sesamebun的個人專頁

一有新商場開幕當然要去吓湊熱鬧啦😆😆Airside入面餐廳嘅選擇好多，但係我同朋友不約而同被依間日式茶室的抹茶味吸引。柚子胡椒豚肉烏冬 🐷🐷 $98果日天氣凍凍地，我地就揀咗個有湯嘅烏冬。味道俾想像中清新，有淡淡嘅柚子味，反而胡椒味就唔係太出。海老蕃茄豆乳烏冬 🦐🦐 $128如果想食濃味少少嘅烏冬，海老蕃茄豆乳烏冬絕對值得推介。一食入口就食到好濃蝦嘅鮮味同蕃茄味，仲有好多隻蝦，絕對好足料。抹茶蕨餅芭菲 🍵🍨 $88抹茶甜品一定係定食item👍🏻👍🏻👍🏻 抹茶味十足，已經係無得輸。就連蕨餅都俾到我地驚喜。係香港好少可以食到好食嘅蕨餅，但係依間嘅蕨餅凍左都仲可以煙煙韌韌，必推🤩🤩黑芝麻白玉芭菲 🫖🍨 $88估唔到依間以抹茶為主嘅茶室，其他甜品都一樣出色。芭菲頂嘅黑芝麻雪糕嘅芝麻味好香好濃，中間配埋脆脆嘅粟米片，再配埋底層嘅芝麻啫喱，一啖滿足三種唔同口感😋😋🍵🍵🥛🥛抹茶牛奶白玉 焙茶牛奶白玉…查看更多

牛大人一直係我encore再encore 嘅台式火鍋店，唔單止湯底多，仲有好多款嘅肉可以任叫。每次黎都一定係揀最高性價比嘅澳洲極上和牛套餐，每個人仲會送兩粒M9和牛牛丸（非常非常多汁同爽口彈牙😋😋，牛味又濃，最衰係無得任叫）。食得多鳳梨雞鍋，今次就揀左眷村白玉酸菜湯底，試吓新口味。牛肉必食item一定係澳洲和牛M5牛肩卷，其次牛小排同埋牛板腱都好好食。食牛食到膩膩地，豬梅片同豬五花片都好值得食。肉以外推介嘅必食item：鴨血🦆：麻辣鴨血好入味，又嫩滑鱸魚片🐟：驚魚腥味同魚骨嘅朋友仔一定要揀鱸魚，滑得黎又無骨，成塊放入口都可以蟹子墨汁漿🦑：佢地出嘅手打魚漿款款都好足料，啖啖都食到墨魚肉沙白🐚：好大粒同新鮮，粒粒啲肉都好肥美最後到甜品環節，每個人可以Movenpick/Haagen Dazs雪糕或者牛大人自家製嘅仙草甜品。每次食都好飽好滿足咁走。😋…查看更多

復活節長假期黎澳門一日遊嘅最後一站就係黎買蛋球仔（即係香港嘅雞蛋仔）。當然試佢地店最有澳門特色嘅葡撻味，每一粒雞蛋仔入面都有葡撻餡，的確熱辣辣食果時係做到外脆內軟，葡撻餡嘅味道似係燉蛋，頭頭開始食係幾有新鮮感，不過一次過食一底都有啲膩。由於係期假，等候嘅時間比較長，店員亦話唔定要等幾耐，叫我地等完半個鐘又話要等多半個鐘，最後等左差唔多兩個鐘。人多嘅時候店員嘅安排都較為混亂，好多客人等等耐都會行埋去嘈，一嘈可能就會俾左果位客人先。如果要等咁耐就真係唔係好值得去等啦。所以落單前大家要問清楚前面仲有幾多張單等緊，唔係就可能會影響之後嘅行程。😅😅或者揀一間附近可以行吓街嘅分店食，起碼等都無咁悶😉😉…查看更多

行經尖沙咀海旁唔難發現依間位於文化中心旁嘅文青cafe。餐廳入面裝修以木系為主，如果係想打下卡影下相，可以揀餐廳中庭位置坐，會有feel 過坐窗邊位😉😉明太子康提芝士蟹肉墨西哥夾餅 🌮️🌮 $138脆脆嘅墨西哥夾餅配上滿滿嘅牛油果蓉、原條明太子、蟹肉及芝士，有唔同層次嘅口感外，牛油果蓉同微辣嘅明太子互相配合，加埋少少他他醬，清爽得黎又開胃，好岩作為前菜。海膽黑魚子醬蟹肉貓耳朵粉 🍝🍝 $188主菜我地就揀左比較重口味啲嘅貓耳朵，一上枱就俾上面裝飾嘅海膽同埋黑魚子醬吸引😍😍，creamy 嘅海膽醬配上煙煙韌韌嘅貓耳朵仲有少少嘅蟹肉，濃郁嘅海膽配鮮甜嘅蟹肉，絕對係絕配。慢燒威士忌保濕三黃雞 配燒新薯及西蘭花苗 🐥🐥 $248如果鍾意燒雞嘅朋友一定要試，吸睛得黎又嫩滑。上枱時待應會淋上威士忌再點火，絕對係大家打卡嘅時候。雞皮燒到非常脆仲可以食到淡淡嘅酒味，雞肉好嫩滑多汁，就算係雞胸位都唔會覺得乾。
焦糖香蕉合桃朱古力布朗尼 配雲呢拿雪糕 🧁🧁 $98雪糕同暖暖嘅brownie 一向都係絕配，表面微脆嘅brownie 配微溶嘅雪糕再加埋甜甜脆脆嘅焦甜香蕉🍌，一啖滿足曬幾個願望。🥰🥰綿綿黑咖啡 ☕️☕️ $42 / 日本玄米茶 🍵🍵 $40餐廳另一邊仲可以飲下酒，夜晚同朋友仔去玩尖沙咀行街黎飲返杯野都一流。🥂🥂🍽️ Lemna of The Alchemist (牧羊少年與他的浮萍)📍 G/F Hong Kong Cultural Centre, 10 Salisbury Road, Tsim Sha Tsui, KL 尖沙咀梳士巴利道10號香港文化中心地下…查看更多

依間位於烏溪沙站隔離嘅屋子生活，一出烏溪沙站行三分鐘都唔洗就會見到依間落地大玻璃嘅cafe。室內以日式木裝飾為主，可以揀位普通枱凳位，如果想影相靚啲，可以揀除鞋坐窗邊嘅塌塌米位。南蠻雞唐揚配醬油蛋拌飯 🐥🐥南蠻炸雞配蛋黃醬絕對係好夾，炸雞唔會好乾仲有肉汁。鮭魚味噌烤配烏龍麵 🐠🐠鮭魚好有住家飯嘅感覺，煎到個皮有少少燶同脆，配飯會更加夾。紫蘇醬油拌豆腐 🥗🥗大板醬烤薯條 🍟🍟玄米茶戚風 🧁🧁甜品係必食item, 玄米茶味好濃，戚風蛋糕好濕潤鬆軟，配埋奶油同提子，成個食曬都唔會覺得膩。😋😋黑糖珍珠牛奶 🧋🧋原本以為係最普通嘅飲品，但係估唔到佢嘅黑糖味好香，值得一試。焙茶牛奶 🍵🍵焙茶味好足，不過就有少少蓋過左啲牛奶味。蔓越莓蜜柑汁 🍷🍷期間限定嘅飲品，漸層嘅粉紅色，好夾打卡，飲落酸酸甜甜，解膩一流。週末想三五知己搵個地方hea下吹下水，依間cafe絕對係一個好選擇。😎😎😎…查看更多

最近涼涼地，夜晚晚想搵啲熱㷫㷫又潤嘅糖水食，係屋企附近搵到依間有椰王食嘅糖水舖。🥥🥥🥥阿木（$60）椰王入面有木瓜同桃膠，係女仔養顏之選，桃膠同木瓜都好夠料，最最最重要係唔會好甜，始終係夜晚食，無咁甜罪惡感無咁大。芒果紫米露（$33）芒果紫米露係椰奶底，比起椰王無咩驚喜，正正常常嘅甜品。紫米量都幾多，食完都幾飽。…查看更多

相信有睇大叔的愛嘅觀眾們對依間cafe一啲都唔會陌生。睇劇果時已經覺得依間cafe嘅環境幾舒服，枱同枱之間唔會好近，有足夠空間俾每枱客人，好岩同三五知己聚會☺️☺️最近佢推出左港女下午茶🫖，當然叫埋🐢🍯一齊去打下卡做下港女😝😝依個尊貴下午茶($488 for 2)總共包括左13款嘅食物加一壺洋甘菊茶🫖食下午茶我最期待就係鹹點，依個下午茶set嘅鹹點都唔錯，最推介係佢地兩款迷你漢堡，和牛漢堡雖然係細細件，但係都食到肉汁😍😍😍 香脆魚塊竹炭漢堡嘅醬酸酸地，配埋炸魚塊成個漢堡油膩感大大減低😍😍😍最有驚喜嘅係挪威三文魚配三文魚子鬆餅，三文魚配埋魚子，一入口就爆汁😆😆，口感好有層次，好特別。迷你經典和牛漢堡🍔迷你香脆魚塊竹炭漢堡🍔牛油果🥑松葉蟹肉配蛋黃醬挪威三文魚配三文魚子鬆餅🧇手工金箔黑松露球法式小串（哈密瓜🍈、巴馬火腿、青提子）甜點方面就有以下幾款，推介佢地香蕉海棉蛋糕同埋脆脆焦糖泡芺😍😍😍香蕉海棉蛋糕香蕉味夠曬重，蛋糕仲好夠濕潤，食曬成件都無問題🍌🍌🍌焦糖泡芺內面有焦糖包住，配埋微酸嘅芒果忌廉，中和左焦糖嘅糖味，一口咬落去外面脆脆而入面滿滿嘅忌廉🥰🥰🥰迷你可麗露馬卡龍（6種口味）招牌提拉米蘇朱古力慕絲蛋糕香蕉海棉蛋糕脆脆焦糖泡芺配鮮打芒果忌廉焦糖布甸蛋糕…查看更多

依間賣炸豬扒賣到出曬名，難得今次經過無咩人等，當然要試吓啦！蔥油豬扒飯係佢哋嘅招牌菜，差唔多台台都有人食，豬扒係大到可以遮蓋曬啲飯，厚身得黎又唔會太乾，的確係大件夾抵食。不過蔥油就有啲失望，唔夠蔥香同埋鹹左啲。另一位朋友就驚熱氣，叫左叉粒豆角蔥花炒滑蛋飯。可以試佢嘅叉粒豆角蔥花炒滑蛋飯，叉燒同豆角粒都幾足料，不過就普普通通，無咩驚喜同特別，個人覺得炸豬扒飯抵食同吸引好多。…查看更多

斑蘭雞花膠湯粉皮（$78）🐤🐤🐤花膠湯粉皮絕對係必食Item, 粉皮嘅質地類似腸粉，好滑身，花膠湯係真係食到有花膠。😋😋😋原本以為配餐嘅雞唔會好多，點知都有成10件雞，而且件件都大大件。雞嘅質地就類似海南雞，好嫩滑。雜菜燒魚飯（$88 加$15轉斑蘭飯/黃薑飯）🐟🐟🐟原來個餐係配白飯，但係食印尼菜點可以唔試下佢哋啲有色飯，所以加左$15蚊轉左做斑蘭飯。斑蘭飯食落會甜甜地，有淡淡嘅香味，都幾特別。😆😆😆燒魚睇相都見到好大條，同埋一啲都唔會乾身，幾嫩滑。白鱔沙嗲三串（$98）🍢🍢🍢因為都叫左兩份主食，最後就揀左樣特別啲嘅串燒試下。白鱔皮燒到都幾脆口，魚肉都仲keep到滑身，配埋沙嗲醬食，好岩我地而啲鍾意香口野啲人食😆😆😆整體來講，而間印尼菜餐廳絕對可以一試，份量大份，係銅鑼灣鬧市之中價錢絕對係好抵食，而且可以食到印尼嘅味道。😆😆😆…查看更多

估唔到街市入面會有一間由韓國夫婦開嘅小食店。雖然細細間，但係都多選擇同價錢都幾抵食，絕對係街坊價。🥰🥰今次試左辣豬肉飯卷、炒年糕同埋炸雞。飯卷不過不失，炒年糕同埋炸雞就強烈推薦。炒年糕入面有加埋魚糕，味道有迎合香港人口味，唔會話好辣，年糕仲係煙煙韌韌，一份$38，平時lunch 諗唔到食咩，叫一份一定會飽。😋😋😋甜辣炸雞一定要試，佢係即叫即炸，拎到返屋企，仲熱辣辣，外脆內軟，雞肉仲有汁👍🏻👍🏻👍🏻，$32有4件…查看更多

係旺角鬧市中有一間其貌不揚嘅cafe，入面嘅裝修都好簡樸，俾人一種好舒服嘅感覺。自家製忌廉蘑菇貓耳朵意粉 （$94）貓耳朵係出面真係好少食到，意粉煙煙韌韌，好有口感，忌廉汁有好香嘅蘑菇味，好值得試😋😋😋日式黑咖哩吉列豬扒飯（$108）吉列豬扒好厚身，炸到多脆內軟，肉質一啲都唔會乾，配埋少少甜甜地嘅日式咖哩，餸飯一流薑味麻薯窩夫配紅豆蓉加綠茶雪糕（$64）窩夫外脆內軟，入面配埋煙煙韌韌嘅薑味嘅麻薯，真係可以食到啖啖嘅薑味👍🏻👍🏻👍🏻…查看更多

周未好鍾意同朋友一齊試試唔同嘅cafe打下卡，上網見到而間位於K11 MUSEA頂樓嘅cafe有室外位，空中花園嘅環境好似去左外國咁，可以好chill咁嘆吓下午茶，就同朋友去試試啦。🌴🌴🌴🌲🌲🌲🌳🌳🌳我地叫左兩份三文治，最後試埋佢地嘅雪糕🍨🍨🍨B.E.L.T 🥪🥪🥪 (milk bread toast, bacon, fried eeg, butter lettuce & tomato with fries🍟 ) ($95)三文治嘅toast真係好軟熟，表面烘到微微金黃，煎蛋有微微流心，不過煙肉就可以再煎香多少少，咁就perfect啦😆😆😆Fish Fillet Sando 🥪🥪🥪 (breaded sole, wasabi maya, cabbage, furikake maya with fries🍟 ) 對比起B.E.L.T，我比較推薦炸魚三文治😋😋😋，足足有兩大片炸魚，配埋微微攻鼻嘅wasabi醬，出奇地搭同解膩😋😋😋Flat White ($40) ☕️☕️☕️咖啡係係門口排緊隊嘅時間已經聞到好吸引，Flat White奶味比較重，對於我而啲鍾意聞咖啡香但係唔鍾意飲苦咖啡嘅人黎講，好岩我嘅口味 Cold Brew ($68)🍹🍹🍹佢地Cold Brew係比較偏酸，咖啡香唔係好夠，朋友覺得麻麻地Mango Red Jade Iced Tea ($58)🍹🍹🍹芒果冰茶，芒果香味幾夠，茶味比較淡，不過夏天熱辣辣嘅天氣黎講，冰茶清爽啲都幾舒服Coffee and Almond Fudge ($35)咖啡香都幾香同濃，不過有少少甜，一個人食曬兩球就會太膩啦Nara Strawberry ($35) 士多啤梨軟雪糕係夏天食就非常推薦，有微微士多啤梨嘅香味，食落好清爽，作為一餐最後嘅收尾就好岩😋😋😋原本係想訂左位先嘅，不過而間cafe係唔可以訂位，只接受walk-in。因為我地果日係星期六，都等左差唔多一個鐘頭先入到去，如果想試嘅朋友仔記得要預返時間排隊等位啦。同埋室內嘅台係偏細，如果幾個朋友一齊去而又會叫野食，相信張台係唔會放得曬🤣🤣🤣，而且indoor嘅位都比較逼，個人覺得坐得唔係好舒服。如果天氣唔太熱，強烈建議坐outdoor，outdoor嘅台會大張啲，而且每張台嘅距離唔會咁逼，會坐得舒服好多。不過記得記得記得（重要嘅事要講三次😆😆😆）一定要係排隊時講明要坐outdoor。因為我地排到時見到啲台咁細張，同門口個男侍應講因為我地都會叫野食，想坐outdoor，唔係驚indoor張台未必放得曬，俾人黑左下面同串左兩句🤪🤪🤪 不過佢地服務態度都真係一般般啦，由入門口scan QR code填form，已經俾人黑面🙈🙈🙈（雖然我地填form係慢左啲啦） 我地叫左兩份sandwich都有配到薯條，最先上果份漏左放茄汁，我地原本仲以為係要特別request先會有，係見到其他台都有放茄汁，先知道佢漏左放🙈🙈🙈。之後加單又有漏單喎🙈🙈🙈。整體而言，除左環境照相打卡幾靚同埋價錢合理之外，野食同服務都一般般😆😆😆，大家想感受下去外國high tea嘅氣氛都可以去試吓😆 …查看更多

而間位於尖沙咀，由韓國大廚主理嘅韓國餐廳，鍾意韓燒嘅我哋今次聚會就揀左而間餐廳，食返韓國嘅風味。😜😜😜因為朋友唔食牛肉，我地就揀左份4人豬肉set同叫左份海鮮煎餅。4個女仔食份量岩岩好。食韓國嘢最開心就係會有好多伴菜可以食😝😝，叫完野食後，各款嘅伴菜就送上黎，泡菜、芽菜、醃白蘿蔔、蒸南瓜、雜菜沙律。因為我地叫左燒肉，除左有幾款點燒肉嘅醬汁外，仲有一盤用黎包肉嘅生菜同紫蘇葉（不過生菜係唔可以refill，再叫就要加錢）四色五花肉加豬肉拼盤🐷🐷🐷拼盤包括護心肉、調味排骨、豬頰肉、豬頸肉同埋有4款唔同調味嘅五花肉（有辣椒醬、香草、咖哩同埋蒜蓉）🐷🐷🐷肉嘅質素好高，五花肉嘅肥瘦比例岩岩好，燒落有滋滋聲嘅爆油聲😍😍😍 護心肉同豬頸肉燒完都好嫩滑😍😍😍雖然4款嘅調味食落唔係好分得出，但係整體黎講都好滿意海鮮煎餅🥞🥞🥞海鮮煎餅料好足夠，邊邊煎到脆卜卜，驚泡菜煎餅辣嘅朋友可以試試😋😋😋…查看更多

而年半大家都去唔到旅行，唯有四圍搵唔同國家嘅餐廳食飯，一解去唔到旅行嘅痛苦。大圍而間韓國餐廳價錢中等，食落又幾有驚喜😋😋😋韓式甜辣年糕炸雞（半份/$98；一份/$178）韓式炸雞係去韓國必食，而間嘅炸雞做到外脆內軟，一口咬落去仲食到有肉汁，炸雞愛好者一定要試下。半份有4件雞，加埋年糕，兩個人食岩岩好。雖然餐牌寫有三隻🌶🌶🌶，但係辣度就真係好微微🤣🤣🤣韓式煎餃子（$68）餃子雖然係普通嘅菜肉餃，但係佢配搭嘅兩款醬汁又幾特別，分別係麻油同蜜糖芥末醬，完全估唔到蜜糖芥末配煎餃子係咁岩😋😋😋最後當然要留肚食甜品啦，佢地嘅甜品樣樣個樣都好吸引，最後叫左兩款試試。🍨🍨🍧🍧🧁🧁爐板燒布朗尼（$78）見到而款甜品立即明白點解間鋪叫做小火焰，brownie上台時仲有個爐熱住，真係可以食到烤到熱同脆嘅brownie配凍冰冰嘅雪糕，不過就真係要快啲食曬，唔係墊底嘅脆脆會燶曬🤣🤣🤣吉士蛋糕配3.6牛乳奶凍（$68）煙煙韌韌嘅吉士蛋糕，可以淡淡嘅蛋味，配埋曲奇雪糕食，就有另一番滋味。奶凍夠滑同牛奶味都夠濃。如果大家驚叫兩份甜品食唔曬，要二選一，就試左brownie先啦😎😎😎 …查看更多

大圍村屋到新開左間日式居酒屋，除左一般嘅串燒、壽司、刺身、丼飯外，仲有好少見嘅牛腸鍋 帆立貝甜蝦海膽丼($138)帆立貝、甜蝦同海膽而三樣野已經係不敗嘅組合，加上佢地食材夠新鮮，魚生飯一定要叫款試試三色魚丼 ($108)🍣🍣三色魚包括左三文魚、赤身同油甘魚，刺身切得都好厚身同新鮮😋😋😋秘製日式味增牛腸鍋 ($88)🍲🍲🍲本來食完丼飯都夠飽，但係見到有牛腸鍋食咁特別，都叫左試一試😚😚😚 佢嘅湯底唔算好鹹，配料有南瓜、冬菇，仲有粉絲，食完好滿足，如果係冬天食應該一流🤓🤓🤓…查看更多