HungerMan的個人專頁

今日天氣凍，臨放工好想食拉面，又有事要到大角咀，就上openrice搵到呢間。間舖唔係好大，得12個位。7點到得2檯客，連我5個客，有兩個係外國人。有播日文歌、柔和燈光，加上人唔多，都坐得幾舒服。叫咗一個限量既牛肋肉拉面，拉面可選直身或幼弓。我選幼弓。想叫個免治雞肉棒，不過話之前賣晒，未入貨。改咗叫京蔥雞肉串。廚房兩人，樓面阿姐一位。個樓面阿姐雖然唔係好熟手，但都幾有禮貌。上菜唔快，但我唔趕時間所以無乜所謂。先上個牛肋肉拉面，都幾香，一聞就覺得好有牛味，挑起我既食慾。d配料都幾多種、雲耳、栗米、蔥、酸筍、仲有兩條炸腐皮。係香港都好少拉面有炸腐皮。冇芽菜仲好，因為我麻麻地芽菜。d肉都幾多，平時d拉面80蚊都冇乜肉，哩碗50蚊就好抵食。d拉面本身就一般，我鍾意硬身面，我覺得冧咗d。同埋個麵底唔夠多，食晒d面，未食晒d餸。同埋d酸筍唔好食。個湯底都幾重味，略咸，微辣，都幾好味。越食就越覺得個味好熟，就係台灣牛肉麵個陣味，鍾意食台牛麵既都應該會喜歡哩個面。食晒個面，連湯飲埋，個京蔥雞肉串都未上到檯，有d慢。京蔥雞肉串一客有兩串，個味都ok，d雞肉唔夠入味，但係幾滑，d京蔥又大又甜，d醬汁就係一般大路既燒汁。食緊個雞串時覺得唔係好夠飽，叫多咗客章魚丸，要俾d時間等。章魚丸有5粒，不過就一般啦，一般急凍章魚丸囉，個皮都整得脆既。外國人走咗，後尾又黎多3個客同一個外賣客，佢地坐入黎之後都覺得間舖full full地啦。總結:味道ok唔錯，抵食，3樣野都係$102!…查看更多

見間野新開去試下，門面做得幾靚，好日本Feel。6點鬆D到，剛好滿座，羅位話要等半個鐘。唔使半個鐘就叫我地入去坐。侍應能說日語，純正招呼發音，並不是234，這裡加分。同場也有幾檯日本人客。板長是日本師傅。手寫風格的餐牌也很有日本地道味道。食物種類唔算好多，沒有定食，有各類日本酒。主打爐端燒同稻庭烏冬，雖說主打，種類也不算豐富。當晚叫了：•燒牛舌 - 牛舌好諗，好好食，同伴碟酸菜一齊食好夾。•燒魷魚筒 - ok. 一般魷魚筒既味，冇咩驚喜。•燒年糕 - 味ok，柴菜包住細細碌，唔夠食。•燒大蔥串 - 本人愛食大蔥，好juicy，覺得好好食。•燒日本青椒 - 唔辣或微辣，ok。•煎雞扒一品料理(酸汁) - 幾好食又juicy，伴碟沙律菜撈左d酸汁一齊食，正•蜆湯稻庭烏冬 - 黎到見到個樣，心諗：「下...就咁? 清湯浸烏冬?」。不過個湯底真係好味，d蜆係烏冬底，都有十幾隻，d烏冬幼卻彈牙。高質烏冬!•梅茶漬飯 - 其實茶漬飯冇咩特別，度度食既茶漬飯都差唔多，不過哩度有兩樣野係要讚既，就係佢既酸菜(同牛舌個酸菜一樣)，同Wasabi係鮮Wasabi，有顆粒，有好香既Wasabi味!•飲品一杯整體黎講，質素高味道好，有一些沒驚喜不代表唔好食，當日食既每一樣都滿意，只是份量不大，價格有點高，不是很飽，每人大約$190。可能新開，侍應有點小忙亂，不過是可接受的。…查看更多