Chris Yeung726的個人專頁

沿著商場入面行，跟住陣陣的炸雞肶味就已經見到舖頭。地點方便但呢間舖位比較細，坐位唔多，但下午茶時間都可以即刻有位，叫咗2位炸雞肶餐，1份跟薯條，另一份跟沙律，＄4X蚊包埋凍飲真係ok. 炸肶的皮薄得嚟超脆，雞皮係冇肥膏㗎，我食塊皮的時候好似食薯片甘。等緊個炸肶的時候職員都有同我地傾下，原來呢度係新開的。食物：真心要試炸雞肶地點：方便就腳環境：其實個抽氣有改善空間因為全部都會聞到同埋食完全身都有呢個味道…查看更多

諗住食下呢類茶記，冇試過真係唔使試，如果你對奶茶有要求的話。甘熱天，去熟食市場試下睇下會唔會少d 人， 還好冇過咗午餐時間，今日冇咩遊客，諗住冇甘多人等位，就去試下。下午茶時間，入面大部份都仲有位，行完一圈，比佢呢一間佢寫自己係瓦煲奶茶，就一試，其餘的都係粉面飯為主，下午茶都係食少少嘢，諗住簡單食個面同order 咗杯凍奶茶，一嚟見到杯奶茶，一睇個顏色唔係好吸引，跟住杯嘢的奶味太重。食完得3個字，伏，伏，伏…查看更多

當晚同朋友2個人係門口睇到有2人餐＄299，又想食酸菜魚，而見佢其他菜式OK看似啱食甘就唔諗，入到去一坐低睇下個menu 但冇門口寫的2人餐係menu入面，甘我就問下佢，有個矮小戴口罩但係鼻之下的女侍應話，二人餐款式冇得揀，其實首先第一度係可以酸菜魚or水煮魚，第二度係口水雞or蒜香雞，第三係回鍋肉，第四係炒菜，我再同佢講我要酸菜魚，同蒜香雞,佢就話哦。。。再嚟我要一枝青島啤酒，menu 冇寫size, 佢比枝細嘅，但隔離檯order 就係枝大，我真係唔識分，重點嚟啦…呢度的酸菜魚，竟然係龍脷柳，可能係我見識少，又或者原來要問清楚先知道係比龍脷柳，請各位睇清楚，問清楚先好order, 最後我當然係食完幾塊就放成碗留反係度，唔怪得星期六都有好多吉檯。。。…查看更多

其實而家好多火鍋店都係雞煲加配料任食，而我就鍾意揀d火鍋店包埋飲品，雪糕等等。當日先醒起要先去取電腦再去食晚飯，即刻揾到呢一間二鍋頭，第一次嚟，當然入open rice 睇晒有冇咩食，同佢嘅食評如何先訂座，冇可否認，睇完佢嘅食評ok,即刻用1分鐘去book 枱。食物，飲品方面：我選擇雞煲，之後再嚟香茜皮蛋湯底，其餘菜，炸魚皮，丸類係自助的，另外蝦，蜆，牛就填點心纸。而飲品就正常款式，188＋10％嚟講，冇得挑剔。環境ok, 我剛好坐Sofa 位，其實佢而家嘅座位放得幾好又唔迫，因為樓底高所以感覺坐得舒服。最值得讚嘅係佢會主動提你雞煲可以再加，如果唔係就同我地換湯底，另外又會講清楚d 食物係邊，全部自助，雖然有其他客會講，佢地自動係應份的，但我最近去過一間火鍋店，真係要問幾個問題先知道自己要去邊度先可以攞d 嘢反埋位。我地會再去的。…查看更多