間Cafe如果連窩夫都係凍上，連果汁都係求其搵隻杯裝俾你，我唔講氣氛齋講嘢食，都已經有足夠嘅原因唔會再嚟第二次。…查看更多

我哋都係用好評數目同見咁高人氣先揀。話說4人去食，望menu都冇乜嘢揀，刺身壽司定食都加埋幾頁，同埋是旦一份刺身拼盤已經幾百，所以轉食晚餐套餐，我哋分別叫咗石燒霜牛小排，溫泉蛋燒牛肉丼，角切魚生丼，蒲燒鰻魚定食，仲追加咗刺身拼盤一份同厚燒鰻魚玉子。蒲燒鰻魚定食（$158）：與其叫定食，不如叫鰻魚加飯，加埋一就成$170，呢個size雖幾大份但合例水平，鰻魚味道正常，飯偏少水但尚可接受，朋友點，話正常嘢冇乜特別。cp 值一般，旺角大把好食又平過佢。角切魚生丼（$198）：我點嘅，份量都算還好，有三文魚、吞拿魚、魚子、帶子，底仲有舊玉子燒同雜魚生，但紫蘇葉、酸薑都佔咗1/3隻碗，無奈帶子幾好食，少少黐牙幾新鮮，其他魚生就還可以，冇乜雪味但都冇乜味，壽司飯個人就覺得好難食，好硬同醋味太勁，最後食咗一半飯都冇就食唔落。同埋佢個前菜沙律，個醬都幾難食，青瓜絲、蘿蔔絲草青味太重，明顯冰格拎出嚟未解哂雪，唔用啲沙律醬混埋一齊食就唔太食得落。石燒霜牛小排（$238）：牛肉油花可以，唔算太薄身，因為牛小排太薄會食唔到牛味，但尾有幾舊好細件，而且擺得巖巖巉巉，唔expect 加一後$250會係咁，好彩朋友話味道係幾好。厚燒鰻魚玉子（$48）：正常大小，似蛋捲多過似玉子，木魚太多，中間鰻魚得一粒1*1cm，而且得陣魚皮陣油味，合埋眼應該以為係膠嚟，大家都試咗就冇再掂過。刺身拼盤（$68）：不如叫拼碟，刺身少少霉dur dur 咁，三文魚比較厚切正常，蝦都唔彈，八爪魚幾乾，整體唔係好新鮮，但我哋食6:45，係佢開始人流多嘅時候，咁嘅質素真心覺得好彩冇散叫其他刺身。溫泉蛋燒牛肉丼：因為牛肉丼係上哂所有嘢都冇嚟，所以冇影到，後尾朋友份牛燒剩兩三塊，朋友唔等，追佢哋先上。樣子同餐牌上相乎，上面有隻温泉蛋，朋友撈埋飯一齊食，牛肉正常，朋友食清碗，仲叫左杯果汁梳打少冰，但朋友食完埋單後先係惡夢開始。埋單冇耐就話肚有少少痛，入咗廁所來回幾次，面青口唇白，痾到少少暈，佢晏晝一點就食飯，冇生嘢，走嗰時8點幾，仲要即刻食完就出事，所以我哋都幾肯定係呢餐出事，係隻生雞蛋定刺身定杯嘢飲，我哋都唔敢咁武斷。朋友最後等冇咁痛就搭的士走，首先真係唔好齋用好評數目去諗去唔去呢間餐廳，真心俾佢呃左，呢間食到我朋友痾咗成粒鐘，差唔多要入院，永久blacklist。再講cp值真心低，大家諗清楚先好去。…查看更多

早餐時段去，門口冇人，以為唔使排，但原來條隊係入面，我哋兩個人等陣冇5分鐘就安排咗一張四人枱，對面有個姐姐搭檯。香港地茶餐廳係咁，對面唔係邋遢友就ok。早餐有唔同套餐，但菠蘿油同奶茶都係單點。自己買唔係試食。菠蘿油（$13）：味道唔算話好特別，但勝在熱辣辣，size大件，唔會咬落去中間係空氣，牛油係細件，0.5cm 厚都冇（利申之前食過其他餐廳好厚身先咁講），但我減肥，都係好事，因為牛油可能解凍左陣，所以第一口冇話有冰火感覺，就普通咬咗一啖有油嘅包，但食到中間開始牛油溶咗，就有陣鹹味，同菠蘿包嘅甜好夾，整體好正！熱絲襪奶茶（$20）：冇鞋口或者茶苦澀味，但我自己鍾意飲茶香重啲，所以自己覺得還好，未去到我會再想飲。當日等咗都比較耐先送上嚟，樓面姐姐好忙，叫咗一位短髮阿姐問，佢都唔算冇乜禮貌，仲話即刻幫我跟，但當然都係要等咗陣先送到杯嘢，幾驚佢鬧人，但佢又冇，所以茶餐廳都係睇運數，遇到多人同咁啱佢心情唔好就當自己唔好彩。我覺得如果菠蘿油同奶茶有套餐就好好，分開點就少少貴。但如果只為菠蘿油，唔計風味，就外賣算。熱奶茶喺旺角仲有好多更好嘅選擇。…查看更多