cuhkmap的個人專頁

通常想寫食評都係因為覺得餐聽未如理想， 估唔到呢一間啱啱先至再次獲得米芝蓮推介餐廳 都會令到我要寫食評。公司喺附近，之前食過一次堂食覺得OK，成日心思思想叫外賣拎上公司食。見到佢社交媒體網站有個link可以直接畀卡嗌外賣自取，仲可以自備盒好似好環保咁（環保l），即刻嗌咗個外賣，跟住諗住自己拎盒落去裝，但落到去已經包好曬 ，一共 五件膠，已經冇拎交餐具，咁就只能夠怪自己冇 喺餐廳直接叫。上到去公司帶住期待試下個餐，叫咗自選四個餸。 湯同埋餸係分開，雖然個湯都有魚味，但係非常之咸！鹹到飲唔到！可以當係豉油點下就算，到最後我係飲唔曬。至於啲餸我係叫咗魚腐，魚肉春捲， 墨魚卷，魚餅。 可能因為冇浸湯，一開頭就咁食落就油少少，但係墨魚卷都叫做脆皮，一浸湯係好食啲，因為啲油落曬啲湯度，個湯更加飲唔到，失望之極，一定唔會有下次！…查看更多

喺附近返工，有日經過見到 未試過就同同事入去試下， 呢間餐廳 門口睇落都靚靚地正正常常， 喺門口望咗幾眼，門口侍應招呼我哋，見未食過就入去試下。 間餐廳要喺門口畀咗錢買咗餐先至可以入去搵位坐， 一坐低就覺得中伏。 位置好窄， 二人一台打 對住坐， 但係坐走廊嗰個一定會畀侍應經過撞到。見住佢廚房將啲嘢食放落即棄餐具到， 嘢食全部用即棄餐具，紙兜膠杯， 嘢食飲品上到嚟賣相非常一般， 食落仲唔多掂， 蜆肉意粉得幾粒蜆肉仔， 又細份， 野飲仲好難飲， 望埋同事實嘅嘢，三文魚得細細塊，唔知想點， 真係唔會再返轉頭。…查看更多

喺附近做嘢過嚟中午同同事過嚟搵餐晏仔食， 見到有東南亞嘢之前未食過就入去試下， 要喺門口畀咗錢嗌嘢食，之後佢就會送餐， 叫完嘢食，一入去就知中伏。我哋去到明明係堂食，但係所有餐具都係即棄塑膠即棄用具，超唔環保， 睇落賣相 一般，但係已經畀咗錢， 唯有試下佢。 食物質素又真係差，唔明點解會有人推介到佢上天， 叫咗海南雞飯，啲飯又硬， 雞又冇味， 賣相又差， 真係唔怪得知會搵到位坐。 論環境嘅話，都新淨好坐， 就算遲放中午都一定搵到位。…查看更多

今日中午同三位同事過黎新城市廣場打算食個快飯，見到附近嘅餐廳都唔平，但係亞蘇爾餐廳價錢相對附近嘅餐廳平少少，於是我地就選擇左入去食。咁啱三位同事大家都叫左L7號餐，芝士鴨肉飯，黎到個飯雖然係同張圖都幾似，但食物質素就真係圖文不乎，味道好差。黎到嘅係一個細細個，黑色飯，完成係浸過老抽咁嘅飯，飯上加配3條小鴨肉，真係只有3條細鴨絲，再加多幾粒原粒黑橄欖，上面有多少少芝士粉，個飯超咸，又無料，食到腎虧。就算加上南瓜湯同普通餐飲品都完全唔會值100蚊…查看更多

喺度食過幾次覺得味道ok都幾抵食， 所以今次帶外國返嚟嘅朋友食今次星期二晚去， 都幾多人但係都仲有幾張空枱解釋同畀朋友聽有咩食之後就叫落單，不過叫咗六七次都仲未落到單完全唔理我哋，隔離枱食完走得我哋先至開始有得食叫咗蝦醬炒飯同串燒， 味道唔錯係炒飯食到尾有啲鹹芒果冰照樣大杯冰凍，係好似芒果糖咁甜…查看更多

環境好chill!! 係工下入面不過就用咗少少時間搵。仲可以坐窗邊望海， 見到大橋添呢到仲可以玩board game，下午黎應該都可以坐好多耐。我哋係食晚飯，當晚有人搞生日飯， 如果生日過嚟都幾好有埋生日裝飾， 不過當晚有d full， 可能啲人講嘢大聲啲啦，有啲嘈。…查看更多