lavenderspy的個人專頁

第一次到莆田，環境幾舒服，都適合朋友聚會傾談，我們6人都不知道叫什麼餸，幸好枱面有張好像報紙的彩色印刷品放在枱面，起初以為是廣告介紹，原來裡面也有介紹一些推介食品，當晚我們叫了：- 九轉小腸 ：口感帶點實，同以往吃過的豬腸不同，感覺幾新鮮！- 水晶豬蹄凍：豬蹄凍配上其獨有醬汁一起吃，少少辣，涼菜好選擇，不油不膩！- 一品海蠣煎： 好得意，除海蠣㚈還有一些小螃蟹一起炸！好得意，好香口！- 椒鹽豬手：惹味十足！好味，但沒有什麼驚喜！- 甫田荔枝肉：酸甜適中，肉質好- 脆皮蒜香雞：原來用家美雞，愛健康的人必愛吃，因為夠蒜香同咸！「對我來說，師傅重手左D，咸少少，不過仍可接受！- 莆田鹵麵及 包菜拌飯兩者都好味，鹵麵反而味道不算濃，有些湯汁配襯，good!拌飯味道亦適中！服務好，終合所有，結果是必會再來吃！…查看更多

今日試過lunch後,果然真係好食左,d食物質素高左,服務都ok啦!好過以前,價錢都係同以前差不多抵食,特別推介自家制汁煮豬軟骨,正!D串燒都唔錯!特別係燒雞翼,同埋個泡菜凍黑豚肉都好味，原來凍食都好正，有夏天feel!可以值得再黎,不過我會訂定檯好D,廢事等!…查看更多

因報紙同雜誌介紹到這間餐廳試試，我們一行4 人入去坐卡位，D卡位好舒服，私人空間好多，環境令人好舒服，叫野食就先簡了個刺身拼盤大，幾抵食，有我好鍾意的海膽同幾大隻的甘蝦，真係好新鮮，我問個經理話這隻甘蝦屬於大號，另叫了三文魚刺身，好肥美，跟注有叫牡丹蝦，基本刺身幾好，我地叫料幾款料理，有自家制汁煮豬軟骨個汁好味，酸酸甜甜，撈飯一流，串燒，最欣賞佢隻串燒雞翼，白魚肉芝士，自家制雞肉棒，試埋介紹個黃金卷，好味，個皮係芝士但又不濃，中間有脆，好味，個晚重剛好有廚時推介，試左個日式溜溜三文魚頭，同半殼蠔黃金燒，唔錯，個晚食左好多野，因為傾下食下，又叫一串燒，飲下酒，埋單約每人110左右，抵食。泊車又有停車場在對面。方便。值得再試。呀最緊要是個雪葩，柚子味，好食得好緊要呀，我最鍾意食甜品，所以好味。…查看更多

我亞姨住西貢，所以經常到將軍澳，11月10日被亞姨邀請到將軍澳食飯，佢話一來佢生日，二來有好野介紹比我，因為佢知我鍾意食野，重放工前再三提醒我來，所以日放工，就飛快車入去，佢話去一間叫花好月圓的菜館食飯，去到後搵到美心酒樓就找到了，好彩我亞姨醒，話比我聽晌旁邊，如果唔係有排搵，因為間舖位置真係不大起眼，我心想都唔知好唔好食，晌門口望了一陳，諗住睇清楚，門口個姐姐仔已經問我幾多位，我話應該有人來了，然後佢帶我入去，個環境幾好呀，幾舒服，我最喜歡佢門後個顆植物，好正，不過那些就細張少去，but anyway, 我最期待都係食乜野! 因為我最遲，全世界等我一個，都唔係幾好意思，因為我地一行10幾人，所以我亞姨而事先同經理寫好菜單，晚食到好飽呀，好多樣菜都好食，我最欣賞佢地個小籠飽，勁好味呀，皮薄，多汁，真係比得上X翠小籠飽，好味道! 另外，食到我好少食到的八寶鴨，真係正，我問個經理駛唔駛預訂，佢話要三日前，呀咁就麻煩些，因為我食飯通常即興! 不過唔緊要啦，好野就需要等啦! 重有個冷盆，六角山葵，醉鴿，嘩! 正到痺! D鴿肉質鮮味，重有個叫勿名，唔記得，但係用田雞腿做，好野味! 個水煮魚片又辣得黎唔停得口，最緊要個我食了一個好幼滑的銀絲卷，聽個經理講，如果一條一條撕開，有成百條絲咁多，所以會咁幼滑! 原來銀絲卷都可以咁!晚真係正，這間食市的菜色，味道好好，比起一般京川菜館都好! 個甜品又好味，我重已經同經理訂埋台再食，因為好多野想試!!!! 重有一樣好，這個商場有泊車優惠，勁抵!!! 我介紹了D FRIEND 許食，有好野，我都想益下街坊! 不防試試!但我提醒了個經理了，佢服務好好，但那些侍應就差小小，有待改善，但食物非常之好，希望我下次去改善了，就更好! …查看更多