sosinyi的個人專頁

就嚟父親節所以食放題慶祝依稀記得大埔呢間漁屋唔錯所以encore午市放題 但發現啲質素差咗好多仲要一個人成$300埋單 我覺得我哋deserve better我覺得有幾樣唔好1. 刺身唔新鮮種類好少2. 午市啱啱開門好多嘢都無曬(放題必食嘅羊架又無，一口牛又無😕)3. 牛脷唔知喺咪比我哋食垮咗(嗌咗15串就無得再嗌4. 牛脷無咩味 問店員拎鹽 搵咗三個先有人拎5. 炸蠔有隻臭嘅🤢6. 甜品到最後先肯比仲要漏曬單7. 免費一人一杯雪糕將紙有成七八款，但只有三款可以揀（原因喺供應商未到🤔？）整體唔推介去食咁嘅價錢去食日本專門店仲抵…查看更多

價錢相對較貴食物質素一般無得揀飲咩茶統一每枱玄米茶但要收返每位$10茶錢4個人埋單$1000家父話每樣食物都好似爭咁啲咁不過乳鴿都唔錯嘅冰鎮咕嚕肉份量好少其他特色食物就好睇唔好食蟹炒年糕賣相唔錯但食落就麻麻…查看更多

整體上算滿意嘅一餐buffet但食之前見到一個食評話係搶包山buffet又真係無講錯一答正18:30所有人就9秒99衝出去搶嘢食啲蟹腳係18:32分就已經被清空曬好彩都好快refill返啲蟹腳都幾鮮甜呢個buffet主打即開生蠔🦪基本上每一次拎都要排4-5分鐘隊每次每人拎兩隻不過成個buffet可以食三個鐘所以排一陣都可以接受而且生蠔🦪都食得過幾新鮮幾甜沙律🥗就不過不失但係熱食就真係呃..............................基本上我無乜點夾過一係就係比人夾曬無refill eg燒牛舌一係就令人完全無意欲拎eg咖喱西蘭花嘢飲方面要讚吓幾多選擇有咖啡☕️機/特製飲品上圖嘅飲品eg熱情果汁🍹我飲咗四杯佢本身係無糖可以自己加糖漿唔加糖漿已經好飲排名分少少🤏先後芝士蛋糕🎂同Truffle cake好好味其他麻麻地但都ok甜品唔會話甜到嘔而且有三隻味嘅haagen dazs雪糕任拎我食當晚有vanilla, melon, chocolate 哈根大師基本上無得伏所以就唔多加評論總括嚟講5折有咁嘅質素都唔錯(閒日$240+1)收碟收得幾快講少少缺點拎牛扒要排隊拎生蠔要排隊拎海鮮都係要排隊之後食到中途竟然連碟都無埋😂但一試無妨幾抵食…查看更多

利申非打手亦非故意抹黑係門口等入席聽到食完嘅食客批評間嘢嘅鮮味已經心知不妙！首先講咗差先1. Wasabi分量超少一坐低只有一人一包wasabi每包重要得鼻屎咁多雖然可以問職員拎但大概拎兩轉先夠2. 上菜速度慢由19:30開始點咗勁多次(不下二十串)嘅雞肉串燒到21:00 last order先到三串3. 食物選擇少有14張食物紙以為有好多選擇但實際上揀唔落手4. 好多已點食物被消失點咗三次嘅麻辣滑滑粉完全無出現過唯有直接向樓面職員orderbtw都幾難食 以為似涼皮 點知係似未熟嘅腸粉(友人憶述似腳趾皮雖然我都唔知點解佢知腳趾皮係咩質感5. 甜品難食到嘔！自助區甜品千祈千祈千祈唔好拎朱古力蛋糕比起金幣朱古力更難食cheescake同樣十分嘔心6. 自助區食物少頹睇個樣都知 正常人唔會拎 包括螺肉 雞腳 東風螺etc.但家父實驗精神拎咗唔少最後無人問津 西瓜聽聞係番薯口感7. 食物唔可以稱得上為好食唔可以話難食但唔會再嚟食:)8. 場地狹窄外面有自助區可以拎嘢食但你會經常需要左穿右插因為職員會拎住架車執嘢佔咗成條通道嘅2/39. 唔敢肯定係咪食完肚瀉食完返到屋企三、四個鐘就肚瀉唔太肯定所以唔完全十分或者可能應該因為間餐廳之後講吓優點1. 職員收紙仔好快基本上你一舉手佢就會收走張紙2. 甜品方面都慶幸一人有一杯haagen dazs/movenpick/ dreyer’s 安慰吓3. 嘢飲都算充足有唔錯嘅梅酒/有熱櫃整熱啲紙包飲品/成個凍櫃唔會推介呢間放題 可能你會話呢個價錢重想點？其實又唔算真係好平呢個價錢有更好嘅選擇呢間比較似頹食 食完唔會好滿足反而有種我究竟食咗乜嘅感覺食係食得落口亦都食得好飽但就係有種心有不甘嘅感覺其實食之前都睇過其他食評有好多人讚 點知最後都係伏伏地不過你硬係要試吓食我都唔會極力阻止只係希望你唔好好似我咁抱太大期望因為你會勁失望而回…查看更多