可口可諾的個人專頁

想平日黎食個晏，食到一肚氣！ 快快手諗住食個商務套餐，由落單到第一碟嘢食黎都用左25分鐘，lunch time無左一半，🖕🏻催嘢食催到我都討厭我自己，啲嘢食幾好食所無用啦，印象咁差。伙記無做錯，錯嘅係廚房，廚房唔出就等啲伙記出黎受罪，差劣，見到樓面壓力大。嘢食係好食，味道唔錯。可惜我地只係食商務套餐，無隔離枱啲大魚大肉或者龍蝦刺身，被比下去。廚房無理過我地打工仔嘅死活（只有一個鐘lunch hour），下次？仲有下次？ 算啦，唔好為一肚氣而食，我寧願幫襯美心都唔會再黎呢度。…查看更多

中秋佳節，難免周街都係人，疫情限聚令未過，一行七人走到西環呢間嵐川食串燒。打去一問可否坐隔離，礙於位置不多舖不大，都係要分開坐兩張枱。服務我這張的是長髮女侍應，服務態度非常好，除了一坐下就主動問同不介意斟熱水給我哋這些中女外，每樣食物都安排較剪讓我們能剪開三份，又在我地想搬枱一齊坐時幫我們一把。相反，另一個短髮的侍應？老闆娘？就全程西口西面，答問題時支吾以對，又hea答又扮睇唔到舉手，連斟水都要我們自己去，差劣。有朋友身體不適想飲熱水，舉手問她都「吱」我哋表達不滿，遞上水時更串我們「熄冷氣啦又飲熱水又盛」😳 一肚子氣，未見過有飲食從業員會因為斟熱水先發脾氣，佢都係第一個，更亳不猶疑地串客人👍🏾👍🏾👍🏾叻。食到最後真心嬲，本身嘢食唔算差，但個位侍應態度唔係一般的差，係惡劣，不尊重客人。在這個環境各行各業都蕭條的時候竟然有人唔理生意好唔好，都咁樣玩死自己間舖，實屬九流。 睇到最後，🟦到⬛️。…查看更多

慕名而來，打算一嚐韓國的味道！下午兩點半黎到，已經見店外排起隊，我是第17個，排到三點半先有得點餐！唔餓都排到餓！我買外賣點了特別版SBS人氣歌謠吐司$34及MVP煙燻漢堡吐司$49，等了大約廿分鐘才整好。首先吃了人氣歌謠那個，麵包有烤過略脆，果醬加上蛋及椰菜也令吐司有清新的感覺，早上如不想吃肉可揀這款。但和實質在SBS食過的有少許失望。再來就是MVP煙燻漢堡吐司，這款是我在韓國一定會點來吃的吐司！漢堡大小較一塊面包略細，煎蛋也比韓國原始的較薄身，美中不足的是醬太多，完全蓋過了漢堡的味，滿口也是醬，感覺吃醬多過吃吐司。總的來說，味道不過不失，只是懷緬一下韓國的味道也是過得去的。唯一可以改善的是，點餐及製造速度，如能加快速度應該能吸納多啲未試過又想試嘅人。如果要排個幾鐘為試一個你曾幾何時係韓國食覺得超好味但黎到香港竟然整成咁嘅一個吐司，就不太值得了。同埋，員工相處太好了，不斷傾住計整吐司，如果可以戴返口罩黎整食物，就更加衛生了。…查看更多

哈哈~星期5係11年11月11日,我地幾個囡囡決定出去食個大餐,慶一慶祝其中兩人的生日~~~諗住BOOK位,點知佢話FULL左要WALK-IN咁等...有FRD早D放,6點半已經係starbucks等緊我地到,但係我地成班又未到WOR,搞到佢又冇得攞位....唯有係出面睇住個MENU諗定食乜,最後等左成個半鐘...AIYA.....等到胃都凹...等到八點半終於有得入去坐喇~~~因為之前已經睇左食乜,所以拿拿臨ORDER唔好講咁多~~~肚仔已餓!!!今次已經係我第3次去CPK食喇~~~~呢個CARBONARA好味,有一貫的水準,上一次去CWB食都係食呢個,D CHEESE好濃味~~~不過略嫌乾左D,冇乜汁... 呢個有少少辣~~不過都幾惹味~~雞肉唔太UN剛剛好,食哂Spaghetti之後仲有D汁我地係咁用塊pizza去食埋D汁,真係唔錯~~~有D似印度薄餅D味,可能佢加左幾塊herbs落去掛~~~HEE~哈哈~今次一大嘗試呀!! 呢個WHITE PIZZA係用左好多好多好多好濃味既CHEESE去焗塊PIZZA... WAAAAAAA~~~不得了不得了,中意CHEESE既朋友一定中意呢個PIZZA, D FRD一開始食左一塊就FULL左3/4...咬左一啖PIZZA之後,D CHEESE半熱融係個口度,成個口都係芝士...另外點左一個BBQ Pizza,BBQ Sauce"淋"上面, 想食多塊呢個SALAD夠大碟,再加埋佢4塊好似印度薄餅既餅,飽哂....但係佢個SAUCE好似酸酸尾尾咁,但係白色GA BOR, OK啦,唔算好好味,係幾大碟就真!!!今次6個女仔去食5碟野,其中2碟係PIZZA,再加埋BACON個D,以為要好貴,E? 又唔係WOR,每人$100落得樓喇~坐既位又舒服,側邊有得望下街景,係等位等得太耐吽哂.....上菜又OK快,吹左2咀已經有CARBONARA黎食~~~算唔錯GA喇...食完成10點左右,WAITER冇催我地埋單但仲有人等緊LO~~~~CRAZY~~~~~~~~下次可以再黎多次~~~下次食下午餐先~~~…查看更多

星期5既新城市多人到喊,見到隔離上海野咁多人,見到PHO24冇人等位於是入左去食~唔洗等位直接行入去都幾好,見到入面唔FULL但我同個FRD都要坐出面好奇怪,不過算啦~睇MENU,都係個D 湯檬撈檬之類的~見到個2人套餐好似好多野食,$298食拼盤啦,又有2碗湯粉,不過見我地2個女仔都唔食得多野,所以都係散叫2個檬+1個拼盤....我叫左個香茅豬扒撈檬,貪佢點整都唔會難食得去邊嘛~又唔錯WOR~豬扒煎得幾香,夠細件可以一啖食哂,又夠多,我食完食碗粉都未食完D豬扒,仲有1X件~~飽到呢~我個FRD叫左個生牛肉湯檬~又係貪佢唔會整得好難食~都OK好食,D牛肉唔太"UN", 剛剛好熟唔會血淋淋~叫埋個拼盤~呢個拼盤可以一試但不建議再試~唔抵LO得2件春卷3件蝦米卷2片蒜蓉包2件扎肉2件雞翼....咁就80幾蚊喇....唉.....最難食既唔係野食,係飲品!!!!+$18叫左杯咸檸7青檸梳打! 嘩! 個味夾到想嘔!!!! 又唔記得落糖水,要叫佢整杯糖水自己加!!!以後唔叫呢杯!!!全餐飯D WAITRESS都係咁過黎加水,SERVICE都叫唔錯~一叫即做~~…查看更多

終於去左重慶食印度野喇~~~~今次個FRD揀左新德里(因為佢食過樓層+室個間)佢地4個人去到先~等左唔係好耐都坐低左揀野食~一坐低就送脆薄餅食~幾好丫~不過燈光有點兒藍XD 睇得有點兒辛苦 ^^"之後揀左好多個名都好似差唔多既薄餅~~呢個冇食到呀~俾佢地食哂 .....不過佢地話幾好味WOR~呢個正呀~好大陣CHEESE味但係唔膩的~~食完要再食~好味~唔記左呢個叫咩名....不過係雞黎的....有點兒辣~~雞肉算整得好味唔UN...可以一試~咖哩魚又係有點兒辣~HEE~不過同烤餅一齊食又好好味~正~我地狂ENCORE烤餅!!!新德里特色燴羊肉好好味~但因為我唔知新德里特色係咩既特色 ORZ所以我唔知算唔算正宗!但係D羊一D都唔SO~~~哈~~~個汁有D淡,但唔係難食,可以一試~但我覺得冇左食印度野既感覺~~~UM.....呢個薄荷好似牙膏.....D FRD食完話好似刷緊牙....冇乜特別~但烤餅整得好好,夠厚,有風味!?我地一人叫左杯野飲,呢個FRD真係唔識死....叫左個咸YOGURT!!! 一飲! 中伏了! 奇怪味~又咸又酸...哈...後面粉紅色個杯又係玩野, Rose Squash....勁多泡唔再講,個玫瑰味真係..甜甜地但又唔係好味,食緊玫瑰入口既味LO...我左叫Orange Squash,另一個FRD叫左LEMON SQUASH...都係正常的 :)其實唔只叫左咁少,仲有個蕃茄雞肉又係一流好正~~~~要試~~~~仲有, 一定要狂ENCORE 烤餅,無論係有芝士味定就咁普通既烤餅,都好好好好好好好好好味~~~~~就算好飽都要食~~~~~另外就係,重慶開左咁多年有印度野食都咁多人食既!? 我食完差唔多8點9,仲有成1X個人等緊~~~~我諗我下次都可能會返黎食多次,不過要試埋其他間先~~~~…查看更多

哈哈~因為成日係SSP出沒,所以成日都會去食...推介GE有腩肉!!! 呢個超好食~一定要試~2ND係魚腐,都好好味~仲有試過食水餃啦,雲吞啦,墨丸啦,都OK!! 我覺得水餃同雲吞好似差唔多咁,好似自己舗頭整~上次食酸辣小辣 辣到我喊,今次問阿姐有冇得又係酸辣但又冇小辣咁辣~阿姐好好笑,佢話R~有~BB辣囉!!!!哈哈哈~我同家姐呆左,不過好正~D阿姐勁好人~~…查看更多

同男友揀左2月15日先去慶祝VALENTINE'S DAY~少人D嘛~但去到嚇親~仲有成15個人企係度等緊,但係隔離2間都冇人LOL...好啦,等啦,等左差唔多8張檯,終於入去喇!!!一坐低就即刻揀野食,最後點左:- 雞軟骨雞軟骨KEEP得住水準!! 好正~我男朋友差唔多食哂~- 俾相撲手食GE海鮮鍋 (唔記得個名) , 仲加個烏冬我最欣賞GE係個鍋~OK多海鮮~加個烏冬吸哂D湯~好正~- 黑椒牛肉石頭鍋飯牛肉石頭鍋飯有D似 "PEPPER午餐" ~ 不過個啖牛油冇佢咁濃味- 卷物, 有6件,2件三文魚,2件甜蝦,2件帶子三文魚超香~好新鮮~齒甲留香~OVERALL 好滿意今餐~間唔中食下和民都幾好~每次都有SURPISE!!!!…查看更多

上個星期6諗住去阿詩瑪食LUNCH,食完有野做於是諗住快D叫快D食完走~同媽媽家姐落去食,阿媽叫左個$168 2人套餐...我同家姐遲少少坐低~坐低冇幾耐有黎左個雞湯啦~之後就黎左個豬扒米線~E? 覺得有D奇怪,點解個餐會有咁大碗米線GE? 之前係2碗細米線~係咪COMBINE左一碗大呢? 以為係啦就照食~唔理咁多~因為趕時間~過左冇幾耐~又黎多2碗米線~原來而家先黎~之前個WAITRESS黎錯左~碗米線原來係隔離GE~哈~我地個時都已經食得7788,佢又唔黎話我知佢俾錯~又唔發覺~咁就算啦,人地都未出聲我地冇理由出聲GA MA~後來就嘈我地喇~個女經理同個WAITRESS行埋黎收碗大米線(係特登行埋黎GA!!!),黎到就話我地食左佢碗米線,照公司規矩佢要收返我地一半個碗米線錢,另外一半由個WAITRESS俾返... 下? 我地當堂打左個特!!! 喂!!姐姐~而家係你個WAITRESS端錯左黎我地度~而家要我地俾返一半? 唔係下嘛~我地聽都未聽過有D咁GE POLICY LOR~又唔係我地的錯~而家要我地俾錢??? 太好笑喇~我阿媽都話佢咁耐都未聽過有食肆試過咁要求D客人俾返一半錢(因為食錯野~~~),所以我地話唔俾~個經理一聽我地話唔俾就知衰~拿拿臨走左去~之後未埋過黎SERVE我地....唉...真係好唔得LO.....就算係好好食,你俾D咁GE SERVICE我我地會GUR少少~唉.....…查看更多

今日下晝第登同d 同學一齊去中環食茄牛通...諗住遲過lunch peak hour會冇咁多人...咁唔好彩....對面九記冇開....d人過哂黎排隊食....等左3個字...算快ga喇....坐但左即刻叫野食....叫左茄牛蛋面同茄牛蛋通...加一個檸蜜脆脆同咖央多士....我個面黎先...食緊唔覺d味有野...之後個frd既通黎左...佢飲左啖我d湯...話有出前一丁味咁怪既....後尾食下都覺好似有d酸酸地...唔知係咩reason....不過我覺得都算ok喇....反而個檸蜜脆脆冇咖央多士咁好味.....有d失望....諗住個個都叫一定有佢過人之處...ok啦..不過不失...埋單100蚊走人~…查看更多

尋日約左死黨同一個男仔frd去沙田食dinner去到連城諗住搵間可以少人d講野冇咁辛苦既店食...方便傾計...行行下見到佢d坐位幾得意咪去望下...見d價錢都算reasonable...就入左去喇...入去時個男仔frd未黎到咪唔叫野食住lor...同死黨係度傾計...d waitresses見我地冇乜意欲去order都冇成日行埋黎問我地....ok啦.....then order野食時都算好manner......我地叫左3個定食: 生薑汁燒牛肉定食 & 燒汁豬肉定食 &{ 唔記得叫咩名} 三文魚籽+三文魚片定食....我食果個生薑汁燒牛肉定食唔錯....係多左d 洋蔥...個男仔frd話佢個豬肉定食麻麻地....食左好少就停左手.....個死黨話佢碗飯算ok....但係飯多過三文魚...食哂d餸都未食完飯.....我仲食左個日式蒸蛋....幾好咪wor呢個又....算唔錯....仲有個凍既薯蓉....怪怪地...唔知食左d咩入口....我個frd話碗miso soup好難飲....搞到我都唔想飲...冇飲到....overall,,個環境幾suitable for 傾計....我地勁講野都唔會話聽唔到....可能佢個日weekday so冇乜人去食反啦.....坐得幾舒服既.....…查看更多