catherine22825的個人專頁

男朋友生日，再加上佢又鍾意食牛肉，於是就卜左間靚靚仔仔嘅西餐同佢慶祝生日！環境好靚又靜靜地，岩曬慶祝飯局。呢到出名係食熟成牛扒，差唔多每一枱都會叫。佢比較出名嘅係T bone 扒，但因為我地見到隔離枱嘅Tbone 都好大塊，覺得會食唔曬，所以就叫左個西冷牛扒。另外仲叫左個手工意粉。因為個menu 係英文，所以我地其求叫左個有牛肉醬嘅意粉。意粉係粗意粉，非常掛汁，牛肉肉醬撈埋忌廉汁，非常好食！待應會先幫佢切好曬先上，所以基本上你可以就咁食。我地叫左medium, 切開係pink pink 色，勁好睇！牛扒外表應該係大火封煎，所眾入面保留左好多肉汁得嚟，外面又有少少脆。不過其實佢份量都好夠，加上少少油，食完都飽了最報甜品叫左tiramisu. 呢個係我食過暫時最好食嘅tiramisu. 底下餅底吸滿咖啡，咖啡濃得嚟又帶有少少酒味，中間啲cream 好滑好香。同埋佢嘅份量都唔少，值得一試。…查看更多

同屋企人食飯，食得多中菜就想試下啲新野，於是就走左過來九龍城食泰菜。之前2次食過呢間覺得幾好食，於是帶埋屋企人嚟試下！一行6人可以share 多啲人，於是都無理到價錢就叫野食，結果叫到成枱都係😂😂（有啲都唔記得影@@)前菜叫啲串燒沙律 warm up 下先啦。每人先來1串雞肉，一串豬肉先！本身佢燒個陣啲肉已經用香料醃好曬先，所以一開始就咁食已經覺得好入咪，雞肉燒得嫩得嚟帶少少汁！豬肉就就相對鞋啲。沙嗲醬係靈魂，帶有少少花生味甜味，非常好食。泰式醃燒牛肉沙律，開頭我以為沙律會好多菜，上到嚟我以為上錯野，點知佢嘅重搭係醃燒牛肉。個牛勁好味，保留到牛肉嘅質感同牛肉香味，仲要加埋啲香料同秘製醬汁，超好食！食左勁多仲有pad thai, 呢間比較濕炒同偏酸，唔夠乾身，但味道都係ok.之後到重點燒雞，隻雞燒得乾身同皮脆，但係佢仲keep 到啲肉係比較嫩（不過未去到滑），平時我唔食皮都偷食左少少皮明爐梅子烏頭魚係我每次都會叫嘅食物。當日條魚好大條多肉，入面有好多菜同梅子，令到湯汁有少少酸酸地，非常惹味！我地仲有叫到野飲同其他野食（無影曬出嚟），但埋單每人都係2舊水到，超抵。…查看更多

放假訓到好晏，起身又唔想煮，於是就走rp到懶懶閒嘆個brunch~~我叫左個自選全日早餐，可以係自選早餐嘅配料，我簡左雞扒配溏心蛋烤蕃茄沙律菜配熱齋啡。如果大食嘅人可以自己叫多啲配料。等左一陣就上餐，雞扒煎得幾香脆，鍾意食皮嘅人之後會鍾意食佢煎到脆脆地嘅雞皮，肉質正常不會太鞋，調咪亦唔會太咸，雞肉煎得嚟都保留少少肉汁，過得去啦！溏心蛋煎得岩岩好，少少燶邊得嚟入面蛋黃仲係溏心，有水準。其他菜同蕃茄都正常。…查看更多

夜晚唔想煮飯，於是就係附近茶記食飯。記得呢到啲蒸魚飯唔錯，所以就嚟呢到食。呢到選擇好多，不過都係一般茶記嘅食物，亦有少量嘅海鮮食。我地一行4人叫左2條蒸魚（黃花同盲槽），一碟蟲草花雲耳蒸雞，一碟沙薑雞食。最好嘅係佢可以另外加45蚊叫左半斤蝦。由於最近啲蝦都唔平，所以見價錢唔貴都叫左嚟食。蒸魚好滑又大條，食得出係新鮮魚。重點係價錢好平，63蚊，呢個價錢包一碗飯同野食，真係無投訴。係蟲草花雲耳蒸雞貴啲，80蚊。如果要飯同野飲（套餐）要加10蚊，不過夜晚唔食咁多飯都唔洗加。碟蒸雞雖然貴啲，但份量都好夠，估計有半隻。最後埋單3百幾，每人82蚊到都過得去啦。。。…查看更多

行完ikea 見肚餓，於是出番去德福食晚餐，想食啲西餐，咁岩見到牧美少年，係其他區食過覺得唔錯，於是就嚟食。現場都要等下位，不過好彩等左大約15分鐘就可以入。好旺場，都坐幾滿，裝修都幾有情調，適合約會我地叫左2個主菜share鹽麴比目魚伴澳洲西蘭花 普羅旺斯燉菜比目魚超滑，鹽麴煮到少少咸甜咸甜，醃到塊魚柳入曬味。勁好食！日式紫蘇烤雞肉意大利粉雞肉份量一般，不過口感不算鞋。意粉炒到入曬味，加埋紫蘇葉的味好香口，整體味道幾好食。…查看更多

同同事farewell 又想坐得舒服啲傾下計，於是就卜左呢間西餐廳，聽講以前有semi buffet, 但疫情過後好似無左，可惜。我叫左1/2 葡式香辣燒春雞，可選配沙律菜/薯條/香草黃姜蕃茄飯。我簡左沙律。點知原來沙律都有啲芝士灑面同醬，其實幾好食。減緊肥食少少好啦。隻雞都算大，份量好夠，不過食落其實好似無乜辣味同葡式味，似一般燒雞多啲。可能要就番香港人口味。雞肉就正正常常，普通雪藏雞的口感，唔算太鞋。整體嚟講不過不失，ok la…查看更多

過開呢邊做野，知道附近有間出名的蕃茄湯雞扒麵，於是就行過來食。夏天熱到死，行到過來身水身汗。。。。。。係社交平台見到人推介炭烤風味雞扒蕃茄湯麵，於是就叫嚟試下！！鍾意食辣嘅人仲可以叫麻辣蕃茄湯底！等左一陣就上個雞扒麵。蕃茄湯超濃，有少少新鮮蕃茄沙嘅口感，湯底食到鮮蕃茄嘅新鮮蕃茄味道，少少酸。炭烤雞扒烤到皮脆肉嫩，雞扒肉質偏滑。另外，啲麵都係好滑嘅上海麵，麵質滑得嚟少少彈，雖然幼但係因為蕃茄湯好濃稠所以掛到好多湯。美中不足係價錢竟然唔包野飲，同埋麵食嘅份量唔算多。…查看更多

過開嚟呢邊食野，知道lunch 時間何文田廣場係超多人食飯，於是拿拿臨嚟左呢間餐廳等位，等左15分鐘左右就入得。我叫左個龍蝦湯海鮮天使麵。海鮮嘅份量都不少，有蜆，帶子，蝦，魷魚，青口，以快餐店質素嚟講，啲海鮮都算好食，蝦都算彈牙。龍蝦湯味濃，天使麵係比較幼身，麵質煮到少少淋，但我鍾意硬少少嘅...幼身麵比較難掛湯，但係整體都係好食。另外套餐仲配有餐飲，叫左杯齋啡，咖啡味算香濃但唔會太苦，都過得去啦。…查看更多

見到呢到新開嘅茶餐廳，於是同一班同事過來試下。舖頭細細，位置不多，所以都等左一陣先有位。午餐款式不算多，但價錢都幾相宜，平均50蚊左右有一個lunch, 仲包野飲。豬扒好多塊，但係無乜洋蔥，同埋色水好深，feel 到係用濃醬汁大火煎豬扒，已經近乎少少炸嘅口感，減緊肥唔敢食太多...隻蛋應該係日本蛋，都有蛋香，同埋煎到有少少燶邊，惹味，但伴碟嘅係茄子，我麻麻地，同埋佢整到好油... 食左1 2舊就果斷放棄。飯嘅話就係珍珠米，煙煙韌韌咁。整體嚟講偏重口味+油，所以減肥人士要慎選。不過要讚一下佢個咖啡唔錯，香味十足。…查看更多

嚟左銅鑼灣突然口痕想食拉麵沾麵，之前係荃灣食過台風，係好食嘅！！見到銅鑼灣都有，於是就走過來食！！我叫左海蝦味噌沾麵，佢送一款小食/野飲，於是我簡左半隻溏心蛋（但原來佢咁身都有半隻）。蝦湯超濃，仲有勁多櫻花蝦，每到成個湯底勁濃蝦鮮味，反而味噌味就唔算非常突出。不過食完好似好易口乾，少少咸，食完要飲多啲水。叉燒份量都算多，粉粉嫩嫩，唔肥之餘又勁淋，非常好食。 麵食嘅份量都幾多，我叫左少麵但都算多，大食嘅人可以叫普通/加錢加底。…查看更多

係尖沙咀行完街，攰攰地要搵間餐廳坐低食飯，又想食日本野於是就嚟左呢間日式料理餐廳。之前食過都覺得ok.一上到嚟，已經係6點幾7點，嚇親，連埋我地得3枱人，以前係會坐滿曬。。睇嚟香港嘅餐廳都好難做。。。叫左個壽喜燒鍋，應該係用牛肩肉，牛肉味濃，肉質比較實，味道不錯。仲有好多娃娃菜，金菇墊底，索曬啲壽喜燒汁味，非常好食。之後叫左個燒鯖魚（因為唔想食咁多生野），鯖魚無腥味，feel 到鯖魚嘅omega3 好多同埋都算幾juicy 同厚肉，燒得好香，絕對無hea 你。然後叫左幾件sushi, 帆立貝 鯛魚 三文魚，魚生都算新鮮，帆立貝都算鮮甜，三文魚油脂分佈平均。鯛魚味道就淡啲。燒魷魚好正！！魷魚好彈！啲燒汁燒到好入味！串燒就正正常常。普通日式串燒，無乜記憶點。最後佢每人送左甜品，係啲日式糕點，滑劣劣，少少抹茶味加紅豆，好食。…查看更多

話說之前食完lunch 經過見到呢間新開，於是隔幾日就走嚟試下。套戲選擇不多，問左店員話餐牌會隔十日左右轉一次。 野飲要加錢，由於咖啡無得無糖，所以無叫。不過聽同事講係三合一即沖咖啡嘅味道今次試左佢個蟹肉海膽汁意粉配三文魚。個餐上到嚟嚇親我，塊三文魚連1/3隻女仔手掌都無，勁似係三文魚扒切左下面個一part 仔咁煮畀你細到呢...(可以睇圖對比下個三文魚同菇嘅size,係差唔多架！！！）因為份量少到我食完都無感覺，所以呢一part 我比唔到分。蟹肉海膽汁意粉嘅份量就偏多，企圖用意粉的量嚟彌補三文魚缺少嘅份量，但係澱粉係取代唔到蛋白質架！！！有少量蟹肉，海膽汁目測都見到啲海膽嘅...醬汁偏甜，少少杰身，味道正常過得去眼見其他同事叫左牛扒飯，size 都正常，但我個餐仲要係最貴，成70蚊食咁細塊三文魚，即時覺得心理不平衡好似被騙咁。…查看更多

游完水想食下刀削麵。於是走左過來食，之前都試過係到食，但服務水準非常之一般，所以都無乜期望，不過野食係正常嘅。叫左個鮮牛肉木耳溏心蛋刀削麵，但係好奇怪，佢係麵，滑牛肉同埋木耳，分3次上，勁畸呢...就咁放低又無提食客話啲餸遲啲送到，開頭我仲以為係碗麵漏曬啲料刀削麵就正常發揮，唔會太淋，鮮牛肉少少筋但又唔算滑，木耳份量唔算多，2碟都係少量薑絲青瓜絲墊底，少少醋味，味道不過不失。但係呢間野嘅服務質素真係要改善下，唔怪得知咁多人北上消費體驗更好嘅服務...…查看更多

店舖重開，於是同 同事來試下，貪佢有private room 私隱度高啲可以傾下計以前聽同事講話呢間一般，所以一直都無特別去試，不過聽講重開之後質素好左...重開免收加一再9折，仲送左個菜碗蒸，好多優惠😂😂套餐包左一碗味噌湯同茶碗蒸，茶碗蒸係普通有啲魚蛋同肉粒係入面，蒸得比較實，唔算非常滑但都係正常嘅。。。我叫左個壽司套餐，有8款壽司加2舊卷物，壽司都唔hea, 都有三文魚，油甘魚等，味道比想像中好 如果keep 住有promotion 都可能考慮再幫襯嘅...…查看更多

最近成日落雨，lunch 唔想行太遠所以嚟左呢間食日本野...之前食過熟食都覺得唔錯，所以今次嘗鮮試下角切魚生飯份量不算多，但係入面的魚生都唔hea, 應該有雕魚 三文魚 油甘魚等等，魚生都算新鮮！佢個飯本身已經有調味，似係赤醋飯，所以你最好最係加少少豉油已經夠曬味。面頭有啲芝麻，感覺上好似有加左少少麻油，增添香味！我唔記左影佢個味噌湯，非常有誠意，係用大量蝦頭去煲，每碗都有1~2個蝦頭，仲有一粒蛤蜊，幾廿蚊嘅價位算係性價比高了。…查看更多