queenxw的個人專頁

事緣平均兩日幫襯佢一次，講吾上熟客，但至少係經常幫襯。今日照常入去買海南雞飯食，我話海南雞飯加雞，女店員聽左海南雞飯加雞翼問我係咪，我知佢聽錯但覺得無咩所謂就問佢係咪有雞翼，問左兩次佢吾答我頌問我係咪要兩份雞飯，我戴住耳機聽吾清楚話再問係咪有雞翼可以加，有的話我加。佢聽左兩份雞飯加雞翼又問我係咪，我戴住耳機聽得吾係好清楚以為佢講一份雞飯加一份雞翼，到收錢時佢話＄88先知大家應該溝通出咗問題。溝通吾清楚我覺得大家也有責任，但女店員態度惡劣直指話係我講錯兩份，我由頭到尾都無講過兩份依個字，其次，男店員更衝出尼話我講要兩份，頌怪責我令佢倒左兩碗湯，我無出聲等佢找完錢出去等外賣。到有得拎既時候，女店員吾攞出尼直接呼喝海南雞飯加雞翼就擺左係入面張枱走左去態度極差！我幫襯吾係貼錢買難受！我重視嘅吾係問題，而係店員（應該係老闆本人）對侍客人態度極差！一份飯可能吾係d咩錢，但我吾會俾錢受氣！以後絕對吾會再幫襯！我好少，應該話係第一次打文差評！一個字！差！無下次！…查看更多