jojolala的個人專頁

今晚同朋友約左黎旺角食飯，朋友話呢間餐廳嘅咖啡幾好飲，就一於黎試下餐廳環境都幾舒服，櫃檯有少少文具買，有得意嘅動物貼紙同memo紙呢度每人最低消費一杯飲品，我同朋友分別叫左latte同flat white我杯flat white香濃得黎唔帶酸澀，難怪朋友帶我黎呢度，d咖啡幾高水準，同朋友叫左一碟黑松露芝士薯條，一個三重芝士手造牛肉漢堡，同一碟焗芝士雜錦海鮮螺絲粉薯條黎先，係我鐘意嘅粗薯條，外脆內軟，上面有黑松露碎同芝士碎，好香，又唔會太咸，味道啱啱好跟住就上芝士海鮮螺絲粉，海鮮有三款，青口，魷魚，同蝦，材料豐富，芝士汁都幾多，啖啖都食到芝士汁包住d螺絲粉同埋焗得啱啱好，唔會焗到乾哂，下次黎都一定會再叫最後就上burger，burger塊牛肉漢堡十分高水準，煎到有少少濃但係又保持到好juicy同好重牛味，仲有一大塊芝士脆脆，個包都好好食，薯條同頭先嗰碟一樣，都係粗薯條，仲有沙律菜伴碟呢間餐廳環境幾舒服，幾適合同朋友黎飲杯咖啡傾下計…查看更多

今晚同朋友約左喺hysan green waffles食，我地兩個人叫左三樣野，餐廳會提供一個qr code，然後用電話scan左就可以用電話落單，都幾方便我地叫左三樣野食第一樣係meat lovers skillet，材料好豐富，有薯仔粒，水波蛋，和牛粒，腸仔，煙肉，芝士同日式本菇，薯仔粒外脆內軟，牛肉粒好淋，咁多樣食材都好夾第二樣係mac and cheese，上面有d煎到勁香口嘅煙肉粒，同d軟淋淋嘅芝士通心粉一齊食好夾，建議可以撈埋個薯粒一齊食我地仲叫左個ribs，落單之前店員有講到話今日星期三，個ribs會係買一送一，即係平日食嘅話就得一舊，今日有兩舊，個ribs煮得都幾淋，佢嘅伴碟同其他餐廳唔同，佢唔係用薯條伴碟，係用蕃薯條伴碟，呢個配搭都幾好，唔駛食完薯仔粒再食薯條我地今日坐到餐廳最入面張枱，店員都週不時咁行過黎睇下駛咪加水，食完三樣野我地已經好飽，本身仲諗住試waffle，唯有留返下次先試…查看更多

同朋友黎到寶琳，見好耐冇食過米線，之前喺米線陣食過個大汗豬扒擔擔米線好好果，就諗住黎encore啦呢個係我嘅大汗豬扒擔擔米線，一上到枱，覺得豬扒同米線嘅份量比之前食嘅細份左，試下個湯底都係我鐘意嘅味道，少少辣，入面有炸菜絲同肉碎，到於個豬扒，一咬落去，個粉漿炸到好硬，同以前完全唔同，舊豬扒亦比較瘦呢個係朋友嘅蕃茄炸雞扒米線，試左一啖湯，甜得黎又冇乜酸味，有d假，個雞扒嘅問題同頭先塊豬扒一樣，都係個炸粉好硬，又厚…查看更多

出開旺角，唔知食乜好又唔想排隊，決定黎食好耐冇食過嘅沙嗲王首先黎度嘅係沙嗲肥牛粉絲，但係我同朋友搵哂成碗野都冇肥牛，同侍應講佢就成碗拎返入去加返d肥牛俾我地，粉絲索哂個沙嗲湯底，好入味跟住就有炸雞翼，但係我覺得粉漿太厚，薄d會好味d，然後仲有白咖哩豬扒飯，白咖哩汁唔辣，好香，豬扒有三大塊，煮得啱啱好，我地仲加左個脆蝦棒，但係入面唔係好多蝦，皮多過餡見到menu發現原來沙嗲王都有炸饅頭，咁就叫左一碟，有五個，份量好多，平時去茶樓都係得三個，炸饅頭配煉奶，d童年回憶返哂黎，以後去沙嗲王又多樣必嗌之選…查看更多

喺九龍灣返工閒閒地食個午餐都60蚊，但係真心值60蚊嘅餐廳唔多，d&a house係其中一間第一次黎食係公司同事帶我黎食嘅，但食食下覺得幾好食，今次約左同樣喺九龍灣返工嘅朋友食lunch，都特登揀呢間餐廳難得約左朋友食，就決定食好少少，叫左個黑椒牛扒配薯條，牛扒好大塊，雖然冇得揀生熟程度，但係廚師煎到啱啱好，入口嫩滑，係有少少筋嗰個位置會比較un，薯條索左d黑椒汁好好味，佢另外都有包茄汁俾你，價錢黎講，78蚊食到呢個質素算唔錯…查看更多

又係試下新餐廳嘅時候喇，成日聽friend講美國間shake shack好食，香港終於有分店，點可以唔黎試下呢閒日夜晚黎度ifc呢間shake shack，都仲係有好多人排隊叫左一個single shack burger，一個double smoke shack，再加兩個cheese fries，首先個single shack burger冇乜特別，對比下double smoke shack有塊好脆嘅bacon出色好多，同埋double嘅用料多左一層，成個層次提升左，下次會叫double，另外cheese fries有d芝士醬喺上面，搞到d薯條淋左，建議叫職員分開上d汁，咁會好食d…查看更多

想試阿元來了嘅蛋餅好耐，可惜呢間餐廳星期日唔營業，蛋餅喺晚餐時間又冇得食，平時星期一至五又唔會喺觀塘食午餐，所以一定要喺星期六lunch黎食先可以叫到蛋餅今次一個人黎阿元來了獨食，叫左個芝士肉鬆蛋餅，但係應該唔夠飽，所以叫多個魯肉飯，芝士肉鬆蛋餅上面有醬油膏，同辣椒醬，伴住足料嘅蛋餅黎食十分惹味，另外魯肉飯嘅肉有肥有瘦，飯係一人份量，見唔少客人都有叫呢個魯肉飯，碗飯一定係肥架喇，但係入口嘅油脂同d飯混合埋一齊，係幸福嘅感覺，真係重幾磅都抵…查看更多

難得入到黎坪洲，點可以唔試下名物蝦多士呢黎之前我都有諗到底有幾巴閉，可以稱得上坪洲名物同家人叫左份蝦多士黎share，炸得有d黑，脹卜卜，但係食落去，其實同其他餐廳嘅蝦多士，我諗唔到有咩過人之處，仲要唔係賣得平，味道一般，稱不上名物，更加唔需要排隊黎食另外我叫左份咸牛肉炒蛋三文治，呢個同其他茶餐廳都係差唔多，幾足料…查看更多

同家人放假入左黎坪洲行，行完山諗住黎食個tea，原本諗住叫公司炒通粉，點知冇哂，咁唯有叫其他野食啦我地一行四人，由於唔係好肚餓，就叫左兩個石班多士，同埋一個柚子西多士share黎食石班多士舊石班炸到脆卜卜上台，都幾大舊，有成塊西多咁大，舊石班冇炸到過火，㔹理沙律醬食，都幾好食嘅柚子醬西多士係比較新嘅食法，店舖冇偷工減料，西多士嘅角落頭都有柚子醬，多人分享就唔會食到好漏店舖冇限最低消費，又冇加一，性價比幾高…查看更多

同朋友約左喺cwb食晚餐，諗唔到食乜好，最尾行左黎天后嘅坐忘食dinner黎到啱啱好唔駛排隊就可以入坐，但係坐低一陣就開始要排隊lu叫左個七小時豬軟骨咖哩飯，豬軟骨有兩舊，個人黎講覺得有d多，但係煮得好淋好入味，野菜款色都好多款，份量都好夠，飯係撈左南瓜定蕃薯同粟米落去煮呢個係黑芝麻牛肋條野菜咖哩飯，牛肋條又係煮得好淋，野菜有好多款，包括翠肉瓜，紅蘿蔔，西蘭花等，用咖哩煮嘅野菜特別好食呢間餐廳嘅食物款色好多，價錢合理，下次黎開cwb會再黎食…查看更多

好耐之前喺greyhound 食過個醃三文魚好好食，自此念念不忘，決定再約朋友再食就係呢個香草醃三文魚配泰式辣汁，一定要連埋舊蒜片一齊食，放入口度一路咀嚼，唔同herbs嘅味就一路出黎，酸酸地辣辣地但又唔會蓋過三文魚嘅鮮味，呢個係每次黎greyhound 必點嘅食物呢個係朋友叫嘅單骨雞翼，單骨雞翼比較易食，味道正常再黎係啖啖肉蟹肉炒飯，呢個又係冇得輸，勁多蟹肉鋪喺面，加埋青檸汁，好fresh嘅一個蟹肉炒飯鮮蝦炒金邊粉，呢個係普通泰國菜嘅質素雖然有d食物質素同味道同其他泰國餐廳差唔多，但係為左佢個好好味三文魚同啖啖肉蟹肉飯，我係會再黎greyhound食嘅…查看更多

同朋友黎cwb食lunch行街，唔係太餓，去左hysan嘅kikusan食，星期六下午都唔係好多人，坐得好舒服，又唔駛等位必叫kikusan roll，面有大量海膽，魚子，吞拿魚茸，飯圈入面係青瓜，全部野都好就鮮，呢碟野唔駛100蚊，每次黎都必叫再叫左個壽司，又係全部都好新鮮，海膽鮮甜食左咁多飯同蛋白質，係要食返d菜balance下，蒜蓉炒時菜，幾大碟，炒得幾香今次淨係試左三樣野，餐廳仲有好多其他fusion菜式未試，下次要再食！…查看更多

之前黎希雲街食野，無意中發現左間幾有情調嘅餐廳，咁就約幾個frd黎試下啦呢度地方大，座位又夠闊，同朋友黎食野傾計真係唔錯呢個有好多酒飲，但係我戒緊酒，所以叫左iced lemon tea呢個係生牛肉他他，撈埋隻蛋黃，d牛肉好濃好滑呢個係招牌忌廉青口，青口入味嫩滑，有好多隻，上面d洋蔥好甜，我地浸左舊麵包落去d湯汁度，索哂湯汁嘅麵包簡直係冇得輸，薯條好脆，點埋蛋黃醬簡直一流我地仲叫左個豬手，呢個豬手切到細細件，係可以一啖一件唔駛再用手切，仲有好多唔同嘅蔬菜粒喺底呢度d食物好好味，環境又啱傾計，下次一定會再黎！…查看更多

星期六晚同朋友喺尖沙咀行完街，想食d健康d嘅野，就諗住食日本菜，就黎左十和田試下喇首先叫左個炸雞，好食嘅，兩個人share啱啱好見到好多人黎十和田都會叫呢個三色丼，168蚊，其實都幾抵食嘅，由左至右係蟹膏蟹肉丼，海脆丼，吞拿魚茸丼，海膽正常，有d甜味冇苦味，最鐘意個蟹膏蟹肉丼，但係食到有舊好細嘅殼，吞拿魚茸丼相比之下就冇乜特別，不過不失仲叫左個壽司set，基本上每一件都幾新鮮，同埋兩個人share每人都有6舊…查看更多

知道香港開幸福pancake，特登同朋友黎試下，我地喺星期六開店之前排隊，咁就可以輕鬆食到第一轉呢個係原味pancake，我地加左錢要鮮忌廉，就係上面嗰pat，個pancake好鬆軟，再配抽雲尼拿雪糕，鮮忌廉同糖漿一齊食，忌廉勁香奶味，真係有幸福嘅感覺另一個係奶茶pancake，雖然賣相麻麻地，但係食落去又真係奶茶味，再配埋granola 同鮮忌廉，比起頭先原味嗰個更加濃郁呢度如果要飲水就係自助出去斟，但係我同朋友都加錢要左杯熱茶，但係唔記得影…查看更多