kinkiwing的個人專頁

我本身好鍾意食譚仔三哥，呢間近我屋企，而且落地玻璃夠光猛，其實環境唔錯。但鋪入面嘅配套真係好差，忍咗大半年終於忍唔到，要出個食評，雖然寫完都唔知有冇人睇到。首先呢間舒長期唔夠職員，鋪面好大，但永遠得三個職員，已經包括落單送餐同收銀，有時甚至得兩個職員。餐廳個冷氣壞咗大半年都冇人整，問親職員都話冷氣壞咗，淨係叫客人唔好坐咁入。舖頭入面淨係擺咗一部冷風機，有時真係會食到出晒汗。每次落雨舖頭嘅冷氣機就會滴水，已經唔係一兩次嘅情況，而係長期都係咁，好似都冇人諗住修理，我唔知應該係老闆負責？定係業主要負責冷氣機，但總要有個人去處理呢件事。每次入到去都冇職員主動埋嚟落單，就算我主動叫職員過嚟 都叫咗好耐先有人理我。落單後開始計，最少要20分鐘先上到碗米線，肚餓或趕時間嘅朋友仔真係唔建議來食。呢間舖啱啱開嘅時候成日都好多人等位，但而家經過都見到大把空位，唔知係咪因為已經有太多人體驗過佢地嘅送餐速度同冇冷氣，越來越少人幫襯。…查看更多

一入到去已經聞到一陣毛巾餿味筷子筒，醬料器皿，枱面，牆上都有污漬其實見到呢個環境已經唔開胃但入咗去冇得走就硬食餐牌嘅餸名係諗得幾有心思但食物質素普通我去埋單俾錢嘅時候見到職員收走污糟嘅碗同杯但佢唔係將啲杯碗拎入廚房或者後欄而係將佢哋放喺入口隔離嘅筲箕度我見到當時已經積聚咗一大堆污糟嘅杯碗碟唔知要儲到幾時先洗客人要對住呢堆污糟杯碗碟嚟食嘢呢個亦可能係令到成間舖有浸餿味嘅原因呢間鋪啱啱新開嘅時候評價幾好裝修特別但點解而家會變成咁？係咪轉左手？一般食肆最基本嘅衛生要求都做唔到我一定唔會再去…查看更多

我下午茶時候去，叫cake set，食物係ok的。但我由入門口開始就感受到一個殺氣， 股殺氣係來自一位金色短頭髮嘅男侍應，由帶位，點餐，到埋單，佢都完全係一副“唔願做“嘅嘴臉，充滿悔氣，連帶住口罩都feel到，可想然知有幾嚴重。我一個人去食，所以佢收起我對面位嘅果份餐具，收野嗰個樣，我可以用“兇神惡實“來形容， 佢一手扯走咗張餐紙，收起嘅餐具又pat入櫃…… 究竟係咪有人得罪左佢？其實其他員工服務態度都好好，又有笑容，但就係佢一個令呢間餐廳大大扣分，老闆唔該正視一下呢位員工嘅服務態度。…查看更多

今晚係平安夜，都知道周圍食飯都好多人，所以我已經前一晚喺openrice book定枱七點半，職員仲用whatsapp confirm咗booking。點知我今晚七點半準時去到，同職員講話我book咗枱七點半，職員竟然話：“係，你個booking係七點半，但我而家畀唔到枱你！”我懷疑自己係咪聽錯😡 佢仲好似覺得佢講呢句說話好make sense咁，我問佢：“乜唔係book咗枱就會有枱㗎喇咩？“，佢話因為今晚好多人好full booking， 咁你明知多booking，你尋晚就唔好再接我七點半嘅booking啦！我再問佢要等幾耐，佢話我之前仲有兩張枱等緊，最少都要等半個鐘， 我即刻嬲到走咗，轉場。我話過以後唔會再嚟！跟住出返門口，見到有另外幾堆等緊枱嘅人都話其實佢哋都係有book枱，但唔明點解都係要等！如果我前一晚book咗枱，都仲要等半個鐘嘅話，咁我book枱來做咩？你哋係咪應該衡量下自己可以做到幾多枱人，或者係咪要限制下每枱人用餐嘅時間呢！全部畀一粒星都係畀多的， 有得揀我想俾負分！…查看更多

呢幾日氣溫急降，得17度，冬天衫都未執得切出來😭呢幾日出街都只係知袖衫加外套，喺室內都還好，室外其實都唔太夠暖……行過賞茶諗緊不如買返杯熱飲暖手，再睇到佢個靚靚杯就即刻排隊。我叫左杯熱手工香芋奶綠半糖，服務員態度友善，會主動問客人甜度有冇特別要求(我試過其他店如果唔主動講，佢就會俾100%甜度，甜到喊😣)。店內設有等候區，可以容納五至八人， 喺非繁忙時間，客人唔使企喺店外等。因為係即叫即製，所以店內都有溫馨提示話要等10-15分鐘，但可能我去嘅時候唔多人，等左五分鐘就有。 服務員亦會好貼心地問你係咪即刻飲，如果係嘅話，佢會幫你插飲管即時開。😄綠茶味同奶味各一半，比例剛剛好，口感香滑，而且仲有軟稔稔嘅芋頭粒， 芋頭微甜粉粉地， 味道同奶綠十分match😋 甜度係半糖， 我本身不太好甜，覺得啱啱好。如果想喺冬天飲一杯甜甜溫暖的， 可以揀呢杯手工香芋奶綠。…查看更多

前晚同朋友慶生去左旺角新商場Forest(仲算新吧~)一樓嘅泰國菜餐廳~青花。好易搵，因為離遠已經見到靚靚嘅裝潢，門口旁一幅草葉牆，餐廳入面又有充滿森林氣息嘅裝飾，去到呢度，我果位鍾意影相打卡嘅壽星朋友已經叫到嘩嘩聲，好滿意。食物方面，每碟嘅賣相都好靚，值得一讚👍味道的話，我最鍾意青咖哩雞扒，雞扒香？脆，青咖喱惹味。可以用白飯或蒜蓉包(要另外叫)點咖哩食，唔好浪費哈哈😂咖哩先係精華所在。我同朋友一致認為印尼炒飯偏鹹😣青青青沙律，有青瓜，青木瓜，青檸，甘筍，豬頸肉，豬頸肉酸甜清爽，我好鍾意碟豆花斑蘭荳奶，碟豆花本身冇味，但佢令到杯飲品有漸變藍色，好靚! 斑蘭味好香。泰式奶茶奶蓋，其他泰菜餐廳多數只係泰式奶茶，呢度有埋奶蓋，奶蓋濃厚，少少鹹，好飲。總括而言，餐廳環境氣氛一流，味道ok，食物份略嫌少左d，價錢少貴。…查看更多

食物質素越嚟越差，只因為領展商場冇乜選擇所以先焗住要食。早餐嘅沙爹牛肉麵油膩到不行，成層油喺上面，夾件牛肉上嚟，件牛肉令立立令到反光 ，我經常因為太溜而食唔曬碗麵。 其實呢間餐廳煮嘅其他嘢都係好油膩，份餐肉炒蛋食完都仲有成寸厚嘅油喺碟上面。 佢哋好似買油唔使錢咁。 員工嘅服務態度 一半一半，有幾個幾好，但新請返嚟嗰啲相麻麻， 講曬唔該請佢過嚟落單都要黑我面，好似唔知得罪佢啲咩咁。 但反個收銀姐姐幾好人， 我有一次唔記得帶銀包畀錢， 我本來仲想用啲乜嘢嚟做抵押，佢話咩都唔洗，快啲去攞錢就得🤣其實抵食程度我係連一粒聲都唔想畀的。…查看更多