Chan Charlene的個人專頁

今日同爸爸喺愉景新城度行街見到有一間好新淨嘅中餐，仲要見到個二人餐都幾抵，所以就入去試吓超值二人餐花雕醉雞雞肉鮮嫩，酒香四溢，食落去有種醉醉嘅感覺，真係好正！醃製得啱啱好，唔會太鹹，冷食真係一流😋上湯小籠包皮薄餡多，一咬落去啲湯汁真係會噴出嚟，味道超級鮮美。再點啲醋，成件事真係好match！砂鍋雲吞雞湯食上海野就一定要試下哩個砂鍋雲吞雞，湯底清甜，雞肉熬得好入味，雲吞皮薄餡多，咬落去超鮮嫩。加埋新鮮嘅娃娃菜，真係好鮮甜，忍唔住飲多幾碗！糖醋魚塊呢個糖醋魚塊嘅汁有啲似松子魚嘅汁，同一般咕嚕肉嘅味道有少少唔同，更加鮮味，我鍾意食呢個糖醋魚塊多過咕嚕肉招牌炸鮮奶最後呢個餐仲包咗一個甜品，我哋就揀咗呢個招牌炸鮮奶，真係新鮮炸出嚟，熱辣辣，仲有鮮奶少少嘅甜味，真係好滿足！…查看更多

今日同細佬去左食哩間旺角平民泰式餐廳，我哋就叫左一個主食同兩個小食，但係都好夠飽，份量好多，好抵食，最重要嘅係佢出餸嘅速度都好快！青咖哩牛肉配薄餅我哋試咗個青咖哩牛肉，真係好正！咖哩香氣四溢，牛肉嫩滑，入味得嚟又唔油膩。椰漿的香甜味同辣味平衡得好好，仲有新鮮嘅青菜，提升咗口感。配薄餅食，簡直一流！薄餅仲要係新鮮煎起嘅，每一口都令人回味！泰式炸蝦餅另外個泰式炸蝦餅都幾唔錯！外脆內嫩，蝦肉鮮甜，咬落去好滿足。配上泰式甜酸痛，味道更加出色。每一口都感受到蝦嘅鮮味，真係好適合當小食或者開胃菜。沙嗲串燒最後就叫左個沙嗲雞串同豬肉串，total有6條！雞串香嫩，沙嗲醬味道濃郁，微辣又有香料味。而豬肉串更加嫩滑，配上燒烤香氣，簡直難以抗拒！…查看更多

常滿百家菜的賣點就是懷舊酒樓，所以這裡就是用香港酒樓傳統圓枱擺設！這裡最大賣點，除了有任食火鍋外，還有另一個選擇，就係任食點心，對於平時喜歡食開火鍋任食嘅朋友又多了個新選擇！晚市火鍋鍋底送羊腩煲、泰式烏頭魚鍋、椰子燉雞湯鍋或冬瓜盅火鍋，我哋就選了冬瓜盅，冬瓜盅清甜滋潤，配以燉湯材料，暖胃又養生。火鍋區精選肉類選擇多：有肥牛、牛頰、牛肩、豬肉片等，全部都切得厚薄適中，入口鮮嫩。仲有手打蝦滑、鮮鮑魚、大蝦等新鮮海鮮任攞，二百幾蚊嘅價錢嚟講，性價比真係好高 ！放題提供近廿款點心即叫即製保證新鮮，其中最推薦嘅就係蝦餃皇，皮薄餡靚，蝦仁爽口彈牙。自助區除了自取火鍋配料，還有不少熱盤，炸物，鍋物和甜品，可以邊吃邊等上菜，晚上8點後自助區限定片皮鴨供應大大隻片皮鴨即切，皮脆肉嫩，油香四溢，晚市限定好抵食！甜品雪糕選擇都好多，更有馬豆糕、桂花糕、芒果布丁等自家製甜品，飲品有啤酒、玻璃樽裝汽水、樽裝維他奶，坊間少有出售呢到都飲到。…查看更多

今日同爸爸落樓下食飯 見到哩間西餐廳好多人食 所以我哋都決定入去試下鐵板美式雜扒美式雜扒勁大碟 入邊有牛扒 雞扒同豬扒 仲有火腿同司華力腸 多到好似成座山咁滿 碟扒都好熱 真係新鮮整出嚟仲配咗餐湯 餐包同埋加咗$12要個意粉 餐湯就要咗羅宋湯 酸咪咪咁好開胃 加埋個意粉 其實已經食到好飽 餐飲就揀咗凍檸七 佢個七喜係另外有一罐上架 所以可以飲到唔止一杯 好抵😙鐵板紐西蘭肉眼牛扒配牛舌肉眼扒就揀咗五成熟 牛扒同牛舌各有兩塊 好少鋸扒有牛舌食 所以都幾surprise 份量都好足夠 呢個餐湯就揀咗酥皮龍蝦湯 都好大碗 餐飲就揀咗凍檸樂 洋蔥圈同蜜糖雞翼最後我哋見佢啲小食三四十蚊都有一個 所以就叫咗個洋蔥圈同蜜糖雞翼 洋蔥圈係巨型洋蔥圈 第一次見咁大個嘅洋蔥圈😱…查看更多

今次嚟哩度試下個12CM蠔王放題 一嚟到見到差唔多全場滿座 勁好生意😚蠔王放題可以任食哩三款生蠔: 日本宮城生蠔，法國諾曼第生蠔，澳洲哥芬灣生蠔，我最鍾意食日本宮城生蠔，真係好肥美，好creamy😍除左蠔之外仲可以食一個五道菜嘅晚餐，真係飽到上心口呀😋沙律我哋就揀左鮮野菌沙律同白松露蟹肉沙律，個白松露蟹肉沙律真係有好多蟹肉，強烈推薦哩個沙律🥗湯我哋叫左一個今日嘅是日餐湯甘筍忌廉湯同法式花膠濃湯，第一次飲西式嘅花膠湯，都幾特別，真係有好濃嘅花膠味Pasta我哋就叫左個廚師精選意粉，九肚魚蒜香意粉，哩個意粉真係好有驚喜，辣辣地，好惹味😋另外仲叫左個招牌龍蝦帶子薏米飯，個賣相勁靚，龍蝦都好爽口彈牙👍🏻Main食到哩度其實已經開始飽啦🤤我哋就叫左個黑啤極黑安格斯牛肋骨同威靈頓牛柳，個人就比較鐘意食個牛肋骨，好腍好惹味😚甜品我哋就叫左一個是日甜品，哩日係一個芝士蛋糕，另外再叫一個原隻海膽雪糕🍦海膽雪糕係配豆腐雪糕，第一次食都幾特別🤪最後飲品就叫左杯LM rainbow，冇乜酒味，容易入口同一杯L'AMOUR，係一個澳洲嘅chardonnay白酒😚…查看更多

呢間千海水產火鍋店一開時喺香港引起熱潮，最大賣點係佢哋嘅自助海鮮區域，海鮮區域有多款生猛游水海鮮，蝦都有幾款，九節蝦、基圍蝦和大頭蝦等，跳跳紮好生猛，還有花蟹、鮑魚和海螺等，餐廳會不停補貨，無限量任撈任煮。我最鐘意就係花蟹，蟹膏滿溢，細嫩蟹肉蘊含濃郁鮮味。另外九節蝦嘅肉質紮實彈性佳，鮮味十足。餐廳好闊落，地方清潔，有食過嘅人都知道，餐廳人氣爆燈日日都爆滿，我哋好彩搶到早市5:30嘅位，一坐低就即刻揀咗湯底，我哋就揀左椰子雞湯，湯底鮮甜濃郁，配埋海鮮真係絕配。其他火鍋肉類都好高質，澳洲 M5和牛、美國牛肩胛片、羊肉片和豬梅片等，肉質好嫩滑。蠔肉好大隻，新鮮肥美。另外仲有啲熟食，鐵板鵝肝多士就一定要試下，鵝肝煎至外層香脆，內裡柔嫩脂香，配上香脆多士，邪惡美味代表。最後甜品區有提供Häagen-Dazs、自助軟雪糕同多款雪條、甜品。我哋食到7點半走，出面已經好多人喺度等位啦！…查看更多

今日經過紅葉茶屋見到入邊環境好舒服 座位好闊落 所以就決定同朋友入去食紅葉茶屋二人前$488就已經有兩個前菜 兩個主菜 兩個甜品同兩杯飲品 真係好抵前菜紅葉四點盛入面就有刺身三點 有三文魚 吞拿魚 同帶子 另外仲有炸甜蝦 芥末八爪魚同枝豆 成個擺盤都好靚小龍蝦沙律小龍蝦沙律醬係用沙律醋 所以感覺都好fresh加$20可以追加三文魚他他芝士脆片我哋仲追加咗三文魚他他芝士脆片 $20真係好抵主菜牛肉壽喜燒定食 包咗兩個小食 一個麵豉湯同一個飯 個壽喜燒都好夠熱 撈飯食真係一流紅葉松葉蟹味噌拌麵個拌麵嘅賣相真係好靚 入邊仲有魚乾 食完真係好飽 好滿足甜品最後甜品我哋就加$10換左個鎌倉紅葉茶屋抹茶提拉米蘇同加$20換咗個抹茶蕨餅新地 抹茶控真係一定要嚟試吓飲品飲品就包咗啲$45嘅嘢飲 連特飲都有架 所以我哋就叫左杯奇異果和雜莓茶同忌廉抹茶拿鐵…查看更多

醋雞刀削麵呢個係一個冷麵，行到熱辣辣，入去食碗麵真係好爽。呢個係最近出嘅新品，好啱夏天食！個湯底酸酸甜甜咁 好開胃，而且有啲手撕雞，蘿蔔絲 ，成個感覺都好fresh！個麵就煙煙韌韌，好有口感。炸醬麵韓式炸醬麵真係好好味！麵條有嚼勁，搭配香濃嘅炸醬，味道好特別。醬入面有豬肉、豆瓣醬同埋各種蔬菜，口感豐富。佢嘅炸醬麵係幼麵，同個醋雞刀削麵用嘅麵底唔同，個人就比較鐘意醋雞刀削麵個麵底多啲。五花肉泡菜煎餅平時嘅韓式煎餅就食得多，今次呢個都幾特別，佢係成塊五花肉就咁煎喺個韓式煎餅入邊，更加有口感😋…查看更多

尖沙咀厚福街不嬲都出名好多美食 今次見到咁多好評就去試吓啦北海道仙鳳趾鳳凰蠔隻蠔有我手板咁大隻 而且好肥美 食落去仲好Creamy添 再加埋啲檸檬啫喱 酸酸甜甜咁 令到佢嘅味道更加豐富香蔥蝶魚邊杯蝶魚本身嘅口感都好嫩滑 肉質細膩 之後廚師將佢輕輕一燒 令到佢嘅油脂更加突出 更加滑滿滿甜蝦杯鍾意食甜蝦嘅人 真係要叫呢個 價錢唔貴 但係一杯起碼有十幾二十隻甜蝦 真係滿滿甜蝦杯鮨一沙律個沙律入邊有唔同嘅角切魚生 而且啲魚生都好新鮮豚角煮啲五花腩半肥瘦啱啱好 而且好入味 唔單止個豬肉好入味 連啲蘿蔔都好甜串燒串燒我哋就叫咗和牛粒串 煙肉帶子卷串 豚肉蘆筍串 華味鳥雞腎串 煙肉串茄 當中最欣賞嘅係煙肉串茄 因為有車厘茄喺入邊 所以唔會好油膩 仲有一種好fresh嘅感覺…查看更多

今次去到呢間韓國餐廳，地點方便，一去到餐廳門口，門面可以話係五光十色，加埋霓虹燈效果，超有氣氛！泡菜豬肉鍋 作為大食人士，見到隔離枱嘅鍋勁大份，我地第一時間就嗌返個泡菜豬肉鍋。呢個鍋真係好多料，豆腐豬肉泡菜堆到滿晒，四個人食應該都食唔晒，仲要入晒味，啲豬肉肥瘦得宜，好正！炸雞年糕串 聽講呢度除咗醬油蟹之外，啲炸雞都好出名，所以我哋嗌咗個無骨甜辣醬炸雞。估唔到嘅係，每一塊雞都又嫩又滑，兼外皮脆卜卜，但唔係好硬，好易入口，配埋啲甜辣醬，好滋味。我一開始以為，炸雞出色，上面啲年糕腸仔串就唔會太有特色，但啲年糕煙煙韌韌，比起其他一啲都唔遜色。紫菜包飯唔知點解呢度樣樣嘢都好大份，我冇諗過呢個紫菜包飯會咁多，啲飯包得都算薄，但係就爆晒餡，我覺得可以一試㗎，雖然餐廳主打醬油蟹，但其他菜式都好好食，最啱三五知己約埋一齊過嚟食飯。飲品（青提米酒&蜂蜜紅棗茶）老實講，食完上面嗌嘅嘢都已經飽到塞都濕唔落，不過嚟到韓國嘅餐廳點少得米酒，我個朋友比較特別，嗌咗個蜂蜜紅棗茶，本身仲笑佢傻傻地，點知我偷飲咗啖，發現都幾好飲，唔會太甜。至於我嘅青提米酒，唔使講一定係讚嘅，飲完即刻覺得大滿足，清爽得黎又消滯，一定要飲！…查看更多

首先一去到就已經有Racing Specialist 提供「賽馬101」教學 教我地點分析啲馬 佢自己又有咩心水 另外仲有一個互動式AI揀馬站仲有一個室內4K LED幕牆 比你睇下啲馬匹 隻馬真係好似想跑出嚟咁呀🤣現場嘅氣氛好好 仲有Live band表演 唔鍾意太嘈嘅話都可以出露台 露台可以近距離咁睇比賽 我同朋友就比較鍾意戶外嘅環境多啲 所以我哋就揀咗露台嘅位 今日有啲風都幾舒服 咁我哋就嗌咗幾個小食甜品脆炸三黃雞佢係新鮮炸雞加埋四川楓糖漿 令到佢嘅味道好豐富 點埋個烤蒜泥蛋黃醬 真係一流鷹嘴豆泥聽講鷹嘴豆係一個好健康嘅食物 但係我就未試過啦 所以今次特登叫咗個鷹嘴豆泥 都幾容易入口 加埋個印度脆餅 食完都已經好飽啦避風塘鮮魷呢個係餐廳嘅新菜式係一間酒吧入邊有避風塘炒鮮魷都真係幾少見 又炒得幾有鑊氣啵三重朱古力布朗尼最後叫埋一個甜品 佢有啲似Tiramisu 有少少咖啡味 唔會剩係得朱古力味咁單調嘢飲方面 佢啲Cocktail會根據啲馬匹嘅名去命名 我哋就揀咗杯美麗傳承 好靚 好夢幻 都算容易入口 好啱我呢啲唔係好飲得嘅人*餐廳菜單會不時更新，詳情請參閱官網資訊…查看更多

撈得喜火鍋冰室真係唔錯！佢可以揀烤魚加火鍋，或者雞煲加火鍋都得！佢哋有好多種湯底，比如麻辣、清湯同番茄，味道都好正。我揀左椰子湯底，椰子湯底絕對唔可以錯過。佢哋用新鮮椰子熬製，味道香甜，唔會太膩，飲落去好舒服。仲要想半隻雞，店員仲會好細心咁教你用漏斗計時，咁隻雞就煮得啱啱好，唔會唔熟，亦都唔會好嚡🙈無論係肉類定海鮮，都可以吸收椰子的香氣。配料同飲品都有好多可以揀，當中我覺得最吸引嘅係牛肉同蝦。牛肉係薄切的牛肉片，肉質鮮嫩，適合快速煮熟。蝦就好新鮮，彈牙可口。仲有雪糕做甜品添呀！服務方面，員工都好有禮貌，隨時幫你，點餐都好快，食物上得都唔使等太耐。二百幾蚊嚟講，性價比真係好高！…查看更多

今天我去了一間韓式外賣店，試左佢哋嘅下午茶套餐，性價比勁高！下午茶套餐套餐裡有四件烤牛肉紫菜飯卷，牛肉鮮嫩，搭配新鮮的蔬菜，味道超棒！還有韓式粉絲，甜辣炸雞，兩件的份量啱啱好，外面酥脆，裡面嫩滑，配甜辣醬真係令人食到停唔到！旁邊還有豬肉餃子，餡料豐富，沾上醬油更好吃。蜜糖牛油無骨炸雞除了套餐，我仲點左蜜糖牛油無骨炸雞，炸雞外脆內嫩，蜜糖同牛油嘅搭配今我好驚喜，甜而不膩。芝士紫菜飯卷芝士味濃，跟紫菜超搭。而且份量好多！韓式牛肉炒粉絲最後仲叫左一個韓式牛肉炒粉絲，牛肉嫩滑，成個碗面都係牛肉，粉絲吸收了牛肉嘅精華。同埋我好鐘意韓式炒粉絲，甜甜地咁，真係好好食！…查看更多

今天我去了一間韓式外賣店，試左佢哋嘅下午茶套餐，性價比勁高！下午茶套餐套餐裡有四件烤牛肉紫菜飯卷，牛肉鮮嫩，搭配新鮮的蔬菜，味道超棒！還有韓式粉絲，甜辣炸雞，兩件的份量啱啱好，外面酥脆，裡面嫩滑，配甜辣醬真係令人食到停唔到！旁邊還有豬肉餃子，餡料豐富，沾上醬油更好吃。蜜糖牛油無骨炸雞除了套餐，我仲點左蜜糖牛油無骨炸雞，炸雞外脆內嫩，蜜糖同牛油嘅搭配今我好驚喜，甜而不膩。芝士紫菜飯卷芝士味濃，跟紫菜超搭。而且份量好多！韓式牛肉炒粉絲最後仲叫左一個韓式牛肉炒粉絲，牛肉嫩滑，成個碗面都係牛肉，粉絲吸收了牛肉嘅精華。同埋我好鐘意韓式炒粉絲，甜甜地咁，真係好好食！…查看更多

有日晏晝去旺角搵細佬食飯 行過見到呢間居酒屋午市有六折 好抵呀！所以就去試吓醬油漬吞拿魚丼細佬就叫咗個醬油漬吞拿魚丼 每個午市定食都包咗一個飯 一碇麵豉湯仲有前菜 同小食 好豐富 好抵呀！小食入面個玉子真係好好食 燒到啱啱好 下次可以叫啲有玉子嘅嘢嚟食雜錦魚生丼雜錦魚生丼入邊就有好多唔同嘅角切魚生 雖然有好多種唔同嘅魚 但係全部都好新鮮名古屋風芝麻手羽先最後用追加咗一個小食 就係芝麻雞翼 四十幾蚊就有三隻雞翼 而且仲係熱辣辣嘅添…查看更多